Tuesday, December 27, 2011

ကျွန်ုပ်သည် တရားအားထုတ်ရမည့်အရွယ်ရောက်နေပြီဖြစ်သော ဘဲကြီး ဖြစ်သည်

ကျွန်ုပ်သည် " တရားအားထုတ်ရမည့်အရွယ်ရောက်နေပြီဖြစ်သောဘဲကြီး" ဖြစ်လေသည်။အနှီးဘဲကြီးသည်
ခရစ်စမတ်ပိတ်ရက်တွင်အခန်းထဲ၌အေးအေးနေကာတရားဓမ္မဖြင့်ပျော်မွေ့မည်ဟူ့စိတ်ကူးထားသော်လည်း
နေ့လည်ခင်းရောက်ရှိသောအခါသူငယ်ချင်းတစ်ဦးမှအရှေ့ဘက်ကမ်းခြေသို့သွားမည်လိုက်ခဲ့ပါဟု ခေါ်ငင်
သော်...ကောက်ကောက်ပါအောင်လိုက်သွားလေတော့သည်...။

ပန်နစူလာတွေလူစုကြသည်။ကျွန်ုပ်အပါအဝင် လေးယောက်ထဲသာဖြစ်သည်။တစ်ယောက်မှာ ရင်းနှီးသော
သယ်ရင်းဖြစ်၏။ကျန်နှစ်ယောက်မှာမူတစ်နှစ်လုံးနေမှ၃ခါထက်ပိုမဆုံဖြစ်သောသိပ်မရင်းနှီးသောသူများဖြစ်
၏။ချီးဗက်ဟူသော အင်မတန်ခေါ်ရဆိုးလှသည့် ဝီစကီလုံးဝယ်ကြ၏။ကြက်ကြော်၊ဝက်ကင်၊အာလူး၊အအေး၊
အစရှိသည်များလည်းဝယ်ကြကုန်၏။သို့နောက် အရှေ့ဘက်ကမ်းသို့ ချီတတ်ကြကုန်သောဟူလို....။
အရှေ့ဘက်ကမ်းရောက်သော် သောက်ကြစားကြသည်။ကျွန်ုပ်ကား မသောက်ချင်....၊မှန်သည်...၊အရက်
မသောက်တာကြာ ကြာလှပြီဖြစ်၍ မသောက်ချင်တော့...၊ထို့ကြောင့် ၂ခွက်ခန့်သောက်ပြီးသော မူးပြီဟု
အကြောင်းပြကာ အမြည်းများချည်းထိုင်စားနေလိုက်တော့သည်..။

ကျွန်ုပ်နှစ်ခွက်နှင့်မူးသည်ဆိုသော်တစ်ဦးသောသယ်ရင်းကဒါလောက်နဲ့မူးရသလား....ဟုရယ်သွမ်းသွေး၏။
ကျွန်ုပ်လည်း ပြင်ပဗဟိန္ဒိအသွင်အပြင်၌မူရှုံကာမဲ့ကာဖြင့် သောက်နိုင်ပါဘူးကွာဟုဆိုနေသော်လည်း၊အတွင်း
အဇ္ဇတ္တထဲကမူ ဝံပုလွေတစ်ကောင်ကဲ့သို့သွားဖြီးကာ ရယ်မောနေမိသည်။ကျွန်ုပ်နုစဉ်အခါက မြန်မာပြည်မှ
အတိုင်းအဆမရှိထုတ်လုပ်သော ပြည်တွင်းဖြစ်ဝီစကီတစ်လုံးလုံးကို လေးဆယ့်ငါးမိနစ်အတွင်း ကုန်အောင်
သောက်ပြီးသည့်တိုင် အိမ်သို့ခြေလှမ်းမပျက်ပြန်ကာ အမေနှင့်ပင်စကားကောင်းစွာပြောနိုင်သည်ကို သူရို့
မသိရှာပေတကား....။

ထိုနောက်ကျွန်ုပ်လည်း ဝိုင်းမှဘေးထွက်ထိုင်ကာ ပင်လယ်ပြင်နှင့်ကောင်းကင်ကြီးကိုငေးကာမောကာကြည့်
နေမိသည်....။ကောင်းကင်တွင်တိမ်သည်ထူထပ်နေ၏။ကျွန်ုပ်ဘူနေသောဘဲကြီး၏ရင်ထဲတွင်လည်းအတွေး
တို့ထူထပ်နေသည်။သယ်ရင်းများကိုကြည့်ရင်း သူရို့ဘာလုပ်နေတာလဲဟုတွေးမိသည်။ငါးမျှားနေသော
မလေးဦးလေးကြီးနှင့်စလုံးအဖိုးကြီးကိုကြည့်ရင်း သူရို့ဘာလုပ်နေတာလဲဟုတွေးမိသည်။အဝေးပင်လယ်မှ
သင်္ဘောကြီးများကိုကြည့်ရင်း ထိုသင်္ဘောကြီးများ ဘာအတွက်လည်းဟုတွေးမိသည်။သမီးရည်းစားစုံတွဲကို
ကြည့်ရင်း သူရို့ဘာလဲ၊ဘယ်လဲဟုတွေးသည်။သောင်ပြင်ပေါ်ဆော့ကစားနေသောကလေးငယ်လေးများကို
ကြည့်ရင်း သူရို့ဘာမှမသိရှာသေးပါလားဟုတွေးသည်။

နောက်ဆုံး ကိုယ့်ဘာသာကိုယ် ငါဘာလုပ်နေမိပါလိမ့်ဟုတွေးမိသည်။ကျွန်ုပ်ထိုင်နေသော ကျောက်ဆောင်
ပေါ်မှငေးမျှော်ကြည့်သည်ရှိသော် ရာပေါင်းများစွာသောပုပုရွရွသောလူများတို့သည် စိတ်လက်ကြည်နူးစွာ၊
ပျော်ရွင်ချမ်းမြေ့စွာ အပန်းဖြေနေကြသည်ကိုတွေ့ရသည်။အကယ်၍ထိုသူများထဲမှတစ်ဦးဦးသည် နက်ဖြန်
တွင်သေဆုံးသွားနိုင်သည်ကို ကြိုတင်သိရှိထားပါက ယခုချိန်တွင် ခုလိုပျော်နိုင်ပါမည်လား....။မသေဟူ၍
မည်သူပြောနိုင်ပါမည်နည်း....။ဆော့ကစားနေသောကလေးငယ်များကိုကြည့်ရင်း မွေးဖွားခြင်းသည် သေဆုံး
ခြင်း၌သာအဆုံးသတ်သည်ဟူ၍လည်းကောင်း၊စုံတွဲများကိုကြည့်ရင်း တွေ့ဆုံပေါင်းသင်းခြင်းကား ဝေးကွာ၊
ကွေ့ကွင်းရခြင်းသာလျှင် အဆုံးရှိသည်ဟူ၍လည်းကောင်း၊ပျော်ရွင်ကြည်နူးနေသူများကိုကြည့်ရင်း ချမ်းသာ၊ကျမ်းမာခြင်းများသည်လည်း အိုမင်း၊ဆုံးရှုံးရခြင်း၌သာအဆုံးရှိသည် ဟူ၍လည်းကောင်း အတွေး
တို့ငွေ့ရည်ဖွဲ့နေမိလေသည်။


မှန်သည်။ကျွန်ုပ်တို့သည် ဘဝဟူသောပင်လယ်ပြင်ကြီးထက်မှ မျောချင်သလိုမျောနေသော ရမက်ဆိုသည့်
ဆင်သေကောင်ကြီး၏ အရသာရှိလှသည်ဟူထင်မှတ်ရသည့် ပုတ်ပွနေသည့်အူစုံအသဲစုံတို့ကိုထိုးကာ၊
ဆိတ်ကာ၊လုကာ၊ယက်ကာစားသောက်ပျော်ပါးနေသော ကျီးများသာတကား....။သို့နှင့်ပင် " ကမ်း " သည်
ဝေးသည်ထက်ဝေးချေပြီ..၊လှမ်း၍ပင်မမြင်နိုင်တော့..။ကမ်းမမြင်လမ်းမမြင်သော ဘဝပင်လယ်ပြင်ကြီးတွင်
စုံးစုံးမြုပ်သည်ထက်မြုပ်ရပေတော့မည်တကား...။သို့သော်ကျွန်ုပ်မှာ ယခုချိန်တွင်လည်း ဆင်သေသားကို
စားလို့ကောင်းတုန်းပင်....။ဆင်သေမှ မစားလျှင်လည်း တခြားစားစရာလည်းမရှိဘူး မဟုတ်ပါလား....။


ညကိုးနာရီခန့်ရှိသော် ပြန်ရန်ပြင်ကြ၏။တက်ဆီငှားကြ၏။ပထမသော် နီးရာ MRT သို့သွားကာ လမ်းခွဲကြ
ဖို့ဖြစ်သည်။ကားပေါ်ရောက်သော် ကျွန်ုပ်လည်းစိတ်ပြောင်းကာအောချက်သို့ချီတတ်ကြမည်ဟု့အဆိုတင်
သွင်းသော် ငြင်းသူမရှိကြပေ။သို့နှင့် အောချက်သို့ရောက်သွားကြ၏။ပိတ်ထားသောအောချက်လမ်းမကြီး
ပေါ်တွင် အားလျားမှောက်၍တစ်မျိုး၊ပက်လက်လှန်၍တစ်ဖုံ၊အမျိုးမျိုးအဖုံဖုံပို့စ်ပေး၍ ဒါ့ပုံရိုက်ကြသောဟူလို။


ထိုမှတဖန်ပြန်ကြမည်ပြင်သော်...တစ်ဦးသောသယ်ရင်းမှ ရောက်လက်စနှင့် ကလပ်သွားမည်ဆိုပြန်၏။
ကျွန်ုပ်လည်း ဒီကကလပ်တွေနာမသိဟုဆိုသော် သူက ညံထှာ ဘာမှပူနဲ့သူသိတယ် ဟုဆို၏။ကျွန်ုပ်လည်း
ဘာမှပြန်မပြောသော်လည်း စိတ်ထဲမှမူ ဒုတိယအကြိမ်မြောက် ဝံပုလွေသွားဖြီးသလို ပြုံးမိ၏။ကျွန်ုပ်သည်
ရှင်ကျားပူရောက်ပြီး လေးဆက်ငါးရက်အတွင်း၊ထိုစဉ်က ကျွန်ုပ်နေထိုင်ရာ Eunos နှင့် တစ်ခေါ်သာဝေး
သော ဂျိုးချက်ဟူသောဗီယက်နမ်ရပ်ကွက်၌လည်းကောင်း၊ထိုဗီယက်နမ်ရပ်ကွက်မှတစ်ပြခန့်ဝေးသော
ဂေလန်း၌လည်းကောင်း၊တန်ဂျွန်ဘာဂါ ဟူသောအရပ်၌လည်းကောင်း၊အော်ချက်တစ်ဝိုက်ရှိပလာဇာစင်
ကာပူရအစရှိသောနေရာများ၌လည်းကောင်း အသီးသီးအသကတည်ရှိကုန်သော ကလပ်များ၊ဘားများ၊
ကာလာအိုကေများ၊ဘီယာပက်များတွင် ညပေါင်းများစွာခြေရှုပ်ခဲ့ဖူးသည်ကို သူရို့မသိရှာကြပါတကားဟူ
တွေးနေမိချေ၏။

ထိုသယ်ရင်းလည်း တစ်ခုသောဘားသို့ ကလပ်ဟူဆိုကာခေါ်သွားလေ၏။ထိုဘားသို့ရောက်သော် စိတ်
သည်ပျက်ခြင်းဖြစ်ရသည်။ထိုဘားကား ဂယောင်ချောက်ခြားကုလားများ၊ချဉ်ချဉ်တူးတူးမူးပြီးရောဆိုသည့်
အဖြူများ၊အိုမင်းရွတ်တွဗထက်ချိုက်မများသာ ကျက်စားသောဘားဖြစ်သည်ကို လွန်ခဲ့သောတစ်နှစ်ကပင်
တစ်ခေါက်၊နှစ်ခေါက်ရောက်ဖူး၍သိနှင့်နေသောကြောင့်ဖြစ်၏။သို့ရောက်သော် ထိုသယ်ရင်းသည် အသက်
၄၀ခန့်ရှိသောဗီယက်နမ်မကြီးနှင့်တွဲ၍ကသောအမှုကိုပြု၏။ကျွန်ုပ်မှာမူ စလုံးအဖိုးကြီးတစ်ဦးနှင့် လေပေး
ဖြောင့်နေလိုက်သည်။စလုံးအန်ကယ်ကြီးမူးယစ်လာပြီဖြစ်၍ ပြန်သွားသည်ရှိသော် ကခုန်နေသောသယ်ရင်း
များနှင့် ကျားကျားမမလူများစုအားထိုင်ကြည့်ရင်း အရှေ့ဘက်ကမ်းမှအတွေးကို ဆက်တွေးနေမိလေသည်။


ကျွန်ုပ်တို့သည် လူ့ဘဝကိုရလာခဲ့ပြီဖြစ်သည်။ဤသည်မှာ သေချာသည်၊သေချာရုံမက နောက်ကြောင်း
ပြန်၍လည်းမရတော့..၊သင် သို့ ကျွန်ုပ် ဘယ်ကလာသနည်း၊ဘာတွေပါလာသနည်း၊မသိနိုင်ပါ၊သိရန်လည်း
မလိုအပ်လှပါ။ဤဘဝနောက် အဘယ်သို့သွားရဦးမည်နည်း၊မသိနိုင်ပါ၊သိဖို့လိုအပ်ပါသလား..၊သင့်အတွက်
မူမသိသော်လည်း ကျွန်ုပ်အတွက်မူ သိရန်မလိုအပ်ဟုထင်သည်။တစ်ဖန်အမှန်တကယ် ဘယ်သို့သွားမည်
ကိုမသိဘူးလားဟု ဘာသာတွေးမိသည်ရှိသော် သိသည်၊အဘယ်သို့နည်းဆိုလျှင် သေခြင်းတရားဆီသို့
ဖြစ်သည်ဟုဆိုရပေမည်။


ကျွန်ုပ်သည် ဘဝကိုခေါက်ချိုးဖြတ်သန်းခဲ့ပြီးဖြစ်သည်။ကျန်တစ်ဝက်ကိုဘယ်သို့ဆက်လက်ခရီးထွက်ရမည်
ကို မတွေးနိုင်ဖြစ်နေရသည်။တွေးရင်းတွေးရင်း ချွေးများပင်ပြန်လာသည်။ညီးစီစီလည်းဖြစ်လာသည်နှင့်
ဆေးလိပ်သောက်ခန်းသွားကာ ဆေးလိပ်သောက်နေလိုက်သည်။ကျွန်ုပ်ဆေးလိပ်သောက်နေသည့်အနား
သို့ အမျိုးသမီးတစ်ဦးသည် ချဉ်းကပ်လာကာ ဆေးလိပ်တစ်လိပ်ကိုထုတ်၏။သူမအိပ်တွင်းသို့ ဟိုနှိုက်၊သည်
ရှာလုပ်၏။ကျွန်ုပ်လည်း အမျိုးသားကောင်းပီသစွာ မီးခြစ်ကိုထုတ်ပြီးလျှင် ဂျိန်းစဘွန်းစတိုင်ဖြင့် မီးညှိပေး
လိုက်လေသည်။ထိုနောက့် ထုံးစံအတိုင်း စကားလက်ဆုံကြသွားလေသည်။သူမသည် ခမာပြည်မှဖြစ်သည်
ဆို၏။ကျွန်ုပ်ကားမယုံချေ။ဗီယက်နမ်မဖြစ်သည်ကို ကြည့်ရုံနှင့်သိ၏။


တစ်ခါက ကာလာအိုကေခန်းတစ်ခုတွင်ဗီယက်နမ်မတစ်ဦးနှင့် ကျွန်ုပ်စကားပြောခဲ့ဖူးသည်။ထိုအမျိုးသမီး
သည် တခုလပ်မလေးဖြစ်သည်။သူမတွင်သမီးလေးတစ်ဦးရှိလေသည်။သူမဖုံးလေးအတွင်းမှ သူမသမီးလေး
၏ဗီဒီယိုအပိုင်းအစလေးကိုကျွန်ုပ်အားပြဖူးလေသည်။ဖြူဖြူဖွေးဖွေးချစ်စရာသမီးလေးသည် ဆန်ပြုတ်ကို
အားရပါးရခပ်သောက်နေသည်မှာ ချစ်စရာပင်ကောင်းသေးတော့သည်။ဗီဒီယိုကိုကြည့်နေသည့် သူမ၏
မျက်ဝန်းများသည် မိခင်တစ်ယောက်၏ချစ်ခြင်းတို့ဖြင့် တောက်ပလျက်ရှိသည်ကို ကျွန်ုပ်တွေ့မြင်နေရ၏။


သူမ၏နှုတ်ခမ်းများသည် သူမကြိမ်ဖန်များစွာကြည့်ပြီးဖြစ်သည့် ကလေးပုံကိုကြည့်နေရင်း ပြုံးယောင်သန်း
လာသည်ကိုတွေ့ရသည်။သူမ၏မျက်နှာတွင် ငါသာဒီဘဝအရောက်ခံမည်။ငါ့သမီးလေးကိုတော့ ဒီလိုမဖြစ်
စေရ ဟူသောမိခင်တစ်ယောက်၏မာန်ကို အထင်းသားတွေ့နေရသည်...။ထိုနေ့က ကျွန်ုပ်သည် ပိုက်ဆံ
အိပ်ထဲရှိသမျှပိုက်ဆံကို သူမအားမုန့်ဖိုးအဖြစ်ပေးခဲ့ပြီး အိမ်သို့လမ်းလျှောက်ပြန်လာခဲ့ဖူးသည်ကို ပြန်လည်
အမှတ်ရနေမိသည်။


 ဘဝများသည် ပင်ပန်းလှပါသည်။ကြမ်းတမ်းလှပါသည်။ထိုပင်ပန်းကြမ်းတမ်းလှသော ဘဝများ၏အဆုံး
သည် သေခြင်းတရားသာလျှင်ရှိသည်။သို့သော် ကျွန်ုပ်တို့သည် ထိုသေခြင်းတရားဆီသို့ ခက်ခဲစွာ
တစ်ရွေ့ရွေ့ သွားလျက်ပင်ရှိသေးသည်။ကျွန်ုပ်တို့ ထိုသို့သွားနေရခြင်းသည် ဘာအတွက်ပါနည်း။အဆုံး
လျှင်သေခြင်းတရားသာရှိသော်လည်း ဘာကြောင့်များ ပင်ပန်းခက်ခဲစွာသွားနေရပါသနည်း။ရွေးချယ်ရ
လွယ်ကူသောသေခြင်းတရားကို အဘယ်ကြောင့် လူများစုကြီးသည် မရွေးချယ်ဝံပါသနည်း။ဘာသာရေး
ကြောင့်လော...။ဘဝကိုချစ်သောတဏှာက အားကောင်းနေသောကြောင့်လော...။

ကျွန်ုပ်တို့ ခုချိန်တွင်ပင်ပန်းစွာရပ်တည်ရုန်းကန်နေကြခြင်းသည် ကျွန်ုပ်တို့၏ နောင်မျိုးဆက်များအတွက်
သက်သက်လော...။ကျွန်ုပ်တို့ဘာအတွက် ဖြစ်တည်၊တည်ရှိနေကြပါသနည်း။အဆုံးတစ်နေ့တွင် ကမ္ဘာကြီး
ကိုယ်တိုင် ပျက်ဆီးခြင်းဖြင့် အဆုံးသတ်ရမည်မဟုတ်တုံလော...။လူ့ပြည်လောကကြီးအတွင်းသို့ လူသား
ငယ်တစ်ဦးကို ခေါ်ငင်လာခြင်းသည် ထိုကလေးအားဒုက္ခနွံအတွင်းဆွဲသွင်းလိုက်သလိုသာဖြစ်နေသည်မ
ဟုတ်ပါလော....။အကယ်၍ ဤအတွေးများသည် အဆိုးမြင်သည်ဟူဆိုသော် ကျွန်ုပ်မငြင်းနိုင်ပါ။သို့သော်
အကောင်းကိုဘယ်လိုမြင်ရပါမည်နည်း...။နှစ်သစ်များစွာကို အကောင်းမြင်ဖြင့် ကျော်ဖြတ်ခဲ့ပေါင်းများခဲ့ပြီ
ဖြစ်သည်။


သို့သော် တစ်နှစ်ပြီးတစ်နှစ် ကြပ်တည်းသည်ထက်ကြပ်တည်းလာသည်ကိုလည်း ကျွန်ုပ်တို့ မငြင်းနိုင်ခဲ့ပါ။
ကြပ်တည်းကျဉ်းမြောင်းလာသည်ဆိုသည်မှာ ငွေရေးကြေးရေးကိုမဆိုလိုပါ။ဘဝနေမှုကိုသာဆိုလိုပါသည်။
သဘာဝဘေးများသည် ပို၍ဆိုးရွားလာပြီဖြစ်သည်။ရောဂါဘယများပို၍ထူပြောလာပြီဖြစ်သည်။လူတို့သည်
မဆုံးသောရုပ်ဝတ္ထုများနောက်လိုက်ရင်း နစ်သည်ထက်နစ်လာပြီဖြစ်သည်။



ကျွန်ုပ်သည် ကျွန်ုပ်ထံမှတစ်စုံတစ်ရာသောစကားကိုငံလင့်နေဟန်ရှိသော ထိုအမျိုးသမီးအားမသိကျိုးကျွန်
ပြုပြီး လျှင်ဆေးလိပ်သောက်ခန်းထဲမှပြန်ထွက်လာခဲ့သည်.သူငယ်ချင်းများအားပြန်ကြမည်ဟူခေါ်ငင်ခဲ့ပြီး
လျှင် အနှီးဘားအတွင်းမှအောင်မြင်စွာ ပြန်လည်ထွက်ခွာလာခဲ့ပါတော့သည်။အပြင်ရောက်သော် သယ်ရင်း
နှစ်ဦးအား တက်ဆီပေါ်တင်ပေးလိုက်ပြီးလျှင် ကျွန်ုပ်နှင့် ကျန်တစ်ဦးသည် ဘီယာတစ်ယောက်တစ်ဘူးဆီ
သောက်ရင်း လမ်းဘေးခုံတန်းလျားတွင်ထိုင်ကာ မြန်မာပြည်နိုင်ငံရေးအကြောင်းများအား ထင်ရာမြင်ရာ
အာဝါဒါးထိုင်ဖုတ်နေကြသေးသည်။

အတော်လေးလေပန်း၍ညောင်းညာလာသည်ရှိသော် အောချက်လမ်းမကြီးတစ်လျှောက် လမ်းလျှောက်ကြ
လေသည်...။တစ်ခုသောလမ်းအတွင်းတွင် ကလပ်နှင့်ဘားများမှထွက်လာ၍ တစ်စုံတစ်ရာကို ဈေးကွက်
တင်ရောင်းချလျက်ရှိသော အမျိုးသမီးတစ်စုရှိရာသို့ချဉ်းကပ်ပြီးလျှင် ဈေးစနည်းနာ၏။၁၅၀ ဟုဆိုသော်
၁၀၀နှင့်ဆစ်၏။မရ..၊ထိုနေရာတွင်နာရီဝက်ခန့်ထိုင်ကာ နွားပွဲဈေးတွင်နွားများကြည့်နေသလိုမျိုးကြည့်နေ
လေတော့သည်။ခဏအကြာ တစ်ဦးအာချဉ်းကပ်၍မေးသော် ၁၀၀ ဟုဆို၏။၈၀နှင့်ဆစ်၏။မရ...။အသာပြန်
ထိုင်နေ၏။ခဏကြာသော် အခြားတစ်ဦးအားမေးပြန်သည်။ ၈၀ဟုဆိုသော် ၅၀နှင့်ဆစ်သည်၊မရပါ...။

အမှန်ဆိုရသော် ကျွန်ုပ်တို့နှစ်ဦးသည် သက်သက်မဲ့ အပျော်လျှောက်မေးနေခြင်းသာဖြစ်သည်။အချိန်သည်
မနဲလှတော့ပါ။ရထားလာရန်အချိန်နီးကပ်နေပြီဖြစ်သဖြင့် ဘူတာရုံသို့ပြန်လာခဲ့ကြတော့သည်။လမ်းတွင်
တွေ့သောအမျိုးသမီးနှစ်ဦးအား လိုက်ခဲ့မလားဟုသွားနှုတ်ဆော့ရာ တကယ်လိုက်လာမည်လုပ်နေသဖြင့်
သူငယ်ချင်းဖြစ်သူက မုန့်ဖိုးတစ်ယောက်တစ်ဆယ်ပေးပြီး မနဲထွက်လာခဲ့ရသေး၏။ကျွန်ုပ်တို့ကား ကိုယ့်
ဒွတ်ခကိုယ်ရှာကြသော ဘဲကြီးများသာဖြစ်ချေတော့သည်တစ်မုံ....။


ခရစ်စမတ်အပြီးနောက်တစ်နေ့မနက်၏ပထမဆုံးရထားတွင် လူသည်ပြည့်လျက်ရှိသည်။ထိုင်စရာနေရာမရ
ချေ။တချို့သည် အလုပ်ဆင်းရသည်ဖြစ်၏။တချို့သည်ကျွန်ုပ်ကဲ့သို့အပျော်ကျူးကာပြန်လာကြသောသူများ
ဖြစ်၏။ရထားပေါ်တွင် တစ်ဦးသော ရုပ်ဆိုးဆိုး မလေးတစ်ယောက်သည် သူ၏ပန်းသီးကွန်ပြူတာထဲမှ သူ့
ဓာတ်ပုံကို ဖိုတိုရှော့ဖြင့် အမျိုးမျိုးအဖုံဖုံပြင်နေသည်ကို ရထားမှန်ထဲမှတစ်ဆင့် မြင်နေရသည် ဖြစ်ရာ
ကျွန်ုပ်လည်းပြုံးမိလေသည်။လူငယ်လေးတစ်ဦးသည် ကျောပိုးအိပ်ကိုကျစ်ကျစ်ပါအောင်ဆုတ်ကိုင်ထားရင်း
ငိုက်လျက်ရှိသည်ကိုတွေ့ရသည်။အန်ကယ်ကြီးတစ်ဦးကမူ သတင်းစာတစ်စောင်ကို စိတ်ဝင်တစားဖတ်နေ
သည်။အမျိုးသမီးတစ်ဦးသည် မှန်ဝိုင်းလေးကိုထုတ်ကာ အလှပြင်ခြင်းအမှုကိုပြုနေသည်ကိုလည်းမြင်တွေ့ရ
သည်။

ကျွန်ုပ်တို့သည် ဘဝပင်လယ်ကြီးအတွင်းတွင် အဆင်ပြေသလိုပင် ဆင်သေကိုစီးကာ ခရီးကိုဆက်လျက်
ရှိနေကြသည်။တစ်ရွေ့ရွေ့တွားသွားဝင်ရောက်လာပြီဖြစ်သော သေခြင်းတရားကို မေ့လျော့ကာနေကြ၏။
သေခြင်း၏တံခါးတစ်ဘက်၌ဘာရှိသည်ကိုလည်း မမြင်နိုင်၊ဘာမှမရှိခြင်းလည်းဖြစ်ချင်ဖြစ်နေနိုင်သည်။
မည်သို့ပင်ဖြစ်စေ ကျွန်ုပ်တို့သည် တိုသောဘဝထဲ၌ ချိုသောရသာကို ရှာကာဖွေကာ နေသာသလိုနေနေ
ကြလေသသည်။နက်ဖြန်တွင် ပိုမိုကောင်းမွန်လာနိုင်သောကမ္ဘာကြီးအဖြစ် ရိုးသားစွာ အကောင်းမြင်ကြည့်
ရင်း အဆိုးများကိုရင်ဆိုင်ကျော်ဖြတ်နေကြရသည်။

ဘဝအဓိပ္ပာယ်နှင့် ဘဝသစ္စာကား....ဘာပါလဲ....၊ဘဝသည် ဘယ်သို့ပါနည်း....။ကျွန်ုပ်မသိပါ။ဆက်လည်း
မတွေးတတ်တော့ပါ...။မှန်ပါသည်ရဲဘော်....။ကျွန်ုပ်သည် တရားဓမ္မကိုရှာဖွေအားထုတ်ရန် အရွယ်သို့
ရောက်နေပြီဖြစ်သော ဘူနေသောဘဲကြီး သာလျှင်ဖြစ်သည်။သို့သော် ကျွန်ုပ်သည် ကျွန်ုပ်လက်လှမ်းမမှီ
နိုင်သော အတွေးများဖြင့်သာလုံးလည်ပတ်ချာလည်လျက် ဘဝတိုတိုတွင် ရသာချိုချိုကိုသာ ရှာလျက်ရှိနေ
မိသေးပါသည်တကား......။

Saturday, December 24, 2011

ခရစ်စမတ်နဲ့ နှစ်သစ်ကူး မှာ


လင်းရေ......

ဘာလိုလိုနဲ့ခရစ်စမတ်နဲ့ ဘိလပ်နှစ်ကူးတောင်ရောက်လာပြီနော်...။ကိုယ်တွေအတွက်ကတော့ခရစ်စမတ်
ဆိုတာပိတ်ရက်တစ်ရက်ဖြစ်တာကလွဲလို့သိပ်တော့ထူးခြားလှတယ်မဟုတ်ပါဘူးလေ....။ခရစ်စမတ်နဲ့ပတ်
သက်တဲ့အမှတ်တရတွေလို့လည်း ထူးထူးခြားခြားမရှိလှပါဘူး...။ဒါပေမယ့်ကိုယ်ခရစ်စမတ်ကိုချစ်တယ်လင်း
ရဲ့...၊ခရစ်စမတ်ရက်တွေမှာအိမ်ကိုသီချင်းလာဆိုကြတဲ့ခရစ်ယန်မိတ်ဆွေတွေကိုလည်းသဘောကျတယ်...။
အင်း...ဒီနိုင်ငံမှာတော့ ဒီလိုမျိုးမရှိကြဘူးကွယ့်....။ဆိုတော့ ခရစ်စမတ်ရောက်ရင်အထွေအထူးစိတ်လှုပ်ရှား
တာမျိုးမရှိပေမယ့် ပျော်တော့ပျော်ပါရဲ့...။

လင်းသိတဲ့အတိုင်းပဲလေ....ကိုယ့်မိဘတွေက ရှေးရိုးဆန်တဲ့ဗုဒ္ဓဘာသာဝင်တွေဆိုတော့ အိမ်မှာ ခရစ်စမတ်
သစ်ပင်တွေဘာတွေလည်းမလုပ်ပါဘူး...၊မီးတွေဘာတွေလည်းအလှဆင်လေ့ဆင်ထမရှိလှပါဘူးလေ...။
ခရစ်စမတ်ပိတ်ရက်မှာ အပျော်ခရီးထွက်တာမျိုးလည်းဝေလာဝေးပဲ လင်းရဲ့...။ဒါပေမယ့် ကိုယ်တော့ ခရစ်
စမတ်ကာလမှာ ခရီးတစ်ခုခုတော့ထွက်ချင်သား...၊ဒါကြောင့်ဒီနှစ်မှာ မလေးဘက်သွားမလို့စီစဉ်သေးရဲ့..။
ကံဆိုးချင်တော့ လင်းရေ....၊ကိုယ်ပတ်စပို့စာအုပ်အသစ်လုပ်လိုက်ရတော့ မလေးဗီဇာပြန်လျှောက်ဖို့
အကြောင်းပေါ်လာရော...၊စာအုပ်အသစ်ကိုယ့်လက်ထဲရောက်တာနောက်ကျ၊တစ်ခါ ဒီရက်ပိုင်းအလုပ်တွေ
ရှုပ်နေလို့ ဘယ်မှမသွားနိုင်ဖြစ်နေတာနဲ့ ဗီဇာလျှောက်ဖို့အချိန်မရတော့ဘူးလေ....။မလေးဗီဇာကလည်း
ငါးရက်တောင်ကြာသကွယ်...။ဆိုတော့ ဒီနှစ်တော့ ခရစ်စမတ်မှာ ဘယ်မှမသွားဖြစ်တော့ပါဘူးလေ....။
နောင်နှစ်မှာတော့ ခရီးထွက်နိုင်အောင်ကျိုးစားကြည့်ရမှပဲလင်းရ....၊အခြေအနေပေးမယ်ဆိုရင် ခရစ်စမတ်
ကာလကို နှင်းတွေ ဝေနေအောင်ကျ နေတဲ့ နိုင်ငံတစ်ခုခုမှာကုန်ဆုံးမိချင်ရဲ့...။ကိုယ့်ဘဝမှာ ခုချိန်ထိ နှင်း
တွေဝေနေတဲ့ နေရာတစ်ခုခုကို တစ်ခါမှမရောက်ဖူးသေးဘူးလေ....။

လင်းရေ.....

ကိုယ်တို့နဲ့ခရစ်စမတ်က ထွေထွေထူးထူုးပတ်သက်လှတာမဟုတ်တော့ ခရစ်စမတ်မှာ ဘယ်သူ့ကိုမှ
လက်ဆောင်တွေဘာတွေမပေးဖြစ်သလို၊ဘယ်သူကမှလည်း ကိုယ့်ကိုလက်ဆောင်လာပေးတာမျိုး၊ပို့စကပ်
လေးတွေပေးတာမျိုးမရှိပါဘူးလေ...။ငယ်ငယ်ကတော့ ခရစ်စမတ်ရောက်ရင် စန်တာကလော့ဘိုးဘိုးကြီး
များ လက်ဆောင်လာပေးလေးမလားရယ်လို့မျှော်လင့်မိသပေါ့...။တစ်ခါမှမရဖူးပါဘူး...၊ကလေးဆိုတော့
ကိုယ်ကခရစ်ယန်မဟုတ်လို့နေမယ်လို့တောင် တွေးမိသေးရဲ့.....:)))။

လင်းရေ.....

ခရစ်စမတ်ထက်စာရင် ဘိလပ်နှစ်ကူးကပိုပျော်ဖို့ကောင်းတာတော့အမှန်...။ဟိုတုန်းကတော့ နှစ်ကူး
အကြိုညမှာ သူငယ်ချင်းတွေစုပြီး စားကြသောက်ကြ၊ကာရာအိုကေတွေအော်ကြပေါ့လေ...။နှစ်ကူးအကြို
ကာလ ည၁၂နာရီထိုးကာနီးပြီဆို ကိုယ်ဆီအရက်ခွက်လေးတွေကိုင်လို့ countdown လုပ်ပြီး ၁၂နာရီ
ထိုးတာနဲ့ Happy New Year 20-- ဆိုပြီးသံပြိုင်အော်ဟစ်ခဲ့ကြတာပေါ့...။ခုတော့လည်း ဒီလိုမျိုး မလုပ်ဖြစ်
ခဲ့တော့တာ ကြာ ကြာလှပေါ့....။အသက်လေးလဲရလာပြီဆိုတာ အဲဒီလိုမျိုးတွေလည်း မလုပ်ချင်တော့ပါဘူး
လေ...။ဘာပဲပြောပြော နှစ်ကူးအကြိုညကို ကိုယ်ချစ်ခင်ရတဲ့ သူငယ်ချင်းတွေနဲ့ ကုန်ဆုံးစေချင်သေးရဲ့...။
တစ်နှစ်နှစ်မှာပေါ့လေ....။

ကိုယ့်စိတ်ကူးထဲမှာတော့ နှစ်ကူးအကြိုညကို ဘယ်လိုနေရာမျိုးမှာတော့ဖြင့်ကုန်ဆုံးစေချင်တယ်ဆိုတာမျိုး
မရှိလှပါဘူး...။သို့ပေမယ့် ဖြစ်နိုင်မယ်ဆိုရင် ကချင်ပြည်နယ်ကမြစ်ဆုံမှာ သူငယ်ချင်းတွေနဲ့အတူ နှစ်သစ်
ကိုကြိုလိုက်ချင်သေးရဲ့...။ဒါမှမဟုတ် ကမ်းခြေတစ်ခုခုမှာပေါ့...။ပိုပြီးဖြစ်ချင်တာက ကိုယ်ခင်မင်ရတဲ့
ဘလော့ဂါတွေတစ်စုတစ်ဝေး ဝိုင်းဖွဲ့ပြီး နှစ်သစ်ကိုကြိုဆိုချင်ပါသေးတယ်...။တစ်နှစ် နှစ်မှာပေါ့လင်းရာ...။
လက်တွေ့ဆိုတာ စိတ်ကူးကစတင်ရတာပဲမဟုတ်လားနော့...။

လင်းရေ.....

ကိုယ့်အတွက်တော့ နှစ်သစ်ကူးရက်မှန်သမျှဟာ ပျော်စရာ၊ကြည်နူးစရာတွေနဲ့ပဲ ကုန်ဆုံးစေခဲ့တာပါပဲ....။
နှစ်သစ်ကူးရက်မှာ တစ်ခုခု၊တစ်ယောက်ယောက်ကို လွမ်းဆွေးတမ်းတနေမိတာမျိုး၊ကုန်ဆုံးသွားတော့မယ့်
နှစ်ဟောင်းကာလတွေကို လွမ်းတသနေမိတာမျိုး၊နှစ်ဟောင်းကိုမကုန်ဆုံးစေချင်တာမျိုးတော့မရှိခဲ့ပါဘူး။
ရောက်ရှိလာမယ့်နှစ်သစ်မှာ ဘာတွေဖြစ်မြောက်အောင်လုပ်လိုက်မယ်၊ဘယ်လိုမျိုးကျော်ဖြတ်မယ်ဆိုတဲ့
နှစ်သစ်ကူးသံဓိဌာန်တွေဘာတွေလည်းမချမိပါဘူး....။တကယ်လို့ ချခဲ့မယ်ဆိုရင်လည်း ပျက်ဖို့သာများ
မယ်ထင်ရဲ့....:))။

ဘာပဲပြောပြောလင်းရေ..၊ခရစ်စမတ်နဲ့ နှစ်ကူးကာလတွေကို ကိုယ်တို့ကျော်ဖြတ်ခဲ့ပေါင်းများလှပြီပေါ့နော်။
နှစ်ဟောင်းတွေကိုလည်း ပျော်ရွင်ကြည်နူးခြင်း၊ဝမ်းနည်းစိတ်မကောင်းခြင်း၊အဆင်ပြေခြင်း၊အဆင်မပြေခြင်း
တွေနဲ့အတူ ထားခဲ့ပေါင်းလဲများလှရောပေါ့...၊နှစ်သစ်ပေါင်းများစွာကိုလည်း အသစ်အသစ်သော မျှော်လင့်
ချက်တွေနဲ့အတူ ကြိုခဲ့ကြပြီးပြီနော်...။လူဆိုတာ မျှော်လင့်ချက်နဲ့အသက်ရှင်နေကြသူတွေဖြစ်တဲ့အတိုင်း၊
လာမယ့်နှစ်သစ်ကိုလည်း ဒီထက်ပိုမိုကောင်းမွန်လာမယ့် ကမ္ဘာကြီး၊စစ်ပွဲနဲ့ပဋိပက္ခတွေ မရှိတော့တဲ့ကမ္ဘာ
ကြီးအဖြစ် မျှော်လင့်ရင်း ကြိုဆိုလိုက်ကြရအောင်လားနော်.....။


(ညီမကန်ဒီ တဂ်လို့ရေးဖြစ်တဲ့ တဂ်ပို့စ်လေးပါခင်ဗျာ...၊တဂ်ပို့စ်တွေရေးရတာ စိတ်ဝင်စားသလို၊တခြား
တခြားသော ရေးဖော်ဘလော့ဂါတွေကိုလည်း တဂ်ချင်မိပါရဲ့..၊သို့ပေမယ့် သူရို့ ရေးဖို့ရာ အားမအား၊
ရေးချင်သော စိတ်ဆန္ဒပေါ်မပေါ်ဆိုတာ မသိနိုင်တာမို့ အားနာစိတ်နဲ့ ဘယ်သူ့ကိုမှ မတဂ်တော့ပါဘူး
ခင်ဗျာ။အားလုံးပဲ ပျော်ရွင်ကြည်နူးဖွယ်ကောင်းသော ခရစ်စမတ်နှင့်နှစ်ကူးကာလလေးကို ပိုင်ဆိုင်နိုင်ကြ
ပါစေခင်ဗျား....)

Thursday, December 22, 2011

ပန်းသီးကြွက်ကိုက်ထဲမှ ဗုံကြီးသံ နှင့် ဘဝထဲမှအတွေး၊အတွေးထဲမှဘဝ

တစ်နေ့မှာ ထုံးစံအတိုင်း ကွန်ပြူတာလေးတစ်လုံးနဲ့ တောဝင်တောင်ချက်လုပ်ရင်း သင့်ပြွန် ထဲမှာ သီချင်း
တွေမွှေနှောက်ရှာဖွေနေတုန်းဗုံကြီးသံတီးလုံးလေးသွားတွေ့ရော...၊တွေ့တော့သဘောကျသွားသပေါ့လေ။
သဘောကျသွားတော့ ဒီတီးလုံးလေးကို ringtone အဖြစ်ဖုံးထဲ ထည့်ထားချင်စိတ်ပေါက်လာတယ်ဗျိုး....။
ခက်တာက လက်ရှိကျွန်တော့်ပန်းသီးကြွက်ကိုက်ဖုံးထဲ ကိုယ်ထည့်ချင်တဲ့ရင်းတုံးကိုဘယ်လိုထည့်ရမယ်မှန်း
မသိဘူးဗျ...။ရဲဘော်တို့သိတော်မူကြတဲ့အတိုင်း ပန်းသီးကြွက်ကိုက်ဖုံးဆိုတဲ့ အိုင်ဖုံးကလည်း တခြားဖုံးတွေ
လို ဘယ်အရာမှလွယ်လွယ်ကူကူ လုပ်ရတယ်မဟုတ်....။

ပြောရရင် ဒီပန်းသီးကြွက်ကိုက်ဖုံး ကိုကြိုက်လှတယ်တော့မဟုတ်ဘူးရယ်...။ဒါဖြင့် ဘာလို့ကိုင်သလဲဆိုရင်
ပန်နစူလာမယ်၊ရထားပေါ်မယ် သူများတွေ အိုင်ဖုံးလေးတပွတ်ပွတ်နဲ့ဆိုတော့လည်းကိုယ်လည်းပွတ်ချင်သ
ပေါ့လေ...။အံမယ်....အဲ့တုန်းက ပန်းသီးကြွက်ကိုက်လေး ကိုရဖို့ကို စတားဟပ်ဖုံးဆိုင်မယ် မနက်ခုနှစ်နာရီ
လောက်ကတည်းကသွားတန်းစီရသဗျ...၊အဲ့ဒီအချိန်က တစ်နေ့မှအလုံး၁၀၀ လောက်ပဲချပေးသကိုး...။
အဲ့ဒီလို သူများယောင်လို့လိုက်လို့ယောင်အမောင်တောင်မှန်းမြောက်မှန်းမသိဆိုသလိုပဲဖုံးနဲ့ပတ်သက်ရင်
ဘာမှလုပ်တတ်ကိုင်တတ်တာမဟုတ်...၊ကိုယ်ကလည်း ခေတ်ကာလ လောကဓာတ်ပညာရပ်တွေနဲ့ ဝေးသကိုး
ဗျာ....။

ဆိုတော့ နီးစပ်ရာကို မေးရမြန်းရတယ်ခင်ဗျ...၊နီးစပ်ရာဆိုလို့ အဲ့အချိန်မယ် အွန်လိုင်းပေါ်ဖလန်းဖလန်းထ
ပြီး လူတစ်ကာကို လိုက်နှောက်ယှက်နေသူဆိုလို့ မဒိုးကန် တစ်ယောက်ပဲတွေ့တော့ သူ့ပဲမေးရတယ်...။
သူက တစ်လောကမှ သူ့ဂျစ်ဂျစ်ကိုရင် ဝယ်ပေးထားတဲ့ ပန်းသီးဖိုးအက်ကြီးနဲ့ကိုး...။သူများသိမလားလို့
လှမ်းမေးကြည့်တော့ ဘာပြောတယ်မှတ်သတုန်းရဲဘော်တို့...၊ဒါလေးများ သင့်ပြွန်ထဲဝင်ရှာကြည့်တဲ့...၊
တွေ့ရင်သူ့ကိုလည်းပြောပြတဲ့....မှတ်ကရော.....:)))

ဆိုတော့ သင့်ပြွန်ထဲဝင်ရှာပါတယ်...၊တွေ့ပါတယ်...။တွေ့တော့ ကလိပါတယ်....၊ကလိတော့ရပါတယ်...။
ရတော့ မဒိုးကန်ကို ရကြောင်းသတင်းပို့တော့ အဲ့သာကိုပို့စ်အဖြစ်တင်ပါ...။မတင်ရင် သူ့ကိုရင်ဂျစ်ဂျစ်ဂျီး
နဲ့ တိုင်ပြောပါ့မယ်လုပ်ရော...၊(သူ့ကိုရင်ကိုများ သူကြောက်သလို လူတစ်ကာကြောက်မယ်ထင်နေသလား
မသိပါဘူးဗျာ...၊သူတောင် ကြောက်ချင်ယောင်ဆောင်နေတာ မသိ ကြနေတာပဲ....:))အဲ့ဒါနဲ့ မဒိုးကန်နှင့်
တစ်ကွ သပ္ပူရိသအပေါင်းသူတော်ကောင်းတို့ ပန်းသီးကြွက်ကိုက်ထဲ ရင်းတုံး ထည့်နည်းနိဿရည်းကို သိကြစေဖို့ရာ ဆရာကြီး လုပ်လိုက်ရပါတယ်...။အတော်များများတော့ သိကြမှာပါ။သိပြီးကြရင်ပဲဖြစ်ဖြစ်၊
ပန်းသီးကြွက်ကိုက်နဲ့ မပတ်သက်ကြရင်ပဲဖြစ်ဖြစ် ဒီစာပုဒ်ကိုကျော်သာချပလိုက်ကြပါဗျိုး....။ကျွန်တော်
ကိုယ်တိုင်လည်း အပေါ်မှာရေးခဲ့သလိုပါပဲ၊ဂဃနဏ သိလှတယ်မဟုတ်ပါဘူး...၊ဆိုတော့ စလိုက်ကြရ
အောင်ဗျနော်...။

(၁) ကွန်ပြူတာထဲမှ itunes နှင့် ဖုံးကိုချိတ်ဆက်လိုက်ပါ။itunesထဲမှ ကိုယ်ကြိုက်နှစ်သက်ရာသီချင်းတစ်ပုဒ်
ရွေးပြီး ဘယ်ကလစ် တစ်ချက်ကလစ်ထားလိုက်ပါ။ပြီး itunes ၏ Edit >>> Preference ဆီသွားပါ။
Preference ကို ဘယ်ကလစ် လိုက်ရင် window တစ်ခုကျလာပါလိမ့်မယ်။အဲဒီမှာ Ringtone သို့ tone
 ဆိုတာတွေ့ပါလိမ့်မယ်..။အဲ့ကောင်ကို အမှန်လေးခြစ်ထားပေးလိုက်ပါ။ OK ကိုနှိပ်ဖို့ကိုလည်းမမေ့ပါနဲ့
ခင်ဗျား...။


(၂) နောက် မိမိကွန်ပြူတာရဲ့ Folder option >>> view ကိုသွားပါခင်ဗျ။အဲဒီမယ် Hide extension for
known file types နှင့် Hide empty drives in the computer folder ဆိုတာတွေ့ပါလိမ့်မယ်။ အဲဒီနှစ်ခု
မှာ အမှန်ခြစ်ထားတာကို ဖျက်ပလိုက်ပါ။



(၃)ကိုယ်ရွေးထားတဲ့သီချင်းကို ညာကလစ်တစ်ချက် ကလစ်လိုက်ပြီး Get info>>> option ဆီသွားပါ။
အဲဒီမှာ start time နှင့် stop time ကိုပြင်ပါ။အချိန်ကို စက္ကန့်၃၀ပဲထားပါ။ဆိုလိုတာက 0:05 ကို stat time
ထားရင် stop time ကို 0:35 ပဲထားပေးပါ။ပြီး ok နှိပ်ပေးပါဦးနော့။


(၄)တစ်ခါ itune ရဲ့ Advaence >>> AAC version  ကို တစ်ချက် ဘယ်ကလစ်ခေါက်လိုက်ပါ။ခဏ
စောင့်ပါ။ကိုယ်ရွေးထားတဲ့သီချင်းအောက်မှာ စက္ကန့်၃၀စာ သီချင်းပေါ်လာပါလိမ့်မယ်။ဒါဆိုရင်တော့ ပြီးသ
လောက်ရှိသွားပါပြီခင်ဗျ...။


 

(၅)နောက်ဆုံးအနေနဲ့ အဲဒီအသစ်ပေါ်လာတဲ့သီချင်းကို ညာကလစ် တစ်ချက်ကလစ်လိုက်ပါ။ပေါ်လာတဲ့
window မှာ show window exploer ဆိုတာကိုတွေ့ပါလိမ့်မယ်။ အဲ့ဒါကို တစ်ချက်ကလစ်လိုက်ရင်
window တစ်ခုထပ်ကျလာပါလိမ့်မယ်။အဲဒီမှာ ခုဏကသီချင်းကိုတွေ့ရမှာပါ။ညာကလစ်တစ်ချက် ကလစ်
ပြီး rename ဆီသွားပါ။သီချင်းနာမည်ရဲ့နောက်ဆုံးစာလုံးဖြစ်တဲ့ ' a ' ကို ' r ' လို့ပြင်လိုက်ပါခင်ဗျ...။ဆိုလို
တာကဗျာ ET.(Remix).m4a ကို ET.(Remix).m4r လို့ပြင်လိုက်ရုံပါပဲ။

ပြင်ပြီးရင် enter တစ်ချက်ခေါက်လိုက်ပါဦး။ If you change afile --- --- ---unusable. Are you sure
you want to change? လို့မေးပါလိမ့်မယ်။မကြောက်ပါနဲ့ ရဲရဲကြီးသာ yes ကိုနှိ်ပ်လိုက်ပါဗျား.....:))
ပြီးရင်တော့ အဲဒီသီချင်းကို ဘယ်ကလစ်ဖိဆွဲပြီး itunes library ရဲ့ ringtone သို့ tone ထဲသို့ draw draft
ဆွဲချလိုက်ပါ။ပြီးရင်တော့ tone ကို " Sync " လုပ်လိုက်ပါဗျား...။" Sync " လုပ်တာတော့ လူတိုင်းသိပါလိမ့်
မယ်။ဒါဆို ပန်းသီးကြွက်ကိုက်ထဲ ringtone များရောက်သွားပါပြီခင်ဗျ။အဆင့်(၁)နှင့်(၂)ကတစ်ခါလုပ်ထား
ပြီးရင်နောင်လုပ်စရာမလိုတော့ပါဘူး။

(မျှားပြထာတဲ့အတိုင်း draw draft ဆွဲခုယူလိုက်ပါ)
~~~~~~~~~~~~~~~

အဲဒီလိုဖုံးတစ်လုံးနဲ့အရှုပ်တွေလုပ်နေတုန်းမယ် ဖျက်ဆိုသွားသတိရမိတာကတော့ ကျွန်တော့်မေမေ 
မကြာခဏပြောလေ့ရှိတဲ့ မရှိတောင့်တ၊ရှိကြောင့်ကြ ဆိုတဲ့စကားလေးကိုပါ။ဟုတ်ပါတယ်...၊မရှိတော့လည်း
မရှိလို့ တောင့်တမိသလို၊ရှိတော့လည်း ပူရပင်ရ ကြောင့်ကြရတဲ့အပြင် အပိုအလုပ်တွေကလည်းရှုပ်လိုက်ပါ
သေးတယ်...။

နောက်ထပ်တွေးမိတာကတော့ လောကဓာတ်ပညာတွေ ထွန်းကားသည်ထက်ထွန်းကားလာတာနှင့်အမျှ
ကျွန်တော်တို့သုံးစွဲနေတဲ့ ပစ္စည်းတွေရဲ့ မူလရည်ရွယ်ချက်က အဓိက ကနေ သာမည ဖြစ်သွားတတ်တာ
ကိုပါပဲ။ဖုံးတွေကိုပဲကြည့်ပါ...။သူ့ရဲ့မူလရည်ရွယ်ချက်က အဝေးတစ်နေရာဆီက လူနှစ်ဦး စကားပြောနိုင်
ကြဖို့ပါ..။ဒါပေမယ့် ယခုချိန်မှာတော့ ဖုံးတစ်လုံးရဲ့ အသုံးဝင်မှုဟာ စကားပြောဖို့တင်မဟုတ်တော့ပဲ သီချင်း
တွေနားထောင်ဖို့၊၊ဗီဒီယိုတွေကြည့်ဖို့၊အွန်လိုင်းထဲဝင်ပြီး ကိုယ်သိချင်တာရှာဖို့၊စာတွေဖတ်ဖို့၊သတင်းတွေ
သိရဖို့၊ဓာတ်ပုံရိုက်လို့ရဖို့ အစရှိတဲ့ အခြားသောအရာတွေကရှေ့တန်းကိုရောက်လာပါတယ်...။

ကျွန်တော်တို့တစ်နေ့တာကာလမှာ ဖုံးကိုအသုံးပြုချိန် မိနစ်၃၀၀ရှိတယ်ဆိုရင် မိနစ်၅၀လောက်ကိုပဲ စကား
ပြောဖို့သုံးမိကြပြီး ကျန်တဲ့အချိန်တွေက အခြားအရာတွေကိုအသုံးပြုနေချိန်ဖြစ်နေတတ်ပါတယ်။ဖုံးတစ်လုံး
ကိုဝယ်ယူတော့မယ်ဆိုရင် လူတော်တော်များများက စကားပြောလို့ရရုံသက်သက်မဝယ်ကြတော့ပဲ တစ်ခြားဖန်ရှင်တွေပါမပါ စမ်းစစ်ပြီးဝယ်ကြတာများလှတယ်မဟုတ်ပါလားခင်ဗျာ...။

အဝတ်အစားဆိုရင်လည်း သူ့ရဲ့အဓိကတာဝန်က အရှက်လုံဖို့နဲ့ ရာသီဥတုအပူအအေးဒဏ်ကာကွယ်ပေး
ဖို့ပဲမဟုတ်ပါလား...၊သို့သော်ဒီနေ့ခေတ်မှာတော့ ဆန်းသည်ထက်ဆန်းသော၊လှသည်ထက်လှမည်ထင်
သောအဝတ်အစားတွေကိုပဲအဓိကထားလာကြပြီး အရှက်လုံဖို့၊ရာသီဥတုဒဏ်ကာကွယ်ပေးဖို့ဆိုတာက
သာမညဖြစ်သွားရုံမက တချို့သောအဝတ်အစားတွေဟာဖြင့် မူလရည်ရွယ်ချက်ကို မရှိတော့ပါဘူးခင်ဗျာ။

အသစ်အသစ်တွေပေါ်လာတာနှင့်အမျှ ထိုအသစ်တွေကို လိုချင်တပ်မက်စိတ်တွေ ကျွန်တော်တို့ဖြစ်ပေါ်
လာတတ်ပါတယ်..။မိမိရဲ့တပ်မက်စိတ်နောက်ကို ကောက်ကောက်ပါအောင်လိုက်ရင်း ကျွန်တော်တို့ရဲ့
ရုပ်ခန္ဓာရော၊စိတ်ခံစားမှုတွေကိုပါ အဆိုပါ အာရုံသစ်များထဲသို့နှစ်မြုပ်မိလိုက်လေ့ရှိတတ်ပါတယ်...။
တစ်နည်းအားဖြင့်တော့ တလောက ကိုရင် ရေးခဲ့သလိုပါပဲ...၊ဘဝနေမှုက တန်ဖိုးမြင့်သည်ထက်မြင့်လာပါ
တော့တယ်ခင်ဗျာ...။အဲဒီလိုဖြစ်လာတာကလည်း ကျွန်တော်တို့ကိုယ်တိုင်ဖန်တီးယူမိတာပါပဲ...။

နောက်ဆုံးမှာတော့ ကိုယ်ဖော်တဲ့ဆေး ကိုယ်မစားနိုင် ဆိုသလိုပါပဲ...၊မြင့်သည်ထက်မြင့်မားလာတဲ့ ရုပ်
ဝတ္ထုပစ္စည်းတွေနောက်ကိုလိုက်ရင်း၊ကျွန်တော်တို့ရဲ့စိတ်ခံစားမှုတွေက အဆိုပါရုပ်ဝတ္ထုများအတွင်းမှာ
ပျော်ဝင်နေရင်းဖြင့် ကျွန်တော်တို့ရဲ့ ဘဝနေမှုအဓိပ္ပာယ်တွေ ပျောက်ဆုံးသည်ထက်ပျောက်ဆုံးလာပါ
တယ်....။လူနှင့်လူခြင်းပေါင်းသင်းဆက်ဆံရေးတွေမှာလည်း ကြားခံပစ္စည်း တွေများသည်ထက်များလာ
ပါတော့တယ်...။ဘဝရဲ့ရိုးရှင်းစွာနေထိုင်ဖြတ်သန်းမှုဆိုတာကလည်း မရှိတော့သလောက်ဖြစ်လာပါပြီ..။

အဲဒီလို ဘဝအဓိပ္ပာယ်ကင်းမဲ့လာတာနှင့်အမျှ၊ဘဝနေမှုတွေ ရှုပ်ထွေးလာတာနှင့်အမျှ၊လူနှင့်လူအကြား
ပေါင်းသင်းဆက်ဆံမှုတွေ စိမ်းကားသည်ထက် စိမ်းကားလာတာနှင့်အမျှ နေပျော်တဲ့ဘဝအနှစ်သာရကို
ထိတွေ့ခံစားနိုင်ရခြင်းပါကင်းမဲ့လာပါတယ်...။ဘဝမှာနေလို့မပျော်တော့ပါဘူး...။ဘဝကနေလို့မပျော်တဲ့
အခါ သေခြင်းတရားကို လွယ်လွယ်နဲ့ ရွေးချယ်နိုင်လာကြတာ အားလုံးပဲသတိပြုမိကြမှာပါ...။

ဒီစာကိုရေးနေချိန်မှာ ကျွန်တော်ကြည့်ဖူးတဲ့ ရုပ်ရှင်ကားတစ်ကားကို အမှတ်ရနေမိရဲ့...၊Into The Wild
(လို့ထင်ပါတယ်)ဆိုတဲ့ဖြစ်ရပ်မှန်ကားလေးပါ။အဓိကသရုပ်ဆောင်မင်းသားက သူဘွဲ့ရတဲ့နေ့မှာပဲ အား
လုံးကိုစွန့်လွှတ်၊ခြေရာဖျောက်ပြီး တောထဲတောင်ထဲတစ်ယောက်တည်းသွားနေတဲ့ဇာတ်လမ်းပါ။ဒါပေမယ့်
ယဉ်ကျေးတဲ့ကမ္ဘာ(လို့အများကလက်ခံထားတဲ့)မှာနေလာသူတစ်ယောက်အနေနဲ့ အရိုင်းကမ္ဘာထဲမှာ မဝင်ဆန့်တော့ပါဘူး...၊အသားတွေကို ပိုးလောက်တွေမတွယ်အောင်မထားသိုနိုင်တော့ စားကောင်းတယ်
ထင်တဲ့ အရွက်တစ်မျိုးကိုဆာလွန်းလို့စားမိပြီးချိန်မှာတော့ မစားကောင်းတဲ့အရွက်ဖြစ်နေတဲ့အတွက်
အသက်ဆုံးပါးသွားရှာပါတယ်...။

လက်ရှိအချိန်မှာ ကျွန်တော်တို့အနေနဲ့ အဲဒီလိုမျိုး သမိုင်းကိုတစ်ကြော့ပြန်သွားလို့မရတော့ပါဘူး..၊ပြန်
သွားဖို့လည်း မလိုအပ်ပါဘူးလေ...။ဒါပေမယ့် ကျွန်တော်တို့ ဘဝကို တတ်နိုင်သလောက်ရိုးရှင်းစွာနေ
ထိုင်သွားကြည့်ဖို့မကြိုးစားသင့်ဘူးလားခင်ဗျာ...။ကျွန်တော်တို့ဘဝမှာ အလိုအပ်ဆုံးအရာတွေလောက်
ကိုပဲ ပိုင်ဆိုင်ထားရှိပြီး ရောင့်ရဲတင်းတိမ်စွာ ဘဝကိုရင်ဆိုင်ဖြတ်သန်းကြည့်ကြပါစို့လားခင်ဗျာ...၊အနဲဆုံး...
နောက်ထပ်နောက်ထပ်သောအာရုံအသစ်တွေနောက် မလိုက်နိုင်ရင်လည်း လက်ရှိ ရှိနေသမျှနဲ့ပဲ ဘဝကို
ကျေနပ်ပျော်ရွင် ရိုးသားစွာ ကျွန်တော်တို့ကုန်ဆုံးကြပါစို့လို့.......။

မျိုးကြီးရဲ့ သီချင်းလေးကတော့ အားလုံးအတွက် ခရစ်စမတ်လက်ဆောင်ပါခင်ဗျား......


Friday, December 16, 2011

ကြုံသလိုဟင်းချက်ခြင်းအနုပညာ (သို့) anyhow cooking

အကယ်၍ မိန်းမနှင့်ယောင်္ကျား မည်သူ ဟင်းချက်ပိုကောင်းသနည်း လျှပ်တစ်ပြက်ဖြေပါ (ငါးမှတ်) ဟုအစ်မ
ကွန်စတိုင် မေးခွန်းထုတ်ခဲ့ပါက သင် မည်သို့သောအဖြေကိုပေးမည်နည်း....ရဲဘော်.....။ကျွန်တော်ထင်ပါ
သည်။ ရဲဘော်၏အဖြေမှာ မိန်းမ ဟူ၍ဖြစ်နေပါလိမ့်မည်။သို့သော်ကမ္ဘာ့အတော်ဆုံးစာဖိုမှုးများစာရင်းတွင်
ယောင်္ကျားများသာမင်းမူလျက်ရှိသည်ကိုရဲဘော်သတိပြုသင့်ပေသည်...။ထို့ပြင်တစ်ပိုင်းတစ်စကြည့်ဖူးသော
ကာရီးယိုးစီးရီးတစ်ခုတွင်စာဖိုမှုးဖြစ်သူမှာအတောင်နှစ်ဆယ်ဝတ်မင်းယောင်္ကျားကြီးဖြစ်သည်မဟုတ်ပါလား။

ကျွန်တော့်အတွက်တော့ထိုမေးခွန်းအတွက်အဖြေမှာ ယောင်္ကျားဟူ၍သာဖြစ်သည်။အဘယ်ကြောင့်နည်း...။
ကျွန်တော်တို့မိသားစုတွင် မီးဖိုချောင်၏တာဝန်ကိုရှစ်ဆယ်ရာခိုင်နှုန်းယူထားသူမှာကျွန်တော့်ဖေဖေဖြစ်နေ
သောကြောင့်ဖြစ်သည်။ဟုတ်သည်...။ဖေဖေသည်ဟင်းချက်အင်မတန်ကောင်းသူဖြစ်သည်။သူသည်ဘယ်နံ
ရောခါက မှ စားဖိုမှုသင်တန်းကိုလည်းတတ်ဖူးသူမဟုတ်ပါ။ဦးကြီးပု၏ချက်နည်းပြုတ်နည်း ၅၀၀ စာအုပ်ကို
လည်းယောင်လို့ပင်လှန်မကြည့်ပါ...။သူလူပျိုဘဝကလည်း မိဘကိုကူညီချက်ပြုတ်ခဲ့ခြင်းလည်းမရှိဟုသိရ
သည်...။သို့သော် ဟင်းတစ်ခါ ချက်ကာနီးတိုင်း ဦးကြီးပု သို့တစ်ခြားသောဟင်းချက်နည်းစာအုပ်များကို
မျက်မှန်ကြီးတစ်ဝင်းဝင်းနှင့်နည်းနာခံယူရလေ့ရှိသော မေမေ့ထက်ပို၍ဟင်းချက်ကောင်းသောဟူလို....:)))

ဘဇာကြောင့်ဤသို့ဖြစ်ရသနည်း...။ကျွန်တော်ထင်ပါသည်...။ကျွန်တော်တို့ယောင်္ကျားများတွင်မွေးရာပါ
တတ်မြောက်သော အတတ်ပညာများထဲတွင် ဟင်းကောင်းစွာချက်တတ်ခြင်းသည်လည်း တစ်ခုအပါအဝင်
ဖြစ်နေ၍ဖြစ်ပါလိမ့်မည်...။ဟိသစ္စံ..ဤစကားမှန်၏...။ဥပမာအနေဖြင့် ဝေးဝေးမကြည့်ပါနှင့် ရဲဘော်...။
ကျွန်တော့်ကိုပဲ ကြည့်ပါ...။နှစ်ပေါင်းသုံးဆယ်နီးပါးမျှ အဖေ၊အမေတို့ချက်ကျွေးသမျှ အသင့်လက်ဆေးစား
ခဲ့သော ကျွန်တော်ကား....ရှင်ကြားပူသို့ရောက်သောအခါ မဖြစ်မနေ ကွကို ချက်စားရတော့သည်....။
ဆရာကားမရှိ...၊ချက်နည်းပြုတ်နည်းစာအုပ်များလည်းမရှိ...။အတုယူစရာ အခန်းဖော်ကလည်း တရုတ်...။
သူချက်သော ချိုရဲပေါ့ရွှတ်ဟင်းများကို ကျွန်တော်မစားနိုင်...။သည်တော့ ကွကို အားကိုးရာ၏။ကိုယ်သာ
လျှင် ကိုယ့်မီးဖိုချောင်၏အရှင်သခင်ဖြစ်သည်မဟုတ်တုံလော ရဲဘော်....:)))

မဖြစ်ဘူးလားမမေးပါနှင့်...။ဖြစ်ပါသည်...။ဖြစ်သည်မှ ဖျစ် ဖျစ် ဖျစ် ဖျစ် တောင်မြည်နေသေး၏...။မြည်မှာ
ပေါ့...၊ဟင်းအိုးကြီးပစ်ထား၍ အခန်းထဲဝင်ကာ ဖဘ တွင် ပေါက်ကရလေးဆယ်များ ရေးနေသည်ဖြစ်ရာ
ဟင်းအိုးမှရေခန်း၍ ဖျစ်ဖျစ်မြည်ရုံမက တူးပါသွားသည်ကိုး....။သို့သော် ဤသည်က ဆယ်ကာရံတစ်ခါမျှ
သာဖြစ်လေသည်။ကျန်သောအခါများက (ကိုယ့်အတွက်တော့)အင်မတန်မှစားကောင်းသော ဟင်းများဖြစ်
လေသည်ပင်....။

ရှင်ကြားပူရောက်စက ကြက်သားနှင့်ဝက်သားလောက်ကလွဲ၍ ထွေလီကာလီများ သိပ်မချက်လှ၊ကြာသော်
ညန်မာပြည်သားဖြစ်သည့်အားလျှော်စွာ တောင်တောင်အီအီလေးများစားချင်လာသည်..။ပန်နစူလာရှိ
မြန်မာဆိုင်များကိုချည်း အခါတိုင်းအားကိုး၍မဖြစ်သည့် အားလျှော်စွာ ကွကို ချက်စားတော့သည်။
မွင်းဂါး *ချက်သည်။နို့စိမ်းခေါက်ဆွဲချက်သည်။ကြေးဆီ** တီးသည်။ပေါက်ဖော်တို့ဘာသာဖြင့် ကျူးဂျောင်
ဟုခေါ်သောဝက်ခြေထောက်ဆွတ်လုပ်သောက်၏။ဝက်ပုန်း***၊ဝက်မျှစ်၊ဝက်ကန်ဒီ (အဲ...ဝက်ချိုချဉ်ကြော်
ပြောတာ....:))) အစရှိသည်တို့ကား မိုင်နာကေ့စ် များဖြစ်လေ၏။သို့ဆိုသော်...ရဲဘော်၌မေးခွန်းတစ်ခု
မေးစရာရှိလာလိမ့်မည်..။မည်သို့ချက်သနည်း...ဟူ၍ပင်..။ဤသို့ပင်ချက်သည်ဟုပြောရမည်ပင်...။

ဟုတ်ပါသည်...။အဆင်ပြေသလိုချက်လိုက်သည်သာဖြစ်၏။စားမကောင်းဟူ၍ကား ကျွန်တော့်အဖို့မရှိ..။
(တစ်ခြားလူတော့ အာမ မခံ....:))စားကောင်းသည်ပင်...။ထို့ကြောင့် ကျွန်တော်ပြောသည်မဟုတ်ပါလော၊
ဟင်းချက်နည်းဆိုသည်မှာ ယောင်္ကျားတို့၏မွေးရာပါအတတ်ပညာပါဟု....။သို့သော်....၊တစ်နေ့သော
အခါတွင်မတော့ ကျွန်တော့်ဘောစိတစ်ယောက် ကျွန်တော့်အခန်းသို့ ဆိုက်ဆိုက်မြိုက်မြိုက်ရောက်လာ
သောအခါတွင်မတော့ နာမည်ပျက်ကိန်းနှင့်ကြုံရလေတော့သည်...။မှတ်မှတ်ရရ ထိုနေ့က အလုပ်လည်း
ပါးသည်နှင့် ရုံးမှစောစောလစ်လာပြီးလျှင် ယခင်နေ့က ဝယ်ထားပြီးဖြစ်သော ကြက်တစ်ကောင်အား
မဆလာနိုင်နိုင်နှင့် ကြက်သားမဆလာချက်လေး ချက်နေသောအခိုက်တွင်ဖြစ်သည်။

အိမ်ရှေ့မှ အော်ခေါ်သံကြားသဖြင့် တံခါးဖွင့်ကြည့်ရာ မိန့်မိန့်ကြီးရပ်နေသော ဘောစိအား တွေ့လိုက်ရ
သော်  ဟိုက်....ငါတော့ရုံးစောစောလစ်လာတာ အကောခံရပြီဟုတွေးထင်မိလိုက်လေသည်..။သို့သော်
သူဌေးကား ဘာမှမပြော...၊ဒီဘက်ရပ်ကွက်ထဲက သူငယ်ချင်းတစ်ယောက်ဆီလာရင်း မင်းတို့ဆီလှည့်ဝင်
လာတာ....၊ဘာလုပ်နေလဲ..၊တရုတ်တွေရောဘယ်သွားလဲ...ဘာညာနှင့် အလာပသလာပသာပြော၏။
ပြောရသော် ထိုအိမ်ခန်းမှာ သူဌေးကိုယ်တိုင်ရှာပေးထားသောပြီး တရုတ်၃ယောက်နှင့်ကျွန်တော့်ကိုထား
ပေးထားသောအခန်းဖြစ်သည်။ထို့ကြောင့် သူ ကျွန်တော်တို့အိမ်ခန်းဆီသို့ တန်းတန်းမတ်မတ်ရောက်လာ
ခြင်းပင်..။

သို့နှင့် ကျွန်တော်လည်း ဘောစိအား ဧည့်ဝတ်ပြုကာ စကားရောဖောရောလုပ်ရသည်ပေါ့...၊ထိုင်ပါဦး...၊
ခဏနော်...ဟင်းချက်နေလို့....ဘာညာ နှင့် နောက်ဖေးမီးဖိုချောင်ထဲပြေး၍ မီးဖိုမီးသွားပိတ်သည်ရှိသော်
ကိုရွှေသူဌေးသည် မီးဖိုချောင်ထဲအထိလိုက်လာပြီး ဘာချက်နေလဲဟု စပ်စုလေတော့သည်..။ကြက်သား
ဟင်းနံရသော်...အံမယ်ကြည့်ရတာကောင်းမယ့်ပုံပဲ...၊မင့်က ချက်တတ်သားပဲဟ...၊ဘာလဲ...မြန်မာပြည်
မှာတုန်းက မင်းမာမား ချက်နည်းအတိုင်းချက်တာလား..ဟူ၍စပ်စုခြင်းအမှုကိုပြုလေတော့သည်။ကျွန်တော်
လည်း  မဟုတ်ပါဘူးဗျာ...၊အိမ်မှာတုန်းက အမေတို့ချက်ကျွေးသမျှစားလိုက်တာပါပဲ...၊တစ်ခါမှတောင်
ဝိုင်းကူမလုပ်ဖူးမိပါဘူး...၊ခုဒီရောက်တော့မှ ကျွန်တော့်ဘာသာ အဆင်ပြေသလိုချက်စားလိုက်တာပါပဲ  ဟု
အမှန်အတိုင်းပြောပြလိုက်သော် ဘောစိသည် ကျွန်တော့်အား  ဟင်...မင့်ဟာက anyhow cooking ပေါ့
ဟူ၍ မှတ်ချက်ချလိုက်သော ဟူလို....။

ထိုစကားသည် ထိုနေရာတွင်ပင်ပြီးသွားရမည်ဖြစ်သော်လည်း မပြီးသေး...၊နောက်တစ်နေ့ရောက်သော်
ရုံးတွင် စာရေးမလေးများကို ပြန်၍ဖောက်သည်ချလိုက်သေး၏။မနေ့က ငါ သူ့ဆီသွားလည်တာ ဒီကောင်
ဟင်းချက်နေတာတွေ့ခဲ့ရတယ်..၊anyhow cooking ပဲဟေ့...ဟူ၍ တစ်နေ့လုံးပြောမဆုံးတော့ပေ..။
စာရေးမလေးများကလည်း ကျွန်တော့အား တွေ့သည်နှင့် ဟဲ့...အနိုင် နင် ဒီနေ့ဘာချက်စားတုန်း...
anyhow cooking ပဲလား ဟူ၍ ကျီဆယ်ခြင်းအမှုကိုပြုကြလေတော့သတည်း....။

မှန်ပေသည်...။သူရို့ပြောသလို ကြုံသလို anyhow cooking လိုက်သည်သာဖြစ်သော်လည်း စားကောင်း
ဖို့သည်သာ ပဓာန မဟုတ်ပါလား ရဲဘော်....။အဘယ်မျှ ကြုံသလိုချက်သနည်းဆိုသော် တစ်ခါသား၌ ချဉ်
ပေါင်ကြော် ကြော်လေ၏။ကြော်ပြီး၍ ဒယ်အိုးထဲမှ ပန်းကန်ထဲပင်ထည့်ပြီးသွားပြီဖြစ်သည်။အရည်သောက်
လေးတစ်ခွက်ထပ်ချက်မည်ဟုကြံပြီး အအေးသေတ္တာဖွင့်ကြည့်တော့မှ စိမ်းစားငပိ ခေါ် မျှင်ငပိ ခေါ် ပုဇွန်
ငပိဘူးအားတွေ့သည်ရှိမှ ငပိမထည့်လိုက်ရသည်ကို သတိရတော့သည်...။ဘာလုပ်သည်ထင်ပါသနည်း..။
ချဉ်ပေါင်ကြော်များအား ဒယ်အိုးထဲပြန်ထည့်၍ အနှီး စိမ်းစားငပိအား ထပ်ရောသမမွှေလိုက်သေးလေ၏။:D

မည်သို့ပင်ဖြစ်စေကာမူ ကျွန်တော်ကား အတောင်နှစ်ဆယ်ဝတ် ဘုရားဆုပန်မင်းခယောင်္ကျားတို့ မွေးရာပါ
တတ်အပ်သော ကြုံသလိုဟင်းချက်ခြင်းအနုပညာကို ကောင်းစွာတတ်သည်နှင့်အညီ အဆင်ပြေသလို
ကြော်လှော်ချက်ပြုတ်၊ခူခပ်အပြတ်တုတ်လေ့ရှိသည်ဖြစ်၏။ ရဲဘော်တို့အားလည်း ကြုံလျှင် anyhow
cooking နည်းဖြင့် ချက်ထားသောဟင်းလျာများဖြင့် ဧည့်ဝတ်ပြုချင်ပါသေး၏။(မကြုံဖို့ရာ ဆုတောင်းကြပါ
ကုန်လော့ ရဲဘော်တို့....:))။ယခုမူကား ချက်မိသမျှကို လက်ဆော့ထားသော ဒါ့ပုံများဖြင့်သာ ရဲဘော်တို့
သွားရည်တောက်တောက်ကျစေရန် နှိပ်ဆက်ကလူခြင်းအမှုကို ပြုလိုက်ရပါတော့သည်....။အားလုံးသော
ရဲဘော်များ ပျော်ရွင်ဖွယ် ခရစ်စမတ်နှင့် ဘိလပ်နှစ်သစ်ကူးအခါသမယကို ပိုင်ဆိုင်နိုင်ကြပါစေခင်ဗျား.....။





ဤသည်ကား ကျွန်တော်၏နာမည်ကျော် မွင်းဂါး ဖြစ်၏။ ဤပုံကို ဖဘတွင်တင်သည်ရှိသော် ရှိရှိသမျှသော
ရဲဘော်အပေါင်း၏....ဟင်...ဘာကြီးတုန်း.....၊ဟယ်...ပဲဟင်းအိုးကြီးလား...၊အောင်မလေး..မွင်းဂါးစားချင်
စိတ်တောင်မရှိတော့ဘူး....ဟူ၍ ချီးမွန်းထောပနာသော ကွန်မန့်ပေါင်းများစွာကို လက်ခံရရှိခဲ့လေ၏ :P


ဤသည်မှာ ငပိထည့်ဖို့မေ့နေ၍ နှစ်ခါပြန်ကြော်ရသော ချဉ်ပေါင်နှစ်ပြန်ကြော် ဖြစ်ချေတော့သည်တစ်မုံ..:)


ကြက်သားမဆလာချက်ဖြစ်ပါသည်...။ဆီတော့ နည်းနည်းများသွားသည်.....:D


ဒါကတော့ ကြက်သားငရုတ်သီးကြော်ဖြစ်သည်...။သိပ်မစပ်ပါ...၊ငရုတ်သီးနှင့် တစ်သက်တာ မခေါ်စတမ်း
စာချုပ်ထားသောကြောင့် နဲနဲသာပါ၏။

ကွကို တီးတဲ့ ကြေးဆီ....၊ဘီဘီဘူးကတော့ လူရှိန်အောင်ထောင်ထားတာပါ....:P

(ဒီတစ်ခါတော့ ဒီလောက်ပါပဲ...၊တခြားဒါ့ပုံတွေတော့ နောင်ကြုံမှတင်ပါတော့မယ်...၊များများတင်လိုက်ရင်
စာဖတ်နေသူအပေါင်း သွားရည်တောက်တောက်ကျကုန်တာနဲ့ ကွန်ပြူတာတွေ ပျက်ကုန်မယ်စိုးလို့....:)))

ခတ်ဆစ်အဖွင့်...
မွင်းဂါး = မုန့်ဟင်းခါး
ကြေးဆီ= ကြေးအိုးဆီချက်
ဝက်ပုန်း=ဝက်သားနှင့် ပုန်းရည်ကြီး

Friday, December 9, 2011

အဲဒီနေ့က မြေခွေးတို့ မျက်ရည် မြေခခဲ့တယ်.......

ငါ....မြေခွေးတစ်ကောင်ဖြစ်တယ်....

ဒီအတွက် ငါ....ကောက်ကျစ်တယ်....

ငါ......

ရဲရဲရင့်ရင့် ကောက်ကျစ်တယ်....

ပျော်ပျော်ရွင်ရွင် ကောက်ကျစ်တယ်....

ရိုးရိုးသားသား ကောက်ကျစ်တယ်.....

သားရဲတွင်းထဲက ရင်သွေးတစ်မြုံအတွက်....

ငါ...ကောက်ကျစ်တယ်....

နံဘေးက လက်တွဲဖော်အတွက်...

ငါ...ကောက်ကျစ်တယ်.....

အပေါင်းအသင်းတွေအတွက်.....

ငါ...ကောက်ကျစ်တယ်....

သားရဲ တစ်, တစ်အတွက်.....

ငါ....ကောက်ကျစ်တယ်.....

ကမ္ဘာဦးအစ...တောကြီးရဲ့ ဥပဒေသအရ...

ငါ...ကောက်ကျစ်မှု သရဖူကိုဆောင်း....

အောင်ပွဲကို  သိမ်းတယ်.....။

ဒီလိုနဲ့........

အစိမ်းရောင်ရက်စွဲများအလွန်မှာ......

လွင်ပြင်ကိုဆင်းလာတဲ့ ခြေနှစ်ချောင်းနဲ့ နားရွက်တို.....တဲ့......။

ငါတို့ ဝမ်းတစ်ထွာအတွက် ကောက်ကျစ်ကြတဲ့အချိန်မယ်......

သူတို့ တစ်ကမ္ဘာစာ ကောက်ကျစ်ကြတယ်....။

ငါတို့ အပေါင်းအသင်းတွေကြား သစ္စာတရားနဲ့သွားကြတဲ့အခါမယ်....

သူတို့ ဇာတ်တူသားကို မြိန်မြိန်ရှက်ရှက် စားသုံးကြတယ်....။

ငါတို့ကောက်ကျစ်မှုထဲမှာ ဒီမြေကမ္ဘာ ပါမလာပေမယ့်....

သူတို့ရဲ့ သမိုင်းမှာ ဟောဒီကမ္ဘာ.....ရာဇဝင်ရိုင်းရရှာတယ်.....။

ပထမကမ္ဘာကောက်ကျစ်ပွဲ.....

ဒုတိယကမ္ဘာကောက်ကျစ်ပွဲ တွေနဲ့.....

အပြာရောင်နေ့တွေကို အနီရောင်လွမ်းစေခဲ့.....။

အတီတေကာလက ငါတို့ရဲ့ သရဖူကို.....ဆွဲချွတ်....

ငါတို့ ဦးညွှတ်ခဲ့ရတယ်....။

သူတို့တွေ အောင်လံထူခဲ့တယ်......။

အဲဒီနေ့က ငါတို့မျက်ရည် မြေကျခဲ့တယ်....

ငါတို့ ငိုခဲ့တယ်....

ကြည်ကြည်နူးနူး ငိုတယ်....

ငါတို့ ဆုံးရှုံးခဲ့တဲ့ ဟောဒီသရဖူအတွက်....

ဝမ်းနည်းပက်လက်...(ပြီးတော့) ကျေကျေနပ်နပ်....

ငါတို့ ငိုခဲ့တယ်......။

အဲဒီနေ့က မြေခွေးတို့ မျက်ရည် မြေ....ခ.....ခဲ့.....တယ်.....။

Friday, December 2, 2011

ရင် မှ ဆောင်း



မနေ့က အိမ်နဲ့ ဖုံးပြောဖြစ်သည်...၊အမေနဲ့ပြော....၊အစ်မနဲ့ပြော...၊ပြီးတော့ နောက်ဆုံးမှာအဖေနဲ့ပြော
တော့ အဖေက ဒီမှာတော့ နဲနဲအေးလာပြီကွ......တဲ့....။အဖေကအဲ့လိုပြောတော့ သတိရနေတဲ့ ဆောင်းကို
လွမ်းသွားမိတယ်...။မနေ့ကလည်း ရဲထွန်းဇော်က ဖဘမှာ sweetdecemberဆိုပြီးဒါ့ပုံလေးတစ်ပုံတင်တော့
ဘဝရဲ့ချိုမြိန်လှတဲ့ဒီဇင်ဘာဆောင်းနေ့၊ညတွေကိုသတိတရနဲ့လွမ်းမိပါရဲ့......။ဟုတ်သည်.......၊ကျွန်တော့်
အတွက်တော့ နွေသည် ပျင်းရိ၊ငြီးငွေ့မှု ကိုယူဆောင်လာလေ့ရှိသလို၊မိုး ကတော့ နာကျင်လွမ်းမောစရာများ
ကို ဆောင်ကျဉ်းလာတတ်သည်။သို့သော် ဆောင်း သည် ကျွန်တော်အတွက်ကြည်နူးစရာများ၊ပျော်ရွင်မှုများ
ကိုသာ လက်ဆောင်ပေးလေ့ရှိပါသည်။ထို့အတွက်ကြောင့်ပင် ဆောင်းသည် ကျွန်တော့ အချစ်တော်ရာသီ
ဥတုလေးတစ်ခု ဖြစ်လာခဲ့ပါသည်....။


ငယ်ဘဝဖြတ်သန်းမှုများကိုကျွန်တော်သိပ်မမှတ်မိပါ။တမ်းတမ်းတတလည်းမဖြစ်မိပါ။သို့သော်ဆောင်းရောက်
လာသည်နှင့်တစ်ပြိုင်နက်ကျွန်တော်သတိရမိတာလေးတစ်ခုရှိသည်။အဖေ၊အစ်မတို့နှင့်အတူ ဆောင်းနံနက်
ခင်းများတွင်လမ်းလျှောက်ထွက်ခြင်းပင်..။မေမေ့လက်ရာသိုးမွေးဦးထုတ်လေးကိုယ်စီဆောင်းရင်း၊ဖလံထည်
အနွေးဝတ်စုံလေးဝတ်ရင်း၊ ကန်တစ်ရာ ဟုကျွန်တော်တို့ခေါ်လေ့ရှိသည် ငါးမွေးမြူရေးကန်များဘက်သို့
ဖေဖေနှင့်အတူ လမ်းလျှောက်ထွက်ခဲ့ခြင်းများကို ကျွန်တော် ဆောင်းဝင်လာတိုင်းသတိရမိသည်။ဖေဖေတို့
လူကြီးများကတော့ ပုံမှန်လေးလျှောက်နေကြပေမယ့် ကျွန်တော်တို့ကတော့ ဟိုးအရှေ့ကိုအပြေးလေးသွား
လိုက်၊မောလာလျှင်လူကြီးတွေကိုငုတ်တုတ်လေးထိုင်စောင့်လိုက်နှင့် ဆောင်းချမ်းချမ်းတွင် ချွေးလေးများပင်
စို့လာတော့သည်။အပြန်လမ်းတွင်မတော့ ဟာနေပြီဖြစ်သော ဗိုက်ကို ကောက်ညှင်းငချိတ်နှင့်ပဲပြုတ်ပူပူနွေး
နွေးလေးဖြည့်လိုက်ရသည်မှာလည်း မမေ့နိုင်သော တမ်းတမှုလေးတစ်ခုပင်....။


~~~~~~~~~~~~~~~~~

ဆောင်းဝင်လာလျှင် ဖေဖေလုပ်လေ့လုပ်ထရှိသောအရာတစ်ခုရှိသည်။ကျွန်တော်တို့ ခြံဝိုင်းလေးထဲတွင်
ဘူးပင်လေးများပျိုးရင်း၊ဘူးစင်လေးတစ်စင်ထိုးခြင်းပင်....။ကောက်ရိုးများကြားမှ ထိုးထွက်လာသော ဘူးပင်
လေးများကို မနက်လမ်းလျှောက်ရာမှပြန်ရောက်လာတိုင်း တခုတ်တရ စောင့်ကြည့်ရသည်က ကျွန်တော့်
အတွက်တော့ အင်မတန်အရေးကြီးလှသောအလုပ်တစ်ခုပင်...။ဘူးပင်လေးများ အတန်မြင့်မားလာပြီဆို
လျှင် အညွှန့်ဖြတ်ပေးရသည်။ဖြတ်လိုက်သောဘူးညွှန့်များကို ပုဇွန်လေးဖြင့် ကြော်ချက်လေးချက်သည့်
နေ့တွင်မတော့ ကျွန်တော်တို့တစ်မိသားစုလုံး ထမင်းစားမြိန်လှသည့်နေ့တစ်နေ့ ကိုပိုင်ဆိုင်ရလေပြီ...။


စင်တွင် အသီးတင်ပြီဆိုလျှင် ပထမဆုံးအသီးကို မခူးပဲအခြောက်ထားလေ့ရှိသည်။နောင်နှစ်အတွက် မျိုး
အဖြစ်ပင်...။နောက်အသီးများကိုတော့ လက်ဆောင်ပေးတန်ပေး၊ရောင်းတန်ရောင်းသလို အိမ်တွင်လည်း
တစ်ခါတစ်ရံ ဘူးသီးကြော် ကြော်စားကြသည်။ဟိုးတုန်းကတော့ ခုလိုမျိုး အသင့်သုံးအကြော်မှုန့်တွေပေါ်
သေးသည်မဟုတ်ပါ။အိမ်နီးနားချင်းအကြော်သည်အဒေါ်ကြီးထံမှ မုန့်နှစ်အနည်းငယ်ဝယ်ပြီးကြော်ရသည်။
များသောအားဖြင့် ညနေပိုင်းတွင်ကြော်ပြီး ညစာဟင်းအဖြစ် ဘူးသီးကြော်သုပ် စားကြသည်။


ဒီနေ့ ဘူးသီးကြော်စားကြမယ်ဟေ့....ဟု အမေမှာကြော်ငြာလိုက်သည့်နေ့တွင် ကျွန်တော်တို့မောင်နှမနှစ်
ယောက်စလုံး ညနေကျောင်းဆင်းချိန်ကို ခါတိုင်းထက် မျှော်မောနေရတတ်သည်။ကျောင်းဆင်းသည်နှင့်
အရင်လို အရုပ်သည်များ၊ဘူဗောင်းသည်များရှေ့တွင် ငေးမောမနေတော့....၊အိမ်သို့သာ ဒုန်းစိုင်းပြေး
လေတော့သည်။ ကျွန်တော်တို့ကျောင်းဆင်းချိန်လောက်တွင် မေမေလည်း သူ၏ဘူးသီးကြော်စီမံကိန်းကို
စတင်နေပြီဖြစ်သည်။မန်ကျီးမှည့်၊ငုတ်သီးပွ၊ကြက်သွန်ဖြူတို့နှင့် ပြုလုပ်ထားသည့် အချဉ်လည်းအသင့်ဖြစ်
နေပြီ၊အကြော်တစ်ချို့လည်း စကာဗန်းလေးထဲရောက်နေပြီ..၊ကျွန်တော်တို့မောင်နှမ ကျောင်းစိမ်းကိုပင်
မလဲနိုင်ပဲ ဗန်းထဲမှ ဘူးသီးကြော်ပူပူလေးကို အချဉ်ရည်ဖြင့် တစ်ခုပြီးတစ်ခုတို့စားကြသည်မှာ မေမေမှ...
ဟဲ့ကလေးတွေ ညစာသုပ်စားဖို့ချန်ဦး ဆိုမှ ရပ်လေတော့သည်....။


~~~~~~~~~~~~~~


အထက်တန်းကျောင်းသားဘဝရောက်တော့ ဆောင်းညခင်းများတွင် စောင်ထွေးထွေးလေးခြုံပြီး စောစော
အိပ်လေ့ရှိသည်။မနက်စောစောထ စာကျက်မည်ဆိုသောအကြောင်းပြချက်က အိပ်ရာစောစွာဝင်ဖို့ရာ
ကောင်းစွာလုံလောက်သည်မဟုတ်ပါလား....။တကယ်လည်း ကျွန်တော်တို့စောစောထကြပါသည်။ညနေ
ကတည်းက လှည်းကျင်းစုစည်းထားသောအမှိုက်များနှင့်အတူ သစ်တုံးကြီးကြီးတစ်တုံးကို မီးရှို့ပြီး မီးလှုံရင်း
စာကျက်ကြလေ့ရှိသည်။အစ်မဖြစ်သူက အမှန်တကယ်စာကျက်သော်လည်း ကျွန်တော်ကတော့ မီးဖိုတစ်ဖို
နှင့် ဆော့ရင်း၊ကျွန်တော်တို့နှင့်အတူ မီးလာလှုံသော ခွေးကြီးစုတ်ဖွားအား စရင်းဖြင့် ချစ်စရာကောင်းသော
ဆောင်းနံနက်ခင်းများကိုကျော်ဖြတ်လာခဲ့ပါသည်....။

~~~~~~~~~~~~~

ဆောင်းညသည် ရှည်လျားလှပါသည်....။သို့သော် ထိုထိုသော ဆောင်းညများကိုပင် ကျွန်တော်ချစ်မက်
ရသည်။လသာသောဆောင်းညခင်းများတွင် ကျွန်တော်တို့မိသားစုတွေ အိမ်ရှေ့မြေကွက်လပ်တွင် ထိုင်ခုံ
လေးများချ၍ မိသားစုဝိုင်းဖွဲ့ထိုင်လေ့ရှိ၏။ထိုစဉ်က ရုပ်မြင်သံကြားစက်တွေဘာတွေ ရှိသည်မဟုတ်သေး၊
ထို့အတွက်ကြောင့်ပင်လားမသိ...၊အားလပ်နေသော ဆောင်းညခင်းများသည် နွေးထွေးသော မိသားစု
အရသာကို အပြည့်အဝပေးစွမ်းနိုင်လေသည်။

နောက်ပိုင်းကာလများတွင် အဖေ၊အမေတို့အိမ်ပြင်ထွက်ထိုင်လေ့မရှိတော့သော်လည်း ကျွန်တော်ကတော့
ဆောင်းညခင်းများတွင် အိမ်ရှေ့ထိုင်ခုံလေး၌ တစ်ယောက်တည်းပင် ထိုင်လေ့ရှိသည်။ကျွန်တော်တို့ အိမ်နှင့် အတန်ငယ်ကွာလှမ်းသော ဘုန်းတော်ကြီးကျောင်းမှာ နှစ်စဉ် နတ်တော်၊ပြာသိုလများသို့ရောက်
လေတိုင်း၊အသံမစဲပဋ္ဌာန်းပွဲကျင်းပမြဲပင်ဖြစ်ရာ၊ ညလူခြေတိတ်ချိန်တွင် ပျံလွင့်လာတတ်သောပဋ္ဌာန်းတရား
ကို နာကြားရသည်မှာ ကြည်နူးဖွယ်ကောင်းလေစွ....။တိတ်ဆိတ်ရှည်လျားသော ဆောင်းညလယ်တွင်
တစ်ပါးပြီးတစ်ပါး ရွတ်ဖတ်သွားသော တရားသံကိုနာခံရင်း ဒီကိုယ်တော်ကတော့ ဦးဇင်းဓမ္မထင်ရဲ့၊ဒီဦးဇင်း
ကတော့ ဦးဇင်းတိလောကပဲဖြစ်မယ်...အစရှိသဖြင့် ကျွန်တော်သိသော ဦးဇင်းများဖြစ်လေမလားရယ်လို့
ခန့်မှန်းနေတတ်ခဲ့သည်...။

~~~~~~~~~~~~~~~~

ကျွန်တော်အရွယ်လေးအတန်ရလာတော့ ယစ်ရွှေရည်ယမကာဟုခေါ်သော သူရာအရက်ကိုကြိုက်နှစ်သက်
တတ်လာပြီ..။အရက်သမားတို့မည်သည် ဥတုသုံးပါးစလုံးသောက်တတ်ကြသည်မှန်သော်လည်း ကျွန်တော့်
အတွက်တော့ ဆောင်းညများသည်သာ အခြားအခြားသောညများထက် ပိုလို့သောက်ဖြစ်တတ်သည်။ပိုလို့
သောက်ကောင်းနေတတ်သည်။ည ကိုးနာရီထိုး၍ ကျွန်တော့်ဆိုင်လေး ပိတ်သိမ်းပြီးသည်နှင့် စက်ဘီးကို
သွက်သွက်လေးနင်းလို့ လမ်းထိပ်သူရာဆိုင်သို့ချီတတ်စမြဲပင်...၊ပုံမှန်အားဖြင့် ကျွန်တော်တစ်ဦးတည်း
သာ အရက်ကိုဇိမ်ဆွဲ၍ သောက်လေ့ရှိသည်။စောင်ခြုံလို့မနွေးသောရင်ကို သူရာရည်ဖြင့် အအေးပျောက်
စေလျက် တစ်ယောက်တည်း တွေးချင်ရာတွေး၊ငေးချင်ရာငေးရသည်မှာလည်း အရသာတစ်မျိုးပင်....။


အိမ်ပြန်ရောက်သော် အမေခူးခပ်ပေးထားသော ထမင်းကိုစားပြီး အိမ်ရှေ့ ဝရန်တာတွင်ထိုင်လျက်
ဆေးလိပ်တစ်လိပ်ဖွာကာ မပြီင်္းသေးသော အတွေးပန်ချီကားကို ဆောင်းညများတွင် ဆက်လက်ရေးဆွဲနေမိ
တတ်သည်။ညလူချေတိတ်ချိန်၊ ဟိုးအဝေးမှ ပျံလွင့်လာတတ်သော၊ရပ်ကွက်တွင်းမှ ကျောင်းသားငယ်တို့၏ တစ်စာစာတစ်အံအံစာကျက်သံစည်းချက်ကို နားထောင်ရင်း၊ရင်ကွဲပုရစ်တို့၏ တကျီကျီမြည်သံကိုမပျင်းမရိ
အာရုံစိုက်နေရင်း၊ ဆောင်းည၏အအေးဓာတ်ကို တစိမ့်စိမ့်ခံယူရင်း ဇရက်မင်းစည်းစိမ်ကို ခံစားရသည်
မှာလည်း ခုချိန်မှာ လွမ်းမောဖွယ်ရာပင်.....။


~~~~~~~~~~~~~~~~

ယခုချိန်တွင်တော့ ဆောင်းသည် ကျွန်တော့် အဝေးတွင် သူ့အလိုအတိုင်း အေးမြဲအေးနေပါသည်။ဝေးနေ
သော်လည်း ဆောင်း ဆိုသည့်အသံကြားလိုက်ရရုံဖြင့် ကျွန်တော့် ရင်ထဲ ကြည်နူးအေးမြမှုတို့ ဝင်ရောက်
စမြဲပင်...။ဆောင်းအဝေးတွင် ရှိနေသည့်တိုင် ပြက္ခဒိန်စာမျက်နှာထက် ဆောင်းရက်တို့ချဉ်းနင်းဝင်ရောက်
လာသည်နှင့် တစ်ပြိုင်နက် ကျွန်တော့်ရင်ထဲတွင်လည်း ချမ်းမြေ့အေးမြသော ဆောင်းနံ့ဖြင့် သင်းပျံထုံရီ
လျက်......။

ကျွန်တော့် အတွက်တော့ နွေသည် ပျင်းရိ၊ငြီးငွေ့မှု ကိုယူဆောင်လာလေ့ရှိသလို၊ မိုး ကတော့ နာကျင်၊လွမ်း
မောစရာများကို ဆောင်ကျဉ်းလာတတ်သည်။သို့သော် ဆောင်းသည်ကျွန်တော်အတွက်ကြည်နူးစရာများ၊
ပျော်ရွင်မှုကိုသာ လက်ဆောင် ပေးလေ့ရှိပါသည်။ ထို့အတွက်ကြောင့်ပင် ဆောင်းသည် ကျွန်တော့်
အချစ်တော်ရာသီဥတုလေးတစ်ခု ဖြစ်လာခဲ့ပါတော့သည်....။