Thursday, July 26, 2012

နင့်အသက်ငါ့ပေးဆရာကြီးညိမ်းနိုင် နှင့် ကုမ္မာရီဂိုဏ်း အရှုပ်တော်ပုံ ( ၃ )

နောက်တစ်နေ့နံနက်စောစောတွင် ကျွန်ုပ်တို့လည်း အငြိမ့်ထောင်ဆရာကိုရင်သာပျော့အားခေါ်ငင်ပြီးလျှင်
ခရမ်းသုံးခွ ဘက်သို့ထွက်ခဲ့ကြလေတော့သည်။ခရမ်းမြို့နှင့်မလှမ်းမကမ်းရှိ ဘလောက် ဟုအမည်ရသည့်
ရွှာကြီးသို့ရောက်ချိန်တွင် နေ့လည်၂နာရီခန့်ရှိပြီဖြစ်သည်။ကျွန်ုပ်တို့လည်း ရွှာလယ်လမ်းမမှမဝင်ပဲ ရွှာ
နောက်ဘက်မှ ပတ်ပြီးလျှင် ရွှာတောင်ဖျားရှိကိုရင်သာပျော့မယား မယ်ဒန်ကိုး၏ဂျီးဒေါ်ကြီးအိမ်ဘက်သို့
လျှောက်လာခဲ့ကြလေသည်။ နှစ်ထပ်ပျဉ်ထောင်အိမ်ကြီးမှာ ရေနံဂျီးများ ဝနေအောင်သုတ်ထားပြီးလျှင်
 အိမ်အောက်ထပ်ရှေ့ဘက်ခြမ်းတွင်အကာအရံတစ်စုံတစ်ရာမရှိပဲ ကွပ်ပျစ်တစ်ခုခင်းထားလေသည်။

ကျွန်ုပ်တို့လည်း ခြံအနောက်ဘက်မှ ပုန်းလျှိုးကွယ်လျှိုးနှင့် အသာချွတ်နင်းဝင်လာခဲ့၏။ရွှာအိမ်တို့ထုံးစံ
ဂုတ်ကျား၊အောင်နက် အစရှိသော သုနက္ခတို့နှင့် ပက်ပင်းမတိုးသည်မှာ ကံကောင်းလှပေသည်တည့်....။
အိမ်အနောက်ဘက်ထရံပေါက်မှ ခေါင်းလေးလုံးဆိုင်၍ အသာချောင်းကြည့်လိုက်သည်ရှိသော် အမျိုးသမီး
သုံးဦးသည် ကြီးစဉ်ငယ်လိုက် တန်းစီထိုင်နေပြီးလျှင် တစ်ဦးခေါင်းမှ သန်းအား တစ်ဦးမှ သည်းကြီးမဲကြီးရှာ
ဖွေပေးနေကြပြီးသကာလ....ပါးစပ်မှလည်း တစ်တွတ်တွတ်နှင့် ကရားရေလွှတ်သည့်အလား တစ်စုံတစ်ရာ
အကြောင်းအား တီးတိုးပြောဆိုနေကြသည်ကိုတွေ့ရှိရလေတော့သည်....။

ကျွန်ုပ်လည်း ကျွန်ုပ်၏အပေါင်းအပါသုံးဦးအား အသာလက်တို့၍ ခြံထောင့်သစ်ပင်အောက်ဆီသို့ခေါ်လာ
ခဲ့ပြီးလျှင်....

ကျွန်ုပ်။     ။ဒီမှာဗျ...ဒီအခြေအနေဟာသိပ်တော့မရိုးသားဘူး....၊သင်းတို့ အစီအရင်တစ်ခုခုများလုပ်နေ
ပုံရတယ်....။

ငံပြာရည်ပုလင်းမျှစ်မောင်။    ။အစီအရင်..ဟုတ်လား......ကျွန်တော်တွေ့တာတော့ သန်းတုတ်ရင်းအတင်း
ပြောနေကြတာပါဗျာ...ဘယ်နှာ အစီအရင်တုန်း......။

ကျွန်ုပ်။    ။မင်းတို့ခေတ်ကာလ ကလေးတွေအဲ့သာခက်တာပေါ့....၊လောကီပညာဆိုတာ ဆန်းကျယ်သလှ
သကွယ့်....၊မသိအသာနေစမ်းဘာ....၊ဒီမှာ ကိုအွတ်ထောင်...ခင်ဗျားတို့မှာ သေနတ်တွေပါကြရဲ့မဟုတ်
လား...၊အသင့်သာပြင်ထားပေတော့...၊သင်းတို့ရုတ်ရုတ်ရုတ်ရုတ်လုပ်ရင် လက်မနှေးစေနဲ့ဗျ....ဟုတ်လား၊

ဆားပုလင်းအွတ်ထောင်။    ။အဲ့သာမှခက်တာပဲ၊ကျုပ်တို့လည်း သာမန်အငြိမ့်မင်းသမီးလေးတွေကို စုံစမ်း
ဖို့သက်သက်ဆိုတော့ ဘာသေနတ် မှ ပါမလာဘူးဗျ.....။

ကိုရင်သာပျော့။     ။သနပ်.....ဟုတ်လား...ကျုပ်ဆီမှာတော့ပါသဗျ....။

ကျွန်ုပ်တို့ တီးတိုးပြောနေသည်ကို နားစွန်နာဖျားကြားသွားသော ကိုရင်သာပျော့မှ ဤသို့ဝင်ပြောလိုက်
လေလျှင် ကျွန်ုပ်တို့သုံးဦးသားလည်း ခေါင်းနားပန်းကြီးသွားရလေ၏။ဘယ်နှယ် သာမာန်အငြိမ့်ထောင်
ဆရာတစ်ဦး၌ သေနတ်ဆောင်ထားရပါသနည်း....။ကိုရင်သာပျော့သည် ပြောပြောဆိုဆိုဖြင့် သူ့လွယ်အိပ်
ထဲလက်နှိုက်လိုက်လေလျှင် ကျွန်ုပ်တို့တို့လည်း သတိကြီးစွာထား၍ကြည့်လိုက်သည်ရှိသော်......

ကိုရင်သာပျော့။    ။ဟောဒီမှာ....မရမ်းသီးသနပ်ဗျ....၊ကျွန်ုပ်မိန်းမက မရမ်းသီးသနပ်ဆိုသိပ်ကြိက်တာ
ကလား.....၊သူကြိုက်တာလေးနဲ့ချော့ဖို့ ည ကတည်းကဝယ်ထားတာ....

ကျွန်ုပ်။    ။ငါ့နှယ်...သေသာသေလိုက်ချင်တော့တယ်.....၊ဒီသနပ်ကိုပြောတာမဟုတ်ဘူးဗျ...၊ခင်ဗျားက
တစ်မျိုး...၊ကဲ...ဒီလိုဆိုတော့လည်း သတိသာထားဗျာ...ကျုပ်တစ်ယောက်လုံးရှိပါသေးတယ်...၊လာ...
သွားမေးကြတာပေါ့.....။

ပြောပြောဆိုဆိုဖြင့် ကျွန်ုပ်တို့လေးဦးသား အိမ်ဘေးမှပတ်၍ အနှီးမိန်းမသုံးဦးထံသို့ ချဉ်းကပ်ခဲ့ကြလေ၏

ဆားပုလင်းအွတ်ထောင်။     ။ကဲ..အမိတို့......တစ်ယောက်မှမလှုပ်နဲ့...ကျုပ်တို့က အင်းစိန်စီအိုင်ဒီက
စုံထောက်တွေပဲ...ခင်ဗျားတို့ကို မေးစရာရှိလို့.....။

အမျိုးသမီးတစ်ဦး။    ။အောင်မလေး....လန့်ထှာတော်.....စုံထောက်တွေ...ဟုတ်လား....ဘာလုပ်ဖို့တုန်း၊
ဟင်.....ကိုရင်သာပျော့......ရှင်လည်းပါသလား.....

ကိုရင်သာပျော့။    ။အေးကွယ်......ကို မင်းကို လွမ်းလွန်းလို့ လာခေါ်တာပဲ...၊ဒီဆရာတွေကလည်း မင်း
တို့ကိုမေးချင်တယ်ဆိုလို့ တစ်ပါးတည်းခေါ်လာတာ....။

မယ်ဒန်ကိုး။    ။မေးစရာရှိလို့ ဟုတ်လား.....အံမယ်လေးတော်....မေးစရာရှိတာများ...အိမ်ရှေ့က ဝင်လာ
ပြီးမေးလည်းရပါတယ်တော်...၊ပေါက်ပေါက်ရှာရှာ အိမ်နောက်ဖေးက ဝင်လာရတယ်လို့....၊ကဲထိုင်ကြပါ...
ထိုင်ကြပါ....။

ကျွန်ုပ်။    ။ကဲ...ကျုပ်တို့အားလုံးသိပြီးသွားပြီ....ဒီတော့ ရှင်းရှင်းပဲမေးမယ်....ခင်ဗျားတို့က ကုမ္မာရီဂိုဏ်း
ဝင်တွေမဟုတ်လား...

မယ်ဒန်ကိုး။    ။ကုမ္မာရီ........၊ကုမ္မာရီဆိုတာ မိန်းမကိုခေါ်တာမဟုတ်လား...၊ဟုတ်တယ်လေ...ကျွန်မတို့
က မိန်းမတွေ....၊ဒီတော့ ကုမ္မာရီတွေပေါ့.....အဲ့သာဘာဖြစ်သတုန်း...။

ကျွန်ုပ်။   ။အင်း...ခုလိုလွယ်လွယ်ဝန်ခံလိုက်တာကောင်းသဗျာ...၊ခင်ဗျားတို့က ဘယ်ကုမ္မာရီဂိုဏ်းကတုန်း၊
ထမီဝတ်လား၊ဘောင်းဘီဝတ်လား....။

မယ်လမင်း။    ။အို...ဘယ်နှယ်  ပေါက်ပေါက်ရှာရှာတွေလာမေးနေသတုန်း...ကျွန်မတို့က ထမီလည်း
မဝတ်ဘူး၊ဘောင်းဘီလည်းမဝတ်ဘူး၊စကပ်ပဲဝတ်တယ်လေ....။

ကျွန်ုပ်။   ။အော်.....လက်စသတ်တော့ ကုမ္မာရီဂိုဏ်းက ထမီဝတ်ဂိုဏ်း၊ဘောင်းဘီဝတ်ဂိုဏ်းအပြင် စကပ်
ဝတ်ဂိုဏ်း ဆိုပြီး သုံးဂိုဏ်းတောင်ကွဲသွားပါရောလား....။

မယ်ဒန်ကိုး။    ။အလိုလေးတော်....ဘာတွေလာပြောနေသတုန်း...၊ကျွန်မတို့က မြန်မာမိန်းကလေးတွေ
ရှင့်၊လှချင်လို့စကပ်ဝတ်တယ်ဆိုပေမယ့် ဘေးခွဲတွေ၊နောက်ခွဲတွေမဝတ်ပါဘူး....လုံလုံခြုံခြုံဝတ်တာပါ။
ဒီမှာ ရုတ်ရုတ်ရုတ်ရုတ်မလုပ်နဲ့နော်...ဟွမ်း...၊ကိုရင်သာပျော့.........ရှင့်လူတွေကိုကြည့်ပြောထားဦး...။

ဆားပုလင်းအွတ်ထောင်။     ။အဟမ်း.....ဒီလိုဗျာ....လိုရင်းမရောက်ဘူးဖြစ်နေတာပါ။ ကျုပ်တို့က
ပါရာအန်စီဗစ်ဆေးတိုက်က နာစ့်မလေးမမိုးငွပ်အကြောင်းသိချင်လို့လာမေးတာဗျ...။ခင်ဗျားတို့သူ့လိပ်
စာသိကြသလား....။

မယ်ဒန်ကိုး။    ။အော်...မမိုးငွပ်လား....သိတော့သိတယ်...ဒါပေမယ့် ဆေးတိုက်သွားရင်းခင်နေတာပါ။
သူဘယ်မှာနေသလဲတော့ မသိဘူးရှင့်.....

ငံပြာရည်ပုလင်း။    ။ဟင်....လမ်းစကပျောက်ပြန်ပါရောလား......၊ခင်ဗျားတို့ တကယ်မသိတာလား...

မယ်လမင်း။    ။တကယ်မသိလို့ မသိဘူးပြောတာပါတော်....၊ဘာညာစရာရှိသတုန်း...၊အဲ...နေဦး....တစ်ခု
သတိရပြီ....၊ဟိုနေ့က ကျွန်မတို့ဆေးခန်းသွားပြတော့ သူကတောင်ပြောနေသေးတယ်...၊တနင်္ဂနွေနေ့
ကျရင် သူ ဂျူဗလီဟောက ကဗျာရွတ်ပွဲသွား နားထောင်မလို့တဲ့.....ကျွန်မတို့ကိုတောင် လိုက်မလားခေါ်
နေသေးတယ်....၊ကဗျာဆရာနာမည်တောင်ပြောလိုက်သေး....ဘာတဲ့.....ကဗျာဆရာဒေါက်တာစုတ်ဖွား
ဆိုလားပဲ....။

ဆားပုလင်း။    ။အင်း...ဒီနေ့တနင်္ဂနွေနေ့ပဲဗျ...၊ဂျူဗလီဟောမှာ ကဗျာရွတ်ပွဲရှိတာတော့ ကျုပ်လည်း
သိတယ်...၊ဒီညနေမှ စမှာဗျ..၊ဒါဖြင့်မှီသေးတယ်....လာကြဗျာ.....ရန်ကုန်ဘက်ပြန်ကြစို့....။

ကိုရင်သာပျော့။    ။ကဲ ဒါဖြင့် ကျုပ်တော့ နေခဲ့ဦးမယ်....ခင်ဗျားတို့ဘာသာပဲပြန်နှင့်ကြပေတော့...။

 ~~~~~~~~~~~~~~~~~~~~~~~~~~

ဤသို့ဖြင့် ကျွန်ုပ်တို့လည်း အင်းစိန်စီအိုင်ဒီမှ အော်စတင်ကားမဲလေးအား မိုင်ကုန်တင်လျက် ရန်ကုန်
ဘက်ဆီသို့ ပြန်လာခဲ့ကြလေတော့သည်။ဂျူဗလီဟောသို့ရောက်သောအခါ ကဗျာရွတ်ပွဲပင် စနေပြီဖြစ်
သည်။ကျွန်ုပ်တို့လည်း ကဗျာရွတ်ပွဲအားအသာအကဲခတ်ကြည့်လိုက်သည်။စင်မြင့်ထက်တွင်မူ ဆံပင်
ကောက်တိကောက်ကွေး၊စုတ်တိစုတ်ဖွားနှင့် လူငယ်တစ်ဦးသည် ကျောက်သင်ပုန်းပေါ်၌ ထူးခြားသော သင်္ကတများကို ဟန်ပါပါရေးခြစ်နေလေသည်။

ငံပြာရည်ပုလင်း။    ။ဟင်....ကဗျာရွတ်ပွဲဆိုပြီး ဘာမှမရွတ်ပဲ ဘာသင်္ကေတတွေရေးနေတာတုန်းဗျ...။

ကျွန်ုပ်။     ။အဲ့ဒါ သင်္ကေတကဗျာ လို့ခေါ်သကွဲ့...၊ကဗျာကို စကားလုံးတွေနဲ့မရေးပဲ အဲဒီလို သင်္ကေတ
တွေနဲ့ ရေးတဲ့ နောက်ဆုံးပေါ်ကဗျာအမျိုးအစားပေါ့လေ....၊ဒီကဗျာပုံစံကို လောကီပညာရှင်တွေကပဲတီ
ထွင်ခဲ့တာကလား....၊လျှို့ဝှက်နက်နဲတဲ့ ပညာရပ်တွေကို ခုလိုသင်္ကေတကဗျာအဖြစ်ပြောင်းလဲခဲ့ကြပြီး
နယ်ချဲ့တွေမသိနိုင်အောင် ဖုံးကွယ်လျှို့ဝှက်ခဲ့ကြတာကွယ့်...၊

(မှတ်ချက်။    ။တိမ်မြုပ်ပျောက်ကွယ်လုမတတ်ဖြစ်နေပြီဖြစ်သော အနှီး သင်္ကေတကဗျာအားယနေ့ခေတ်
လူငယ်များ မြင်ဖူးစေရန် နမူနာသင်္ကေတအချို့အား ကျွန်ုပ်၏ မှတ်စုစာအုပ်ထဲမှကူးယူဖော်ပြလိုက်ပါသည်)

LOL  :-*  ^_^  -_-  O.o

>:O  <3  :v  :|]  :)  8)

:(   :P  :D  :O  ;)  3:)

B)   :3   >:(   :/   :’(  O:)

Ї  ℓ◎√ε   ƴøü  ṧø   μü¢♄

ကျွန်ုပ်တို့သုံးဦးလည်း ပရိတ်သတ်အား အကဲခတ်ကြည့်လိုက်သည်ရှိသော် ရှေ့ဆုံးခုံတန်း၌တစ်ဦးတည်း
ထိုင်နေသော အမျိုးသမီးတစ်ဦးကို သတိပြုမိကြလေသည်။ထိုအမျိုးသမီး၏ပုံပန်းသဏ္ဍာန်မှာ မယ်ဒန်ကိုး
တို့ ပြောပြလိုက်သော သူနာပြုဆရာမလေးမမိုးငွေ့၏ပုံသဏ္ဍာန်ပင်ဖြစ်ပေသည်။ကျွန်ုပ်တို့လည်း ထိုအမျိုး
သမီး၏နောက်ဘက်ထိုင်ခုံတွင်ဝင်ထိုင်လိုက်ကြပြီး အသာစူးစမ်းနေလိုက်ကြသည်။ထိုအမျိုးသမီးကတော့
ကျွန်ုပ်တို့အားသတိထားမိဟန်မတူပေ။မှတ်စုစာအုပ်တွင် ကဗျာများကို ကူးရေးလိုက်၊နှုတ်မှလည်း တစ်
တွတ်တွတ်ရွတ်လိုက်ဖြင့် တစ်ဦးတည်းအလုပ်ရှုပ်နေလေတော့သည်။

ထိုအချိန်မှာပင် ကဗျာဆရာဒေါက်တာစုတ်ဖွားလည်း သူ၏သင်္ကေတကဗျာများကိုတစ်ခန်းရပ်ပြီးသကာလ
အောက်ဖော်ပြပါခေတ်ပေါ်ပို့စ်မော်ဒန်ကဗျာတစ်ပုဒ်ကို ကောက်ကာငင်ကာထရွတ်လေတော့သည်....။

အိပ်ရေးပျက်ညတွေမှာ...

မိုးလင်းတဲ့အထိ တစ်ရေးပဲရ.....

ည ည တွေမှာ မနှင်းဆီက ချောက်ခြားစေခဲ့.....

အဲဒီ ညမှာပေါ့........

ကျွန်တော့်ဖုံးလေးကျပျောက်.....

ညမွှေးပန်းပင်အောက်....

တစ်ခေါက်မှ မရောက်ခဲ့ဘူးဆိုတာ........

 ဘောက်ဆူးမှပေးစရာမရှိတာပဲ မနှင်းဆီ....

ဒီလိုနဲ့......

ကျွန်တော် နဲ့ ဆိုဂျူး.......

ဆိုဂျူး နဲ့ ကျွန်တော်......

အလွမ်းသံသရာကြော......

မျောချင်တိုင်း မျော......

ကျွန်တော် ကမ်းကပ်မိတော့မှ....

မောချင်တိုင်း မောတော့တယ်.....မနှင်းဆီရယ်....။

ကျွန်ုပ်လည်း သူနာပြုဆရာမလေးမိုးငွပ်ကိုပင် သတိမပြုမိတော့ပဲ ကဗျာဆရာဒေါက်တာစုတ်ဖွား၏ ကဗျာ
များကြားတွင် နစ်မျောသွားမိလေတော့သည်။

(မှတ်ချက်။    ။ထိုစဉ်အချိန်က အနှီးကဗျာဆရာလေးအားသာမာန်ကဗျာဆရာဟုပင် ထင်မှတ်ထားမိလေ
သည်။ကျွန်ုပ်ကဲ့သို့သော လောကီပြင်ညာရှင်တစ်ဦးနှင့် ထိုကဗျာဆရာလေးအကြား တစ်စုံတစ်ရာ ပတ်
သက်ဆက်နွယ်လာလိမ့်မည်ဟု ယောင်ယမ်း၍ပင်မတွေးမိပါချေတည့်.....။သို့သော် လောကကြီးကား
ဆန်းကြယ်လှပေသည်။ထိုထိုသော ဆန်ကြယ်လှသည့်လောကကြီးတွင် အနှီးကဗျာဆရာလေး၏ဘဝ
သည်လည်း ဆန်းကြယ်လှပေ၏။ထိုကဗျာဆရာလေး၏ ဆန်းကြယ်သောဘဝကား....လွမ်းမောဖွယ်
ကောင်း၏၊ထိုအတူ ပျော်ရွှင်ဖွယ်လည်းအတိပေတည်း။တစ်ခါတစ်ရံ နှစ်လိုဖွယ်ရှိသလို၊တစ်ခါတစ်ရံ၌လည်း
နှစ်သက်စရာမရှိ၊အံသြဖွယ်ကောင်းအောင်ဆန်းပြားသလို၊ပျင်းရိငြီးငွေ့ဖွယ်ရာလည်းဖြစ်ပေသည်။တစ်ခါ
တစ်ရံတွင်မူ ကြောက်ရွံဖွယ်ရာဖြစ်သလို၊တစ်ခါတစ်ခါတွင်မတော့ ပျော်ရွင်ဖွယ်ရာဖြစ်ချေတော့သည်။
ပြောရလျှင်မူထိုကဗျာဆရာလေး၏ဘဝတွင် သလဲသီးအတွင်းမှ အကန့်အကန့်များသဖွယ် လောကဓံ
တရားတို့သည် သူ့အကန့်နှင့်သူ တည်ရှိနေကြလေသည်။နောင်အလျှင့်သင့်သည့်တစ်ချိန်တွင် စိတ်ဝင်
စားဖွယ်ကောင်းလှသည့် ထိုကဗျာဆရာလေး၏အကြောင်းအား....." ကဗျာဆရာဒေါက်တာစုတ်ဖွား "
အမည်ဖြင့် ဘုတ်အုပ်တစ်အုပ်ရေးသားဖြစ်ပေလိမ့်မည်တည်း....။ဤကား....စကားချပ်.....)

ဆားပုလင်းအွတ်ထောင်။    ။ဒီအမျိုးသမီးက မမိုးငွပ် ဆိုတာ သေချာသွားပြီဗျ....။

ကဗျာများအကြားနစ်မျောနေသောကျွန်ုပ်လည်း ဆားပုလင်းအွတ်ထောင် တီးတိုးပြောလိုက်သောစကား
ကိုကြားသောအခါမှ ပတ်ဝန်းကျင်ကို ပြန်လည်သတိပြုမိလေတော့သည်။

ကျွန်ုပ်။     ။ခင်ဗျားဘယ်လိုလုပ်သေချာသွားသလဲဗျ.....

ဆားပုလင်း။    ။သေချာဆို သူ့မှတ်စုစာအုပ်အဖုံးမှာ မိုးငွပ်လို့ ရေးထားတာတွေ့လိုက်လို့ပဲ....

ငံပြာရည်ပုလင်း။   ။ကိုင်း...ဒါဖြင့်ဆရာရယ်...ဒီအမျိုးသမီးကို ထုံးစံအတိုင်း ရုံးခေါ်သွားပြီး စစ်မေးကြရ
အောင်လားဗျာ....

ဆားပုလင်း။    ။ဟဲ့...အဲဒီလိုလုပ်လို့မဖြစ်သေးဘူးကွ၊တစ်လောကမှ အမျိုးသမီးလေးတစ်ဦးကို အဲဒီလို
အစစ်အဆေးကောင်းလို့ တို့ရုံးပေါ်က ခုန်ချပြီးသေကြောင်းကြံသွားတဲ့အမှုကဖြင့် မပြီးသေးဘူး...၊နဂိ်ုက
မှ နာမည်ပျက်နေရတဲ့အထဲ ဒီတစ်ခါဆို အဖက်ကိုဆယ်လို့ရမှာ မဟုတ်ဘူး ငါ့လူရ....။

ငံပြာရည်ပုလင်း။    ။ဒါဖြင့်ဘယ်လိုလုပ်မတုန်း.....

ဆားပုလင်း။     ။သူပြန်သွားမှ ငါတို့အသာနောက်ယောင်ခံလိုက်ကြတာပေါ့ကွာ...

ဤသို့ဖြင့် ကျွန်ုပ်တို့သုံးဦးလည်း ကဗျာရွတ်ပွဲအပြီးတွင် သူနာပြုဆရာမလေးမိုးငွပ်အိမ်သို့ နောက်
ယောင်ခံလိုက်ခဲ့ကြလေတော့သတည်း.......။

(အလုပ်များ ယားလို့ပင်မကုတ်နိုင်အောင်ရှုပ်နေသောကြောင့် ကျွန်ုပ်၏ ဝတ္ထုမဟာဂျီးအား စဉ်ဆက်မပြက်
မရေးနိုင်ပဲ အချိန်အနည်းငယ်ကြန့်ကြာသွားလေသည်၊ပိတ်သတ်များ သာဓုခေါ်ကြပါကုန်လော့....:)))၊
အပိုင်း၎ တွင်ဇာတ်သိမ်းနိုင်မည်ဟု မျှော်လင့်ရပေ၏၊ဆက်လက်မျော့ကြပါကုန်......:)))))))

21 comments:

ခရစ္စတလ် said...

မဆီမဆိုင် ကဗျာလေး မိုက်တယ် :)

Nyi Linn Thit said...

သင်္ကေတ ကဗျာကိုတော့ သဘောကျသွားပြီဗျို့..၊ ကြည့်ရင်းတန်းလန်းကို တစိမ့်စိမ့် ထိုင်ရယ်နေမိတယ် ကိုညိမ်းနိုင်ရ..၊းD

လူသတ်တရားခံ မိပြီလားလို့ အပြေးလာကြည့်တာဗျ၊ မဟုတ်ရင် နှာစေးလေး၊ ချောင်းဆိုးလေး ဖြစ်လို့မှ ဆေးခန်းတောင် မသွားရဲ ဖြစ်နေတာကိုး..၊ ဆရာမလေး မမိုးငွပ်နဲ့ တိုးမှ ဟုတ်ပေ့ ဖြစ်နေမှာ စိုးလို့...။းP

ရမ်းကု ကကလ said...

ဟဲဟဲ..... ကုန်မာရီ ဂိုဏ်းချုပ်ကြီး ဒေါ်ဒေါ်ကွမ်းက ဘယ်တော့ ပေါ်လာမှာတုန်းဟ။ နင့်ဟာကလည်း စပ်တငံ့ငံ့နဲ့ ။ မမမိုးငွက် ကတော့ ခုထိ လျှို့ဝှက်နေတုန်း။ ဟဟဟ

မျော့နေဒယ်အေ။

ရမ်းကု ကကလ said...

(((အမျိုးသမီး
သုံးဦးသည် ကြီးစဉ်ငယ်လိုက် တန်းစီထိုင်နေပြီးလျှင် တစ်ဦးခေါင်းမှ သန်းအား တစ်ဦးမှ သည်းကြီးမဲကြီးရှာ
ဖွေပေးနေကြပြီးသကာလ....ပါးစပ်မှလည်း တစ်တွတ်တွတ်နှင့် ကရားရေလွှတ်သည့်အလား )))

တဲ့........ ဟီး LOL

ဖြိုးမောင်မောင်(CTM) said...
This comment has been removed by the author.
ဖြိုးမောင်မောင်(CTM) said...

ကဗျာကလန်ထွက်နေတယ်း) ဟဟဟ

မျှစ် said...

စိတ်ကုန်ချက်အေ.. မျော့နေရတာနဲ့သေတော့မယ်..

မြန်မြန်ေ၇း ပြတ်အောင်ရေး..

မေမြို့မိုး said...

မမိုးငွပ်ကိုတွေ့တော့.. ဘာဆက်လုပ်သတုန်း..။ မြန်မြန်ရေးဦး. ။ ဖတ်ချင်လှပီ.။

ကိုကိုမောင်(ပန်းရနံ့) said...

ကမောင်လေးရဲ့ သင်္ကေတ ကဗျာလေးက "ပါဋ္ဌ်တစ်ချက် အနက်ဆယ်ထွေ" ဆိုသလို နေမှာ။
သင်္ကေတကဗျာက ငါးကြောင်းထဲရယ်။
သူ ဘာသာပြန်လိုက်မှ ၁၅ ကြောင်းကြီးများတောင်။း))))

အပိုင်း ၄ နဲ့တင် ဇာတ်သိမ်းနိုင်အံ့မထင်။း))

မည်သို့ပင် ဆိုစေကာမူ ဖတ်လို့ ကောင်းပါသဖြင့် ဆက်မျှော်နေလိုက်ဦးမည်။

Angelhlaing(May everybody be happy and healthy! said...

ကဗျာလေးနဲ့ သင်္ကေတလေးတွေ တယ်မိုက်တာပဲ အကို..:))) သဘောကျမိပါ၏။..:)

mstint said...

ဒီကနေ့မနက်ကြက်မတွန်ခင်နိုးနေလို့ အိမ်လည်ရင်း အင်းစိန်စီအိုင်ဒီက စုံထောက်တို့ဆီရောက်လာတယ် တရားခံမမိသေးတော့ စိတ်အေးလက်အေး တစ်ရေးလောက်ပြန်အိပ်ပြီ မောင်ညိမ်းနိုင်ရေး))
မှတ်စရာသင်္ကေတတွေကူးသွားတယ်နော်
စိတ်ဓာတ်အစဉ်ကြည်လင်အေးမြပါစေကွယ်။

မေတ္တာဖြင့်
အန်တီတင့်

san htun said...

ကုမ္မာရီဂိုဏ်းက အပျော့ဂိုဏ်း၊ အမာဂိုဏ်း အဲ..ဟုတ်ပေါင် ဘောင်းဘီဝတ်၊ ထမီဝတ်အပြင် စကပ်ဝတ် သုံးဂိုဏ်းတောင် ကွဲသွားပါရောလား..မိုးငွပ်နောက်ကို လိုက်ရင်း ဘာဆက်ဖြစ်မလဲလို့  ဆက်မျော့နေတယ် ခင်ည..

SHWE ZIN U said...

ဒါနဲ့ ရွှေစင်ဦး ကဘယ်နေရာ မှာ ကပြရမှာလည်း မောင်လေးရေ ရင်ခုံသံတွေ မြန်နေပြီ

ခင်မင်တဲ့
အမရွှေစင်

မဒမ်ကိုး said...

နာကဘဲသန်းတုတ်နေတယ်တဲ့ ဟင်းးဟင်းး
သန်းမတုတ်ဖူး ကီတုံးရိတ်ပလိုက်မှား))

မိုးငွေ့........ said...

ဟဟဟဟ...ဖတ်ရင်းအရမ်းရယ်ချင်နေတာ အသံမထွက်ရဲဘူး ရုံးမှာ အရူးဖြစ်မှာစိုးလို့ ဒီမှာပဲံ အားရပါးရရယ်ပါရစေ ဆြာကြီးရယ်...။ ဇာတ်သိမ်းတော့ ...မျှော်ရတာလဲ မျော့နေပြီ...။

Anonymous said...

စိတ်ဝင်စားထှာ မြော့တော့တော့ပဲကျန်တော့တယ် ကညိမ်းရေ
း) မှန်းရခက်တဲ့ ဇတ်ကွက်ပေပဲဗျား)


မောင်ဘကြိုင်

Anonymous said...

စိတ်ဝင်စားထှာ မြော့တော့တော့ပဲကျန်တော့တယ် ကညိမ်းရေ
း) မှန်းရခက်တဲ့ ဇတ်ကွက်ပေပဲဗျား)


မောင်ဘကြိုင်

မိုးဇက် said...

ဆက်လက်မျော့ကြမယ်လေ ဆက်လက်ရေးပါလေး))

AH said...

သင်္ကေတနဲ့ ကဗျာစပ်ထားတဲ့ ၄ ကြောင်းကတော့ တယ်မိုက်သကိုးဗျ.. ရှေ့ဆက်မဖတ်နိုင်ဘဲ ထိုင်ရယ်နေမိတာ.. ဆက်မျော့နေမယ် ဆက်မျော့နေမယ်.. :P

နွေတေးရှင် (မင်းဧရာ) said...

ဖိုးသားလည်း ဆက်မျော့နေတယ် အူးရေး...း)

လက်သတ်တော့ ဇာတ်ဆရာ ကို၇င်သာပျော့ သနပ်ဆောင်တာ သူ့မိန်းမ ဖို့ကိုးဗျာ ကောင်းပါလေ့ ကောင်းပါလေ့ ။

သို့ပေသိ အမျိုးသမီး သုံးဦးက သန်းရှာရင်း စီဆင်တာတော့ မဖြစ်တန်ရာ အတင်းပြောတာဖြစ်ပါ့လိမ့်မယ်း) ။

လက်စနဲ့ ကဗျာဆရာ ဒေါက်တာစုတ်ဖွားအကြောင်းရေးမည့် ဘုတ်အုပ်ကိုပါ စောင့်မျော့နေပါမည် နင့်အသက်ငါ့ပေး အူးရေးကြီးး)။

နွေတေးရှင် (မင်းဧရာ) said...

ဖိုးသားလည်း ဆက်မျော့နေတယ် အူးရေး...း)

လက်သတ်တော့ ဇာတ်ဆရာ ကို၇င်သာပျော့ သနပ်ဆောင်တာ သူ့မိန်းမ ဖို့ကိုးဗျာ ကောင်းပါလေ့ ကောင်းပါလေ့ ။

သို့ပေသိ အမျိုးသမီး သုံးဦးက သန်းရှာရင်း စီဆင်တာတော့ မဖြစ်တန်ရာ အတင်းပြောတာဖြစ်ပါ့လိမ့်မယ်း) ။

လက်စနဲ့ ကဗျာဆရာ ဒေါက်တာစုတ်ဖွားအကြောင်းရေးမည့် ဘုတ်အုပ်ကိုပါ စောင့်မျော့နေပါမည် နင့်အသက်ငါ့ပေး အူးရေးကြီးး)။