မျောလွင့်တိမ် တို့ နားခိုရာ....

Thursday, March 24, 2011

တစ်ရာသီစာနောက်ကျပြီးမှ ရောက်လာတဲ့ ဆောင်းရာဇဝင်

အချစ်ဆိုတာ ငါ့အတွက်တော့ တစ်ရာသီစာနောက်ကျပြီးမှ

ရောက်လာတဲ့ ဆောင်ရာသီမနက်ခင်းတစ်ခုပါ.....

ပရမ်းပတာဖြစ်ရပ်တွေ အစီအစဉ်တကျဖြစ်နေတတ်တဲ့

ဟောဒီဘဝထဲမှာ....

ငါ့ရင်ထဲကို မင်းဝင်ရောက်လာပုံက

အစီအစဉ်တကျ ကို ပရမ်းပတာနိုင်လွန်းလှချည်ရဲ့.....။

နံနက်ခင်းမှာမှထွက်လာမိတဲ့ လ လိုမျိုး....

ငါ့ရင်ထဲက ချစ်ခြင်းတွေမှာ

မင်းသတိတရရှိစရာ ဘာမှမရှိဘူးဆိုတာ....

သေရာပါသွားခဲ့ပါပြီကော.....။

စိတ်မှန်ကိုပြန်ကြည့်တိုင်း မြင်ရတဲ့ နှလုံးသားအမာရွတ်တစ်ခုမှာ

အလွမ်းတွေက အုပ်အော်သောင်းတင်းပါလား ဟန်နီ....။

တမေ့မောမောကြည့်မိခဲ့တဲ့ မင်းရဲ့မျက်တောင်ရှည်ရှည်တွေအောက်က

ရေခဲရိုက်မျက်ဝန်းတစ်စုံအကြောင်းကို မနှောင်းခင်ကတည်းက သိခဲ့ပြီးသားပါ

လူမိုက်တစ်ယောက်ရဲ့ ကိုယ်တိုင်ရေး ပုရပိုဒ် မှာ

ကြက်ခြေခတ်တွေ ရဲပတောင်းခတ်နေမှတော့...

ဘာနဲ့များ နှစ်သိမ့်ရဦးမှာတဲ့လဲ....။

ဆောင်းဦးရေ....

ဖိုသီဖတ်သီနဲ့တော့ မအေးပါနဲ့လားကွယ်....

အဖျားခတ်ရုံနဲ့ နှလုံးသားတွေ ခိုက်ခိုက်တုန်နေပါပြီ....။

တစ်ရာသီစာနောက်ကျပြီးမှရောက်လာတဲ့ ဆောင်းဦးရဲ့လေထန်လေရိုင်းတွေကြားမှာ...

ကြေကွဲနှလုံးသားတစ်ခုကို သူ့ကံအလျောက်ထားခဲ့ပါတော့ ဟန်နီ.....။

Monday, February 28, 2011

ဘန်ကောက် ဘုရားဖူး

အစကတော့ မျောလွင့်နေတဲ့သူ ၁,၂,၃....အစရှိသဖြင့်ရေးမလို့ပါပဲ...။သို့ပေမယ့် ဒီရက်ပိုင်းမှာ ဘာမှမလုပ်ချင်၊
မကိုင်ချင်ဖြစ်နေတာကတစ်ကြောင်း၊ကျွန်တော့်ကွန်ပြူတာကပဲလား၊ကွန်နက်ရှင်ကပဲလားတော့မသိ ဒါ့ပုံတွေ
တင်ရင် တင်မရပဲ အရမ်းနှေးကွေးလေးလံ နေတာကြောင့်ရော ဆက်တိုက်မတင်ဖြစ်ခဲ့ပါဘူး...။
ဆက်တိုက်မတင်နိုင်တဲ့အတူတူ နာမည်ကိုလည်း သက်သက်စီပဲပေးလိုက်ပါတယ်....။

ဘန်ကောက်မှာနေ့ဘက်တွေမှာ အများဆုံးလုပ်ဖြစ်တာကတော့ ဘုရားဖူးထွက်ဖြစ်ပါတယ်...။
လေးရက်မှာ သုံးရက်က ဘုရားဖူးဖြစ်ပါတယ်...။(နေ့ဘက်မှာ ဘုရားဖူးတယ်ဆိုတော့ ညဘက်မှာ လိပ်ဥတူးထွက်
သလားမမေးပါနဲ...:)))

ဘုရားရှင်ရဲ့ မျက်နှာတော်ကို ဖူးမြင်ရတာ ဘယ်နိုင်ငံက ဘယ်လိုရုပ်ပွားတော်ပုံပဲဖြစ်ဖြစ် အေးချမ်းလှပါတယ်....။
ခုတင်လိုက်တဲ့ ဘုရားရှင်ရဲ့ရုပ်ပွားတော်ပုံတွေက ဘယ်ရုပ်ပွားတော်က ဘယ်နေရာ၊ဘယ်စေတီ၊ဘယ်ကျောင်း
ကဆိုတာ မမှတ်မိတော့ဘူးခင်ဗျ၊အကုန်ရောထွေးကုန်ပါတယ်...:)။ဆိုတော့ ဘယ်ရုပ်ပွားတော်က ဘယ်က
ဆိုတာ လေဘယ်မထိုးနိုင်တာ ခွင့်လွှတ်ပါကုန်....:)

သေချာတာက မြဘုရားပုံတော်တော့မပါဘူးခင်ဗျ။မပါဆို ဒါ့ပုံရိုက်ခွင့်မပြုလို့ပါ..:)

ဒီစေတီကိုတော့မှတ်မိတယ်ခင်ဗျ။ ကျောက်ဖယားမြစ်တစ်ဖက်ကမ်းက Wat Arun (Tample of the Dawn)ပါ။
ဒီစေတီကို ဖူးရတော့ ပုဂံကိုတောင် သတိတရ နဲ့ လွမ်းမိသေး...:(

ွ

Saturday, February 26, 2011

အသက်-၃၃

မျိုးကျော့မြိုင် သီချင်းတွေကို သိပ်ကြိုက်လှတယ်တော့မဟုတ်....၊သို့ပေမယ့် ဒီသီချင်းကိုတော့ လောလောဆယ်
သဘောကျနေတယ်....

သုညအောက် ယူဇနာ တရာမက ကျဆင်းသွားကြောင်း

လင်းရေ.....

ကိုယ်...လင်းဆီစာမရေးဖြစ်တာကြာပြီနော်....၊ကြာဆို စာရေးချင်စိတ်ကို မရှိတာလင်းရေ....။လင်းဆီလည်း စာ
မရေးဖြစ်၊ကိုယ့်ဘလော့မှာလည်း ဘာမှမရေးဖြစ်ပါဘူး။တလောကခရီးထွက်ဖြစ်တော့ ပြန်လာရင် ပို့စ်တွေ အများကြီး ရေးမယ်လို့ အားခဲထားပေမယ့် တကယ့်တကယ်ကြတော့ မရေးချင်ဘူးဖြစ်နေတယ်လင်း....။

ခုတလော ကိုယ်စိတ်တွေကျနေပြန်ပြီ.....၊စိတ်တွေက သုညအောက်ယူဇနာ၁၀၀မကကျနေတဲ့အပြင်ဘာအာရုံမှ
စူးစိုက်လို့မရအောင်ကို ပျံလွင့်နေလေရဲ့....။ဘာပြဿနာတွေဖြစ်နေလဲလို့ မေးမလို့လားလင်း...၊ဟင့်အင်း....၊
တကယ့်တကယ်မှာ သေးသေးမွှားမွှားအခက်အခဲတချို့ကလွဲလို့ ဘာမှပြဿနာကြီးကြီးမားမားမရှိပါဘူး....။
ဒါပေမယ့်....လင်းသိတဲ့အတိုင်းပဲလေ...ကိုယ့်စိတ်က တခါတလေ တက်ချင်ရင်လည်း ဟိုးမိုးထိရောက်အောင်
တက်သွားတတ်ပြီး၊ခုလိုကျချင်ပြန်ရင်လည်း အဝီစိရောက်အောင်ကျချင်ကျသွားတာကလား....။

အတွေးတွေကလည်း စုစုစည်စည်းမရှိ၊လွင့်ချင်တိုင်းလွင့်၊ပျံ့ချင်တိုင်းပျံ့နေလေရဲ့....၊ရှေ့စိတ်ကလေးက လွှင့်
ပျံ့သွားလိုက်၊နောက်စိတ်ကလေးက သတိနဲ့ ပြန်ဖမ်း စုစည်းလိုက်၊ခဏမှာပဲ စိတ်ကပြန်လွှင့်သွားလိုက်နဲ့
ကိုယ့်စိတ်နဲ့ ကိုယ် အရှုပ်တွေလုပ်နေရတယ်လင်းရာ....။ဒီရက်ပိုင်း အိပ်ရေးပျက်လိုက်တော့ပိုဆိုးသပေါ့။
အိပ်ရေးပျက်လို့ မျက်လုံးကဘယ်လောက်ပဲအိပ်ချင်နေပေမယ့် စိတ်ကအိပ်လို့မရဘူးလင်းရာ..၊ညညဆို အတွေး
တွေက တယ်နှိပ်ဆက်တာကလား....။

စိတ်ကိုငြိမ်အောင် စာအုပ်တွေဖတ်၊ဟာသတွေဖတ်၊ရုပ်ရှင်တွေကြည့် လည်း ဖတ်တုန်း၊ကြည့်တုန်းခဏပါပဲ
လင်းရာ...။ခုချိန်မှာ ကိုယ် အလုပ်ချင်ဆုံးက မြန်မာပြည်က ကိုယ့်အခန်းလေးထဲမှာ ၂ရက်လောက်မထတမ်း အိပ်
ပလိုက်ချင်တာပါပဲ....။အိမ်လွမ်းနာက တယ်ဆိုးသကိုး....။

ဟောဒီရှင်ကျားပူမှာ လူတွေအများအားဖြင့် ကိုယ့်ကိုကိုယ် သက်သေကြတဲ့အခါ MRT လာတဲ့အချိန်ခုန်ချလေ့
ရှိကြသတဲ့....။အင်း.....ကိုယ်လည်း ခုတလောတော့ MRTမစီးပဲနေ နေတယ်လင်းရေ....:)။MRT တစ်စီး အရှိန်
နဲ့ဝင်လာချိန်မှာ ရထားသံလမ်းတွေရဲ့ သွေးဆောင်ဖြားယောင်းမှုက စိတ်ဓာတ်ကျဆင်းနေတဲ့လူတစ်ယောက်
ကို သူလုပ်ချင်တာကို လွယ်လွယ်နဲ့ လုပ်ဖြစ်သွားစေနိုင်အောင်ကို မာယာများလှတယ်ကွယ်....။

ဒီလိုပြောလို့ စိတ်လည်းသိပ်မပူနဲ့ဦးနော်...။အရမ်းဆိုးဆိုးရွားရွားကြီးမဟုတ်ပါဘူး....:)။ချစ်ခင်ရတဲ့ သူငယ်ချင်း
တွေကလည်း အားပေးကြ၊တတ်နိုင်သမျှအကြံညဏ်ပေးကြပါတယ်...။တချို့ကလည်း အဲဒါ ခမဲလိုလို့ဖြစ်တာ
သူတို့ခမဲရှာပေးမယ်တဲ့လေ....:P။အင်း...ခမဲကတော့တော်ပါပြီလေ.....ဆားနဲ့ပဲစားပါတော့မယ်လို့ ပြန်ပြောလိုက်
ရတယ်....:D။

ခုတော့တဖြည်းဖြည်းနဲ့ အေးဆေးဖြစ်လာပါပြီ။ဒါကြောင့်လည်း ခုလို ရီရီမောမောနဲ့ လင်းဆီ စာရေးဖြစ်တာပေါ့။
ခုတော့ ညအိပ်ကာနီးတိုင်း ဝင်လေရှူ့၊ထွက်လေရှူ့ ဘုရားကု ကုနေလေရဲ့...။ဝင်သက်ထွက်သက်များ....
ပေါ့....:)

လင်းရေ.....၊စိတ်လည်းမပူနဲ့၊စိတ်မကောင်းလည်းမဖြစ်နဲ့ဦးနော်...၊ကိုယ့်အကြောင်းလည်း လင်းသိတဲ့အတိုင်း၊
ခဏပါ...။ပြီးတော့လည်း ပြီးသွားမှာပါ..။အော်..ဒါနဲ့ ကိုယ် ရှေ့လကုန်လောက်မြန်မာပြည် ပြန်လာဖြစ်မလားပဲ...။
မောပန်းနေတဲ့ ကိုယ်ရော၊စိတ်အတွက်ပါ ခဏတော့ အမေ့အိမ်မှာ နားဦးမယ်ကွယ်....၊ဒါမှပဲ ကျန်နေသေးတဲ့
ဘဝတစ်ဝက်ကို ခွန်အားအပြည့်နဲ့ လျှောက်လှမ်းနိုင်မှာကလား....။

အင်း ခုလိုချိန်မှာ ကိုယ်တွေးမိတာက ငါတို့တွေ တစ်နေ့သေကြရမယ့်အရေး...၊ဘာတွေများ ကိုယ်ပင်ပန်း၊စိတ်
ပင်ပန်းခံနေကြပါလိမ့်....၊ဘဝမှာ ကောင်းတာတွေပဲလုပ်လုပ်၊ဆိုးတာတွေပဲလုပ်လုပ်၊ဘဝကို လေးလေးနက်
နက်နဲ့ပဲကျော်ဖြတ်ကျော်ဖြတ်၊ပေါ့ပေါ့ပါးပါးပဲ ဖြတ်သန်းဖြတ်သန်း၊တချိန်မှာ လူတိုင်းသွားရမယ့်နေရာကို ရောက်
သွားမှာပဲ...၊ဘာကြောင့်များ ရေးကြီးခွင်ကျယ်နဲ့ ဘဝဆိုတာတိုက်ပွဲပဲ၊ဘာပဲ၊ညာပဲ လုပ်နေမလဲ...၊သွားစရာရှိတဲ့
နေရာ ဘာကြောင့်များမြန်မြန်မသွားဖြစ်ကြပါလိမ့် ဆိုတဲ့ အတွေးတွေဝင်လာရော လင်းရေ....။

ဘဝကိုမြတ်နိုးတွယ်တာတဲ့ ဘဝတဏှာနေရာမှာ ဘဝပြတ်ချင်တဲ့ ဝိဘဝတဏှာလေးက ခဏတဖြုတ် အစားဝင်
လာတာထင်ပါရဲ့...။အင်း...ကိုယ်လည်း အသက်ရလာသလောက် တည်ငြိမ်ရင့်ကျက်ဖို့ အများကြီးလိုသေးတယ်
လင်းရေ....။ကဲပါလေ...ကိုယ်ပြန်ရောက်မှ စကားတွေ အများကြီးပြောကြတာပေါ့၊လင်းတို့မိသားစုအာလုံး
ကျမ်းမာလျက်ရှိကြောင်းသိရလို့ ဝမ်းသာရပါရဲ့....။

ခင်တဲ့.......

Sunday, February 20, 2011

မျောလွင့်နေတဲ့ လူ

ဘန်ကောက်မြေကိုစနင်းနင်းခြင်းမှာ ပထမဆုံးသတိပြုမိတာကတော့ များပြားရှုပ်ထွေးလှတဲ့ ကြော်ငြာဆိုင်းပုဒ်
တွေနဲ့ အိုဗာဟတ် ဓာတ်ကြိုးတွေပါ.....။

ဘန်ကောက်ရဲ့ နာမည်ကျော် တုတ်တုတ်လေး.....။

မြို့ဘန်ကောက်ရဲ့ မိုးပျံရထား BTS ပါ။Nလိုင်း၊Sလိုင်း၊Eလိုင်း ဆိုပြီး ၃လိုင်းရှိပါတယ်...၊တလိုင်းမှာ ၆ဘူတာ၊
၇ဘူတာလောက်ပဲ ရှိတဲ့ လိုင်းတိုတွေပါ..၊MRT တလိုင်းရှိပါတယ်....။BTS နဲ့ MRT ဘာကွာသလဲတော့ မသိ
ပါဘူး...၊ကြည့်ရတာ MRT က လမ်းကြောင်းရှည်ပါတယ်....။BTS စီးခဲ့ပေမယ့် MRT တော့ မစီးဖြစ်ခဲ့ပါ။

၅၃ ဘတ်စ် ပါ....။မြနမ်မာပြည်က ၅၃ နဲ့ဘာကွာသလဲဆိုတော့ မြင်တဲ့အတိုင်းပဲ ချောင်ချောင်ချိချိ စီးရပါတယ်...။
စပယ်ယာရှိပေမယ့် ပြူးပြူးပြဲပြဲ နဲ့ လိပ်ခေါင်းထွက်မတတ် အော်ခေါ်မနေပါဘူး၊ထိုင်ရာကတောင်မထပါ...:)။

ဟိုတယ်က ကျွေးတဲ့ အနောက်တိုင်းစတိုင် နံနက်စာကို မစားပါဘူး၊ဟိုတယ်နဲ့မလှမ်းမကမ်းက လမ်းဈေးလေး
ထဲက အသုတ်တွေ၊ထမင်းကြော်တွေ၊ငါးကြော်တွေ၊မုန့်လင်မယားတွေ၊ဝက်ခြေထောက်စွပ်၊အကင်တွေ ၊ပြီး
အသီးအနှံတွေကို လေးရက်လုံးလုံး အလှည့်ကြဝယ်စားပလိုက်တယ်...၊

အီကြာကွေးပေါက်စလေးတွေ...၊တစ်ခု ၂ဘတ်....။

နံနက်စာ၊ညစာ ဝယ်စားခဲ့တဲ့ ဈေးလမ်းလေးပါ...၊လမ်းရဲ့ ဟိုဘက်ထိပ်နားမှာ မြန်မာသံရုံးရှိပါတယ်....။
မြန်မာတွေကိုလည်း အဲဒီမှာ ဝယ်ချမ်းနေကြတာတွေ့ခဲ့ရဲ့....။

ဟိုတယ်ရဲ့ မျက်နှာချင်းဆိုင်၊လမ်းတစ်ဘက်ခြမ်း မလှမ်းမကမ်းမှာ ဟိန္ဒူဘုရားကျောင်းရှိပါတယ်...၊ပန်းရောင်းတဲ့
ကလေးမလေးက ဆိုင်ကယ်နဲ့ခင်ည....:)။

KFC၊SUBWAY၊Pizza Hut၊McDonald၊Burger King၊ 7/11 တို့နဲ့ ဂလိုဘယ်ဆန်ဆန်ရှုပ်ရှုပ်ထွေးထွေး လှပ
နေတဲ့ ဘန်ကောက်.....။

ဟိုး...တစ်ချိန်က ကမ္ဘာကျော် လက္ခဏာဆရာကြီး ကိုင်ရိုက တစ်ချိန်မှာ ကမ္ဘာမှာအဝါရောင်တွေ လွမ်းမိုးလိမ့်
မယ်လို့ နိမိတ်ဖတ်ခဲ့တယ်လို့ဆိုပါတယ်....၊ဘာသာရေးဆြာတွေက ဗုဒ္ဓဘာသာရဲ့ ရွေဝါရောင်သင်္ကန်းကို
ရည်ညွှန်းတာလို့ ဆိုကြပြီး၊နိုင်ငံရေးသမားတွေက အသားဝါတရုတ်တွေကို ဆိုလိုတာဖြစ်မယ်လို့ အဓိပ္ပာယ်ဖွင့်
ခဲ့ကြပါတယ်...။ စီလုံပေါက်ဖော်တို့ရဲ့ နှစ်သစ်ကူးက ခုတော့ဂလိုဘယ်ဆန်လာပါပကောလား.....:)

ဟုတ်ကဲ့....ဟုတ်ကဲ့....ဒီနှစ် ယုန်နှစ်ဆိုတာသေချာပါတယ်.....:)