လှေကားထစ်များ

သူပတ်ဝန်းကျင်ကိုသတိထားကြည့်မိချိန်တွင် လှေကားထစ်များကိုတက်လှမ်းနေပြီဖြစ်သည်...။သူဘယ်သို့
ရောက်နေသနည်း...၊ဘယ်အချိန်ကာလကတည်းကဒီလှေကားထစ်များကိုတက်လှမ်းနေခြင်းဖြစ်သနည်းဆို
သည်ကိုတော့သူဝေဝါးထွေပြားနေဆဲဖြစ်သည်...။သူသည်အတိတ်မေ့ဝေဒနာခံစားနေရာမှရုတ်တရက် ပြန်
ကောင်းလာသူတစ်ဦးကဲ့သို့ အရာရာတွင် ရှုပ်ရှုပ်ထွေးထွေးဖြစ်နေလေသည်။သေချာသည်ကတော့ သူ
လှေကားထစ်များကိုတတ်နေခြင်းဖြစ်သည်...။သူ့ကိုယ်သူ ပြန်ဆန်းစစ်မိသည်...။သူ့ခေါင်းတွင်ဦးထုတ်ခပ်
သေးသေးတစ်လုံးကိုဆောင်းထားသည်။ခြေထောက်တွင် ဖိနပ်ခပ်ပါးပါးတစ်ရံရှိသည်။သူ့အဝတ်အစားများ
သည်လည်းခပ်နွမ်းနွမ်းပင်ဖြစ်သည်။ထို့ပြင်သူကျောပိုးအိတ်သေးသေးတစ်လုံးကိုလည်းလွယ်ထားသေးသည်။
နောက်..သူ၏ ဘယ်ဖက်အိတ်ကပ်လေးထဲတွင် တစ်စုံတစ်ရာ ပါသည်။သူအိပ်ကပ်လေးအပေါ်  ညာဘက်
လက်ဖြင့် ဖိစမ်းမိချိန်တွင် စည်းချက်မညီလှသော်လည်း နွေးထွေးသည့် သူ့နှလုံးခုန်သံကို ပြန်စမ်းမိသည်။
ထိုတစ်စုံတစ်ရာသည် မည်သို့မည်ပုံရောက်ရှိလာသနည်း...သူမသိပါ။

သူ့ကျောပိုးအိတ်လေးထဲတွင်သန့်ရှင်းကြည်လင်လှသောရေများပါသည့် ရေပုလင်းတစ်လုံး၊ကြမ်းသောလည်း
အာဟာရဖြစ်စေသည့်ပေါင်မုန့်ညိုတစ်လုံးနှင့်စာအုပ်တစ်အုပ်ပါသည်။ထိုအရာများကိုလမ်းခုလတ်တွင်တွေ့
ဆုံခဲ့ရသောယောင်္ကျားကြီးတစ်ဦးနှင့်မိန်းမကြီးတစ်ဦးတို့ကကြည်သာနှစ်လိုစွာထည့်ပေးလိုက်ခြင်းဖြစ်သည်ကို
သူသတိရမိသည်။သူဆောင်းထားသောဦးထုတ်နှင့်သူစီးထားသောဖိနပ်ပါးလေးသည်လည်း တစ်ခုသော
လှေကားထစ်အချိုးအကွေ့ရှိစင်တစ်စင်ပေါ်မှသူမမှီမကမ်းနှင့်လှမ်းယူလာခဲ့ခြင်းဖြစ်သည်ကိုလည်း ကောင်း
စွာသတိရလာသည်...။သူ့အဝတ်အစားများကိုတော့မမှတ်မိတော့ပါ..။သေချာသည်ကတော့လက်ရှိသူ့ထံမှ
အရာအားလုံးသည် တစ်ပါးသူထံမှ လုယက်ယူငင်လာခြင်း၊သူတစ်ပါးမှမနှစ်လိုစွာပေးအပ်လိုက်သောပစ္စည်း
များဖြစ်နေခြင်း မဟုတ်ပေ။ထိုအသိတစ်ခုတည်းနှင့်ပင် သူစိတ်သန့်၊ကျေနပ်ရသည်...။

သူ ကျောပိုးအိတ်လေးကိုသေချာစွာလွယ်ရင်း လှေကားထစ်များကိုတစ်ထစ်ခြင်း ဖြေးဖြေးမှန်မှန်တတ်လာခဲ့
သည်...။လှေကားထစ်များ မည်သည့်နေရာတွင်အဆုံးသတ်မည်ကိုလည်းကောင်း၊ထိုအဆုံးသတ်တွင် မည်
သည့်အရာများရှိနေလိမ့်မည်ကိုလည်းကောင်း၊ယုတ်စွအဆုံး ဘာအတွက်ကြောင့် ဤလှေကာထစ်များကို
တတ်နေရခြင်းဖြစ်သည်ကိုလည်းကောင်း သူမသိပါ..။သူသိသည်မှာ သူလှေကားထစ်များကိုတက်နေသည်။
လှေကားထစ်များ၏လမ်းခုလတ်တွင်ရောက်နေပြီ...၊သို့အတွက် သူလှေကားထစ်များကိုဆက်လက်တက်
လာခြင်းပင်ဖြစ်တော့သည်။

သူတက်လာရာတစ်ချို့သောလှေကားထစ်များပေါ်တွင် အစားအသောက်၊အသုံးအဆောင်ပစ္စည်းကိရိယာ
တစ်ချို့ကို တွေ့ရှိရချိန်တွင် လှေကားထစ်များကို သူတစ်ယောက်တည်းတက်နေရခြင်းမဟုတ်ပဲ အခြားသူ
များလည်း ရှိနေကြောင်းသတိပြုမိလာသည်။ထိုအရာများသည် ရှေ့မှတက်နှင့်ပြီးသူတို့မှ နောက်လူတို့အ
တွက်ချန်ရစ်ထားခြဲ့ခင်း၊သို့မဟုတ် သယ်မသွားလို၍ချန်ထားခဲ့ခြင်းသာပင်.....။ထိုအရာများထဲမှ ကောင်းနိုး
ရာရာတစ်ချို့ကို သူ ကျောပိုးအိတ်ထဲ ထည့်သယ်လာခဲ့မိသည်..။များများမဟုတ်ပါ...။သူသည်လောဘကြီး
သူတစ်ယောက်မဟုတ်ပါ။အခြားသူတွေအတွက်ချန်ထားခဲ့ရဦးမည်ကိုသူကောင်းစွာသဘောပေါက်ပါသည်။

လူတစ်ချို့ သူ့ကိုကျော်ဖြတ် တက်လာကြသည်။တစ်ချို့က အလောတကြီး...၊တစ်ချို့ကတော့ သူ့လိုပင်
ပုံမှန်ခြေလှမ်းများနှင့်ဖြစ်သည်။တစ်ချို့သည် ဝတ်ကောင်းစားလှများကို ဝတ်ဆင်ထားကြသည်။သို့သော်
သူတို့တွင် ဦးထုတ်မပါကြပေ။တစ်ချို့ကတော့ ကျယ်ပြန့်သောအနားများရှိသည့်၊ခိုင်ခံသည့်ဦးထုတ်ကို
ဆောင်းထားသည်။သူတို့အဝတ်အစားများက နွမ်းပါးသော်လည်း သူတို့ဂရုစိုက်ဟန်မတူပေ။သူတို့၏
ဦးထုတ်များကျနသေချာဖို့ကိုသာ အလေးမူဟန်ရှိကြသည်။တစ်ချို့သာသူများကမူ လှေကားထစ်များကို
အလွယ်တစ်ကူတက်နိုင်စေဖို့ရာ တုတ်ကောက်၊တောင်ဝှေးများပါကြသည်။ထိုသူတို့၏ကျောပိုးအိတ်များ
တွင်လည်းအဖိုးတန်ပစ္စည်းများလော၊အမှိုက်များလော မသိနိုင်သည့်အရာများဖြင့် ဖူးဖောင်းပြည့်နှက်နေ
လေသည်။လှေကားထစ်များကို လှမ်းတက်နေရသူများအဖို့ လေးပင်လှသောကျောပိုးအိတ်များလိုအပ်ပါ
သလား၊သူ စဉ်းစား၍မရပါ...။သူ့အတွက်တော့ အနည်းငယ်ဆိုလုံလောက်ပါပြီ...။


လူငယ်လေးတစ်ဦးသည် သူနှင့်ဘေးခြင်းယှဉ်ကာ လှေကားထစ်များကို လှမ်းတက်လာရင်း နှစ်လိုဖွယ်ရာ
ပြုံးပြလေသည်။သူပြန်ပြုံးပြလိုက်ချိန်တွင် ထိုလူငယ်လေးသည် သူ့ပခုံးကို တစ်ချက်ပုတ်ရင်း လှေကားထစ်
များကို တစ်ထစ်ခြင်းတက်လှမ်းသွားသည်။သူ၏ညာဘက်ပခုံးတွင် နွေးထွေးရင်းနှီးမှုတစ်ခုကျန်ရစ်ခဲ့သည်။
သူလည်း ထိုလူကလေးကို မမှီမကမ်းနှင့် ပြန်လည်လှမ်းပုတ်လိုက်မိသည်။ထိုလူကလေးကို ထိမိသလား၊
မထိမိသလား....၊ကိစ္စမရှိပါ။သူသည်လည်း နွေးထွေးခင်မင်မှုတစ်ခုတုံပြန်လိုက်ခြင်းသာဖြစ်ပါသည်။


သူ ရုတ်တစ်ရက် ယိုင်းယိုင်သွားသည်။လူတစ်ဦး အလောတကြီးတတ်လာရင်း သူ့အားပုခုံးချင်းဝင်တိုက်
သွားခြင်းဖြစ်သည်။သူအံသြတစ်ကြီးဖြစ်ရသည်။လှေကားထစ်များသည် မကျယ်ပြန့်လှသော်လည်း သူသည်
ဘေးသို့ကပ်၍တက်နေခြင်းသာဖြစ်သည်။သူသည် ထိုသူအတွက် ခလုတ်ကန်သင်းဖြစ်မနေပါ။သို့သော်
အဘယ်ကြောင့်သူ့အားဝင်တိုက်ရပါသနည်း....။သူကြာကြာမတွေးတော့ပါ။လှေကားထစ်များကို တက်လှမ်း
နေရသူခြင်း အတူတူပင်ဖြစ်သည်မဟုတ်ပါလား....။


လှေကားထစ်များကို သူသတိထားကြည့်မိသည်...။မညီညာလှပါ၊ကျင်းချိုင့်များ၊အဖုအထစ်များရှိနေပါသည်။
တချို့လှေကားထစ်များသည် စောက်နက်သည်။ကျဉ်းမြောင်းသည်။တချို့သူများသည် သူတို့ကိုယ်တိုင်
တက်ရင်း သူတို့တတ်နိုင်သလောက် ပြုပြင်သွားကြသည်။မညီညာသည်များကိုညီအောင်ညှိကြသည်။
ကျင်းချိုင့်များကို ဖြည့်သွားကြသည်။တစ်ခုသော အချိုးအကွေ့တစ်နေရာတွင် အသက်ခြောက်ဆယ်ကျော်
အရွယ် ခပ်ပိန်ပိန်အမျိုးသမီးကြီးတစ်ဦးသည် သူ့ခွန်သူ့အား နှင့်မမျှအောင်ပင် အားမာန်အပြည့်ဖြင့်
နိမ့်ပါးဆိုးရွားစွာပျက်ဆီးနေသော လှေကားထစ်များကို ပြုပြင်နေသည်။လူတစ်ချို့က သူမ ကိုကူညီကြ
သည်။တစ်ချို့ကမူ နှောက်ယှက်ကြသည်။အများစုကြီးကမူ သူမကိုလေးစားစွာဦးညွှတ်ကြသည်။သူသည်
လည်း အများနည်းတူ ဦးညွှတ်ခဲ့သည်။သူမသည် အားလုံးကိုခြုံ၍ ပြုံးပြခဲ့သည်။သူမ၏အပြုံးတွင် တည်ငြိမ်
ရင့်ကျက်မှု၊ယုံကြည်မှုတို့ကိုတွေ့မြင်ရမည်ဖြစ်သည်...။


တစ်ခုသောအချိုးအကွေ့အရောက်တွင် လှပသော၊သာတောင့်သာယာရှိသော ဥယျာဉ်တစ်ခုကို သူ....
ဘွားကနဲတွေ့လိုက်ရသည်...။သူဥယျာဉ်သာအတွင်းခပ်ဖြေးဖြေးပင်လျှောက်လှမ်းဝင်ရောက်လာခဲ့သည်။
သစ်တစ်ပင်ရိပ်အောက်တွင် တစ်စုံသောမောင်နှံတို့ ပန်းသီးတစ်လုံးကို နှစ်ယောက်မျှဝေစားနေရင်းမှ
သူ့ကို ပြုံးရွင်ကာနှုတ်ဆက်နေသည်...။သူလည်းပြန်လည်ပြုံးပြနှုတ်ဆက်လိုက်သည်။သူတို့အပြုံးတွေ သှူု့ကို
လှောင်ပြောင်သရော်လိုစိတ်မပါသလို၊သူ၏တုံပြန်ပြုံးတွင်လည်း အားကျစိတ်မပါဝင်ခဲ့ပါ။တစ်ဦး၏ရွေးချယ်
မှုကို အခြားတစ်ဦးက လေးစားခြင်းသာပါပေသည်...။


သူတစ်ခုသောကျောက်တုံးဘေးတွင် ကျောပိုးအိတ်ကို ချွတ်ပုံထားလိုက်သည်။သူ့ဦးထုတ်ငယ်ကိုလည်း
ကျောက်တုံးပေါ်တစ်ရိုတစ်သေတင်ထားလိုက်သည်။ဖိနပ်ပါးလေးကို အသာအယာချွတ်၍ထောင်ထားလိုက်
သည်...။သူ၏ခရီးဖော်များဖြစ်၍ သူလေးစားရပေမည်..။ထိုနောက် သူ ညီညာစိမ်းလန်းသော မြက်ခင်းပြင်
ပေါ်တွင် လှဲလျောင်းအပန်းဖြေနေရင်းမှ ကြည်လင်သာယာနေသော ကောင်းကင်ပြင်ကြီးကိုငေးမောကြည့်
နေမိသည်...။မိုးကောင်းကင် တစ်နေရာတွင် မျောလွင့်နေသောတိမ်ဖြူဖြူတစ်အုပ်ကိုတွေ့မြင်နေရသည်...။
သူသည် အဝတ်စုတ်စတစ်ခုကိုပုံချထားသည့်နှယ်....သူ့စိတ်ခန္ဓာတစ်ခုလုံးကိုဖြေလျော့ကာ အနားယူနေ
မိသည်။ခဏတာမျှသာဖြစ်သည်...။သူ့တွင်ဆက်လက်တက်ရဦးမည့်လှေကားထစ်တွေကျန်နေပါသေးသည်။


ချောမွေ့ပြေပြစ်မှုကင်းသော အချိုးအကွေ့များသော လှေကားထစ်များကို တစ်ချို့လူများက ပျော်ရွင်စွာ
တက်နေကြသည်။တစ်ချို့ကမူ ညီးညူရေရွတ်ရင်းတက်ကြသည်။တစ်ချို့က သွက်လက်စွာ၊တစ်ချို့ကတော့
ဖြေးလေးနှေးကွေးစွာ..။တစ်ချို့သည် လှေကားထစ်များကိုတက်ရင်းမောပန်းနွမ်းနယ်နေကြပြီဖြစ်သည်။
တချို့သောသူများက ထိုသို့ပင်ပန်းစွာလှမ်းတက်နေရသူတို့ကို လက်ကမ်းကူညီကြသည်။ဖေးမရိုင်းပင်းကြ
သည်။သူသည်လည်း သူနှင့်နီးရာလူတစ်ချို့ကို လက်ကမ်းဖေးမခဲ့သည်။သူကိုယ်တိုင်လည်း ကြမ်းသော၊
မပြေသောလှေကားထစ်များကို တက်လှမ်းနေရသူဖြစ်ရာ စိတ်ရှိသလောက်တော့ မဖေးမနိုင်ခဲ့ပါချေ...။


မည်သို့ပင်ဖြစ်စေ လှေကားထစ်များ၏အဆုံးပိုင်းဆီသို့ တဖြည်းဖြည်းနီးကပ်လာပြီဖြစ်ပါသည်။သူ အဆုံးပိုင်း
ကိုလှမ်းမျော်ကြည့်မိသည်...။အဆုံးတွင် မည်သည့်အရာများရှိနေမည်နည်း၊လှေကားထစ်များ၏အဆုံးပိုင်း
တွင် ဘာကိုမှကြည့်မြင်၍မရအောင် မြူခိုးတို့ဖြင့် ပိန်းပိတ်နေ၏။ထိုမြူခိုးများအတွင်းတွင် အမှန်တကယ်
အဆုံးသတ်သည်ရှိပါသလား...၊သို့မဟုတ် နောက်ထပ်လှေကားထစ်များရှိနေသေးသလား၊အဆုံးသတ်သွား
သည်ဆိုလျှင်လည်း ထိုအဆုံးသတ်တွင် မည်သည့်အရာက သူ့ကိုကြိုဆိုနေမည်နည်း၊အကောင်းလော..၊
အဆိုးလော...၊သူမသိနိုင်ပါ..၊တခြားသူများလည်းသိနိုင်ပါမည်လား...။


သူ့ရှေ့မှလူများသည် လှေကားထစ်များ၏အဆုံးသတ်အတွင်းရှိ မြူခိုးများကြားသို့ တရွေ့ရွေ့တိုးဝင်ကွယ်
ပျောက်သွားကြသည်...။သူသည်လည်း လှေကားထစ်များကို တစ်ထစ်ခြင်း၊တစ်ထစ်ခြင်း.......။
သူသည် လှေကားထစ်များကို တက်နေသူတစ်ဦးဖြစ်ပါသည်....။