Sunday, November 27, 2011

မိန်းမဟူသည် (ဇာတ်သိမ်း)

ပညာရှိကြီးလောင်းဇူ ၏အသုဘပြီးဆုံးသွားသည်မှာ နှစ်ပတ်ခန့်ရှိသွားပြီင်္ဖြစ်သည်။မေဟွာလေးမှာ ပူဆွေး
ဝမ်းနည်းစွာဖြင့်အိမ်တွင်းမှအိမ်ပြင်ပင်မထွက်ရှာ၊ဝမ်းနည်းခြင်းအထိမ်းအမှတ်ဝတ်စုံကိုလည်းခုထိမချွတ်သေး။
ချစ်စွာသောခင်ပွန်းသည်၏ကမည်းတိုင်ရှေ့တွင်ပင်တစ်နေ့လုံးအချိန်ကုန်နေရှာတော့သည်။တစ်နေ့တွင်....

"အိမ်ရှင်တို့....အိမ်ရှင်တို့ခင်ဗျား....ဒါ ဆရာကြီးလောင်းဇူအိမ် ဟုတ်ပါသလားခင်ဗျား......"

အိမ်ရှေ့မှ တကြော်ကြော်အော်ဟစ်ခေါ်နေသော တစိမ်းတစ်ယောက်၏အသံကြောင့် မေဟွားလေးမှာမနေ
သာတော့...၊ခုချိန်တွင် မည်သူ့ကိုမျှလက်ခံတွေ့ဆုံလိုခြင်းမရှိသေးသော်လည်းမနေသာတော့သောကြောင့်
အိမ်တံခါးကိုဖွင့်၍ ကြည့်လိုက်ရာ....တစိမ်းယောင်္ကျားပျိုတစ်ဦးကို ဝန်စည်စလွယ်များနှင့်အတူတွေ့လိုက်ရ
လေတော့သည်။ထိုလူစိမ်းကိုတွေ့လိုက်ရသည်ခဏ မေဟွားလေးမှာရုတ်တရက် ငေးငိုင်သွားရတော့သည်။
နက်မှောင်သောဆံကေသာ၊နုနယ်ပျိုမြစ်သောမျက်နှာပေါ်မှ ထင်ရှားသောမျက်ခုံး၊ကြစုသီးသဏ္ဍန်မျက်လုံး၊
ကြန့်ခိုင်သောခန္ဓာ ကိုပိုင်ဆိုင်ထားသော ခန့်ညားချောမောသည့် လူငယ်လေးတစ်ဦးပါလား...။

"'ဒီအိမ်က ဆရာကြီးလောင်းဇူအိမ်ပါလားခင်ဗျာ...."

ချိုသာယဉ်ကျေးစွာမေးမြန်းလိုက်သော စကားသံကြောင့် မေဟွားလေး သတိပြန်ဝင်လာသည်။

" ဟုတ်ပါတယ်ရှင်...."

"ကျွန်တော့်က လျှိုအမျိုးအနွယ်ကပါ ဆရာကြီးဆီမှာ ပညာသင်ကြားချင်လို့နေပြည်တော်ကလာခဲ့ရတာပါ၊
ဆရာကြီးနဲ့တွေ့ခွင့်ရပါရစေခင်ဗျ..."

" အို....နေပြည်တော်ကတောင်ရခဲ့ရလေသလား....၊အလာကောင်းပေမယ့်၊အခါနှောင်းသွားပြီ မောင်မောင်
ရဲ့၊ဆရာကြီးဆုံးသွားတာ နှစ်ပတ်ကျော်ပြီကွယ့်...."

"ဟင်.....ဖြစ်မှဖြစ်ရလေဗျာ....."

ရုတ်တရက်ညိုးနွမ်းသွားသော လုလင်ပျို၏မျက်နှာနုနုလေးကိုကြည့်ရင်း မေဟွားစိတ်ထဲမှ ဂရုဏာစိတ်တို့
ယိုဖိတ်လာချေပြီ.....။

" ကဲပါလေ..ရောက်ပြီးမှတော့ အိမ်ထဲဝင်ပါဦး...."

သို့နှင့်ပင် မေဟွားလေးမှာ ကိုယ်ပေါ်မှဝမ်းနဲခြင်းအထိမ်းအမှတ်ဝတ်စုံကိုပင် ဘာသာသတိမထားနိုင်တော့၊
တစိမ်းယောင်္ကျားပျိုလေးအား အိမ်ထဲသို့ဖိတ်ခေါ်၍ ဧည့်ဝတ်ပြုမိလေပြီ။

"ရေနွေးကြမ်းသုံးဆောင်ပါဦးကွယ်...."

ယောင်္ကျားပျိုလေးအား တည်ခင်းသော ရေနွေးကြမ်းအိုးလေးသည် တချိန်က ချစ်စွာသောခင်ပွန်းသည်အား
အမြတ်တနိုး တိုက်ခဲ့သော အိုးလေးဖြစ်နေသည်ကိုလည်း သတိမထားမိတော့....။

" ဒါနဲ့ ဒီက မမ က...."

သူတစိမ်း၏မေးခွန်းအဆုံး၌ မေဟွားလေးမှာ မျက်နှာညိုးသွားရသည်။ခင်ပွန်းသည်ကိုပင်သတိရသွား၍
လော...၊မိမိသည် အပျိုမလေးမဟုတ်ပဲ ပူပူနွေးနွေး လင်သေမုဆိုးမလေးဖြစ်နေ၍လော ဆိုသည်မှာမူ
မေဟွားကိုယ်တိုင်အသိဆုံးဖြစ်ပေလိမ့်မည်။

" မမ ကဆရာကြီးလောင်းဇူရဲ့ ဇနီးသည်ပါကွယ်...."

"အော်......"

ယေင်္ကျာပျိုလေး၏မျက်နှာ၌ အမျိုးအမည်မသိ ခံစားမှုတစ်ခု ဖြတ်ပြေးသွားသည်ဟု မေဟွားလေး မှတ်ထင်
လိုက်မိသည်။နှမြောခြင်းလော၊တစ်စုံတစ်ရာမျှော်လင့်ခြင်းလော.....။

"ဆရာကြီးရဲ့ ဂုဏ်သတင်း၊ဆရာကြီးပြုစုခဲ့တဲ့ ကျမ်းစာတွေရဲ့ ဂုဏ်သတင်းက နေပြည်တော်ထိတောင် မွေး
လှပေမယ့်၊ ဆရာကြီးဆီမှာ ဒီလောက်ချောမောလှပတဲ့ ဇနီးသည် လေးရှိနေတာတော့ တစ်ရံတစ်ဆစ်မှ
မကြားမိခဲ့ပါလားဗျာ...၊အင်း ကျွန်တော့်မယ် ဆရာကြီးဆီ ပညာသင်ချင်လွန်းလို့ ခက်ခဲလှတဲ့ခရီးကြမ်းကို
ဖြတ်သန်းလာခဲ့ရတာ..၊ခုတော့...."

ယောင်္ကျားပျို၏စကားအဆုံးတွင် မေဟွားလေးပါးပြင်ပေါ်၌ နှင်းဆီတစ်ခင်းဖြတ်ပြေးသွား၏။မိမိအလှအပေါ်
ကျေနပ်စိတ်ဖြင့် ဘာမှပြန်မပြောမ်ိ....။

" မမရယ်.....၊ကျွန်တော် ရောက်လက်စနဲ့တော့မထူးပါဘူး....၊ဆရာကြီးရဲ့ကျမ်းစာတွေကို ကျွန်တော့်ကို
လေ့လာခွင့်များပြုနိုင်မလားခင်ဗျာ...."

"အင်း..ကျမ်းစာတွေကိုလေ့လာတာကတော့ ဟုတ်ပါရဲ့...မောင်မောင်က ဘယ်မှာတည်းခိုမှာတုန်းကွယ် "

"'ဒါကတော့ မမရယ်...ရွာပြင်ဇရပ်မှာပဲနေရမယ်ထင်ရဲ့...."

ခက်ချေပြီ၊ရွာပြင်ဇရပ်ဆိုတာ ညအိပ်ညနေ နေလို့ကောင်းသည်မှမဟုတ်တာပဲလေ.....။

"အို....ဒီလိုတော့ ဖြစ်မလားကွယ်...၊ကိုယ့်ဆီလာတဲ့သူကိုဧည့်ဝတ်မကြေသလိုဖြစ်နေမပေါ့၊ဒီတော့ ဆရာကြီးရဲ့ စာကြည့်ခန်းမှာပဲ နေပြီး ကျမ်းစာတွေကိုလေ့လာပေတော့ကွယ့်...."


သို့နှင့်ပင် ပညာရှိကြီးလောင်းဇူ၏ စာကြည့်ခန်း၌ တစိမ်းဧည့်သည်တစ်ဦးသောင်တင်နေလေပြီ၊နေထိပန်း
သို့ ညိုးနွမ်းနေသော မေဟွားလေးလည်း မိုးဆန်းပန်းလေးအလား လန်းဆန်းလာချေပြီ။အော်...အသစ်
တဖန်ပြန်လည်မွေးဖွားလာသော အချစ်၏စွမ်းပကားလေများလား.....:D

ရွေဧည့်သည်ကား စာကြည့်ခန်းထဲတွင်ပင် အပတ်တကုတ် ကျမ်းစာများကိုလေ့လာနေလေ၏။စရောက်
သောနေ့က စကားသွက်သလောက် နောက်ရက်များတွင်တော့ မေဟွားလေးအား စကားပင်ဟဟမပြော၊
မေဟွားလေး ကြိုးစားပမ်းစားချက်ပြုတ်ကျွေးမွေးသမျှကို ကောင်းသည်၊ဆိုးသည်မပြော၊တိတ်ဆိတ်စွာပင်
နေ နေရှာလေသည်။

စိတ်ထဲ မခံချိမခံသာဖြစ်ရသည်က မေဟွားပင်...၊သူခမျာ မနက်မိုးလင်းသည်နှင့်သူ့ကိုယ်သူလှသည်ထက်
လှအောင် ပြင်ရသည်။ကောင်းနိုးရာရာလေးများကို အားကြိုးမာန်တတ်ချက်ပြုတ်ကျွေးမွေးရသည်။သို့ပေ
မင့် ရွေဧည့်သည်လေး၏ပါးစပ်မှ ဘာတစ်ခွန်းမှထွက်မလာ...။ဒိန်းတလိန်းနတ်ကား မေဟွားလေးကိုဖမ်း
စားလေပြီထင့်....။

တစ်နေ့သော ညနေခင်းတွင်မတော့ မေဟွားလေးသည် ရေနွေးကြမ်းအိုးလေးတစ်အိုးဖြင့် စာကြည့်ခန်းထဲ
ဝင်ရောက်လာပြီးလျှင် ရွေဧည့်သည်လေးအား ဧည်ဝတ်ပြုရှာလေသည်။ကိုရွေဧည်သည်ကား...ကျမ်းတစ်
အုပ်ဖြင့် အလုပ်ရှုပ်နေရာမှ မေဟွားလေးအား မျက်မွေးထော်လို့မှ မော်မကြည့်...။မေဟွားလေးခမြာ မခံချိ၊
မခံသာစိတ်ဖြင့်...

"ဒီမှာ မောင်မောင်....၊မောင်မောင်ရှိနေတဲ့ ဒီရက်ပိုင်းအတွင်း မမ မင်းကို ဧည့်ဝတ်ကျေစွာပြုစုပါရက်ကယ်
နဲ့ ဘာကြောင့်များ လူကို ဖုတ်လေတဲ့ငပိရှိသည်တောင်မအောင်မေ့၊စကားတစ်ခွန်းတောင်ပြောဖော်မရ
တာ ဘာကိုများမကျေနပ်လေသလဲကွယ်...၊မမ မင်းအပေါ် တစ်စုံတစ်ရာ ဧည့်ဝတ်မကျေတာရှိလို့လား...၊
ပြောစမ်းပါကွယ့်....."

" အို...မဟုတ်...မဟုတ်ရပါဘူး...မမရယ်...၊ကျွန်တော်.....ကျွန်တော်လေ....၊အို....ရှင်းရှင်းပဲပြောတော့
မယ် မမရယ်...၊ကျွန်တော် မမကို မြင်စကတည်းက ချစ်ခင်စွဲလန်းစိတ်တွေက တားဆီးမရ၊နေ့နေ့ညည၊
မမ ကိုပဲ တသနေမိတာရယ်..၊ဒါပေမယ့် ဆရာကြီးရဲ့ အိမ်ရိပ်မှာနေပြီး ဆရာကြီးမယားကိုစော်ကားသလို၊
ဖြစ်မှာစိုးလေတယ်...၊မမနဲ့စကားများပြောမိရင် ခုလို ချစ်စိတ်တွေပေါက်ကွဲထွက်လာရင်ဖြင့် မမ ကျွန်တော့်အပေါ် ညိုညင်မှာစိုးလို့ ဘာစကားမှမပြောမိအောင်နေမိခြင်းရယ်ပါဗျာ....."

" အို....ဖြစ်ရလေမောင်မောင်ရယ်...၊မမမှာဖြင့် မဆွတ်ခင်ကညွှတ်ချင်စိတ်နဲ့ မောင်မောင့်စကားအဟ ကို
စောင့်စားမျှော်လင့်နေရသူမှန်းမသိလေရော့သလား၊ဆရာကြီးလည်း ဘဝတစ်ပါးပြောင်းသွားပြီပဲကွယ်...၊
ဘာကြောင့်များ စိုးရိမ်ကြောင့်ကြနေရသတုန်း...." ဟု မေဟွားလေးမှာ ကတုန်ကယင်၊ပျော်ရွင်၊ကြည်နူး
ခြင်းအပြည့်ဖြင့် ဆိုလိုက်ရင်ပဲ.....

"အို....ဝမ်းသာလိုက်တာ မမရယ်...ဒါဖြင့် ဘာကြောင့်များအချိန်ဆွဲနေမလဲ၊နောက်နေ့ ကျွန်တော်နဲ့အတူ
နေပြည်တော်ကို လိုက်ခဲ့ပါတော့နော်....."

" အဲ....အဲ့လိုတော့ချက်ချင်းကြီးမဖြစ်သေးဘူးကွယ့်၊မမ သွားလေသူကြီးကို ပေးထားခဲ့တဲ့ ဂတိတစ်ခုတော့
ရှိတယ်..၊အဲ့ဒါကတော့ နောက်အိမ်ထောင်ပြုမယ်ဆိုရင် သူ့အုတ်ဂူခြောက်အောင်စောင့်ပါ့မယ်ဆိုတဲ့ ဂတိ
ပဲကွယ့်..၊အင်းခုလောက်ဆိုရင်လည်း သူ့အုတ်ဂူခြောက်လောက်ပါပြီကွယ်..၊သို့ပေမယ့် သေချာအောင်
မနက်ကျ မမ သွားကြည့်ပါဦးမယ်....၊ဒီတစ်ညတော့ စောင့်ပါဦးကွယ်...နော်...."

သို့နှင့် နောက်နေ့မနက်စောစော မေဟွားလည်း ဆရာကြီးကိုနောက်ဆုံးနှုတ်ဆက်ခြင်း ပန်းစည်းလေးကိုင်
ကာ သုဿန်သို့သွားရှာလေသည်။သို့သော်.....ပညာရှိကြီးအုတ်ဂူမှာ ခြောက်ဖို့ဝေးစွ၊မနေ့တနေ့ကမှ
ဂူသွင်းထားသည့်အလား စိုထိုင်းထိုင်းပင်ရှိသေးသည်တစ်ကား....။

"ဟင်း....မောင်မောင်ရေ....၊အုတ်ဂူကမခြောက်သေးဘူးကွယ်...အစိုကြီးရှိသေးသကွယ့်...."

မေဟွားလေး အိမ်ပြန်ရောက်သော် မျော်လင့်တကြီးစောင့်စားနေရှာသောသူအား အထက်ပါအတိုင်းပြော
လိုက်သည်ရှိသော်....

"ဟင်း...မမရယ်....၊အစကတည်းက ကျွန်တော်ဖွင့်မပြောလိုက်ရကောင်းသား...၊ခုတော့ ကျွန်တော် မမနဲ့
နီးချင်စိတ်တွေက တားမရတော့ဘူးမမရယ်....."

"အို...မောင်မောင်ရယ်..၊စိတ်မပျက်ပါနဲ့ ဒီနေ့မခြောက် နောက်နေ့ခြောက်လိမ့်မပေါ့...၊သည်းခံပြီးစောင့်
ပါကွယ်..."

သို့နှင့် တစ်ရက်ပြီးတစ်ရက် မေဟွားခမြာ သုဿန်သို့သွားကြည့်ရှာသည်။အုတ်ဂူမှာ မခြောက်နိုင်သေး၊
စောင့်စားနေရသူ ချစ်သောမောင်မောင်မှာလည်း မစားနိုင်၊မအိပ်နိုင် တပိန်ပိန်တလိန်လိန်ဖြစ်နေပြီဖြစ်ရာ
မေဟွားလေးမှာ မချိသောနှလုံးဖြင့် နောက်ဆုံးကြံရာမရတော့သည့်အဆုံး၊ တစ်နေ့တွင် ပညာရှိကြီး၏
အုတ်ဂူရှေ့ ကြုံကြုံလေးထိုင်ကာ အမြန်ခြောက်သွားစေခြင်းငှာ ယပ်တောင်လေးဖြင့် ခပ်ပေးနေရှာတော့
သည်။

"အလို....ဒီကနှမ...ဘာကြောင့်များ မျက်နှာမသာမယာနှင့် အုတ်ဂူအား ယပ်ခပ်ပေးနေရသလဲကွယ်...
ကျုပ်ဘာများကူညီပေးနိုင်မလဲကွယ့်...."

 မေဟွားလည်း ထိုသို့ ညိုးငယ်သောစိတ်ထားဖြင့် အုတ်ဂူကိုယပ်ခပ်ပေးနေရာမှ  နောက်ပါးမှ စကားသံ
ပေါ်ထွက်လာသဖြင့် မော်ကြည့်လိုက်ရာ ခရီးသွားအမျိုးသားကြီးတစ်ဦးမှ ကြင်နာစွာ ငုံကြည့်နေသည်ကို
တွေ့လိုက်ရလေတော့သည်။ကြံရာမရ ဖြစ်နေသူအတွက် အားကိုးရာကောက်ရိုးတမျှင်တော့ရလေပြီ။

" ဒီ..ဒီလိုပါရှင်၊ဒီအုတ်ဂူက ကျွန်မယောင်္ကျားအုတ်ဂူပါ၊သူ့အုတ်ဂူအမြန်ခြောက်သွားအောင်ကျွန်မယပ်ခပ်
ပေးနေတာပါ...."

"ဟုတ်ပါပြီလေ...၊အုတ်ဂူခြောက်အောင်လုပ်ပေးဖို့က မခက်လှပါဘူး၊သို့ပေမယ့် ဘာကြောင့်အလျှင်စလို
ခြောက်သွေ့စေချင်ရသတုန်းကွယ်...၊အကျုိးသင့်အကြောင်းသင့်ဆို ကျုပ်ကူညီပါ့မယ်လေ....."

အင်း...အဲ့ဒါမှခက်ပြီ၊အမှန်အတိုင်းဖွင့်ပြောသော် ထိုသူ ကူညီချင်မှ ကူညီပေလိမ့်မည်။သို့အတွက်ကြောင့်
ပင် မေဟွားလည်း မိန်းမတို့မာယာဖြင့်.....

" ဒီလိုပါရှင် ကျွန်မယောင်္ကျားက အင်မတန်အအေးကြောက်တယ်ရှင့်၊ခုလိုအုတ်ဂူအေးအေးကြီးထဲမယ် သူ
နေနိုင်မယ်မဟုတ်ပေဘူး...၊ဒါကြောင့် သူ့ကိုချစ်သောစိတ်နဲ့ ယပ်ခပ်ပေးနေရတာပါ၊ကူညီနိုင်ရင် ကူညီပါ
ရှင်...."

" ဟား.....ဟား....ဟား...တတ်လည်းတတ်နိုင်တဲ့ မေဟွားပါလားကွယ်....၊မင်း နောက်ယောင်္ကျားအမြန်
လိုချင်ရင် လိုချင်တယ်ပြောပါကွယ်....."

"ဟင်.....ရှင်...ရှင်...ဘယ်လိုသိသတုန်း....ရှင်ဘယ်သူလဲ......"

"ဟား...ဟား.....ကျုပ်ဘယ်သူတုန်း...ဟုတ်လား...သေသေချာချာကြည့်စမ်းပါမေဟွားရဲ့....."

ထိုသူ၏စကားအဆုံးတွင်တော့ သူ၏ရုပ်သွင်သည်  ပညာရှိကြီးလောင်းဇူ၏ရုပ်သွင်သို့ တဖြည်းဖြည်းချင်း
ပြောင်းလဲသွားသည်ကို အံသြဖွယ်မြင်လိုက်ရလေတော့သည်။

မေဟွားလေးလည်း ရှက်ခြင်း၊ကြောက်ခြင်း၊အံသြခြင်း အစရှိသောဝေဒနာများကိုခံစားရလျက် သူမ
ချစ်ရသောမောင်မောင်ရှိရာ အိမ်သို့ပြေးရှာလေသည်။အိမ်သို့ရောက်သော် သူချစ်သောမောင်မောင် နှင့်
တစ်ကွ ပညာရှိကြီးနောက်ဆုံးပြုစုခဲ့သော ကျမ်းစာအုပ်ကြီးပါ ပျောက်ခြင်းမလှပျောက်ဆုံးလျက်ရှိသည်ကို
အံသြဖွယ်ရာ တွေ့လိုက်ရလေတော့သတည်း....။အမှန်မှာကား အနှီးယောင်္ကျားပျိုလေးမှာလည်း ပညာရှိ
ကြီးလောင်းဇူဖန်တီးထားသော ကိုယ်ပွားတစ်ဦးပင် ဖြစ်နေလေတော့သည်တစ်ကား.....။

~~~~~~~~~~~~~~~~~~

" ကြောင်လတ်ရေ....ပုံပြင်လေးကတော့ ဒါပါပဲကွာ....၊ကဲ...မိန်းမတွေရဲ့ ပြောင်းလဲတတ်တဲ့သဘောကို
ခုလောက်ဆို မင်းလည်းကောင်းကောင်းသဘောပေါက်ပြီဟုတ်....၊ဒီတော့ မိန်းမတစ်ယောက်အတွက်နဲ့
အဲ့လောက် ပူဆွေးသောကရောက်မနေနဲ့တော့ဟ....ဟုတ်ဘီလား....."

ကျွန်တော်၏ ရှည်လျားထွေပြားလှသောပုံပြင်ကြီးအား တက်သုတ်ရိုက်အဆုံးသတ်ပြီးလျှင် ဤကဲ့သို့ အချစ်
နာကျနေသော ကြောင်လတ်အား တရားချလိုက်သည်ရှိသော်.....။

"အင်း.....မင်းပြောတာငါသဘောပေါက်ပြီ...၊ဟုတ်တယ်....မိန်းမတစ်ယောက်တည်းအတွက် ဘာကြောင့်
ဝမ်းနည်းနေမတုန်း...၊မင်းပြောသလိုပဲ မိန်းမဆိုတာပြောင်းလဲတတ်တဲ့သဘောရှိတယ်..၊ဒါကြောင့် တစ်ခြား
မိန်းမတွေ ပြောင်းလဲလာပြီး ငါ့အပေါ် ကျ မလာဘူးလို့မပြောနိုင်ဘူး...၊အနဲဆုံးတော့ နင့်ပုံပြင်လေးထဲက
လို မုဆိုးမချောချောလှလှလေးတစ်ယောက်ယောက်ကိုတော့ ငါမျှော်လင့်လို့ရနိုင်သေးတယ်..ဟေ့ဟေ့..."

ဟူ၍ ပျော်ရွင်ဝမ်းမြောက်စွာ ပြောဆိုလေတော့သည်....။ကျွန်ုပ်လည်း....ငါတော့ ခုတ်ရာတခြား၊ရှရာတစ်
ခြားဖြစ်သွားလေပြီ၊ပြောမိတာကိုက ငါ့အမှားပါလား.....ဟူ၍ ကြီးစွာသော စိတ်ပျက်ခြင်းဖြစ်ပြီးလျှင်...

မိန်းမဟူဘိ ထိုဣတ္ထိကား မရှိမကောင်း၊ရှိမကောင်းတည်း....ဟူသော လင်္ကာလေးအစား.....

ယောင်္ကျားဟူဘိ ထိုငတိကား မရှိမကောင်း၊ရှိမကောင်းတည်း...ဟူ၍သာ ရေရွတ်နေမိလေတော့သတည်း။

(ဘာရယ်မဟုတ်ပါဘူးခင်ဗျား....၊ခုတလောရေးစရာမရှိလို့ ကြားဖူးနားဝလေးကို ဗာရာဏသီချဲ့လိုက်ခြင်း
ပါ။ဇာတ်လမ်းပါ အချိန်၊နေရာ၊အမည်နာမများသည် ကျွန်တော်စိတ်ကူးရှိသလို ရေးသား ထားခြင်းဖြစ်ပါ
တယ်၊နောက်တစ်ခုကကျွန်တော့်အနေနဲ့ feminist တစ်ဦးမဟုတ်သလို၊မဟာပုရိသဝါဒီလည်း မဟုတ်ရပါ
ဘူး၊မိန်းမဖြစ်စေ၊ယောင်္ကျားဖြစ်စေ မကောင်းသူကမကောင်း၊ကောင်းသူကတော့ ကောင်းမှာပဲ လို့ပဲယူဆ
သူပါ။ဒီပို့စ်ဟာမိန်းမတစ်ဦးဦးကိုလည်းကောင်း၊မိန်းမအားလုံးကိုလည်းကောင်း တစ်စုံတစ်ရာရည်ရွယ်ခြင်း
အလျှင်းမရှိပါဘူးခင်ဗျာ...။နောက်တစ်ခုက ကျွန်တော့်သူငယ်ချင်းကြောင်လတ်ကို ခင်မင်စိတ်နဲ့ စနောက်
ထားခြင်းမျှသာဖြစ်ပါတယ်..၊သူကတော့ ကျွန်တော်ရေးသလို မဟုတ်ပါဘူးခင်ဗျား....၊
(နဲနဲတော့ ပြန်ဖြည်ထားမှတော်ကြာ ဆဲနည်းပေါင်းစုံနဲ့လာဆဲနေဦးမယ်....:P ))

Friday, November 25, 2011

မိန်းမဟူသည်......

တစ်နေ့သ၌ကျွန်ုပ်ညိမ်းနိုင်တစ်ယောက်အလုပ်မှပြန်ရောက်လျှင်ပြန်ရောက်ခြင်းချိုးရေတော်မသုံး၊စားတော်
အုပ်မတည်နိုင်သေးပဲ၊စီးထားသော ဆေ့တီးဘုကြီးအား ဘုန်းဆို ကန်ကျောက်ချွတ်ပြီးလျှင်၊လပ်တော့လေး
အားကပျာကယာဖွင့်ပြီးနောက်အွန်လိုင်းလူမှုကွန်ယက်ကြီးများ ဖြစ်ကြကုန်သောဖွတ်စဘွတ်၊ဘလော့၊ဂျီတော့
တို့အားသုံးမျိုးသောနာမည်၊သုံးခုသောပတ်စဝပ်တို့အားအသုံးပြုပြီးသကာလ...၊အနှီးလူမှုကွန်ယက်များထဲ
တွင်ထဲထဲဝင်ဝင်၊မွှေနှောက်၊ခြောက်ခြား၊အလုပ်များလျှက်ရှိချေတော့သည်တစ်မုံ.....။

သို့အလုပ်ကြီးအကိုင်ကြီးများကို ဆောင်ရွက်မိသည်ရှိသော် တစ်ယောက်သောသူငယ်ချင်းအား ကောင်းစွာ
သတိထားမိလေ၏။အနှီးသူငယ်ချင်းကား...အယုဒ္ဒယအမည်ရသော တိုင်းနိုင်ငံအတွင်း၌ အလုပ်မရှိအကိုင်
မရှိ တစ်ရာကိုး၊တစ်ရာ့ဘူ လုပ်နေသော ကုဋေရှစ်ဆယ်သထိန်းသားကြောင်လတ်တည်း...။မှန်အိ....သင်း
ကြောင်လတ်ကား....သူဌေးသားပီသစွာ တစ်နေ့တစ်နေ့ ဘာအလုပ်မှမလုပ်ပဲ အွန်လိုင်းပေါ်တွင်မိုးလင်းမှ
မိုးချုပ် ရှိနေတတ်သူဖြစ်၏။သို့သော် ထိုနေ့တွင်ကား ကျွန်ုပ်ရှင်ကြားပူလက်လုပ်လက်စားလေးပင်အွန်လိုင်း
ပေါ်ရောက်နေချေပြီဖြစ်သော်လည်း သင်း၏အရိပ်အယောင်မှမမြင်ရ၊ဘလော့တွင်လည်း ဘာမှမရေး၊ဖဘ
တွင်လည်း ယခင်လိုလပ်ယားလပ်ယားမလုပ်၊ဂျီတော့တွင်လည်း မီးမစိမ်းရုံမက၊ဝါလည်းမဝါ၊နီလည်းမနီပဲ
အော့လိုင်းသာပြနေလေတော့ချေသည်တကား.......။

သို့ကြောင့်ပင် သင်းပျောက်ခြင်းမလှပျောက်နေသည်ကို ကျွန်ုပ်ကောင်းစွာသတိထားမိသည်မှ၊ကောင်းစွာ
မသင်္ကာခြင်းကိုလည်းဖြစ်မိတော့သည်၊သင်းကား...ဘာတွေကြောင်ကြံ ကြံနေလေသည်မသိ၊ကျွန်ုပ်လည်း
မသင်္ကာခြင်းကိုမလွန်ဆန်နိုင်သည့်အလျောက် သင်း၏ဂျီတော့အား..အွန်လိုင်းကမ္ဘာသားတို့တတ်အပ်သော
ပညာကိုသုံးလျက် စစ်ဆေးလိုက်သည်ရှိသော်........လား.....လား....သင်းကား......ဂျီပုန်းဂျီးဖြစ်နေလေ
တော့သည်တကား..........။အဲ....မှားလို့..သင်းကား ဂျီတော့တွင် ပုန်းလျက်ရှိနေခြင်းပင်တကား....။

သို့ ဂျီပုန်းဖြစ်သူအား လက်ပူးလက်ကြပ်ဖမ်းမိသည်ရှိသော် သူငယ်ချင်းတို့ ဝတ္တရားရှိသည့်အလျှောက်
အောက်ပါအတိုင်း ယဉ်ကျေးချိုသာ၊နှစ်လိုဖွယ်ရာသောပဋိသန္ဓာရစကားဖြင့် နှုတ်ခွန်းဆက်ခြင်းအမှုကိုပြု
လိုက်သောဟူလို.....။

" ဟဲ့....မတာမ...ခြောက်တောင်မ...တေဂျင်းဇိုး....ဘယ့်နှာပုန်းနေရသတုန်း....ဖဘမှာ ကြောင်မျှစ်တစ်
ကောင်သောင်းကျန်းနေတာ ငါလည်းမနိုင်တော့ဘူး၊နဲနဲပါးပါးလာပြီး ဒီကြောင်စီမျှစ်ကို နဘန်ကျင်းပေးစမ်း
ပါဦးဟ...."

ဤသို့ချစ်ဖွယ်ချိုသာသောကျွန်ုပ်၏ခွန်းဆက်စကားကို သင်းတုံပြန်ပုံကား.....

"ဟာ......မလာချင်ဘူး....ဒီမှာ ငါအသဲကွဲနေလို့...လေနေတယ်...."

ကျွန်ုပ်။     ။ဘာ......နင်အသဲပြဲနေတယ်ဟုတ်လား...ဘာဖြစ်သတုန်း.....။

ကြောင်လတ်။    ။ငါနဲ့ အီစီကလီ ဖြစ်နေတဲ့ ကောင်မလေး သြဇီကောင်နောက်ပါသွားပြီး သြဇီလစ်တော့
မယ်တဲ့ဟာ....အဟင့်....အဟီးဟီး...ရွှတ်...ဖတ်.....။
(မှတ်ချက်။    ။ရွှတ်...ဖတ်.... ဆိုသည်မှာ သင်း နှပ်ညှစ်သံတည်း.....)

ကျွန်ုပ်။    ။ဟင်...ဂယ်လား....ဖြစ်ရလေဟာ...၊အေးလေ...သူ့ဘက်ကကြည့်တော့လည်း နင့်လိုကောင်ကို
ဒီလောက်သည်းညည်းခံတွဲလာတာပဲ တော်လှပါပြီဟာ.....။

ကြောင်လတ်။    ။သေနာကြီး...၊ဒီမှာတကယ်ခံစားနေရတာဟ...လာနောက်မနေနဲ့...။

ကျွန်ုပ်လည်း သူတကယ်ခံစားနေရသည်ဟု ယုံချင်သလိုလိုဖြစ်လာသည်ရှိသော် မနောက်ပြောင်တော့ပဲ...

ကျွန်ုပ်။    ။အေးပါဟာ...၊နာက နင်ပေါ့သွားအောင်နောက်တာပါ...၊အေးပေါ့လေ...ဆန်ဆုံစား၊ကံကုန်သွား
ပေါ့...၊သိပ်ပြီးခံစားမနေနဲ့...၊မိန်းမဆိုတာဒီလိုပဲဟ....။

ကြောင်လတ်။     ။ဟုတ်တယ်....မိန်းမတွေများ သိပ်ကြောက်ဖို့ကောင်းတယ်...၊တော်ပါပြီ၊နောင်များတော့။

သို့ဆိုလတ်သည်ရှိသော် ကျွန်ုပ်လည်း စပျစ်သီးချဉ်သောတစ်ယောက်တော့တွေ့ပြန်ပြီဟု စိတ်ထဲမှ နှလုံး
ပိုက်မိသော်လည်း ပါးစပ်ကမူ ဝါးတားဖော်လို ဖစ်ဖော်လို လိုက်၏။

ကျွန်ုပ်။     ။ဟုတ်ပါ့ဟာ......ဒါကြောင့်ငါ့လိုပဲလူပျိုကြီးလုပ်စမ်းပါ....၊သွားသွား ဘုရားမှာ ကျွန်တော်မျိုး ဒီ
တစ်သက် မိန်းမ မယူတော့ပါဘူး လို့ သစ္စာဆိုချေ....။

ကြောင်လတ်။     ။ဟင်...အဲ့လိုတော့ဖြစ်မလား...၊မပြောကောင်းပြောကောင်း မိန်းမရနေရင် အလကားနေ
သစ္စာစူးနေပါ့မယ်.....။

အလို..လာလာချည်သေး....၊သူလား....ရဦးမှာ....မိန်းမ....ဟု ကျွန်ုပ်လည်း စိတ်ထဲမှ မြည်တွန်မိလေ၏။

ကျွန်ုပ်။    ။ဒီမှာကြောင်လတ်ရ...၊မိန်းမဆိုတာ အသစ်မြင်ရင်အဟောင်းမေ့တတ်တဲ့သဘောရှိတယ်..၊
ရှေးပညာရှိကြီးများက အဲ့သာကြောင့် မိန်းမဟေ့ဆို မပတ်သက်မိအောင် နေကြသကွ..၊မာဃဒေဝလင်္ကာ
ထဲမှာဆိုရင်......။

ကြောင်လတ်။    ။အင်း.....မာဃဒေဝလင်္ကာထဲ ဘာတဲ့တုန်း.....။

ကျွန်ုပ်။    ။ဟာ..သိချင်ရင်ဝယ်ဖတ်ပေါ့ဟာ...ငါလည်းမေ့သွားပြီဟ....။

ကြောင်လတ်။    ။တေနာ...အကောင်းအောင့်မေ့လို့.....။

ကျွန်ုပ်။     ။ဒီမှာ မာဃဒေဝလင်္ကာထဲက ဟာတော့ ထားတော့ မိန်းမတွေရဲ့စိတ်သဘောထားအကြောင်း
နင်သိအောင် ငါဖတ်ဖူးတဲ့ ပုံဝတ္ထုလေး ပြောပြမယ်....။တရုတ်ပုံပြင်လေးဟ....။

ဟုဆိုပြီးလျှင် သူနားထောင်ချင်မှန်းမသိ၊ထောင်ချင်မှန်းမသိ ကျွန်ုပ်လည်းအောက်ပါအတိုင်းကြားဖူးနားဝ
လေးများအား လေတစ်ဖောင်ဖောင်ဖြင့် ဆရာကြီးလုပ်လေတော့သည်ဟူသတတ်.....။

ဟိုး...လွန်ခဲ့တဲ့ ဘီစီ ၅၀၀ ခန့် တရုတ်ပြည်မှာ ဟန်မင်းဆက်အုပ်ချုပ်နေချိန်မှာပေါ့....။တရုတ်ပြည်မြောက်
ပိုင်းမှာ ကျိလင်းဆိုတဲ့ ရွာလေးတစ်ရွာ ရှိသတဲ့။အဲဒီရွာလေးမှာ လောကီ၊လောကုတ် နှစ်မျိုးစလုံး၌ ကောင်း
စွာနှံစပ်၊အရပ်ရပ်သော ပညာတို့အားထိုးဖောက်သိမြင်ကျွမ်းကျင်လှတဲ့ ပညာရှိကြီးတစ်ယောက် ရှိလေ၏။
ထိုပညာရှိကြီးအမည်ကား ' လောင်းဇူ ' ဟူသတည်း....။

ထိုကျိလင်းရွာလေးမှာပင်' မေဟွား ' ဆိုသော ချောမောလှပသည့်မိန်းမပျိုလေးတစ်ဦးလည်းရှိလေသတတ်။
တစ်နေသော် အဆိုပါ မိန်းမပျိုလေးမေဟွား ၏ မိဘများသည် မေဟွားလေးအား အိမ်ထောင်ရက်သားချ
ပေးရန် အနီးအပါးရှိ လူပျိုလူလွတ်များကို စဉ်းစားသည်ရှိသော် တစ်ဦးတစ်ယောက်ကိုမျှ စိတ်တိုင်းမကျ၊
တစ်ဦးတစ်ယောက်မှ သူတို့သမီးအချောအလှလေးနှင့်လိုက်ဖက်လှသည်ဟု့မထင်ကြချေ။သို့သော်...
သူတို့ သဘောကျသောသူတစ်ဦးကားရှိ၏။ ထိုသူကား ပညာရှိကြီးလောင်းဇူ တည်း....။

ပညာရှိကြီးလောင်းဇူနှင့် မေဟွားကား အဖိုးနှင့်မြေးအရွယ်လောက်ပင်ရှိလေ၏။သို့သော် ဤသည်က အကြောင်းမဟုတ်....၊ပညာရှိကြီးသည် နူးညံ့သိမ်မွေ့၏၊ပညာညဏ်ကြီး၏၊တပည့်တပန်းများ၏၊မင်းပေါက်
စိုးပေါက်လည်းဖြစ်လေ၏။ သို့ကြောင့်ပင် အနှီးဆရာကြီးလောင်းဇူအား သားမက်အဖြစ်ရွေးချယ်ကြပြီးသော်
မြောက်မြားလှစွာသော မင်္ဂလာလက်ဖွဲ့တို့ဖြင့် သွားရောက်တောင်းကြလေတော့သည်...။

(ဤနေရာသို့ရောက်သော် ငြိမ်သက်စွာနားထောင်နေသော ကြောင်လတ်လည်း ပြင်းစွာသော နှလုံးမသာ
မယာခြင်းဖြစ်လျက်..." အော်...သူများတွေများကြတော့ အိုကြီးအိုမအရွယ်ရောက်တောင် သတို့သမီးက တင်တောင်းယူရတယ်....ငါ့မှာများတော့...အဟင့်..အဟင့်...ဟီး...ဟီး...." ဟူ၍ ငိုကြီးချက်မ ဖြစ်နေသော
ကြောင့် ကျွန်ုပ်မှာ ပြောလက်စပုံပြင်ကိုရပ်၍ သူ့အား သုံးမိနစ်ခန့် ချော့လိုက်ရသေး၏။ဤကားစကားချပ်..)

ပုံပြင်ကိုဆက်အံ....။ဤသို့ သတို့သမီးဘက်ကလာရောက် တောင်းရမ်းသည်ရှိသော် ပညာရှိကြီးလောင်းဇူ
လည်း...အင်း ငါလည်းအသက်အရွယ်ထောက်ပြီ....၊တပည့်တပန်းများမှာလည်း ပညာစုံသည်နှင့် အဝေး
ရောက်ကုန်ကြပြီ၊ဆေးပေးမီးယူလေးတော့ရှိထားမှ...၊ကောင်မလေးလည်း မဆိုးရှာပါဘူးလေ ဟုသဘောရ
ပြီးသော် လာရောက်တောင်ရမ်းသည်ကို လက်ခံလိုက်လေတော့သည်....။

သို့နှင့်ပင် ပညာရှိကြီးလောင်းဇူနှင့်မေဟွား တို့ဇနီးမောင်နှံလည်း ပျော်ရွင်ကြည်နူး၊အဆင်ပြေစွာ နေ့ရက်
များကိုကုန်လွန်စေခဲ့လေသည်....။တစ်နေ့တွင်မူ ပညာရှိကြီးသည်...အင်း ငါသည်ကာ အိုလှပြီ...၊ငါပြုစု
သော ကျမ်းကြီးကျမ်းခိုင်များလည်း များလှပြီ။သို့သော် ငါမသေခင် နောင်လာနောက်သာ အမျိုးကောင်း
သားများ အကျိုးများစေရန်အလို့ငှာ လွန်စွာအရေးကြီးလှသော ကျမ်းကြီးတစ်စောင်ကိုပြုစုရေးသားအံဟု
နှလုံးပိုက်ပြီးလျှင် သူ၏အခန်းတွင်းသို့ ချစ်စွာသောဇနီးသည်လေးမေဟွားမှအပ မည်သူမျှမဝင်စေပဲ ကျမ်း
ကြီးတစ်စောင်ကို ရေးသားပြုစုနေလေတော့သည်...။

လိမ္မာရေးခြားရှိလှသော မေဟွားလေးလည်း ခင်ပွန်းသည်ပညာရှိကြီး အား ရေပူရေချမ်းကမ်းလှမ်းခြင်း၊
ခြေဆုတ်လက်နယ်ပြုစုခြင်းမှအပ၊ ခင်ပွန်ဖြစ်သူ အဘယ်သို့သော ကျမ်းမျိုးပြုစုနေသလဲဆိုတာကိုပင်မမေး၊
ဇနီးကောင်းတို့ ဝတ္တရားအားကျေပြွန်စွာ ပါရမီဖြည့်ပေးနေလေခဲ့သည်...။သို့ဖြင့် လပေါင်းအတန်ကြာကုန်
လွန်လာခဲ့သော် ပညာရှိကြီးပြုစုနေသောကျမ်းလည်း အတန်ခရီးရောက်လာချေပြီ...။ပညာရှိကြီးလည်း
တစ်နေ့တစ်ခြားပိန်လှီလာခဲ့လေပြီ...။

တစ်ညသော် မေဟွားလေးသည် ရေနွေးကြမ်းအိုးလေးနှင့်အတူ ပညာရှိကြီး အခန်းတွင်းသို့ဝင်လာပြီးလျှင်..

 " အကိုကြီးရယ်....အချိန်ပြည့် ဒီကျမ်းကိုပဲရေးနေတော့တာပဲလား....ခဏတဖြုတ်တော့နားပါဦး...
အကိုကြီးကိုကြည့်ရတာ တစ်နေ့တစ်ခြားပိန် ပိန်လာသလိုပဲ...၊ကိုယ့်ကျမ်းမာရေးလည်းဂရုစိုက်ဦးမှပေါ့ "
ဟုချိုသာ၊ပူပန်သော စကားကိုဆိုလိုက်လေ၏


လောင်းဇူ- " အေးကွယ်...အကိုကြီးပြုစုနေတဲ့ကျမ်းကြီးလည်း လက်စသတ်လုပါပြီ ရှင်မရယ်...၊ပြီးတော့မှ
ပဲနားရတာပေါ့ကွယ်...."


မေဟွား- " အို...အကိုကြီးရဲ့ အကိုကြီးပြုစုနေတဲ့ကျမ်းက အကိုကြီးအသက်လောက်တောင်အရေးကြီးသ
လား...၊နားနားနေနေရေးမှပေါ့....၊ဘယ်လိုကျမ်းများမို့လို့ ဒီလောက်တောင်အာရုံစိုက်နေရသလဲအကိုကြီး
ရယ်...၊ဘုရင်မင်းမြတ်ကို ဆက်သဖို့များလားဟင်...."


လောင်းဇူ- "ဘုရင်မင်းမြတ်ကိုဆက်သဖို့ရယ်လည်းမဟုတ်ပါဘူးရှင်မရယ်...၊အမျိုးကောင်းသားအားလုံး
အတွက် ရည်ရွယ်ပြုစုတဲ့ကျမ်းရှင်မရဲ့.."


မေဟွား- " ဘယ်လိုအကြောင်းအရာမျိုးများရေးသားထားတဲ့ကျမ်းမျိုးလဲဟင်..အကိုကြီး..."


လောင်းဇူ- " အင်း...ရှင်မကိုပြောပြရမှာတော့ အားနာရဲ့...၊ခုအကိုကြီးပြုစုနေတဲ့ကျမ်းက မိန်းမမကောင်း
ကြောင်းကျမ်း ရှင်မရဲ့...၊ဟောဒီလောကမယ် အမျိုးကောင်းသားတွေအနေနဲ့ တော်၊တတ်၊ထက်မြတ်တဲ့
သူရဲကောင်းများဖြစ်ချင်ရင်ဖြင့် မိန်းမဆိုသဟာကို ကြပ်ကြပ်ရှောင်ကျဉ်ဖို့ရာ ဆုံးမထားတဲ့ကျမ်းပေါ့...."


အဲဒီလို ပညာရှိကြီးလောင်းဇူက သူပြုစုနေတဲ့ကျမ်းအကြောင်းပြောပြလိုက်တော့ မိန်းမသားဖြစ်တဲ့ မေဟွား
လေးလည်း နဲနဲတော့ မခံနိုင်ဖြစ်သွားသပေါ့လေ...။


မေဟွား- " အလို....ဘယ်လိုများ ရွှေညဏ်တော်စူးရောက်လို့ မိန်းမမကောင်းကြောင်းကျမ်းများ ပြုစုနေရ
သတုန်း ဆရာကြီးရဲ့၊ဘယ်လိုမိန်းမမျိုးကိုများကြည့်လို့ ဒီလိုကျမ်းမျိုးရေးဖွဲ့ရသတုန်း...၊ဟွင်း...ဝေးဝေးက
မိန်းမတွေကိုမကြည့်ပါနဲ့ဆရာကြီးရယ်...၊ဟောဒီက ရှင့်မယားမေဟွားကိုပဲကြည့်၊ဟောဒီရွာနီးချုပ်စပ်တ
လျှောက် မေဟွားမျက်နှာလေးမော်ဖူးရဖို့ဘာပဲလုပ်ရလုပ်ရဆိုတဲ့ လူပျိုကာလသားတွေပုံလို့၊ကျမဖြင့် အကို
ကြီးအပေါ်ဖောက်ပြန်ချင်ရင် ကြိုက်တဲ့ယောင်္ကျားခေါင်းခေါက်တောင်ရွေးလို့ရနိုင်ရဲ့၊ဒါပေမယ့် ဟောဒီရှင့်
မယားလေးက ဘယ်ယောင်္ကျားနဲ့များ စကားသုံးခွန်းပြည့်အောင်ပြောဖူးသလဲ...၊ကဲ...ပြောပါဦးဆရာကြီး
ရဲ့......"
ဟု ခါးလေးချီ၊ရင်လေးမောက်၊လက်ဖဝါးလေးထောက်လို့ ခပ်ဆောင့်ဆောင့်လေး ပြောလိုက်ပါရော..။


လောင်းဇူ- " ရှင်မ အကိုကြီးအပေါ်မဖောက်ပြန်သေးဘူးဆိုတာ ဟုတ်ပါတယ်လေ...၊ဒါကလည်း ဟောဒီ
ရွာနီးချုပ်စပ်မှာ မေဟွားချစ်ခင်နှစ်သက်လောက်တဲ့ယောင်္ကျားမတွေ့သေးလို့ပါလေ...."


မေဟွား- " အလို..ပြောလေကဲလေ ဆိုသလိုတော့ဖြစ်နေပါပြီ။ဒီမှာ အကိုကြီးရဲ့ မေဟွားအကြိုက်တွေ့တွေ့
မတွေ့တွေ့၊ဒီတစ်သက် အကိုကြီးအပေါ်ထားတဲ့ သစ္စာကို မေဟွားတစ်သက်ဘယ်တော့မှမဖျက်ဘူးဆိုတာ
မြဲမြဲမှတ်ထားပါအကိုကြီး၊အို...ကုန်ကုန်ပြောမယ်၊မပြောကောင်းပြောကောင်း အကိုကြီး ဘဝတစ်ပါးပြောင်း
သွားတောင် မေဟွား ဘယ်ယောင်္ကျားကိုမှ စိတ်မကူးတော့ပဲ တစ်သက်လုံးသစ္စာရှိသွားမယ်..."


လောင်းဇူ- " ဟုတ်ပါပြီလေ...၊ရှင်မရဲ့စကားကြားရတာ အကိုကြီးဝမ်းသာလှပါတယ်၊ရှင်မသစ္စာတည်၊
မတည်ကတော့ အချိန်ကစကားပြောလိမ့်မပေါ့...၊ကဲကဲ...ညဉ့်နက်လှပြီ အိပ်ချေတော့......"
ဟု လောင်းဇူလည်းစကားစဖြတ်လိုက်လေတော့သည်။


ထိုသို့ လင်နှင့်မယား စကားအခြေအတင်ပြောဖြစ်ကြသည့် ညမှရေတွက်သော် တစ်ပတ်ခန့်အကြာတွင်
ရုတ်တရက်ချက်ချင်းဆိုသလို ပညာရှိကြီးလောင်းဇူ၌ ကြီးစွာသော အဖျားဝေဒနာစွဲကပ်လေတော့သည်။
မေဟွားလေးလည်း ပညာရှိကြီးအား နေ့ရောညပါ ပြုစုပါသော်လည်း အဖျားရောဂါမှာ သက်သာသည်မရှိ
တိုး၍သာဆိုးလာလေတော့သည်။


လောင်းဇူ- " အင်း....ရှင်မရေ...အကိုကြီးတော့ ဒီတောက်ကိုကျော်နိုင်တော့မယ်မထင်တော့ဘူးကွယ်..၊
အကိုကြီးသေရမှာမကြောက်ပါဘူး၊သို့ပေမယ့် ရှင်မကို ငယ်ငယ်ရွယ်ရွယ်နဲ့ လောကအလယ် တစ်ယောက်
တည်းထားခဲ့ရမှာ စိတ်မချဘူးကွယ်...၊ဒီတော့ အကိုကြီးမရှိတော့တဲ့နောက် ရှင်မ နောက်အိမ်ထောင်ပြုလို
ကပြုနိုင်ပါတယ်....၊ဒါပေမယ့်........"


မေဟွား- " အို.....ဘာတွေလျှောက်ပြောနေသလဲအကိုကြီးရယ်....၊နေသာသလိုနေပါ..၊တောင်တောင်အီ
အီတွေမတွေးနေနဲ့လေ....."


လောင်းဇူ- " အကိုကြီးကိုယ်ကို အကိုကြီးသိပါတယ်ရှင်မရယ်...၊အကိုကြီးမှာလက်စစကားလေး ရှင်မကို
မှာသွားခဲ့ပါရစေ၊အကယ်၍ မေဟွားနောက်အိမ်ထောင်ပြုချင်ပြုပါ၊အကိုကြီးကို ကတိတစ်ခုပဲပေးပါ၊အဲဒီ
ကတိကတော့ အကယ်၍ မေဟွားနောက်ထပ်အိမ်ထောင်ပြုမယ်ဆိုရင် အကိုကြီးရဲ့အုတ်ဂူ ခြောက်သွေ့
တဲ့အထိတော့ စောင့်စေချင်ပါတယ်...၊အဲ့ကတိကိုတော့ အကိုကြီးကိုပေးပါ ရှင်မရယ်...."


မေဟွား- " အဟင့်......ဟင့်....ဟင့်...၊စိတ်ချပါအကိုကြီးရယ်....၊အကိုကြီးလိုချင်တဲ့ ကတိကို မေဟွားပေး
ပါတယ်ရှင်....ပေးပါတယ်......"
 

ထိုသို့ မေဟွားလေး၏ကတိစကားကိုကြားပြီးသည်နှင့် ပညာရှိကြီးလောင်းဇူလည်း သူ၏ချစ်စွာသောဇနီး
လေးအား လောကအလယ်၌ကောင်းစွာ စိတ်ချသွားသည့်အလား သေဆုံးသွားရှာလေတော့သတည်း...။



ဆက်ရန်.......

( ဤပုံပြင်လေးသည် ကျွန်တော့်ကိုယ်ပိုင်ပုံပြင်မဟုတ်ပါ။ငယ်စဉ်ကဖတ်ဖူးသော သုတပဒေသာစာစောင်
ထဲမှ ဘာသာပြန်ပုံပြင်တစ်ပုဒ်သာဖြစ်ပါသည်။အတော်များများလည်းဖတ်ဖူးကြပါလိမ့်မည်။ခုတလော ရေး
စရာမရှိ၍ ဆားချက်လိုက်ခြင်းသာ....:)။ပထမတော့ အစအဆုံးရေးမလို့ပါပဲ သို့ပေမယ့် ရှည်လျားသွား
တာကြောင့် အပိုင်း၁၊၂ ခွဲလိုက်ရပါသည်။ နောက်၂ရက်အတွင်းအပိုင်း၂ ကိုပြီးအောင်ရေးဖြစ်မည်ဟု
မျှော်လင့်ရပါသည်....:)))

Friday, November 18, 2011

မနေ့ည က.........

မနေ့ညကဖြစ်သည်။အမှန်ဆိုရသော်မနေ့ညသည်သူ့ထုံးစံအတိုင်းတနာရီကိုမိနစ်ခြောက်ဆယ်အရှိန်နှုန်းဖြင့် ညနေငါးနာရီဘူတာသို့ ဖြည်းညင်းစွာဆိုက်ကပ်လာခဲ့မြဲဖြစ်သည်။ယနေ့ကိုမွေးဖွားရန်မနေ့၏ခြောက်နာရီခွဲအလို
တွင်ကျွန်တော်ရေချိုးနေပြီ၊ထမင်းအိုးတစ်လုံးလည်းတည်ထာပြီးဖြစ်သည်။ထို့နောက်တွင်တော့ဝက်သားနှင့်
ဂေါ်ဖီကို ကော်ရည်ရွဲရွဲဖြင့်ကြော်လျက် ထမင်းပေါ်သို့ပုံလိုက်သည်။ကြက်ဥနှစ်လုံးကိုမွှေကြော်ပြီး ခမောက်
ဆောင်းလိုက်သည်။မြန်ညံသက်သာထမင်းပေါင်းတစ်ပွဲကို အဆင်ပြေသလို စားပြီးသော်ကွန်ပြူတာရှေ့သို့
ရောက်နေပြီဖြစ်သည်။

မျက်နှာစာအုပ်ကိုဖွင့်သည်။လူတစ်ယောက်ကကျွန်တော်အက်ထားသည်ကိုလက်ခံလိုက်သည်(---accepted
your friend request) ဆိုသောစာသားများကကြိုဆိုနေသည်။နဲနဲအံသြသွားရသည်။ဒီရက်ပိုင်းမည်သူ့ကိုမျှ
ကျွန်တော်သွားမအက်ပါ။ဒါနှင့်ထိုပုဂ္ဂိုလ်ဆီသွားကြည့်သည်။ပရိုဖိုင်ပုံတွင်အပေါ်ပိုင်းဗလာကျင်းထားပြီးလက်
ထဲအိုင်ဖုံးကိုင်ထားသည့်အဖြူကောင်တစ်ကောင်ဖြစ်နေသည်ကိုတွေ့ရသည်။ထိုသူ၏သူငယ်ချင်းများမှာလည်း
သူနည်းတူ ဗလာကျင်းထားသောအတောင်နှစ်ဆယ်ဝတ်ယောင်္ကျားများချည်းလိုလို...။အလေးမကလပ်တစ်
ခုခုကလား၊နိုက်ကလပ်တစ်ခုခုကလား ဟုထင်စရာတွေပင်...။သူရို့ဘာသာဘယ်ကဖြစ်ဖြစ် ကိစ္စမရှိ၊ကိစ္စရှိ
သည်ကထိုသတ္တဝါကိုကျွန်တော်မအက်၊အက်စရာလည်းအကြောင်းမရှိ၊သိလည်းမသိ၊သိစရာအကြောင်းကား
ဝေးစွခြောက်ပါး....။

တစ်ခုခုတော့လွဲနေပြီဟုထင်သည်။တလောကလည်းကျွန်တော်ဘယ်တုန်းကမှမဆော့သော၊ကြားပင်မကြား
ဖူးသော ဂိမ်းတစ်ခုကို မတ်စေ့ထဲတွင် ကျွန်တော့်နာမည်နှင့်လူတစ်ကာကိုလိုက်မေးနေသေးသည်။ဂရုလိုက်
ချက်သောဘောက်စ်တွင်ဖြစ်ရကား ရှိရှိသမျှလူကုန် ထံသို့ရောက်ကုန်ကြလေသည်။သယ်ရင်းတစ်ယောက်
ကတော့ စိတ်ဆိုးဆိုးနှင့် ကျွန်တော့်ကိုယ်စား F နှင့်ချည်းကိုင်တုတ်လေတော့သည်။ဖဘ ကား ကျွန်တော့်ကို
ပျော်ရွှင်ကြည်နူးရခြင်းနှင့်အတူ စိတ်ပျက်စရာများ၊စိတ်ညစ်စရာများကိုပါပေးလေတော့သည်။

ထိုအကောင့်ကို အတော်စိတ်ကုန်သွားသဖြင့် ဗွမ်းပလိုက်တော့သည်။ဖဘအကောင့်ပိတ်ရသည်မှာလည်း
ရှောရှောရူရူမရှိ၊ဘာကြောင့်ပိတ်ချင်ရသနည်း၊အောက်ပါမေးခွန်းများကိုဖြေပါ ဟုဆိုကာ မေးခွန်းတွေတစ်
သီကြီး ရွေးခိုင်းနေသေးသည်။ငါ့အကောင့် အဟပ်ခံရလို့ဟူသောအဖြေကိုရွေးသော် ပတ်စဝပ်ပြောင်းဟု
အကြံပေးနေသေးသည်။မနေ့ကပင် ပတ်စဝပ်ပြောင်းပြီးဖြစ်သည်ကို ကျွန်တော်ပြန်လည်ပြောပြခွင့်မရှိပါ။
ထို့ကြောင့် ပြောင်းမနေတော့ပဲ တစ်ခါတည်းဗွမ်းပလိုက်လေသည်။အင်း...တစ်မီးငြိမ်းလေပြီဟုမထင်ပါနှင့်။

ကျွန်တော့်တွင် နောက်ထပ်အခြားသော အကောင့်တစ်ခုရှိသေးသည်။ဖဘကိုမပြတ်နိုင်သေး၊ထို့ကြောင့်ပင်
နောက်အကောင့်တစ်ခုကို နာမည်နဲနဲပြောင်းလိုက်သည်။ထိုအကောင့်နှင့်ဖဘ ကိုမဝင်သည်မှာကြာပြီ...။
သူငယ်ချင်းလည်း ရှစ်ယောက်လားရှိသည်။အားလုံးနီးပါးကို ဘလော့လိုက်သည်။တစ်ယောက်နှင့်မှ မသိ၊
ထိုကြောင့် လွယ်လွယ်နှင့်ဘလော့လိုက်နိုင်သည်၊သူရို့လည်း ဘာမှဖြစ်မည်မထင်ပါ၊ကျွန်တော်ဒီအကောင့်
မသုံးတာကြာ ကြာလှပြီကိုး...။သို့သော် တစ်ယောက်သောသူကို ဘလော့ ဖို့ရာ အရမ်းခက်ခဲနေခဲ့သည်။

ဟန်နီ.....။လွန်ခဲ့သောတစ်နှစ်က ကျွန်တော် ဒီအကောင့်နှင့်ဖဘ ကိုစွဲစွဲမြဲမြဲ သုံးခဲ့သည့်တစ်ခုတည်းသော
အကြောင်းရင်းမှာ ထိုဖဘ တွင် ဟန်နီရှိနေသောကြောင့်ပင်...။ထိုဖဘသည် ကျွန်တော်နှင့် ဟန်နီကြားမှ
ပါးလျားလှသော ဆက်သွယ်မှုလေးတစ်ခုဖြစ်သည်...။ဟင့်အင်း...ကျွန်တော်တို့ စကားမပြောကြပါ၊လိုက်ခ်
မလုပ်ကြပါ၊ပို့စ်တွေမတင်ကြပါ၊ဓာတ်ပုံတွေလည်းများများစားစားမတင်ထားပါ၊ကွန်မန့်တွေလည်းမပေးပါ။
ကျွန်တော်တို့လုပ်သောအရာတစ်ခုသာရှိပါသည်၊ စီးတီးရပ်စတောရင့် ဟူသောဂိမ်းလေးတစ်ခုကိုကစားကြ
ခြင်းဖြစ်သည်။

ကျွန်တော် ဖဘဂိမ်းများကိုစိတ်မဝင်စားပါ။သူ့ကိုချစ်သောစိတ်ဖြင့် ကျွန်တော်လိုက်ဆော့နေခြင်းသာဖြစ်
သည်။ကျွန်တော်ထိုဂိမ်းကိုဆော့တိုင်း ကျွန်တော့်ဆိုင်တွင် ကျွန်တော်မနေပါ။သူဖန်တီးတည်ဆောက်ထား
သော သူ့ဆိုင်လေးတွင်သာ သွားရောက်လည်ပတ်နေတတ်သည်။သူ့ဓာတ်ပုံလေးရွေ့လျားနေသည်ကို နာရီ
ပေါင်းများစွာငေးမောနေမိသည်...။ခုတော့ ကျွန်တော် သူ့ကိုဘလော့ရတော့မည်။ကျွန်တော် ဒီအကောင့်
နှင့်သူငယ်ချင်းများကိုပြန် အက်ရမည်ဖြစ်သည်။ဟန်နီဘယ်သူဆိုတာ မည်သူ့ကိုမျှမသိစေချင်ပါ။ဟန်နီ
ကိုယ်တိုင် သူ ဟန်နီဖြစ်သည်ကို မသိပါ။ဟန်နီသည် ကျွန်တော်တစ်ယောက်တည်းနှင့်သာသက်ဆိုင်သော
အရာဖြစ်ပါသည်။နောက်တစ်ခုမှာ သူနှင့်ကျွန်တော်ကြား ခုချိန်တွင် ဘာမှမပက်သက်တော့ပါ၊ယခင်က
လည်း ပတ်သက်မှုကြီးကြီးမားမားရှိခဲ့သည်လည်းမဟုတ်ပါ။ပျက်တောက်နေသောသံယောဇဉ်ကို အပြီးတိုင်
အဆုံးသတ်သင့်ပါပြီ။

ထိုအဖြစ်အပျက်များသည် ကြာတော့ကြာခဲ့ပြီဖြစ်သည်၊သူနှင့်ပတ်သက်သည့်မျှော်လင့်ချက်များကို
ဟောင်ကမ်း၊ငါးဆယ့်တစ်လမ်းဘေးရှိ ဘတ်စတန်း တစ်နေရာတွင် အပြီးတိုင် မြေမြုပ်သင်္ဂြလ်ပြီးလည်းဖြစ်
သည်။သို့သော် ခုချိန်တွင်ပင် သူ့အကောင့်ကို ဘလော့ဖို့ရာ ကျွန်တော်နာကျင်လွမ်းမောနေဆဲဖြစ်သည်။
သမုဒယဟူသည် ဒုက္ခဖြစ်ကြောင်းသစ္စာတရားဖြစ်သည်ကို တဆစ်ဆစ်နာကျင်နေသောရင်က သက်သေပြ
နေပါသည်။မှန်ပါသည်။ကျွန်တော်သည် နာတာရှည်အသဲဝေဒနာရှင်တစ်ဦးသာ...။ခုလိုပြင်းပြသောဝေဒနာ
ကိုခံစားရတိုင်း ကျွန်တော်မှီဝဲနေကြဆေးရှိပါသည်။ဘီယာဟူသောဆေးဖြစ်သည်။သို့သော် ထိုဆေးတွင်
ဘေးထွက်ဆိုးကျိုးတွေရှိပါသည်။ပိုက်ဆံကုန်ခြင်းဖြစ်သည်။မနေ့ညက ထိုဆေးကိုကျွန်တော်မသောက်ပါ။

ထိုကြောင့်ကျွန်တော်ဝယ်ထားသောနွားနို့နှစ်လီတာဘူးကြီးကိုသာ သောက်နေရပါတော့သည်။ဘာဆိုင်သလဲ
ဆိုသော် ဘာမှမဆိုင်ပါ။ငါးလုံးကြောင်သည်လည်းကောင်း၊ဝက်ဆလူးသည်လည်းကောင်း၊ဆိတ်သည်လည်း
ကောင်း နွားနို့သောက်တတ်ကြသည်ကိုအမှတ်ရမိသည်။ကျွန်တော်လည်းကြောင်တစ်ကောင်သာဖြစ်ပါ
သည်။

မည်သို့မျှမပက်သက်သော နွားနို့သည် ဘီယာကဲ့သို့ လွမ်းမောနာကျင်ရခြင်းကို သက်သာရာအလျှင်းမရစေ
ခဲ့ပါ။ထို့ကြောင့်ပင် စိတ်ပြောင်းလဲစေခြင်းငှာ ကိုယ့်ဘလော့ထဲတွင်ပင် ရေးလက်စပို့စ်တစ်ခုကို ဆက်ရေး
နေမိသည်။ထိုပို့စ်ကိုရေးစတုန်းက လွယ်ကူလျှင်မြန်စွာပြီးစီးလိမ့်မည်ဟုထင်နေခဲ့ပါသည်။အကြောင်းမှာ
ကျွန်တော်ဖတ်ဖူးသော ဘာသာပြန်ပုံဝတ္ထုလေးတစ်ခုကို မှီငြိမ်းပြီးရေးနေသောကြောင့်ဖြစ်သည်။သို့သော်
ကျွန်တော်ကိုယ်တိုင်ခံစားပြီးရေးသောအကြောင်းအရာမဟုတ်သောကြောင့်လားမသိ၊လက်စမသတ်နိုင်ပါ။
မနေညကလည်း ဆက်ရေး၍မရပါ။

သူမက သူမသည်စာရေးရင်း မိမိကိုယ်ကို ရှာတွေ့သွားသည်ဟုရေးခဲ့ဖူးသည်။ကျွန်တော်လည်း စာရေးရန်
ကြိုးစားရင်း မိမိကိုယ်ကို တွေ့ရှိသလိုလိုဖြစ်လာပါသည်။ ကျွန်တော်သည် သူ နှင့် သူမ တို့ရေးသောစာများ
ကိုသိပ်ကြိုက်သည်။သူတို့လိုရေးနိုင်ရန်ကြိုးစားအားထုတ်သည်။မလွယ်ပါ။မရပါ။ရေးရင်း ရေးရင်း ကျွန်တော့်စာများသည် သူ နှင့် သူမ တို့စာများကဲ့သို့ဖြစ်လာပြီဖြစ်သည်။ဝမ်းမနဲပါ။ကျွန်တော်ခင်မင်ရသူ
များ၏လွှမ်းမိုးမှုခံရသည်မှာ ပျော်စရာကောင်းသလိုလိုပင်။

နောက်ဆုံးမှာတော့ ဘယ်လိုမှဆက်ရေးလို့မရသောစာကို ဆက်ရေးရန်မကြိုးစားတော့ပါ။ကွန်ပြူတာကို
ပိတ်လိုက်တော့သည်။၁၂နာရီင်္လည်းထိုးပြီဖြစ်သည်။မအိပ်နိုင်ပါ။အိပ်မရပါ။နောက်ဆုံးကော်ဖီတစ်ခွက်ထဖျော်
ပြီး ထိုင်သောက်နေလိုက်သည်။သီချင်းနားထောင်ရင်း၊ဂိမ်းဆော့နေလိုက်သည်။ဖုံးထဲမှဂိမ်းဖြစ်သည်။သီချင်း
နားထောင်ရင်း၊ဂိမ်းဆော့ရင်း တွေးချင်ရာလျှောက်တွေးနေမိသည်။ပါးစပ်မှလည်း ဆေးလိပ်တစ်လိပ်ပြီး
တစ်လိပ်ဖွာနေပါသည်။

မေးစရာတစ်ခုရှိမည်ထင်သည်။ကော်ဖီသောက်သော်ပို၍မျက်ဆီမကြောင်ဘူးလား ဟူ၍ပင်။ဟင့်အင်းဟု
ပြောရမည်။ကော်ဖီ၊လက်ဖက်ရည်၊လက်ဖက်သုတ်တို့စားပြီး ကျွန်တော်နှစ်ခြိုက်စွာအိပ်ပျော်နိုင်ပါသည်။
အကျင့်ဟုပြောရမည်ပင်။၂နာရီခန့်ထိုးသော် ဂိမ်းဆော့သောမျက်ဆီသည်လည်းကောင်း၊သီချင်းနားထောင်
သောနားသည်လည်းကောင်း၊ဆေးလိပ်သောက်နေသောပါးစပ်သည်လည်းကောင်း၊တွေးချင်ရာတွေးနေ
သောစိတ်သည်လည်းကောင်း ညောင်းညာလာပြီးနောက် ကျွန်တော်အိပ်ပျော်သွားပါသည်။

အိပ်ပျော်သွားသော် အိပ်မက်ဆိုးများမက်ပါတော့သည်။သိပ်ကြောက်စရာကောင်းသော အိပ်မက်ဖြစ်သည်။
သို့သော် ကျွန်တော်ထိုအိပ်မက်ကိုမမှတ်မိတော့ပါ။အိပ်မက်ထဲတွင် ကြောက်လွန်း၍ ရှူးရှူးများပင်ထွက်ကျ
တော့မတတ်ပင်။ထွက်ကျကာနီးတွင် ကံကောင်းထောက်မစွာနိုးလာပါသည်။တစ်ညလုံးသောက်ထားသော
နွားနို့၂လီတာသည် ခုမှထ အစွမ်းပြခြင်းပါတကား....။နောက်ဖေးသွားပြီးသော် ကျွန်တော်တစ်ကိုယ်လုံး
အတော်ပေါ့ပါးသွားသည်။ထိုအချိန်တွင် မနက်၎နာရီကျော်ပြီဖြစ်သည်။

ဟုတ်ပါသည် မနေ့ည ကဖြစ်ပါသည်။

Monday, November 7, 2011

မနှင်းဆီသိစေဖို့ ......

ကြာတော့ကြာပါပြီ...၊တလောက ဘလော့ဂါတွေကြားမှာတဂ်ပို့စ်လေးတစ်ခုပျံနှံသွားခဲ့ဖူးတယ်မနှင်းဆီရဲ့..၊
ကိုကိုးအိမ်ကစတဂ်လိုက်တဲ့ပို့စ်လေးတစ်ခုပါ....၊လတ်တလောအဖြစ်ချင်ဆုံးဆန္ဒတွေနှင့် ဖြစ်နေတာတွေ..တဲ့။
အဲ့ပို့စ်လေးက မေးခွန်းနဲ့အဖြေပုံစံမျိုးလေးပါပဲ....၊လတ်တလောစားချင်နေသောအစားအစာ...ဘာညာပေါ့
လေ....၊အဲ့ဒီမှာမေးခွန်းလေးတစ်ခုပါတယ်မနှင်းဆီရဲ့....၊တန်ဖိုးအထားဆုံးအရာ......တဲ့...၊အဲဒီတဂ်ပို့စ်လေး
ကို ကျွန်တော်ရေးတော့အဲ့မေးခွန်းအရောက်မှာလွယ်လွယ်ကူကူရေးမိလိုက်တာကချစ်ခြင်းမေတ္တာ...လို့ပါပဲ
မနှင်းဆီ....။ဟုတ်ပါတယ်မနှင်းဆီ၊ကျွန်တော်ချစ်ခြင်းမေတ္တာကိုတန်ဖိုးထားပါတယ်....။ဒါပေမယ့်ကျွန်တော်
တန်ဖိုးထားတာတစ်ခုလည်းရှိပါသေးတယ်...၊အဲ့ဒါက သူငယ်ချင်း ဆိုတာကိုပဲပေါ့....။

ကျွန်တော်တို့လူသားတွေတစ်ဦးနဲ့တစ်ဦး ပေါင်းသင်းဆက်ဆံကြရာမှာပက်သက်ဆက်နွယ်မှုအပေါ်မူတည်ပြီး
ခေါင်းစဉ်အသီးသီးရှိတယ်မနှင်းဆီရဲ့....၊မိဘနှင့်သားသမီး၊ညီအကိုမောင်နှမ၊ဆွေမျိုးသားချင်း၊ဆရာတပည့်၊
ဇနီးခင်ပွန်း၊အလုပ်ရှင်နှင့်အလုပ်သမား၊မိတ်ဆွေသူငယ်ချင်း....၊အစရှိသဖြင့်ပေါ့မနှင်းဆီရယ်...။အဲဒီခေါင်းစဉ်
တွေအပေါ်မူတည်ပြီး ကျွန်တော်တို့ရဲ့ဆက်ဆံမှုရေချိန်အနိမ့်အမြင့်တွေကလည်းကွာခြားသွားတတ်ပါတယ်။

ကျွန်တော်တိ်ု့တစ်တွေ တစ်မြို့တစ်ရွှာ၊တစ်ခြားနိုင်ငံတွေကို ထွက်ခွာရဖို့အကြောင်းပေါ်လာရင် မိဘတွေ၊
ဇနီးခင်ပွန်းတွေကို ချန်ထားရစ်ခဲ့ဖို့ဆိုတာ ဝန်တာလေးလွန်းလှပေမယ့်၊သူငယ်ချင်းတွေကို ခွဲခွာရဖို့ဆိုတာ သိပ်ပြီး လေးလံလှတယ်တော့မဟုတ်ဘူးမနှင်းဆီရဲ့...၊ဆိုလိုတာကတော့မနှင်းဆီရယ်....ကျွန်တော်တို့အဖို့
ရာ သူငယ်ချင်းဆိုတာ တခြားပတ်သက်ဆက်နွယ်သူတွေနဲ့ယှဉ်လိုက်ရင်သိပ်ပြီးထည့်မတွက်မိတဲ့သူတွေလို
ဖြစ်နေတာပေါ့နော်...။ဒါပေမယ့်မနှင်းဆီရေ....ကျွန်တော်တို့ဘဝမှာ သူငယ်ချင်းဆိုတာ သိပ်ကိုတန်ဖိုးထား
ရမယ့်သူတွေဆိုတာ မနှင်းဆီသိအောင်ပြောပြချင်ပါသေးတယ်.....။

အခါတစ်ပါးမှာ ဘုရားရှင်ကိုယ်တော်မြတ်ကြီးကို ညီတော်အာနန္ဒာက...အရှင်ဘုရားတဲ့....အဆွေခင်ပွန်းဆို
တာ ဘဝမှာ ငါးဆယ်ရာနှုန်းလောက် အရေးကြီးတယ်ဘုရား....လို့လျှောက်တင်ဖူးသတဲ့....၊အဲ့လိုလျှောက်
တင်တော့ ဘုရာရှင်က...ချစ်သား....ဒီလိုမပြောသင့် အဆွေခင်ပွန်းဆိုတာ ရာနှုန်းပြည့်အရေးကြီးသကွ လို့
ပြန်မိန့်တော်မူသတဲ့....။

မနှင်းဆီရေ....ကျွန်တော်တို့ဘဝမှာ ရွေးချယ်စရာဆိုတာ သိပ်နည်းလှပါတယ်၊ကျွန်တော်တို့ရွေးချယ်ခွင့်ရှိ
တဲ့အရာတွေထဲမှာ သူငယ်ချင်းဆိုတာ ထိပ်ဆုံးကပါသပေါ့ မနှင်းဆီ....၊ရန်သူတစ်ယောက်ရှိသလား များလှ
ပါသည်၊မိတ်ဆွေ တစ်သန်းရှိသလား နည်းလွန်းလှသည် ဆိုတဲ့ စကားလေးကိုလည်း မနှင်းဆီကြားဖူးမှာပေါ့
နော်...၊ဟုတ်တယ်မနှင်းဆီရဲ့....၊ကျွန်တော်တို့မှာ မိတ်ဆွေသူငယ်ချင်းများများရှိတာ သိပ်ကို ဝမ်းသာစရာ
ပါ....။ရှိနေတဲ့သူငယ်ချင်းတွေအပေါ်မှာလည်း ခိုင်မာတဲ့ သူငယ်ချင်းကောင်းဆက်ဆံရေးလည်း ရှိသင့်တယ်
မနှင်းဆီရဲ့...၊

ဆိုတော့ မနှင်းဆီက မေးချင်မပေါ့....သူငယ်ချင်းတွေအကြားမှာ ဘယ်တွေရှိသင့်သလဲ...၊ဘာတွေလိုအပ်
သလဲ....လို့ပေါ့...၊သူငယ်ချင်းဆိုတာ တစ်ဦးနဲ့တစ်ဦး လူမျိုး၊ဘာသာ၊အယူဝါဒတွေ တူစရာမလိုဘူးမနှင်းဆီ၊
ဓလေ့အကျင့်စရိုက်တွေလည်း ကွဲပြားကောင်းကွဲပြားနေလိမ့်မယ်...၊အချိန်တိုင်းမှာလည်း တစ်ဦးနဲ့တစ်ဦး
နားလည်မှုပေးချင်မှပေးနိုင်ပေလိမ့်မယ်....၊ဒါပေမယ့် ဒါတွေက ကိစ္စမရှိဘူးမနှင်းဆီရဲ့...၊ရွှေပြည်ကြီးက
ဘဘကြီးတစ်ဦးပြောတဲ့စကားတစ်ခွန်းကို ကိုးကားပြောရရင်....သူငယ်ချင်းဆိုတာ မတူတာတွေကိုဘေး
ဖယ်ထားပြီး တူတာတွေကိုအတူပူးပေါင်းလုပ်ကြသူတွေပါပဲ....။

မနှင်းဆီရေ....ပြောခဲ့သလိုပါပဲ....သူငယ်ချင်းဆိုတဲ့အကြား ထွေထွေပြားပြားတော့ ဘာမှမလိုအပ်လှပါဘူး။
တစ်ဦး အခက်အခဲဖြစ်နေချိန်မှာလည်း တစ်ခြားတစ်ဦးက နှုတ်၏စောင်မခြင်းမျိုးလောက်နဲ့ပဲ ကူညီကောင်း
ကူညီနိုင်ပါလိမ့်မယ်...၊သူ့မှာလည်း သူ့အခက်အခဲနဲ့သူရှိပေလိမ့်မပေါ့ မနှင်းဆီ...၊ဒါပေမယ့်မနှင်းဆီရေ...
အဲ့ဒီလို "သူငယ်ချင်းရေ....အဆင်ပြေရဲ့လားဟ...." ဆိုတဲ့စကားလေးတစ်ခွန်းကလည်း ကိုယ်တွေအဖို့
တော့ အားပဲ မနှင်းဆီရဲ့...။

သူငယ်ချင်းတွေကြား ဘာမှမလိုအပ်ဘူးဆိုပေတဲ့ မရှိမဖြစ်လိုအပ်တဲ့အရာ၊ထားရှိစောင့်ထိန်းရမယ့် အရာ
တစ်ခုတော့ရှိတယ်မနှင်းဆီရဲ့....၊အဲ့ဒါကတော့ ' သစ္စာတရား ' ပဲ မနှင်းဆီ....။ဟုတ်တယ်မနှင်းဆီရေ....
သူငယ်ချင်းဆိုတာ အရေးအကြောင်းဆို ရင်ခြင်းအပ်၊ကျောခြင်းကပ်ဖို့သာဖြစ်တယ် မနှင်းဆီ...၊ဓားထက်
ထက်နဲ့ထိုးစိုက်ရမယ့် နောက်ကျောတစ်ခုတော့မဟုတ်ဘူးကွယ့်...၊တစ်ယောက်ကိုတစ်ယောက် ဖေးမ၊
လက်တွဲ၊ကူညီကြဖို့သာဖြစ်တယ်၊ကိုယ်နင်းတက်ဖို့ ခုတုံး တစ်ခုမဟုတ်ဘူးကွယ့်.....။

အမြင်၊အယူ၊ဝါဒတွေမတူလို့ သူငယ်ချင်းအချင်းချင်း မျက်နှာချင်းဆိုင်၊ဓားချင်းယှဉ်ခုတ်ရတာမျိုး ရှိကောင်း
ရှိလာနိုင်မယ်...၊ဒါပေမယ့် မကောက်ကျစ်ကြကြေးပေါ့မနှင်းဆီ...။သူငယ်ချင်းတွေကြားမှာ ဆက်နွယ်နေတဲ့
ကြိုးတစ်ချောင်းရှိမယ်ဆိုရင် အဲ့ဒီကြိုးလေးက သစ္စာတရားပဲမနှင်းဆီ....။ကျွန်တော်တို့ သူငယ်ချင်းကောင်း
တစ်ယောက်ကို လက်မလွတ်ချင်ဘူးဆိုရင် သူ့ကို အဲဒီကြိုးလေးနဲ့ ချည်နှောင်ထားဖို့မမေ့ပါနဲ့ မနှင်းဆီ...၊
တစ်ဦှးနှလုံးသားနဲ့ တစ်ဦးနှလုံးသားကြား ဒီကြိုးလေးနဲ့သာ ချည်နှောင်မထားဘူးဆိုရင် ကျွန်တော်တို့ သူငယ်ချင်းတွေကို လက်လွတ်သွားရလိမ့်မပေါ့ မနှင်းဆီရယ်....။ဆရာမဂျူး ကရေးဖူးတယ်....အချစ်ဆို
တာ ကြိုးသီဖို့မလိုတဲ့ ပန်းလေးတွေတဲ့...၊ဒါဖြင့်ရင် သူငယ်ချင်းဆိုတာ ကြိုးသီဖို့လိုတဲ့ ပန်းလေးတွေလို့
ကျွန်တော်တင်စားလိုက်ချင်တယ်မနှင်းဆီ...၊ဟုတ်တယ်....၊ကျွန်တော်တို့သူငယ်ချင်းတွေအကြား သစ္စာ
ကြိုးလေးတစ်ချောင်းနဲ့တော့ သီထားဖို့လိုလိမ့်မယ်မနှင်းဆီရဲ့...။

ဘဝကတိုတောင်းလှပါတယ်လေ...၊ဘဝတိုတိုလေးမှာ ရပ်တည်စရာ နေရာတစ်ခုမှာ ယိုင်နဲ့နဲ့လေး ရပ်
တည်နေနိုင်ဖို့ ကျွန်တော်တို့မနဲ ကြိုးစားနေရတယ်မနှင်းဆီ...၊ကျွန်တော်တို့ မှီခိုကပ်ရပ်နေရတဲ့ ကမ္ဘာကြီး
ကိုယ်တိုင်ကလည်း ကျမ်းမာရေးမကောင်းလှတာမို့ ကျွန်တော်တို့မှာ ကပ်ကြီးတွေကိုလည်း ရင်ဆိုင်နေရပါ
သေးတယ်...၊အရိုင်းဆန်လှတဲ့ကမ္ဘာ၊ကြမ်းတမ်းလှတဲ့ လောကကြီးထဲမှာ ကျွန်တော်တို့ တတ်နိုင်သရွေ့
ရင်ခြင်းအပ်ကြပါစို့၊ကျောခြင်းကပ်ကြပါစို့၊တစ်ဦးနှင့်တစ်ဦးကြား သစ္စာတရားဆိုတဲ့ ကြိုးကလေးတစ်ချောင်း
နဲ့ ခိုင်ခိုင်မြဲမြဲ ချည်နှောင်ထားကြပါစို့လား မနှင်းဆီ....။

တူမလေး အိန်ဂျယ်ဆပ်ပြာရဲ့ ဖေ့ဘွတ်က မ လာတဲ့ပုံလေးပဲ မနှင်းဆီ... 

(ဤပို့စ်သည် မနှင်းဆီကိုသာရည်ရွယ်ပါသည်...၊သို့ဆိုသော် မနှင်းဆီဘယ်သူလည်း ဟုမေးရန်ရှိလာပါ
သည်...၊ရှင်းအံ...၊တစ်ခါသော် သူငယ်ချင်းတစ်ဦးသည် သူ့ဘလော့လေး၌ မနှင်းဆီသို့ ဟူသော ကဗျာ
များကိုရေးဖွဲ့လေ၏။သူ အဘယ်သူကို ရည်ညွှန်းလေသနည်း၊မသိပါ၊မေးလည်းမမေးမိပါ၊သူ့ရင်ထဲမှ ထွက်
ကျလာသော အဖွဲ့သီးသန့်လည်းဖြစ်ပါလိမ့်မည်...၊သို့သော် ကျွန်တော်တို့ထံသို့လည်း မနှင်းဆီဓာတ်ကူး
ဆက်သွားပြီးသကာလ ကျွန်တော်တို့လည်း မနှင်းဆီကို တိုင်တည်သောစာတို၊ကဗျာတိုလေးများကို ရေးဖွဲ့
ကြသောဟူလို....၊ကျွန်တော်တိုင်တည်သော မနှင်းဆီဟူသည် တစ်ခါကရေးဖွဲ့ဖူးသော ဟန်နီ ကဲ့သို့ လူ
ကိုယ်တိုင် ထင်ရှားစွာရှိသော အရာတစ်ခုမဟုတ်ပါချေ၊ သင်္ကေတ တစ်ခုသာဖြစ်ပါသည်...၊ထို သင်္ကေတ
သည် " သူငယ်ချင်း " ဟူ၍တည်း......၊)

Wednesday, November 2, 2011

ကျွန်တော် ဒီလတစ်လလုံး မအားသည့်အကြောင်း မနှင်းဆီသိစေလိုပါသည်

မနေ့က ညနေငါးနာရီဒေါင်ကနဲ ထိုးတာနဲ့ ကျွန်တော်အခန်းထဲပြန်ရောက်နေပြီမနှင်းဆီ။ပြန်ရောက်ရောက်
ခြင်းဘာလုပ်သလဲ...ဟုတ်လား...၊မေးစရာလိုသေးလို့လားမနှင်းဆီရယ်...၊ရေမချိုး၊အဝတ်အစားမလဲ၊ထမင်း
မစား၊ဘာမှမသောက်ပဲ ကွန်ပြူတာလေးချောက်ကနဲဖွင့်လို့ ကိုယ့်ဘလော့နဲ့ ကိုယ်ဖေ့ဘွတ်ထဲမျက်နှာအပ်
သပေါ့....။ဟိုဟိုဒီဒီဝင်ဖတ်၊တောင်တောင်အီအီဝင်မန့်နဲ့ ခြောက်နာရီခွဲသွားပါရောလားမနှင်းဆီရယ်.......။

နာရီကိုဖျက်ကနဲအကြည့်ရောက်မှဂျူရောင်းဘက်သွားစရာရှိတာသတိရတယ်...။ဒါနဲ့ကပျာကယာ ရေမိုးချိုး
ပြီး အပြေးအလွားထွက်ရတယ်၊၇နာရီထိုးရင်ကိုယ်တွေဘက်ကဘတ်စ်မရှိတော့ဘူးမနှင်းဆီရဲ့၊ကိုယ်တွေနေ
တဲ့နေရာကရှင်ကျားပူမြို့ပြရဲ့တောမြိုင်စွန်းကိုး....။ဘာကိစ္စသွားတာလဲလို့မမေးတော့ဘူးလားမနှင်းဆီ.....။
ငွေရေးကြေးရေးကိစ္စလေ....၊ငွေရေးကြေးရေးကိစ္စဆိုလို့ အခြားတော့ဟုတ်ပါဘူး..၊ဒီလအတွက် ရတဲ့ ကျွန်တော့် လစာ ချက်လက်မှတ်ကလေးကို ချက်ဒီပို့စစ်သွားလုပ်တာပါ.....။ပြီး ကျွန်တော် အိပ်ရှုံလေးနဲ့စု
ထားတဲ့အကြွေလေးတွေလည်းအများကြီး ဖြစ်နေပြီလေ...၊အဲ့အကြွေလေးတွေကိုလည်း ကွိုင်ဒီပို့စစ် သွားလုပ်ရသေးတယ်....မနှင်းဆီရဲ့...။

အကြွေတွေစုတာကဘာရယ်မဟုတ်ပါဘူးမနှင်းဆီရယ်....၊မနှင်းဆီထင်သလိုမိန်းမယူဖို့လည်းမဟုတ်ပါဘူး၊
တခြားဘာရည်ရွယ်ချက်မှလည်းမရှိပါဘူး..၊တစ်ခုခုဝယ်လို့ပိုငွေပြန်အမ်းတဲ့အထဲကပါလာတဲ့ ငွေအကြွေလေး
တွေကို ပြန်မသုံးဖြစ်တဲ့အခါ အိပ်ကလေးထဲ ထည့်ထားလိုက်ရော....၊ဟောများလာတော့ ခုလို ကွိုင်ဒီပို့စစ်
သွားလုပ်လိုက်ရော...၊အဲ့လိုဒီပိုစစ်လုပ်တဲ့အခါမှာ ငွေအကြွေတွေ စက်ထဲကျတဲ့တချွင်ချွင်အသံလေးတွေနဲ့
အတူ စက်ဖန်သားပြင်ပေါ်မှာ ငွေအရေအတွက် ဘယ်ရွေ့ဘယ်မျှဆိုပြီး တဖျက်ဖျက်နဲ့ တက်လာတာကို
ကြည့်ရတာပျော်ဖို့ကောင်းတယ်မနှင်းဆီရဲ့.....။

ပြီးတော့ ကျွန်တော် ဖုံးဘေလ်ဆောင်ဖို့ ဆဲဗင်းအလဲဗင်းကိုလိုက်ရှာတယ် မနှင်းဆီ...၊နာရီဝက်လောက် ရှာ
ယူရတယ် မနှင်းဆီရယ်....၊လတိုင်း ဒီဆိုင်မှာ ဆောင်နေကြ၊လတိုင်းလည်း ဆိုင်ပျောက်နေလို့ ငါးပတ်
လောက် ပတ်ရှာနေကြပဲမနှင်းဆီရဲ့.....။အဲ့ဆိုင်မှာ အမြဲတွေ့ရတာက မြန်မာလေးတွေပဲ မနှင်းဆီ...၊
ကျောင်းတစ်ဖက်နဲ့ဝင်လုပ်နေကြတယ်ထင်တယ်...၊ဂုဏ်ယူစရာပါပဲမနှင်းဆီ....။အဲ့ဆိုင်လိုက်ရှာရင်းနဲ့ ပစ္စည်းအဟောင်းတွေ ရောင်းတဲ့ဆိုင်တောင်ဝင်ကြည့်လိုက်သေး...၊အဟောင်းပေမယ့်ကောင်းနေဆဲလေး
တွေပေါ့...၊ဘာမှတော့ဝယ်ခဲ့ပါဘူး...၊အဲ...ဆိုင်ဝမှာ ကြမ်းပြင်ပေါ်ချထားတဲ့ ဒို့မြန်မာလက်ရာလို့ထင်ရတဲ့
ဗုဒ္ဓရုပ်ပွားတော်တစ်ဆူကိုဖူးတွေ့ရတယ်...၊ကြမ်းပြင်မှာဒီတိုင်ကြီးဖူးတွေ့ရတော့ ဝမ်းနည်းရတယ် မနှင်းဆီ။
ဘုရားရှင်ကိုယ်တော်မြတ်ကြီးလည်း မမြဲခြင်းတရားကြားမှာ ခြတွေစားထားတာခံရတဲ့အပြင်၊သင်္ကန်းတော်
လည်း ဆေးရောင်တွေမှိန်လို့......။

နောက်ဆုံးတော့ ဆိုင်ရှာတွေ့...၊ဘေလ်ဆောင်..၊ပြီး အန်တီလူစည် ဆိုင်ဝင်တယ်မနှင်းဆီ...၊ထုံးစံအတိုင်း
ဆိုပါတော့ မနှင်းဆီရယ်....၊ဝက်သား၊မုန်းတဲ့ကြက်ဥ၊အသီးအနှံလေးနဲနဲ ဒါပါပဲ..၊ခေါက်ဆွဲခြောက်ဝယ်တော့
ပြီးခဲ့တဲ့ တနင်္ဂနွေက အန်တီတင့်ဆီသွားစားခဲ့ရတဲ့ ခေါက်ဆွဲသုတ်လေးကိုတောင်သတိရသေး..၊သိပ်စားလို့
ကောင်းတယ် မနှင်းဆီရဲ့..၊ပြီး အန်တီတင့်ကလည်း သဘောကောင်းလိုက်တာ...၊ပညာ၊ငွေ၊ဂုဏ်၊အသိုင်း
အဝိုင်း အစစပြီးပြည့်စုံနေသူတစ်ယောက်က ဘာပကာသနမှမရှိ၊ပွင့်လင်းရိုးသားဖြူစင်စွာဆက်ဆံတာကို
မြင်ရတော့ ကြည်နူးရတယ်...၊ချစ်ခင်ရတယ် မနှင်းဆီ...။

ပြောရဦးမယ် မနှင်းဆီ....အဲ့ဒီနေ့ကအကြောင်းတွေကိုပေါ့....၊အန်တီ့အိမ်ကအပြန် ကျွန်တော် သူငယ်ချင်း
တွေနဲ့ ဝိုင်းဖွဲ့ဖြစ်တယ်...၊ဘီဘီဝိုင်းပေါ့မနှင်းဆီရယ်...၊ဘယ်သူတွေနဲ့လဲဆိုတော့ ဆင်တဲဝိုင်းသားတွေပေါ့။
သိပ်ခင်ဖို့ကောင်းတဲ့သူတွေပဲမနှင်းဆီ...၊ကျွန်တော်စကားလေးတစ်ခုကြားဖူးတယ်မနှင်းဆီ....။မိန်းမတွေက
သူတို့ခင်တဲ့သူတွေနဲ့ဆို မြှောက်ပင့်ပြောကြပြီး၊ယောင်္ကျားတွေကတော့ အချင်းချင်း မနာ နာအောင်ပြောကြ
သတဲ့။ဟုတ်တယ်မနှင်းဆီ..၊ကျွန်တော်နဲ့သူငယ်ချင်းတွေလည်းဒီလိုပဲ...၊တစ်ယောက်ကိုတစ်ယောက် ဆော်
ဖို့၊သမဖို့၊တီးဖို့လောက်ပဲချောင်းနေတာကလား...၊ဒီလောက်ပြောလည်း နာတယ်မရှိပါဘူးမနှင်းဆီရယ်....၊
ကြောင်ရိုက်မနာတွေကိုဖြစ်လို့....။ခုဆင်တဲသားတွေလည်း အဲ့လိုပဲမနှင်းဆီရဲ့....၊စုစုရုံးရုံး၊ညီညီညွှတ်ညွှတ်
နဲ့ ပျော်စရာသိပ်ကောင်း...၊ပြောရရင်တော့ မနှင်းဆီရယ်....အဲ့သည်တနင်္ဂနွေလေးက တကယ့်ကိုပျော်စရာ
တနင်္ဂနွေလေးပါပဲ...။

ညပြန်ရောက်လို့ ထုံးစံအတိုင်း အွန်လိုင်းပေါ်ရောက်မှပဲ စိတ်လေစရာနဲ့တန်းတိုးရောမနှင်းဆီ...၊
တစ်ခါတစ်ခါ ကျွန်တော်လူတွေကိုနားမလည်နိုင်ဘူးဗျာ...၊ခုလည်း ဘာကြောင့်ဘယ်လိုဆိုတာ နားမလည်
နိုင်ဘူး..၊ဒီတော့ ကျွန်တော့်မှာလုပ်စရာတစ်ခုပဲရှိတော့တယ်လေ....၊ကျွန်တော် အဲ့ကထွက်လိုက်တာပေါ့..။
အားနာပါတယ်....အဲ့သည်မှာကိုယ်ချစ်ခင်လေးစားရသူတွေရှိပါတယ်...၊ဒါပေမယ့် ကိုယ်ကလည်း ဟင် ဆို
လှည့်မကြည့်ချင်တော့ဘူးရယ်...၊အသံလည်းမကြားချင်၊ရုပ်လည်းမမြင်ချင်..၊ဒီတော့ မမုန်းခင်လမ်းခွဲတာ
အကောင်းဆုံးထင်ပါရဲ့ မနှင်းဆီရယ်...။

ကဲထားပါတော့မနှင်းဆီ...၊ခုတော့ ၁.၁၁.၁၁ ကိုကျော်ဖြတ်ခဲ့ပြီပေါ့...၊ဘာထူးခြားသလဲ ဆိုတော့ ဘာမှထူး
ခြားတယ်မဟုတ်ပါဘူးမနှင်းဆီရယ်...၊ကျွန်တော် ဒီတစ်လလုံး အလုပ်တွေရှုပ်မယ်လေ...၊တနင်္ဂနွေနေ့တိုင်း
အလုပ်ရှိတယ်မနှင်းဆီရဲ့...၊တချို့ရက်တွေမှာလည်း ညလုံးပေါက် လုပ်ရမှာတွေရှိတယ်...၊သူ့ဆန်စား
တော့ ရဲ ရတာပေါ့ မနှင်းဆီရာ....၊ကိုယ်တွေက ရှင်ကျားပူက လက်လုပ်လက်စားတွေကိုး....နော့.........။
စိတ်လေစရာတစ်ခုကတော့ ကျွန်တော်ဒီလထဲ မလေးမြေကို မသွားရတော့ဘူးဗျာ...၊နောက်လကို ရွေ့
လိုက်ရတယ်....။

ဒီဇင်ဘာမှာ မလေး၊ဇန်နဝါရီမှာ ကမ္ဘောဒီးယား၊ဖေဖော်ဝါရီမှာ ထိုင်း နဲ့ မြန်မာပြည်ကိုပြန်မယ် မနှင်းဆီ....၊
သေချာလားလို့မမေးပါနဲ့ စိတ်ကူးပဲရှိပါသေးတယ်...၊ကျွန်တော့်စိတ်ကူးတွေအကောင်အထည်ပေါ်လာဖို့
ဆုတောင်းပေးပါမနှင်းဆီ......။ဒါပါပဲ.....။