စပ်မိသမျှ ရောက်တတ်ရာရာ - ၂

ခုတလောမှာ ဘဝအကြောင်း၊ဘဝနေနည်းတွေအကြောင်းပဲ တွေးနေမိတယ်။ကတ္တရာပုံးကြီးများ ရွက်ထား
သလို လေးလေးနက်နက်ကြီးတွေးတာတော့မဟုတ်ဘူးပေါ့လေ....၊ဆေးလိပ်လေးဖွာရင်း၊ဘီယာလေးမြုံရင်း၊
ဟိုငေးဒီငေး ငေးရင်း တွေးမိတွေးရာ တွေးမိတာများပါတယ်။ဘဝကို တတ်နိုင်သ၍ ပေါ့ပေါ့ပါးပါးဖြတ်သန်း
ချင်တယ်။အဲဒီလိုဖြတ်သန်းတဲ့သူတွေကိုလည်း သိပ်သဘောကျတယ်...။ကိုယ်တိုင်လည်း ပေါ့ပေါ့ပါးပါးဖြတ်
သန်းဖို့ကြိုးစားနေတာပါပဲ။ခက်တာက ကိုယ်ဖြတ်သန်းနေပုံက ပေါ့ပေါ့ပါးပါးမဟုတ်ပဲ ဦးတည်ရာမဲ့၊ရည်ရွယ်
ချက်မဲ့ ကြုံသလို၊ကျသလိုဖြတ်သန်းနေပုံကြီးဖြစ်နေတယ်။ပမာပြောရရင် သုခကောင်းကင်ဘုံမှာ လောကဓံ
လေနှင်ရာအတိုင်း မျောချင်ရာမျောနေတဲ့ ဒုက္ခတိမ်တစ်စ ဆိုပါတော့ဗျာ....။

ခက်တာက အဲဒီလိုမှ မဟုတ်ရင်လည်း ဘဝဆိုသဟာကြီးကို ဘယ်လိုဖြတ်သန်းရမှန်းမှမသိတာ....။
ဦးတည်ရာ၊ရည်ရွှယ်ရာတစ်ခုအနေနဲ့ မိန်းမယူ၊ကလေးတွေမွေးပြီး ငါကား လူပီသပေပြီလို့ ကြွေးကြော်
ရလေမလား....။သွားလေသူ ဂန္ဘီရဆြာကြီးတစ်ဦးရဲ့ ဝတ္ထုဇာတ်ကောင်တစ်ယောက်လို အဆိပ်ပုလင်း
လည်ပင်းမှာဆွဲလို့ဒီနေ့ဒီရက်မှစလို့ သုံးနှစ်အတွင်းမီလျှံနာမဖြစ်ရင် ကိုယ့်ဘာသာအဆိပ်သောက်သေမယ် ဆိုပြီး ကျုံးရုန်းလို့ပိုက်ဆံရှာရလေမလား....။ဒါမှမဟုတ် လောကီထုပ္ပတ်လူတို့ဇာတ်မှာ လောကီကို ညီးငွေ့
ပြီဆိုပြီး ဝတ်ကြောင်ကို ဖန်ရေဆိုးလို့ စိပ်ပုတီးနဲ့ရိပ်ကြီးခိုရလေမလား.....။သို့မှမဟုတ်ရင်လည်း ကိုရင်ရဲ့
စကားဖြစ်တဲ့မျှဝေခြင်းဟာ ရှင်သန်ခြင်းဖြစ်တယ် ဆိုတဲ့စကားကို မောင်ပိုင်စီးပြီးသကာလ ပရဟိတအလုပ်
တွေကြားမှာပဲဘဝကိုနစ်မြုပ်ထားလိုက်ရမလား....။

အင်း.....ဒီလိုဆိုတော့လည်း အဲ့သာတွေအကုန်လုံးကို ရေဆုံးရေဖျားလုပ်ဖို့တစ်ခုမှ စိတ်မဝင်စား...။အဲဒီ
တော့ ပေါ့ပေါ့နေ၊ပေါ့ပေါ့စား၊ဆန်ကုန်မြေလေး လို့ အပြောခံရမှ ခံရရော၊ပေါ့ပေါ့လေးပဲ နေဖို့ကြိုးစားတော့
တယ်။ပေါ့ပေါ့ပါးပါးဖြစ်ဖို့ဆိုတော့ လေးလေးပင်ပင်တွေကို လွှတ်ချဖို့ကြိုးစားကြည့်တယ်။ကိုယ်က လွှတ်ချ
ဖို့ကြိုးစားတုန်းရှိသေး၊ကိုယ့်လက်က လွတ်ကျသွားတာက ဘူးသီးတောင်နဲ့မောင်တော....(အဲ.....သတင်း
တွေဖတ်ရင်းနဲ့ ရောကုန်ပါပြီ..ဘွာတေး:)) ပိုက်ဆံပဲဗျ။ပိုက်ဆံဆိုသဟာကို ဘယ်တုန်းကမှ စုဖို့ဆောင်းဖို့
မစဉ်းစားခဲ့တာအမှန်ရယ်...။စင်္ကာပူမှာ လေးနှစ်သာကြာတယ် တစ်ပြားမှမစုမ်ိပါဘူးဆိုတော့ ရွှာပြန်ပြီး
တိုက်ဆောက်၊ကားစီးနေတဲ့ သူငယ်ချင်းက မယုံနိုင်တဲ့မျက်လုံးပြူးကြီးနဲ့ မော့ကြည့်လေရဲ့...။

ကိုယ်တွေက ငွေကြေးနဲ့ ရှေ့ရေးကို တွဲဖက်လို့ တွေးမကြည့်တာကြောင့်လည်းပါမယ်ထင်တယ်။အဲ့နှစ်ခုကို
တွဲဖက်လို့စဉ်းစားရင်လည်း ချက်ချင်းကို သက်သေချင်စိတ်ပေါက်ပေါက်လာလို့ မတွေးဘူးရယ်....။တစ်ခု
ခြင်းစီ တွေးရင်တော့ သူ့ဟာနဲ့သူ ဟုတ်နေတာပဲဗျ၊ငွေကြေးအကြောင်းတွေးမိရင် သတိရမိတဲ့ ပုံပြင်လေး
ရှ်ိတယ်။လူတိုင်းကြားဖူးမှာပါ။သူဆင်းရဲတစ်ယောက် သူ့ဟာသူ အေးရာအေးကြောင်း အိမ်ရှေ့မှာငုတ်
တုတ်လေးထိုင်နေတာကို မြင်တဲ့ တက်ကျမ်းရေးသူဌေးကြီးတစ်ယောက်က ခုလိုထိုင်မနေပဲ အလုပ်တစ်ခု
ခုလုပ်ဖို့ မနေတတ်မထိုင်တတ် တရားဟောတဲ့ပုံပြင်လေးပေါ့ဗျာ....။သူဌေးကြီးက အဲ့လို ပြောတော့ သူ
ဆင်းရဲက ပြန်မေးတယ်....။အလုပ်လုပ်တော့ဘာဖြစ်လဲတဲ့....။ဟ...အလုပ်လုပ်တော့ပိုက်ဆံရတာပေါ့ဟ
လို့ သူဌေးက ပြောတော့ ပိုက်ဆံဘာလုပ်ဖို့လဲ လို့ မေးပြန်တယ်။ဒီတော့သူဌေးကြီးက ပိုက်ဆံရတော့
စီးပွားရေးတစ်ခုခုလုပ်၊စီးပွားရေးလုပ်တော့ ပိုက်ဆံတွေပိုရ၊ပိုက်ဆံတွေပိုရတော့ အေးဆေးထိုင်နေလို့ရ
တာပေါ့ ငစနူရဲ့လို့ ရှင်းပြတော့ သူဆင်းရဲကပြန်ပြောတာက ခုရော အေးဆေးထိုင်မနေရလို့လား......တဲ့...။

ဒီပုံပြင်လေးက ဟုတ်သယောင်ယောင်၊မဟုတ်သယောင်ယောင်ပဲဗျနော်....။ဒီပုံပြင်ကို ဒီဘိတ်လုပ်ကြကြေး
ဆို နှစ်ဘက်စလုံးမှာ ပြောစရာတွေတစ်ပုံကြီးရှိမှာအမှန်ပါပဲ...။ကိုယ်တွေပိုက်ဆံရှာနေတာလည်း ပိုက်ဆံကို
ကရိယာတစ်ခုအနေနဲ့သုံးစွဲပြီး ကိုယ်လုပ်ချင်တာလုပ်ဖို့ပဲမဟုတ်လားဗျာ၊ကိုယ်လုပ်ချင်ရာလုပ်တယ်ဆိုတာ
ကလည်း စိတ်ချမ်းသာဖို့ မဟုတ်လားခင်ဗျ၊ဒီတော့ စိတ်ကို ချမ်းသာအောင်မွေးမြူရာမှာ ပိုက်ဆံကိုမသုံးတဲ့၊
ဒါမှမဟုတ် နဲနဲပဲသုံးတဲ့နည်းတွေနဲ့စ်ိတ်ချမ်းသာအောင်ထားရင်လည်း ရသပေါ့ မဟုတ်လား...။ငွေရှာရမှာ
အပျင်းကြီးတဲ့ ကျွန်တော်ကတော့ အဲဒီလို ကိုယ့်ဟာကို ဆင်ခြေဆင်လက်ဆင်နားရွက်များကို တွင်တွင်
ကြီးသုံးပြီးသကာလ၊ငွေနဲနဲနဲ့ စိတ်ချမ်းသာအောင် အချောင်ထားနည်းတွေပဲ လိုက်ရှာနေလိုက်တော့သဗျိုး။

ဒီတော့ ညနေဘက် ငါးနာရီထိုးလို့ အလုပ်ပြီးပြီဆို လက်တဘက်က ကင်မလာလေးကိုင်၊လက်တဘက်က
ယောပုဆိုးလေးထဲမယ် ရေကူးဘောင်ဘီလေးနဲ့ အမေရွှာကထည့်ပေးလိုက်တဲ့ အညာသဘက်လေး ထည့်
ထုပ်ပြီး စက်ဘီးတစ်စီးနဲ့ မြို့လုံးပတ်လည်လျှောက်သွားတော့တာပါပဲ....။လမ်းတလျှောက် ကောင်းကင်
ကို မော့ကာမော့ကာနဲ့ သွား....၊တိမ်များလှတပတတွေ့ရင် ရိုက်တော့တာပဲ....၊နေနဲနဲစောင်းပြီဆို ရေကူး
ကန်ဆီသွားပြီး ရေစိမ်နေလိုက်တယ်.....၊ရေလား....ကူးပါတယ်....တစ်ခေါက်ပေါ့...၊တစ်ခေါက်လောက်ကူး
ပြီး ရေစိမ်ရင်း တွေးချင်ရာတွေး၊ငေးချင်ရာငေးရတာ တယ်ကောင်းကိုးဗျ...။အတော်လေးအေးလာပြီဆိုမှ
ရေကူးကန်ကထွက်ပြီး စားဖို့သောက်ဖို့စဉ်းစားရတယ်။တစ်ခါတစ်လေ ဘွန်လေး က အိန္ဒိယဆိုင်မှာ ကုလား
စာသွားစား၊တစ်ခါတစ်လေ ပန်နစူလာထိတတန်တကခြေဆန့်လို့ မြန်မာစာသွားစား၊တစ်ခါတစ်လေတော့
လည်း ပေါက်ဖော်ကြီးများဆီမှာ အားပေး၊စိတ်ကူးပေါက်ရင် ပိုင်အိုနီးယားအထိသွားပြီး ယိုးဒယားစာလေး
တွေ စားတဲ့အခါစားပေါ့လေ...။အသောက်ကတော့ သိပ်စဉ်းစားစရာမလိုဘူးရယ်....:P။ဒါတောင် တစ်ခါ
တစ်လေ ဟိုင်းနကန်သောက်ရကောင်းမလား၊ကျားမြီးဆွဲရကောင်းမလား စဉ်းစားရခက်နေသေး.....:D။

ပြန်ရောက်လို့ အချိန်ရှိသေးတယ်ဆိုရင်တော့ ကွန်ပြူတာလေးဖွင့်ပြီး တောင်တောင်အီအီလေးတွေလုပ်သ
ပေါ့ဗျာ...၊အချိန်ရလို့ရှိရင်ဆိုတာက ခုတလောမှာ အလုပ်တွေကြပ်လွန်းလို့ နေ့ရောညပါလုပ်နေရသဗျာ။
ပုံမှန်အလုပ်ချိန် မနက်၈မှ ညနေ၅ အပြင် ညဆယ်နာရီဆို တစ်ခါထွက်လုပ်ရပြန်တယ်။တစ်ခါတစ်လေ
မနက်၅နာရီထိ၊တစ်ခါတစ်လေ ၆နာရီ၊တစ်ခါတစ်လေဆို မိုးစင်စင်လင်းတာတောင်အလုပ်ကမပြတ်နိုင်လို့
နေမီး၊ညမီးကို ဆက်ရောပဲ။ဘယ်နှယ် ငွေရှာပျင်းတယ်လည်းဆိုသေး၊နေ့ရောညပါအလုပ်တွေဖိလုပ်နေရ
လား လို့မေးမယ်ဆိုမေးစရာပါပဲ။လုပ်ချင်လို့ရယ်မဟုတ်ဘူးဗျ၊လုပ်မယ့်သူကိုမရှိလို့ ရှိသမျှလူကုန် ညီးညီး
ညူညူနဲ့လုပ်နေကြရတာရယ်....။လုပ်သားအင်အားနဲ့အလုပ်နဲ့မမျှဖြစ်နေတာပေါ့ဗျာ...။စနေညနဲ့တနင်္ဂနွေ
 နေ့တွေမှာ အလုပ်မရှိလို့တော်သေး...။

စနေညတွေမှာတော့ ညလုံးပေါက်လိုလို လျှောက်သွားနေတာပါပဲ။ကလပ်တက်ချင်တက်၊ကာလာအိုကေ
ဆိုင်ရောက်တဲ့အခါလည်းရောက်၊အဲဒီလိုမှမဟုတ်လည်း ညသန်းခေါင်ထိ မရီနာဘေး မှာ သွားထိုင်ချင် ထိုင်
နေဖြစ်ပါရဲ့....။တနင်္ဂနွေနေ့မှာတော့ တစ်နေကုန်အိပ်ပလိုက်တော့တယ်။ဒါတောင်ညနေဘက် တစ်ခေါက်
ထပ်ထွက်လိုက်သေးရဲ့......။

ဆိုတော့ ရသမျှအချိန်လေးမှာ ကွန်ပြူတာလေးဖွင့်ပြီး ခုဏက ပြောသလိုတောင်တောင်အီအီလေးတွေကို
အပြေးအလွားလုပ်ရပါတယ်။တောင်တောင်အီအီဆိုလို့တစ်မျိုးလည်းမထင်ပါနဲ့ ဂိမ်းလေးဘာလေးဆော့၊
သင့်ပြွန်မှာ သီချင်းလေးဘာလေးရှာ၊အလကားရတဲ့ ရုပ်ရှင်တွေထိုင်ကြည့်၊ဒီလောက်ပါပဲ...။ခုတလောမှာ
ဖေ့ဘွတ်အကောင့်နှစ်ခုစလုံးကိုပိတ်ထားလေတော့ နဲနဲခံသာတယ်ပြောရမယ်။နို့မို့ ဖေ့ဘွတ်ထဲမှာတင်
ရှိသမျှအချိန်ကုန်ရောဗျ....။

ဖေ့ဘွတ်တွေပိတ်ထားတယ်ဆိုလို့ ပိတ်ရတဲ့အကြောင်းရင်းကို ပြောရဦးမယ်....။ပြောဆို ကျွန်တော်တို့
သမိုင်းမှာ ကမ္ဘာစစ်ပွဲတွေရဲ့ စစ်ဖြစ်ရတဲ့အကြောင်းရင်းကိုသင်တဲ့အခါမယ် လတ်တလောအကြောင်းရင်း
နဲ့ အခြေခံအကြောင်းရင်းဆိုပြီး ခွဲခြားသင်သလိုပဲ...၊ဖေဘွတ်ပိတ်ရတာကလည်း လတ်တလောအကြောင်း
ရင်းနဲ့ အခြေခံအကြောင်းရင်းဆိုပြီး ခွဲပြောရမယ်ထင်ပါ့....။အခြေခံအကြောင်းရင်းကတော့ အချိန်ကုန်လွန်း
လှလို့ပဲဗျ။ခုနှစ်ပိုင်းမှာ ကျွန်တော်အလုပ်လုပ်နေတဲ့ကုမ္ပဏီကလည်း အလုပ်အရမ်းကောင်းပြီး စီးပွားဖြစ်လာ
လေတော့ အရင်လို သက်သက်သာသာပေါ့ပေါ့ပါးပါးမရှိလှဘူးဗျာ....၊အပေါ်မှာပြောခဲ့သလို နေ့ရောညပါ
ခါးချိအောင်လုပ်နေရလေရဲ့....၊ကျွမ်းကျင်အလုပ်သမားကရှားပါး၊လူထပ်ခေါ်ဖို့ရာ ကိုတာ ကမရှိလေတော့
ရှိသမျှလူနဲ့အဆင်ပြေသလို လုပ်နေရတယ်။

ဒီတော့ ရတဲ့အားလပ်ချိန်လေးထဲမှာ ဖေဘွတ်မှာပဲအချိန်ကုန်နေရင်မဖြစ်ချေဘူးလို့ တွေးမိတာကြောင့်လဲ
ပါတယ်။နောက်တစ်ခုက ဖေ့ဘွတ်ကို ကောင်းကျိုးထက် အဆိုးတွေပဲ တွေ့လာရတယ်လို့ ခံစားမိတာက
လည်း အကြောင်းတစ်ခုဆိုပါတော့လေ....။အဲ့ဒါတွေက အခြေခံအကြောင်းဆိုပါတော့....။လတ်တလော
အကြောင်းရင်းကတော့ ခုတလောမယ် ဖေဘွတ်တစ်ခွင်မှာ အမျိုးသားရေးစိတ်တွေအင်မတန်မှ ထကြွနေ
ကြသဗျ၊ဖေ့ဘွတ်ဖွင့်လိုက်တာနဲ့ အွန်လိုင်းစစ်သည်တော်များရဲ့ ရဲရဲတောက်ကြွေးကြော်သံတွေ၊တင်းမာ
ခက်ထရော်လှတဲ့ အမျိုးဂုဏ်၊ဇာတိဂုဏ်ကို မြှင့်တင်သံတွေ၊ကမ္ဘာမကြေသီချင်းသံတွေနဲ့ ရပတောင်းကို
ခပ်လို့ပေါ့ဗျာ....။

ဆိုတော့ ဘာဖြစ်သလဲဆိုတော့ဘာမှမဖြစ်ပါဘူး၊ဖြစ်တာက ကိုယ်တွေပါ...၊ကိုယ်တွေက ဖေ့ဘွတ်ဆိုတာကို
ဒီနေ့တော့ စားစရာမရှိလို့ ထမင်းဆီဆမ်း၊ဆားဖြူးပြီးစားလိုက်ရတယ်ဆိုတာမျိုး၊ဒီနေ့ရှောပင်ထွက်တာ
အကျီ င်္တစ်ထည်ကို၁၅၀နဲ့ နှစ်ထည်ဝယ်လာတယ်ဆိုပြီး ၁၅ကျပ်တန်လေးတွေကို ပလီစိချောက်ချက် လုပ်
တာမျိုး၊ဂနေ့တော့မိုးတွေရွာလိုက်တာ.....ရွှာမှာကျန်ခဲ့တဲ့ မရှိတဲ့ရည်းစားကို လွမ်းနေတယ် ဆိုတာမျိုး၊
သင့်ပြွန်က ဖြူဖြူကျော်သိန်းအစ ဆလိုင်းဖွာထောင်အလယ် ကိုအံကြီးအဆုံး ကြုံသမျှသီချင်းတွေရှယ်တာ
မျိုး၊ကြုံလေရာရာမှာ ရိုက်လာတဲ့ မကိုးမကားဒါ့ပုံတွေတင်တာမျိုးတွေလောက်ပဲ အသုံးပြုတတ်တာကလား။

အဲဒီတော့ကာ ဖေ့ဘွတ်လောကကြီးတစ်ခုလုံး အရေးကြီးလို့သွေးနီးကြပြီး၊တိုက်ပွဲခေါ်သံတွေ တင်းကြမ်း
ပြေ့နေတဲ့ တော်လှန်ရေးကာလမယ် ကိုယ်က အဲဒီလို ဘာမဟုတ်တဲ့ ကိုယ်ရေးကိုယ်တာလေးတွေသွား
တင်ရင်ဖြင့် စကောလောက်မှစောက်မနက်တဲ့အမျိုးဖျက်၊သစ္စာဖောက်လောက်ကောင်ကြီးဖြစ်သွားနိုင်သဗျ။
အခန့်မသင့်ရင် တိုင်းပြည်မီးဟုန်းဟုန်းတောက်နေတာတောင် ဂစ်တာတီးမပျက်တဲ့ ဟို ဘုရင်ကြီးနဲ့လည်း
အနှိုင်းခံရနိုင်သဗျ၊အဲ့ဒါကြောင့် ကိုယ်တိုင် မလုပ်နိုင်ရင်လည်း ဘေးကကိုးလို့ကန့်လန့်လုပ်လို့မတော်
ပါဘူးလေ၊မျိုးချစ်ပုဂ္ဂိုလ်ကြီးများ သူတို့အလုပ် သူတို့လုပ်ကြပါစေဆိုပြီးအသာလေးအကောင့်ပိတ်ထားလိုက်
တာပါပဲ။

အကောင့်ဖွင့်ထားရင်လည်း ကိုယ်ကမနေနိုင်ဘူးလေ....၊ပေါက်ကရလေးဆယ်တွေတင်မိနေမယ်စိုးလို့ပါ
ခင်ဗျ။အဲ့ဒါကတော့ လတ်တလောအကြောင်းရင်း ဆိုပါတော့....။ကိုယ့်ရဲဘော်တွေကတော့ ထင်မယ်.....၊
ဒီလူ သူ့အကောင့်တွေကို တော်ကြာပိတ်လိုက်၊တော်ကြာပြန်ဖွင့်လိုက် နဲ့....ခုလည်း ပြန်ဖွင့်ဦးမှာပါ.....
ကြောင်ကြာကြာရေမငုတ်ပါဘူး.......လို့.....:)။ဟုတ်တော့လည်းဟုတ်တယ်....ကိုယ်တွေက သံယောဇဉ်
ကြီးတတ်တာကခက်တာ....၊ဖေ့ဘွတ်ကိုတော့ သံယောဇဉ်ရှိတယ်မဟုတ်ပါဘူး...။ကိုယ့်ရဲဘော်သူငယ်ချင်း
တွေကိုပါ။သူငယ်ချင်းတွေနဲ့ ကိုယ့်အကြားမှာ ဖုံးအဆက်အသွယ်၊ဂျီတော့အဆက်အသွယ်တွေရှိတယ်ဆို
ပေမယ့် တစ်နေ့တာ ဖြစ်ပျက်နေသမျှလေးတွေကိုဘယ်သူမှ နေ့တဓူဝ ပြောပြမနေနိုင်ဘူးမဟုတ်လား...။
ဖေ့ဘွတ်လိုနေရာမျိုးမှာပဲ ရေးလိုက်ကြတာမျိုးကိုး...။ဖေ့ဘွတ်မသုံးတော့တဲ့အချိန်မယ် ကိုယ့်သူငယ်ချင်း
တွေအပေါ်သစ္စာပျက်သလို ဖြစ်နေလေတော့ အချိန်နဲနဲကြာလာရင် စိတ်က ငါ့ရဲဘော်တွေ ဘာတွေလုပ်လို့

ဘာတွေဖြစ်နေကြပါလိမ့်...၊သွားချောင်းကြည့်ဦးမှပါ ဆိုပြီး ဖေ့ဘွတ်ဘက် ပြန်လည်သွားပြန်ရော....။

လောလောဆယ်တော့ ဖေ့ဘွတ်ကိုနားထားပြီး ဘလော့မှာ ကြည်စင်ကောင်းကင်ကို ဆက်ရေးဖို့ကြိုးစား
နေပါတယ်။ရေးဖို့ကိုလည်း မနှင်းဆီက ဂျီကျနေလေရဲ့....:))))။အမှန်တော့ စိတ်ကူးထဲမှာ စကားလုံး
တွေကို စီထားပြီးသားရယ်...၊ဒါပေမယ့်ချရေးလိုက်မယ်ကြံစီတိုင်း အထမမြောက်ဘူးဖြစ်နေလေရဲ့....။
အလုပ်တွေရှုပ်နေလို့လည်းပါမယ်ထင်တယ်..၊နောက်တစ်ပတ်ဆိုအလုပ်ပါးသွားလိမ့်မယ်လို့မျှော်လင့်တာ
ပါပဲ....၊အဲ့ဒီတော့မှဆက်ရေးရမယ်...။ပြောမယ့်သာပြောရ မနှင်းဆီမှာ အကြွေးရှိနေတယ်။ကြောင်ဂိုဏ်းပို့စ်
ကိုရေးပေးမယ်ဆိုပြီး မရေးဖြစ်လိုက်တဲ့အကြွေးပါ။ဘလော့ဆိုလို့ မျောလွင့်တိမ်ရဲ့နားခိုရာလေး ဒီဇွန်လမှာ
၂နှစ်ပြည့်ပါတယ်။ပြီးခဲ့တဲ့ ၂၀၁၀ ကမ္ဘာဖလားပွဲတွေကျင်းပတဲ့အချိန်မှာစတင်ဖြစ်တဲ့ နားခိုရာလေး.......
ခု ၂၀၁၂ ယူရိုပွဲတွေကျင်းပတော့ ချည်ထည်ရတု ( Cotton Anniversary )ဆိုလား၊ဘာဆိုလား ပြည့်သွား
လေရဲ့...။


ဒီတော့ကိုယ့်နားခိုရာလေးကို ကိုယ့်ဘာသာပြန်ပြီး မွေးနေ့ဆုတောင်းလုပ်လိုက်ပါတယ်။ဆုတောင်းဆို
ကိုယ်တွေက ဘုရားကိုးဆူဆြာများလို ဆုတောင်းစာအရှည်ကြီးလည်းမရေးတတ်၊ဖိုတိုရှော့တွေဘာတွေ
နဲ့ မွေးနေ့ကိတ်တွေဘာတွေလည်းလှတပတ မလုပ်တတ်လေတော့ မွေးနေ့မှသည် နောင်နှစ်ပေါင်း
များစွာတိုင် မပျောက်ပျက်နိုင်ပါစေကြောင်း........ရယ်လို့ပဲ ကိုယ့်ဘာသာ တိုတိုနဲ့မှတုတ်တုတ် ဆုတောင်း
လိုက်ရပါသဗျိုး......။


(စကားမစပ် ဒီကြားထဲမအားလို့ ပျောက်နေတာကို သတိတရနဲ့မေးကြတဲ့သူငယ်ချင်းတွေကိုကျေးဇူးတင်
ပါတယ်။အင်းပြောမယ့်သာပြောရ ကိုယ့်လည်း မောင်ပညတ်တစ်ယောက်ကလွဲလို့ ဘယ်သူမှမမေးပါဘူး
လေ...၊သို့ပေမယ့် ဂလိုပဲ ရောချရသပေါ့ဗျာ.........:)))))

မျောလွင့် တိမ် များ.................

Tanjong Pagar တွင်ရှိသောအထပ်မြင့်ရုံးအဆောက်အဦးတစ်ခု၏သတ္တမမြောက်အထပ်၊မှန်ပြူတင်းပေါက်မှ
နေ၍ အောက်ဘက်လမ်းဆုံသို့  သူ ငုံကြည့်နေမိသည်။သူ့ တစ်ကိုယ်လုံး စက်ဆီဂျီးများ၊ဖုံများ၊ချွေးများဖြင့်
ညစ်ပတ်ပေကျံနေသည်။နှစ်ပတ်ဆက်တိုက် နေ့ရောညပါ အလုပ်လုပ်ထားရသောကြောင့် သူ့မျက်လုံးများ
မှာ နီရဲကျိန်းစပ်နေပြီဖြစ်သည်။ဆီနှင့်ဝေးကွာနေသော သူ့ဆံပင်များသည် နီကြောင် ရှုပ်ပွလျက်ရှိနေသည်။

သူ့စိတ်ခွန်အားများလည်း ပြိုကွဲ၊ယုတ်လျော့၊ကျဆင်းစပြုနေပြီဖြစ်သည်။သူ ပင်ပန်းနွမ်းနယ်လှပါပြီ။


"ငါဘာကြောင့် ဒီနေရာမှာ ဒီအလုပ်တွေကို လာလုပ်မိနေပါလိမ့်......"


ဘာသာ မေးမိသောမေးခွန်း၏အဖြေကို သူမရခဲ့ပါ။ဒီမေခွန်းကို သူ့ဘာသာ အကြိမ်ပေါင်းမရေမတွက်နိုင်
အောင် မေးခဲ့ပြီးဖြစ်သည်။အဖြေကိုတော့မရခဲ့ပါ။သူ့တွင် နိုင်ငံရှိသည်၊ထိုနိုင်ငံတွင် သူ့အိမ်ရှိသည်။သူ့မိဘ
များသည် သူပြန်လာလျှင် ဝမ်းသာစွာကြိုဆိုနေမှာသေချာသည်။သူ့မွေးရပ်မြေတွင်သူလုပ်ကိုင်စားသောက်
စရာ အလုပ်များရှိပါသည်။သူ့တွင် မပြန်နိုင်စရာအကြောင်း ဘာမှမရှိ.....။သို့သော်ခုချိန်ထိသူမပြန်ဖြစ်သေး
ပေ.....။


သူ့တွင် ကြီးမားသော ဘဝမျှော်မှန်းချက်များ၊ရည်ရွှယ်ချက်များမရှိပါ။ချမ်းချမ်းသာသာနေလိုစိတ်၊ကြီးပွားလို
စိတ်လည်းမရှိပါ။သူ့တွင် ထောက်ထားငဲ့ကွက်နေရမည့်မိသားစုရယ်လို့လည်းမရှိပါ။သူသည် ရှေ့ရေး၊နောက်
ရေးတွေးတတ်သူဖြစ်သော်လည်း၊ဘယ်တုန်းကမှ မတွေးခဲ့ပါ။သူ ဒီနိုင်ငံတွင်အလုပ်လာလုပ်နေသည်မှာ ငွေ
ကြေးကြောင့်လည်းမဟုတ်၊ဘဝရှေ့ရေးအတွက်လည်းမပါ၊နေရသည်မှာလည်း ပျော်လှသည်မဟုတ်၊အလုပ်
တွင်လည်း စာချုပ်တစ်စုံတစ်ရာမချုပ်ဆို ထားပါလျက် ဘာကြောင့် သူမပြန်နိုင်ဖြစ်နေရသည်ကိုသူ့ဘာသာ
လည်း နားမလည်နိုင်ပါချေ...။


ပလတ်စတစ်အိပ်ထဲမှ လက်ကျန်ကော်ဖီခါးခါးတစ်ငုံကို အအေးသောက်သည့်ပိုက်ဖြင့် စုပ်ယူသောက်လိုက်
သည်။ဤနိုင်ငံတွင် သူအမုန်းဆုံးမှာ ကော်ဖီကို ပလတ်စတစ်အိပ်ထဲတွင်ထည့်ပြီး ပိုက်ဖြင့်သောက်ရခြင်းကို
ဖြစ်သည်။သို့သော် ရက်ပေါင်းများစွာတွင် သူ ဤသို့ပင် ကော်ဖီပေါင်းမြောက်မြားစွာကိုသောက်ခဲ့ပြီးဖြစ်
သည်။သောက်နေရဆဲလည်းဖြစ်သည်။


သူ လမ်းဆုံဆီသို့ ငုံကြည့်နေမိဆဲ ဖြစ်သည်။ညနေ၇နာရီအချိန်သည် ရုံးဆင်းချိန်ကိုကျော်လွန်ခဲ့ပြီဖြစ်သော
ကြောင့် လမ်းပေါ်တွင် လူသွားလူလာတို့ ကျဲပါးလှသည်။ရုံးဆင်းနောက်ကျသူတချို့သာ ခပ်သွက်သွက်
ခြေလှမ်းများဖြင့် ဘတ်စကားမှတ်တိုင်ဆီသို့ ရှေးရှုသွားလာနေကြသည်။မီးပွိုင့်တွင် သားအဖနှစ်ဦး လမ်း
ဖြတ်ကူးရန် စောင့်နေကြသည်။ဖခင်ဖြစ်သူမှ လမ်းပေါ်တွင် မုဆိုးဒူးထောက်ထိုင်ရင်း သမီးငယ်လေးအား
တစ်စုံတစ်ရာကို ပြောပြနေသည်။မီးစိမ်းသွားသောအခါ သမီးငယ်လေးမှ ဖခင်လက်ကိုဆွဲရင်း ပျော်ရွှင်မြူး
ထူးစွာအပြေးဖြတ်ကူးသွားသည်....။


တစ်ခါတစ်ရံတွင် သူသည် မိသားစုဘဝကို တောင့်တမိသည်မှာ အမှန်ပင်.....။သို့သော် သူအိမ်ထောင်ပြုရန်
ကိုတော့ ဘယ်တုန်းကမှ စိတ်မကူးခဲ့...။သူကြောက်နေခဲ့ခြင်းဖြစ်မည်။သို့မဟုတ် သူအတ္တကြီးနေခြင်းလည်း
ဖြစ်ကောင်းဖြစ်မည်။တစ်လောကပင် ညီငယ်တစ်ယောက်က သူ့ကို အိမ်ထောင်ပြုဖို့ နားချခဲ့သေးသည်။
သို့သော် သူ့အတွက်တော့ အိမ်ထောင်ပြုခြင်းဆိုသည်မှာ သွေးစုတ်ဖုတ်ကောင်တစ်ကောင်နှင့် ကျွန်း
သေးသေးတစ်ခုတွင် စားနပ်ရိက္ခာအပြည့်ဖြင့် နှစ်ဦးတည်းနေထိုင်နေရသကဲ့သို့ ခံစားရသည်။စားကောင်း
သောက်ဖွယ်များကိုတော့ တစ်ဦးတည်းစားရပါရဲ့....၊ညဘက်ရောက်လျှင်တော့ သွေးစုတ်ကောင်၏ တမြည့်
မြည့် သွေးစုတ်ခြင်းကို ခံနေရသကဲ့သို့ပင်.....။မိသားစုဘဝကို တော့ ပိုင်ဆိုင်ရပါရဲ့...၊တစ်ကိုယ်ရည်လွတ်
လပ်မှုနှင့် ပျော်ရွှင်ခြင်းတို့ပျောက်ဆုံးသွားရသလို ခံစားရသည်။


Prince Edward လမ်းမပေါ်မှနေ၍ ပြိုင်ကားလှလှလေးတစ်စီး ဖြတ်မောင်းသွားသည်ကိုမြင်လိုက်ရသည်။
သူ ချက်ချင်းပင် တလောကနာမည်ကျော်သွားသော ဖရာရီပြိုင်ကားတိုက်မှုကို သတိရသွားသည်။
ဘဝဆိုသည်မှာ အဘယ်နည်း၊ဘဝအဓိပ္ပာယ်နှင့်ဘဝသစ္စာဆိုသည်မှာ အဘယ်အရာနည်း၊လူတို့သည် ဘဝကို အဘယ်မည်သောအမြင်၊ရှုထောင့်တို့နှင့်ကျော်ဖြတ်နေကြပါသနည်း....။သူသည် ငယ်စဉ်က အင်မ
တန်မှ လေးလံလှသော ကျမ်းကြီး၊ကျမ်းခိုင် တို့ကိုဖတ်ပြီး ဘဝဆိုသည်ကို မတန်မရာအဓိပ္ပာယ်ဖွင့်ဆို၊တွေး
တောခဲ့သေး၏။ယခုချိန်တွင်တော့ သူ ဘဝကို ပေါ့ပါးစွာ၊အဓိပ္ပာယ်မဲ့စွာ၊ဦးတည်မှုပျောက်ဆုံးစွာကျော်ဖြတ်
နေပြီဖြစ်သည်။


လမ်းဆုံကို ပြိုင်ကားလေးဖြတ်ကျော်သွားအပြီးမှာ အိန္ဒိယအမျိုးသားတစ်ဦးသည် စက်ဘီတစ်စီးဖြင့် လမ်းဆုံ
ကို ကန့်လန့်ဖြတ်ကူးဖို့ကြိုးစားနေသည်ကိုတွေ့ရသည်။ဥဒဟိုသွားလာနေသောကားများကြားတွင် ထိုလူ
သည် သူ့စက်ဘီးကို ဖြည်းညှင်းစွာစီးရင်း သတိကြီးစွာ ကူးဖြတ်နေသည်။ကားများက သူ့ကိုဦးစားမပေးကြ
ပါ၊မီးပွိုင့်တွင်မီးစိမ်းပါက မည်သည့်ကားမဆို အလျှင်အမြန်ကျော်ဖြတ်သွားကြစမြဲဖြစ်သည်။လမ်းဆုံကို
ထောင့်မှန်ပုံစံအတိုင်း မီးပွိုင့်မှမကူးပဲ၊ကန့်လန့်ဖြတ်ကူးဖို့ကြိုးစားခြင်းသည် မိုက်မဲလွန်းစွပါတကား....။


ဘဝဆိုသည်မှာအဘယ်နည်း....၊ယခုတင်ကပင် သူ့စိတ်ထဲတွင် ပေါ်လာသောမေးခွန်းသည် ချက်ချင်းတစ်
ကြော့ပြန်ရောက်ရှိလာသည်။ဘဝဟူသည် တစ်ချို့လူများအတွက် ကီလိုမီတာ၁၄၀နှုန်းရှိသော ဖရာရီပြိုင်
ကားတစ်စီးဖြစ်ကောင်းဖြစ်မည်။တစ်ချို့လူတွေအတွက်တော့ တစ်နာရီ တစ်ကီလိုမီတာနှုန်းပင်မရှိသော စက်ဘီးတစ်စီးလည်းဖြစ်နေနိုင်ပါသည်။သူ့အတွက်တော့ ဘဝဆိုတာ အချိန်နေ့ရက်များကို တစ်စက္ကန့်ခြင်း
အောင်မြင်စွာ သို့ ကျဆုံးစွာ ကျော်ဖြတ်နေခြင်းပင်....။


ရုတ်တရက်မြည်လာသောဖုံးသံကြောင့် သူ့ အတွေးစတို့ပြတ်တောက်သွားရသည်။ဖုံးကိုထုတ်ကြည့်တော့
" တစ်ယောက်သောသူ" ထံမှဖြစ်သည်။အင်း.....ဒီနေ့ သူ သင်တန်းတစ်ခုသွားတတ်ရသည့်နေ့ပဲ....။ခုသင်
တန်းပြီးလို့ ငါ့ဆီဖုံးခေါ်တာထင်ရဲ့.....။မနက်ကပင် အလုပ်မအားသည့်ကြားက တစ်ယောက်သောသူ့ ထံ
သူဖုံးဆက်ပြီး သင်တန်းတက်ရတာအဆင်ပြေလားဟု မေးခဲ့မိသေးသည်။သူနှင့် တစ်ယောက်သောသူ တို့
နှစ်ဦးကြားမှ ပတ်သက်မှုကို သူတွေးတောနေမိသည်။သူ သံယောဇဉ်ရှိပါသည်။သူသည် ချစ်တတ်သောသူ
တစ်ဦးဖြစ်သည်။သို့သော် တစ်ယောက်သောသူ့ အပေါ်ထားရှိသော သူ့သံယောဇဉ်သည် သာမန်သာဖြစ်
သည်။သူငယ်ချင်းကဲ့သို့သာဖြစ်သည်။တစ်ယောက်သောသူ ကရော......၊သူ့ကိုဘယ်လိုသဘောထားသ
နည်း.....။သူဆက်မတွေးချင်တော့ပါ။တစ်လောကပင် ထိုင်းမှသူငယ်ချင်းတစ်ဦးကို ထိုပြဿနာကိုပြောပြမိ
သေးသည်။သူငယ်ချင်းကတော့ အပြတ်ပြောလိုက်ဟု အကြံပေးသည်။သူ အဲဒီလောက် အသဲမမာနိုင်ပါ။
သူ့ကိုချစ်သော၊သူကချစ်သော လူတစ်ဦးတစ်ယောက်အပေါ် စိတ်ပိုင်းဆိုင်ရာ ထိခိုက်ပျက်ပြားသွားစေနိုင်
သောစကားလုံးများကို သူပြောမထွက်ရက်ပါ....။


သူ ချက်ချင်းပင် မြန်မာပြည်မှ တစ်ယောက်ကို ဖျက်ကနဲ သတိရမိသည်။ သူ ဒီနိုင်ငံရောက်ကတည်းက
အဆက်အသွယ်ပြတ်တောက်နေသူတစ်ဦးဖြစ်သည်။ဘယ်ဆီကိုမင်းရောက်နေလဲ....၊ဘယ်သူနဲ့မင်းရှိနေ
လဲ.....ဆိုသည့် သီချင်းတစ်ပိုင်းတစ်စကို ရုတ်တရက်ဆိုညည်းလိုက်မိသည်။သူ့ကို ယခုချိန်ထိစောင့်နေဆဲ
လား.....၊မစောင့်တော့ဘူးလား......၊သူမသိပါ...။သူ့ကိုစောင့်မနေစေချင်ပါ။သူ ပြတ်ပြတ်သားသား ပြောခဲ့
ဖို့ကောင်းပါသည်။သူသည် မပြတ်သားသူတစ်ဦးသာ.......။သို့မဟုတ် ပြောမထွက်ရက်သူတစ်ဦးသာ....။

 Tanjong Pagar ကွန်တိန်နာဆိပ်ကမ်း၏ ကောင်းကင်ယံ ကိုမော့ကြည့်မိတော့ သိမ်းငှက်နှစ်ကောင်ကို
နာရီလက်တံလမ်းကြောင်းအတိုင်း ဝေ့ဝိုက်ပျံသန်း၊လေဟုန်စီးနေသည်ကို တွေ့ရသည်။" အတောင်သာ
လျှင် ဝန်ပါသောငှက် " ဆိုသောစကားစုလေးကို သတိရမိသည်။သူလည် လွတ်လပ်ခြင်းကိုလည်းကောင်း၊
ပျော်ရွင်ခြင်းကိုလည်းကောင်း၊ပေါ့ပါးခြင်းကိုလည်းကောင်း ခုံမင်နှစ်ခြိုက်သူဖြစ်သည်။အနှောင်အဖွဲ့များကို
မလိုလား...၊သို့သော် သူကိုယ်တိုင်က ဘာသာမသိလိုက်ပဲ တစ်ပါးသူကို နှောင်ဖွဲ့နေမိတတ်သည်။သူမှ
တစ်ပါးသူသို့ ဂရုတစ်စိုက်ပြုမူမိသည်များ၊သတိတရပူပန်မှုများသည် တစ်ပါးသူထံသို့ နှောင်ဖွဲ့နေတတ်
သည့် ကြိုးများဖြစ်နေတတ်သည်ကို သူ သတိမပြုမိပါချေ။သူ သတိပြုမိသောအချိန်တွင် "အဖွဲ့" တို့သည်
ရှုပ်ထွေးနေပြီး ဖြစ်သည်။


" ကောင်းကင် " ထက်မှ သိမ်းငှက်နှစ်ကောင်သည် လေဟုန်စီးရင်း ဟိုးအဝေး " ပင်လယ် " ဘက်ဆီသို့
ဦးတည်ထွက်ခွာသွားသည်။သူတို့ အစာဆက်လက်ရှာရန်ထွက်ခွာသွားသည်လား.....၊တစ်ညတာနားခိုရာ
အသိုက်ဆီသို့လား....၊သူမသိနိုင်ပါ....။


သူသည်လည်း မှန်ပြူတင်းပေါက်နားမှ ထွက်ခွာလာခဲ့သည်။" ည " သည် နက်လာပြီဖြစ်သည်။ဒီညအဖို့
သူ အလုပ်ဆက်လုပ်ရဦးမည်လား....၊နားခိုရာ " အသိုက်ငယ် " ဆီသို့ ခြေဦးလှည့်ရမည်လား......။
သူမသိနိုင်တော့ပါချေ..........။

ကြည်စင်ကောင်းကင်၌ တည်သော ပန်းနုမိုးတိမ်

ထိုနေ့သည် ကဆုန်လပြည့်နေ့ဖြစ်သည်။ပုံမှန်ထက်ပို၍ကြီးမားသော လပြည့်ဝန်းကို ကောင်းကင်တွင်မြင်ရ
နိုင်မည့်နေ့တစ်နေ့ဖြစ်သည်။ရုံးပိတ်ရက်တစ်ရက်လည်းဖြစ်နေသည့်တိုင်ကျွန်တော်အလုပ်လုပ်နေရသည်။
သို့သော် ကျွန်တော် အလုပ်တွင်စိတ်မဝင်စားနိုင်ခဲ့...၊ညနေပိုင်းတွင် တစ်ယောက်သောသူနှင့် ဒိတ်ထားတာ
ရှိနေသောကြောင့်ပင်....။အလုပ်ပြီးသည်နှင့်ကျွန်တော်အခန်းသို့အသဲအသန်ပြန်ပြေးလာခဲ့သည်။အခန်းထဲ
ရောက်သည်နှင့် မနက်က ထားခဲ့သော ဖုံးကို ကပြာကယာဖွင့်ကြည့်လိုက်မိသည်။သူ ကျွန်တော့်ထံ ဖုံးခေါ်မ
ထားပါ။သူ မခေါ်တော့ ကျွန်တော်ခေါ်ရသည်ပေါ့....။

" အင်း.....ဘယ်ရောက်နေလဲ..."

" Orchid Garden ထဲမှာ......"

" ဟမ်.....ညနေတွေ့မယ်ဆို....."

" အင်းလေ....ခုဟာကသယ်ရင်းတစ်ယောက် မြန်မာပြည်ပြန်တော့မှာမို့ဓာတ်ပုံလိုက်ရိုက်ပေးနေတာ၊"ကို" ရော
ဘယ်မှာလဲခု......"

" ခု...အခန်းထဲမှာ ဒါဖြင့် ကိုယ် အမြန်ဆုံးထွက်လာခဲ့မယ်....ချိုင်းနားတောင်းကို....ဟုတ်....."

"ဟုတ်တယ်.......ဒါဖြင့် ရောက်ကာနီးမှ ဖုံးဆက်လိုက်နော်....."

~~~~~~~~~~~~~~~~~~~~~~~~~~~~~~~~~~~~

ဒီလိုနှင့် ကျွန်တော် ခပ်မြန်မြန်လေးရေချိုးလိုက်ပြီး ထွက်လာခဲ့သည်။သူသည် ကျွန်တော့်ကို " ကို " ဟူသော

နာမ်စားကို အသုံးပြုလေ့ရှိသည်။သို့သော် ထိုနာမ်စားသည် သမီးရည်းစားချစ်သူများဟူသောအဓိပ္ပာယ်ကို

မသက်ရောက်ပါ။ကျွန်တော်အသုံးနည်းလှသော အကောင့်တစ်ခု၏နာမည်တွင် ကို ဆိုသောစကားလုံးပါနေ

ရာ ထိုစကားလုံးကိုသာ သူရည်ညွှန်းခေါ်ဝေါ်ခြင်းသာဖြစ်ပါသည်။ကျွန်တော်ကတော့ သူ့ကို " ကောင်းကင်" ဟုခေါ်လေ့ရှိသည်။

ကျွန်တော်စီးလာသော အစိမ်းရောင်လိုင်းရထားသည်  Outarn Park ဘူတာသို့ရောက်သောအခါ ခရမ်း

ရောင်လိုင်းရထားသို့ပြောင်းစီးရန် ကျွန်တော် ဆင်းနေလိုက်သည်။ Outarn Parkဘူတာနှင့် China town

ဘူတာမှာ သိပ်မဝေးလှပါ။ကျွန်တော် သူ့ထံ Outarn Park ဘူတာသို့ရောက်နေပြီး နောက် ၁၀မိနစ်ခန့်

တွင် China Townသို့ရောက်မည်ဖြစ်ကြောင်းမတ်ဆေ့ ပို့လိုက်ပါသည်။သူ့ထံမှဖုံးချက်ချင်းဝင်လာပါသည်။

" ကိုယ်တို့ ပန်နစူလာကို အရင်သွားကြရအောင် ကို ရာ.....၊သူများ မနက်ထဲက ထမင်းမစားရသေးဘူး...။

ပန်နစူလာမှာ ထမင်းစားချင်လို့....."

" အင်းလေ.....ဒါဖြင့် ဘယ်ဆိုင်မှာစားမလဲ......ခုရော....ဘယ်ရောက်နေတုန်း......"

" ကိုယ်အခု အောချက်မှာပဲ ရှိသေးတယ်.....မြနန္ဒာမှာ စားမယ်၊အဲ့ဒီကစောင့်နော်....."

"အိုကေ....ရောက်ရင်ဖုံးဆက်လိုက်...."

သူဖုံးဆက်ချိန်တွင် ကျွန်တော် ခရမ်းရောင်လိုင်းမှ ရထားပေါ်တတ်လုဆဲဆဲအချိန်ဖြစ်သည်။သို့နှင့် အစိမ်း

ရောင်ရထားလိုင်းဘက်ပြန်ထွက်လာခဲ့သည်။ပန်နစူလာသည် အစိမ်းရောင်ရထားလိုင်းပေါ်တွင်ရှိပါသည်။

" မတာမလေး......ပန်နစူလာသွားချင်ရင်လည်း စောစောကဖုံးမဆက်ဘူး...၊ခုရထားပြန်စောင့်ရဦးမယ်....."

တစ်ခုခုကိုစောင့်ဆိုင်းနေရခြင်းကို စိတ်သိပ်မရှည်လှသော ကျွန်တော့် စိတ်ထဲမှ ကျိတ်ပြီး သူ့ကို ကျိန်ဆဲနေ

ခြင်းသာဖြစ်ပါသည်။သို့သော် ပန်နစူလာသို့အရင်သွားပြီး ထမင်းစားခြင်းမှာ ယခုအချိန်အထိ နေ့လည်စာ

မစားရသေးသော ကျွန်တော့်အတွက်လည်းအဆင်ပြေပါသည်။

မြနန္ဒာထမင်းဆိုင်တွင် စနေညနေခင်း၏ထုံးစံအတိုင်း လူစည်ကားနေပါသည်။၁၀မိနစ်ခန့် တန်းစီပြီးမှ ကျွန်တော့်အလှည့်သို့ရောက်လာပါသည်။ဆိတ်ပဲ နှင့်ထမင်းတစ်ပွဲမှာနေချိန်မှာ သူ့ထံမှ ဖုံးဝင်လာသည်။

" ကို......ပန်နစူလာရောက်ပြီလား.....၊ကိုယ်တို့မြနန္ဒာမှာမစားဘူးကွာ....၊ဝင်းမြန်မာမှာစားကြမယ်နော်....."

" ဟမ်....ဘာလို့တုန်း.....ဒီမှာ မှာတောင်နေပြီ...."

" ဟော့တော်.....ကိုယ့်ဖုံးဘထ္ထရီအားကုန်တော့မယ်...ဝင်မြန်မာမှာ ချာချင်သွင်းလို့ရတယ်လေကွာ...၊အဲ့ဒါ

ကြောင့်ပါ....."

" အိုကေ.....အိုကေ....ဒါဖြင့် ဝင်းမြန်မာကပဲစောင့်မယ်...ဟုတ်ပြီလား....."

"အကိုလေး.....ငါးကျပ်ကျပါတယ်ခင်ဗျ......"

"အင်း....ရော့ ငါးကျပ်ညီလေး....၊ဒါပေမယ့် ကိုယ်မစားတော့ဘူးနော်....ဘယ်လိုမှမအောင့်မေ့နဲ့....."

" ဗျာ...အကိုလေး....ဘာဖြစ်လို့လဲခင်ဗျ...၊ဘာလိုအပ်တာရှိလို့ပါလဲ....."

" ဘာမှမလိုအပ်ပါဘူးကွာ....၊ဒီနေ့  ကိုယ် လပြည့်နေ့မို့ သတ်သတ်လွတ်စားတာမေ့သွားလို့ ဆောတီးနော် "

မျက်နှာပူပူနှင့်ပင် ပိုက်ဆံငါးကျပ်ကို ပေးခဲ့ပြီး  ဈေးသည်ကောင်လေး၏ ဘယ်လိုအူကြောင်ကြောင်လူပါလိမ့်
ဟူသောမျက်နှာထားကို ကျောခိုင်းလှည့်ထွက်လာခဲ့ရသည်။စိတ်ထဲမှာတော့ တေခြင်းဆိုးမလေး ဝင်းမြန်မာ
မှာဖုံးချာချင်သွင်းမယ့်ဟာကို စောစောစီးစီးဖုံးမဆက်ဘူး၊ငါ့မှာတော့ အချိန်ကုန်၊ငွေကုန်ဖြစ်ရပြီ....ဟုစိတ်ထဲ
မှ ဒုတိယအကြိမ်ကျိန်ဆဲနေလိုက်သည်။


ဝင်းမြန်မာရှေ့ရောက်တော့ သူ့ဆီ ဖုံးအရင်ဆက်ရသေးသည်။သူ ထပ်ပြီးစိတ်ပြောင်းသော် မခက်လော....။


" အင်း....ကိုယ် ဝင်းမြန်မာရှေ့မှာစောင့်နေတယ်...."


" မစောင့်နေနဲ့လေ.....ကိုယ့်ဘာသာ မှာစားနှင့် ဝင်းမြန်မာက တန်းစီရတာကြာတယ်....၊ကိုယ် အခု စီးတီး
ဟောဘူတာကိုရောက်နေပြီနော်....."


သို့နှင့်ပင် ဆိတ်ပဲဟင်း၊သရက်ချဉ်သုတ်တို့နှင့် ထမင်းတစ်ပွဲကို မကြေပွဲထပ်မှာစားလိုက်ရသည်။ဟန်နီကန်
ဘီယာတစ်ဘူးနှင့်အတူတူပေါ့လေ....။ထိုင်စရာနေရာ ရှားပါးလှသော ဆိုင်ကျဉ်းကျဉ်းလေးထဲတွင် ဝင်ပေါက်နှင့် မျက်နှာချင်းဆိုင်ခုံတစ်ခုံတွင် ထိုင်၍စားနေရင်း သူ့ကိုစောင့်နေမိသည်။ထမင်းတစ်ဝက်ကျိုး
ချိန်တွင် ဆိုင်ရှေ့၌ အလင်းတစ်ချက် လက်ကနဲဖြစ်သွားသည်။facebook ဟူသောစာတန်းပါသည့် တီရှပ်
အနက်၊ဂျင်းမီနီစကပ်နှင့် ကတ္တီပါပုံတော်ဖိနပ်ကို အချိုးမကျစွာ တွဲဖက်ဝတ်ဆင်ထားသော အရိပ်လေးတစ်ခု
မှ ထွက်ပေါ်လာသော ရောင်ပြန်ဖြစ်ပါသည်။


သူ့ကို ကျွန်တော်လက်လှမ်းပြတော့ သူက ကျွန်တော့်ကို လက်ဝါးတစ်ချက်ထောင်ပြသည်။ " အမရာ " လို
လက်ဆုတ်လက်ကိုင်မရှိဟူသော အဓိပ္ပာယ်မသက်ရောက်ကြောင်း၊သူ ထမင်းသွားမှာမလို့ ခဏစောင့် ဟု
ဆိုလိုကြောင်း ကျွန်တော်သဘောပေါက်ပါသည်။သိပ်မကြာပါ...၊ထမင်းပွဲဗန်းလေးကိုင်ပြီး သူ....ကျွန်တော့်
ရှေ့ပြန်ရောက်လာသည်။သူလည်း ဆိတ်ပဲဟင်းနှင့်ပင်ဖြစ်၍ ကျွန်တော်တစ်ချက်တော့ကျေနပ်သွားသည်။

" ဟူး..........."

ထမင်းပွဲဗန်းလေးကို စားပွဲပေါ်တင်လိုက်ရင်း၊ထိုင်ခုံတွင် ကြော့ကြော့လေး ခြေချိတ်ထိုင်လိုက်ရင်း သူ လေပူ
တစ်ချက်ကို မှုတ်ထုတ်လိုက်သည်။ထိုနောက် ကျွန်တော့် ရှေ့မှ ဘီယာဘူးကို တစ်ချက်ဆကိုင်ကြည့်လိုက်
ရင်း ဂွက်ကနဲ မော့သောက်လိုက်သည်။

" ဟမ်.........ဘာလုပ်တာဒုန်းးးးးးးးးးးးးးးးးးးးးးးးးး"

" သောက်တာလေ.....၊မောလွန်းလို့...ပြီး ရေလည်းငတ်လို့......"

" ရေငတ်ရင်လည်း အအေးမှာသောက်ပါလား.......ဘယ်နှယ်....."

" အို....ဒီမှာ ရေနွေးတွေမှာလာတာကို ဘယ်လိုလုပ် အအေးထပ်မှာမတုန်း....."

" ဒါဖြင့်  ရေနွေးသောက်ပေါ့....."


" ရေနွေးက အရမ်းပူသေးလို့...၊ဖြစ်နေလိုက်တာ...သူ့ဘီယာလေးတစ်ငုံလောက်သောက်မိတာကို...ဟွမ်း "


" သောက်လို့ဖြစ်နေတာမဟုတ်ဘူးလေ....၊ဒီမှာ လူတွေဝိုင်းကြည့်နေပြီ....."

" ကျွတ်....ကြည့်တော့ဘာဖြစ်သလဲ....ဂုစိုက်လို့......"

သူ ထိုစကားကို ခါးလေးကိုမတ်၊ရင်လေးကိုကော့ရင်း  လွှတ်တော်ထဲသို့ ပထမဆုံးအကြိမ်တက်ရောက်လာ
သော အတိုက်အခံပါတီခေါင်းဆောင်၏ ဟန်ပန်သဏ္ဍာန်ဖြင့် ခပ်ကျယ်ကျယ်လေး ပြောလိုက်ခြင်းဖြစ်သည်။

" ကဲ....မယ်မင်းကြီးမ.....စားမှာဖြင့်စား......."

တိုးတိုးတိတ်တိတ်ကျိတ်ပြီးဖြစ်နေသော ရန်ပွဲကို ကျွန်တော် အမြန်လတ်စသတ်လိုက်ရသည်။ကျွန်တော်တို့
ဘေးမှ အမျိုးသားနှစ်ဦးကတော့ သူ့ကို ပြုံးစိစိနှင့်ကြည့်နေကြလေသည်။သူကတော့ ထိုသူတို့ကိုလည်း
ကောင်း၊ကျွန်တော့်ကိုလည်းကောင်း ဂရုတစ်ချက်မှမစိုက်တော့ပဲ ထမင်းကိုသာ ငုံစားနေလေသည်။သူ မေ့
နေသော သူ့ဖုံးလေးကို အသာကောက်ယူရင်း ချာချင်သွင်းပေးလိုက်တော့ မော့မကြည့်ပဲ ကျေးဇူး ဆိုသော
စကားကို ဗလုံးဗထွေး ပြောလိုက်သဖြင့် ပြုံးမိသေးသည်။

ထမင်းထဲတွင် တို့စရာလေးမြုပ်လိုက်၊ငပိရည်လေးစမ်းလိုက်၊ဆိတ်သားလေးကိုဖဲ့စားလိုက်နှင့် ကလေးလေး
တစ်ယောက်လို ဟန်မဆောင်တမ်း စားနေသော၊ မျက်နှာတွင် မည်သည့်မိတ်ကပ်မှ လိမ်းမထားသော သူ့
မျက်နှာကြည်စင်စင်လေးကို ကျွန်တော်ငေးကြည့်ရင်း သူနှင့် ကျွန်တော်တို့နှစ်ဦးကြားမှ ဆက်နွယ်မှုကို
 တွေးနေမိသည်။


သူနှင့် ကျွန်တော် သူငယ်ချင်းများမဟုတ်ကြပါ။ချစ်သူရည်းစားများလည်းဖြစ်မလာကြသေးပါ။ဖြစ်မလာကြ
သေးဆိုသည်မှာ နောင်တွင်ဖြစ်လာနိုင်သည်ဟူသော အဓိပ္ပာယ်ကိုလည်းမသက်ရောက်ပါ။သူ့အကြောင်း
ကိုကျွန်တော်ဘာတစ်ခုမှမသိပါ။ယုတ်စွအဆုံး သူ့နာမည်အရင်းကိုပင် ကျွန်တော်မသိခဲ့ပါချေ။ကျွန်တော့်
အကြောင်းကိုရော.....? သူ ဘာမှမသိပါ။ရည်းစားရှိလား ဟုတော့ မေးဖူးသည်။မရှိ ဟုဖြေသောအခါ.....
ကောင်းတယ်....ရှိလို့ ကိုယ့်ကို ပြဿနာလာရှာရင် ကိုယ်ကလည်း ခံနိုင်မှာ မဟုတ်ဘူး ဟု ပြောခဲ့ဖူးတာကို
ကျွန်တော်သတိရမိသည်။


" တော်တော်ဆာနေသလား....."


"ဆာတာပေါ့.....မနက်ကတည်းက ဘာမှမစားရသေးဘူး...၊မိုးကုတ်ဆရာတော်ကြီး ဓာတ်တော်ပူဇော်ပွဲမှာ လုပ်အားသွားပေးနေတာလေ...၊နေ့လည်ကျတော့ သူငယ်ချင်းတစ်ယောက်နဲ့ သစ်ခွဥယျာဉ်ကိုပါသွားတာ၊
ခုထိမယ်မယ်ရရ ဘာမှ မစားရသေးတာ....."

သူ့သူငယ်ချင်းဆိုသည်မှာ မည်သူဆိုသည်ကို ကျွန်တော်မမေးပါ၊စိတ်လည်းမဝင်စားပါ။လောလောဆယ်
သူ ကျွန်တော့်ဘေးမှာ ရှိနေလျှင် ကျွန်တော်ကျေနပ်ပါသည်။

" သွားကြစို့ ကောင်းကင်...." သူထမင်းလက်စသတ်ပြီးချိန်မှာ ကျွန်တော်လောဆော်လိုက်သည်...။


"အင်း.....သွားမယ်.....ဒါပေမယ့် ကိုယ် တွိုင်းလက်ဝင်ဦးမယ်နော်....."


" သွားလေ...."


တွိင်းလတ်သွားမည်ဆိုသောသူက ဓာတ်လှေကားဘက်ဦးတည်နေသဖြင့် ကျွန်တော် အူကြောင်ကြောင်ဖြစ်
ရသည်....။

" ဟေး......မင်း တွိုင်းလတ် ဝင်မလို့ဆို.....ဒါကဘယ်တုန်း....."

"အင်းလေ....ခုနှစ်ထပ်က တွိုင်းလတ်သွားမလို့...၊ဒီအထပ်တွေက တွိုင်းလတ်တွေကိုသွားချင်ဘူး၊ညစ်ပတ်
တယ်....၊လာပါ ခုနှစ်ထပ်ကိုလိုက်ပို့နော်......"

" သောက် -င်ခေါင်းမလေး......" ဤကဲ့သို့ပင် ကျွန်တော်ပျစ်ပျစ်နှစ်နှစ်ကြီး တတိယအကြိမ် သူ့ကိုကျိန်ဆဲ
လိုက်မိပါသည်။စိတ်ထဲကနေသာဖြစ်ပါသည်။ပါးစပ်ကတော့ တစ်စုံတစ်ရာပြောရန် မတတ်နိုင်တော့ပါချေ။

ခုနှစ်ထပ်ကိုရောက်တော့ " ဓာတ်လှေကားနားကပဲစောင့်နေနော်...." မှာသေး၏

ကော့ကော့ ကော့ကော့နှင့်ထွက်သွားသော သူ့နောက်ပိုင်းကို သုံးချက်တိတ်ိပိတ်ကန်ချင်စိတ်ကို အောင့်
အီးမြိုသိပ်ရင်း ငါက အိမ်သာထဲအထိ လိုက်တည်ပေးနေရမှာလား ကောင်စုတ်မလေး ရဲ့ ဟု နောက်ထပ်
တစ်ကြိမ် စိတ်ထဲမှ ကျိန်ဆဲနေလိုက်ပါတော့သည်။


မိနစ်၂၀ခန့်ပျင်းရိညီးငွေ့စွာစောင့်ဆိုင်းနေရပြီးချိန်မှာ သူပြန်ထွက်လာသည်။မျက်နှာတွင် မိတ်ကပ်နဲနဲဖို့
ထားပြီး တစ်ဘက်တည်းသော ဘယ်ဘက်နားပေါက်တွင် စိန်နားကပ်သေးသေးလေးအစား ဖန်စီနားကွင်း
လေးအဖြစ်ပြောင်းလဲတပ်ဆင်ထားသည်။ဂျိုကြည့် ကြည့်နေသော ကျွန်တော့်ကို စပ်ဖြဲဖြဲနှင့် တစ်ချက်ရီပြ
ရင်း အသင့်ဖွင့်ပေးထားသော ဓာတ်လှေကားထဲဝင်လာပြီး  သုံးထပ်ခလုပ်ကို သူနှိပ်လိုက်သည်....။


" ဘယ်သွားဦးမလို့လဲ....."


" သုံးလွာမှာ ခဏလေးပါ ကိစ္စလေးတစ်ခုရှိလို့......"


ရှေ့ဘက်တွင် ကျွန်တော့်ကို ကျောပေး၍ရပ်နေသော သူ၏ ယောင်္ကျားလေးပုံစံ တိုနံနံ ဆံပင်တွေကို ဆုတ်
ကိုင်၍ ဓာတ်လှေကားတံခါးနှင့် ဆောင့်ပစ်ချင်လှပါပြီ။မူလက ကျွန်တော်တို့ ချိန်းဆိုထားမှုမှာ china town
တွင် ရုပ်ရှင်ကြည့်ပြီး ညစာစားကြရန်ဖြစ်သည်။တရုတ်တန်းရှိတစ်ခုသော စားသောက်ဆိုင်၏ ဖယောင်တိုင်
မီးသာထွန်းထားသော အပြင်ဘက်စားပွဲခုံလေးတွင် စကားစမြည်ပြောရင်း၊ဝိုင်ချိုချိုတစ်ခွက်ကိုသောက်ရင်း
လပြည့်ညအရသာကို ကောင်းစွာခံယူရန် ကြံစည်ထားသည်များ တဖြည်းဖြည်းနှင့်ပျက်ပျယ်စပြုလာပြီဖြစ်
သည်။

~~~~~~~~~~~~~~~~~~~~~~~~~~~~~~~~

သုံးထပ်ကိုရောက်တော့ သူ ဟိုဟိုဒီဒီရှာနေသည်။


" နေပါဦး.....မင်းဘာကိုရှာနေတာလဲ...ကိုယ်ကူရှာပေးမှာပေါ့...... "


" ရှိုးပွဲပိုစတာရှာနေတာ......လက်မှတ်ဘယ်မှာရောင်းသလဲသိချင်လို့...... "


ဟိုဟိုဒီဒီမျက်ဆိကစားလိုက်တော့ ပိတ်ထားသောဆိုင်တစ်ခု၏တံခါးချပ်တွင် ကပ်ထားသော ကမ္ဘာလှည့်
ဆရာကြီး----ဦးစီးသော....ဘလာဘလာဘလာ.....ဆိုသော ကြော်ငြာတစ်ခုကိုတွေ့၏


" ဟေး....ဒီကမ္ဘာလှည့်ဆရာကြီးဆိုတဲ့ ဟာလား....."


" အင်း....ဟုတ်တယ်.....ဟုတ်တယ်......ဟမ်.......စနေနေ့တဲ့....သွားပြီ...ဒီနေ့ပဲ....၅နာရီစမှာတဲ့...ကျွတ်...
ခုပဲ ရှစ်နာရီကျော်နေပြီ.....ကိုယ်က တနင်္ဂနွေထင်နေတာ...."



"နေပါဦး.အဲ့ဒါကဘာရှိုးပွဲတုန်း....ကမ္ဘာလှည့်ဆရာကြီးဆိုတော့ မျက်လှည့်လား.....ဘာတုန်း....."


"အို...သူ့ဘာသာဘာလှည့်လှည့် အရေးမကြီးဘူး....ဒီမှာ သူ့ကိုတွေ့ချင်တာတစ်ခုပဲ.....သူလာမှာ...."


သူက ကြော်ငြာစာရွက်ထဲရှိ အမျိုးသားအဆိုတော်တစ်ဦးပုံကို လက်ညိုးလေးဖြင့်ထောက်ပြလိုက်သည်။
ထိုအဆိုတော်ဘယ်သူလဲဆိုတာကျွန်တော်မသိပါ။


"ဘူတုန်း....ဒီငတိက.......ကိုယ်မသိဘူးကွ...."


"အောင်လ....လေ....အောင်လ......ပိန်းထှာ......အောင်လကိုတိဝူးတဲ့......"


" အော်.....ဟိုအမြဲတောင်းပန်နေတဲ့အောင်လလား....၊အင်း.....ဒီတော့ဘယ်လိုလုပ်မလဲ.....ဟိုကပွဲစနေပြီ
ကို....."


" စပေ့စေပေါ့....၊ကိုယ်ကအဲ့ပွဲကြည့်ချင်တာမှမဟုတ်တာ....၊ကိုယ်က အောင်လ နဲ့စကားလေးနဲနဲပါးပါးပြော၊
ဖုံးနံပတ်လေးဘာလေးတောင်း၊ဓာတ်ပုံလေးဘာလေးပဲတွဲရိုက်ရရင်ကျေနပ်ပါပြီ...၊ကိုယ်တို့သွားကြရအောင်
နော်....ကို.......လိုက်ပို့ပေးကွာ....."


ကျွန်တော်သိပ်မကျေနပ်ပါ....၊ဒါပေမယ့် သူသွားချင်သည့်နေရာ၊သူဖြစ်ချင်သည်များကို ကျွန်တော်အတတ်
နိုင်ဆုံးဆောင်ရွက်ပေးဖို့ ဆုံးဖြတ်လိုက်ပါသည်....။ကောင်းပြီလေ...ဒီညဟာ မင်းပိုင်တဲ့ည လို့သဘောထား
လိုက်ပါ....... ငါ့ရဲ့ ချစ်စွာသောကောင်စုတ်မလေးရေ.....။


" အိုကေ...ကဲ....ဘယ်မတုန်း ရှိုးပွဲက......"


" Kreta Ayea People's Theater မှာတဲ့.....ကို သိလားဟင်...."


" သိဘူး....ကိုယ်နဲ့ ရှိုးပွဲတွေနဲ့ဆိုတာ သိပ်ဓာတ်တည့်လှတာမဟုတ်ဘူးကွ၊ဒါပေမယ့်မပူပါနဲ့ ကိုယ့်ဖုံးက
မြေပုံမှာ ရှာပြီး လမ်းညွှန်းအတိုင်းသွားကြတာပေါ့....."


" အင်း.....မြေပုံကတော့ ချိုင်းနားတောင်းနားကိုပဲ ညွှန်တယ်...၊ဒီကနေ ၅၂ ဘတ်စ်စီးသွား၊လမ်းနဲနဲလျှောက်
ရောက်ရောတဲ့......"


ပြောမယ့်သာပြောရသော်လည်း ဖုံးထဲမှ မြေပုံအညွှန်းကို ကျွန်တော်သိပ်မယုံပါ။စင်္ကာပူမြို့ကျဉ်းကျဉ်းလေး
တွင်ပင် ကိုယ်သွားချင်တာကတစ်နေရာ၊သူရှာပေးတာကတစ်နေရာဖြစ်နေခြင်းများကို ခံရပေါင်းများလှပါပြီ။
သို့သော် ကျွန်တော်တို့မှာ အခြားအားကိုးရာမရှိတော့ပါ။

~~~~~~~~~~~~~~~~~~~~~~~~~~~~

ဘတ်စ်ကားပေါ်မှဆင်းပြီး မြေပုံအညွှန်းအတိုင်း ကျွန်တော်တို့လမ်းဆက်လျှောက်ကြသည်။စင်္ကာပူတရုတ်
တန်းသည် လပြည့်ည လရောင်အောက်တွင် လှချင်တိုင်းလှနေသည်။လမ်းကြားလေးတစ်ခုကို လူကူးမျဉ်း
ကြားမှအကူး......ရှေ့မှသွားနေသော ကျွန်တော့် အကျီ င်္လက်စကို သူက အသာလှမ်းဆွဲလိုက်သည်။


" ကို......ဟိုမှာကြည့်စမ်း......."


သူလှမ်းညွှန်ရာကို ကြည့်လိုက်တော့ ကောင်းကင်ယံတွေ လှပစွာ၊ပြည့်ဝန်းစွာ သာနေသော လမင်းကြီးကို
မိုးတိမ်များဝန်းရံလျက်တွေ့လိုက်ရပါသည်။လူကူးမျဉ်းကျားတည့်တည့်တွင် ကျွန်တော်တို့နှစ်ယောက်
တခဏတာမျှ မှင်သက်မိသွားကြသည်။မရည်ရွှယ်ပါပဲ သူ့လက်လေးကို ကျွန်တော်ဆုပ်ကိုင်လိုက်မိသည်။
ဆူညံစည်ကားနေသော တရုတ်တန်းတစ်ခုလုံး၊ကမ္ဘာလောကကြီးတစ်ခုလုံး ရုတ်တရက်တိတ်ဆိတ်သွား
သည်။ဟောဒီကမ္ဘာကြီးအလည်တွင် သူရယ်၊ကျွန်တော်ရယ်၊လမင်းကြီးရယ်ပဲ ရှိနေပါသည်......။


" တီ..................................."


ကျယ်လောင်စွာ တီးလိုက်သည့် ကားဟွန်းသံကြားတော့မှ ကျွန်တော် သူ့လက်လေးကိုဆွဲပြေးရသည်။
လမ်းဘေးရောက်တော့ မကျေမနပ်ရေရွတ်သွားသောကားများကိုလည်းကောင်း၊ထူးဆန်းသောသတ္တဝါများ
ကို မြင်ရသည့်နှယ် ဝိုင်းကြည့်နေကြသူများကိုလည်းကောင်း ဂရုမစိုက်နိုင်ပဲ ကျွန်တော်တို့ တစ်ဦးမျက်နှာ
တစ်ဦးကြည့်ရင်း ရီလိုက်မိကြသည်....။ထိုတစ်ခဏတွင် တစ်ဦးစီ၏ မျက်ဝန်းထဲ၌  တစ်စုံတစ်ရာကို အခြား
တစ်ဦးမှ မြင်တွေ့လိုက်ကြရသည်။ထိုအရာသည် အချစ်မဟုတ်ပါ၊ရမ္မက်လည်းမဟုတ်ပါ၊နားလည်မှုလည်း
မဖြစ်နိုင်ပါ၊ထိုအရာသည် တစ်စုံတစ်ရာသာဖြစ်ပါသည်။

~~~~~~~~~~~~~~~~~~~~~~~~~~~~~~

ကျွန်တော်ထင်မှတ်ထားသည့်အတိုင်းပင် ဖုံးထဲမှ မြေပုံလမ်းညွှန်သည် ကျွန်တော်တို့ကို တလွဲနေရာသိ်ု့သာ

ခေါ်ဆောင်သွားပါသည်။အခြားလူများကို မေးကြည့်သော် သူတို့က Peral Center ရှိ 18+ ရုပ်ရှင်များပြသော

ရုပ်ရှင်ရုံတစ်ခုကိုသာ လမ်းညွှန်ကြလေသည်။မိနစ်ပေါင်းများစွာ ထို စင်တာထဲတွင် ရွှာလည်နေပြီးနောက်မှာ

တော့ ကျွန်တော်တို့ ရှိုးပွဲကျင်းပရာ Kreta Ayea People's Theater သို့ရောက်သွားပါသည်။ကျွန်တော်တို့

ရောက်သွားချိန်တွင် အောင်လ သည် စတင်တောင်းပန်နေပြီ ဖြစ်ပါသည်။

" ကဲ.....သဲသဲ.....ဘာလုပ်မလဲ.....ဟိုမှာအောင်လကတော့ တောင်းပန်နေပြီကွ....."

ယခုလို ကျွန်တော်က နောက်သလိုပြောင်သလို ပြောလိုက်တော့ သူ့ထံမှ မိန်းကလေးပီသစွာ မျက်စောင်း

တစ်ချက် ဒိုင်းကနဲရောက်လာသည်။

" ခဏစောင့်မယ်လေကွာနော်....၊သူဆိုလို့ပြီးရင်တော့ ဆေးလိပ်သောက်ဖို့ဖြစ်ဖြစ် အပြင်ကိုထွက်လာမှာပါ "

" တောင်းပန်ပါတယ် သီချင်းကို ဆိုနေပုံထောက်ရင် ခုမှဆိုတာထင်တယ်ကွ.....၊ကြာမယ်ထင်တယ်..ခု၁၀

နာရီရှိပြီနော်..."

" အို....သူဘယ်နှစ်ပုဒ်ဆိုနိုင်မှာမို့လို့တုန်း......ခဏပါကွာ....."

"အိုကေ....ဒါဖြင့် ကိုယ်သွားမေးကြည့်ဦးမယ်...ဒီမှာစောင့်နေ...."

သို့နှင့် အပေါက်ဝမှ လူတစ်ယောက်ကိုမေးကြည့်သည်။ခုဆိုနေတာအောင်လ မှတ်လား...၊ဘယ်လောက်

ကြာနိုင်မလဲဗျ...၊အပြင်ကိုရောထွက်လာဦးမှာလား....ဘာညာ နှင့်မေးတော့ ဘယ်သူမှအတတ်မပြောနိုင်ကြ၊

တစ်ယောက်က ကျွန်တော့်ကို ပြန်မေးသည် ခင်ဗျားနဲ့ချိန်းထားလို့လား.....တဲ့....၊သေစမ်းပါ....ဒီငတိနဲ့ ငါနဲ့

ဘာများချိန်းစရာရှိလို့တုန်း.....။တစ်ယောက်ကတော့ ဟိုဘက်ဘေးပေါက်ကနေစောင့်နေဗျ....လို့အကြံပေး

သည်။

" ကဲ...မမ.....ဟိုဘက်ဘေးပေါက်ကနေစောင့်နေပေတော့.....သူထွက်လာမလား ထွက်မလာဘူးလားဆို

တာကတော့ သူ့အလိုအတိုင်းပဲ...."

" အိုး........ကို ဘယ်လိုသွားမေးလိုက်သလဲ ဟင်....."

" အာ....ဒီလိုပဲ ဘယ်အချိန်ပြီးမလဲ၊ထွက်လာမလား ဘာညာ...မေးရတာပေါ့...."

" ဟောတော်.....ရှက်စရာကြီး....၊အဲ့လိုကြီးမေးစရာလား......"

" အဲ့လိုမမေးလို့ ဘယ်လိုမေးမတုန်း...ခင်ဗျားလေးက တွေ့ချင်တာကိုး......မေးတဲ့သူက မရှက်ပဲ သူကပဲရှက်

ရသေးတယ်...သွား ဟိုဘက်ဘေးပေါက်မှာစောင့်နေ....ကိုယ်တော့ အိုက်လွန်းလို့ ဟိုဘက်နားမှာ ရပ်ရင်း

ဆေးလိပ်သောက်လိုက်ဦးမယ်....."

"ကိုယ်လည်းသောက်မယ်......"

"ဘာ...မင်းသောက်တတ်လိ်ု့လား....."

"မသောက်တတ်ပါဘူး....၊ခု အောင်လနဲ့တွေ့ရမှာမို့ နဲနဲစိတ်လှုပ်ရှားနေလို့......."

သေလိုက်စမ်းပါလား.....ကောင်စုတ်မလေးရဲ့......၊ထိုကောင်စုတ်မလေးကို ခါးမှပွေ့ချီပြီး ဝရန်တာပေါ်မှ

ပစ်ချချင်စိတ်တွေ ပေါ်လာပါတော့သည်။တကယ့်တကယ်တော့လည်း သူဆေးလိပ်မသောက်ပါ။အိုက်ရင်

ယပ်ခပ်ဖို့ဆိုကာ စာရွက်တစ်ရွက် ကျွန်တော့်ထံပေးရင်း သီရေတာ၏ဘေးဘက်ပေါက်တွင်သွားစောင့်နေ

လေသည်။သူထုတ်ပေးသည့်စာရွက်ကိုကြည့်လိုက်တော့ မိုးကုတ်ဆရာတော်ဘုရားကြီး၏ ပဋိစသမုပ္ပါဒ်

စက်ဝိုင်းဒေသနာနှင့်တရားကောက်နှုတ်ချက်စာရွက်လေးဖြစ်နေသည်။မနက်ကသူ လုပ်အားပေးခဲ့သည့်

ပူဇော်ပွဲမှ ဒါနစာရွက်လေးဖြစ်မည်။

တရားပွဲသွား လုပ်အားပေးတတ်သည့်၊ရေဆာလျှင် ဘီယာသောက်တတ်သည့်၊အောင်လကိုအရူးအမူးစွဲ

လမ်းသည့် ထိုကောင်မလေးကို ကျွန်တော်နားမလည်နိုင်ပါ။နားလည်အောင်လည်း မကြိုးစားပါ။သူ့အတိုင်း

လေးပဲ ထားလိုက်ပါသည်။သူ့အလိုအတိုင်း လှုပ်ရှားနေတတ်သည်ကိုသာ ကျွန်တော်သဘောကျပါသည်။

ကျွန်တော် ဆေးလိပ်သောက်ရင်း ကောင်းကင် ကို မော့ကြည့်နေမိသည်။ " တိမ်ထူသောကောင်းကင် " တွင်

သာသော လ ကို မမြင်ရပါ။သို့သော် တိမ်မည်းညိုတို့၏နောက်ကွယ်၌ ပြည့်ဝန်းသော လ တစ်စင်းရှိနေသည်

ကို ကျွန်တော်ခံစားလို့ရပါသည်။တစ်စုံတစ်ရာကို ကျွန်တော်တို့ သိမြင်နားလည်ဖို့ မလိုအပ်လှပါ။ထိုတစ်စုံ

တစ်ရာ ရှိနေသည်ကို ခံစားရလျှင်ပင် ပြည့်စုံနေပြီမဟုတ်ပါလား.....။

~~~~~~~~~~~~~~~~~~~~~~~~~~~~~~~~~~

အတော်ကြာတော့ ရှိုးပွဲမှ အောင်လအသံတိတ်သွားပြီး ဆုန်သင်းပါအသံထွက်လာသည်။ကျွန်တော့်ကောင်

စုတ်မလေးက ဖုံးဆက်ပြီးလှမ်းခေါ်သည်။သူထွက်လာပြီဆိုပဲ....။ကျွန်တော်သူ့နားရောက်သွားတော့

အောင်လ ကို တံခါးပေါက်နားတွင် သူ့ပရိသတ်အမျိုးသမီး ၃ဦးနှင့်စကားပြောနေသည်ကိုတွေ့ရသည်။

" ဟိုမှာတွေ့လား...အဲ့ဒါ အောင်လပဲ....သူထွက်လာမလို့ဟာကို အဲဒီမိန်းမတွေက အတင်းစကားပြောနေလို့၊

မိန်းမတွေများ သိပ်စိတ်ညှစ်ဖို့ကောင်းတယ်...တွေ့လား...."

ဟမ်.......၊သူကပဲပြောရတယ်ရှိသေး.....၊ဟိုက မမတွေက စကားပြောရုံပြောတာ...သူက ဓာတ်ပုံပါတွဲရိုက်ဖို့

ချောင်းနေတာကိုများဗျာ...၊

" ခင်ဗျားလေးလည်း မိန်းမပဲ...သွားဝင်ပြီး အတင်ဆွဲခေါ်လာခဲ့ပါလား...၊ဒါမှ မဟုတ် ကျုပ်သွားခေါ်ပေးရမ

လား....."

" အို....မဟုတ်တာ......သူထွက်လာမှပါ......"

ကျွန်တော်ရွဲ့ပြောတာကို သူကတကယ်မှတ်ထင်နေပုံရသည်။သိပ်မကြာ အဆိုတော်အောင်လတစ်ယောက်

ဆေးလိပ်သောက်ရန်ဆင်းလာရာ ကောင်စုတ်မလေးဆန္ဒများ တစ်လုံးတစ်ဝတည်းပြည့်စုံသွားလေတော့

သည်။

~~~~~~~~~~~~~~~~~~~~~~~~~~~~~~

သီရေတာမှ ကျွန်တော်တို့ ပြန်ထွက်လာတော့ ၁၀နာရီကျော်ပြီဖြစ်သည်။သူဖြစ်ချင်တာများဖြစ်ခွင့်ရသွားပြီ

ဖြစ်သော ကျွန်တော့်အပေအတူးလေးသည် ဆက်ရက်မလေးတစ်ကောင်ကဲ့သို့ ခုန်ပေါက်မြူးတူးစွာ လှေ

ကားထစ်များထက်မှ ဆင်းလာခဲ့သည်။

" ဟူး....အောင်လနဲ့တွေ့ဖို့ ခက်ခက်ခဲခဲရှာလိုက်ရတာ....၊တော်သေးတယ်...တွေ့လိုက်ရလို့..၊ဖုံးနံပတ်လည်း

တောင်းခဲ့တယ်သိလား၊သူနက်ဖြန်ပြန်မှာတဲ့....၊ကတောက်....မေ့သွားတယ်....မြန်မာပြည်ဖုံးနံပတ်ပဲတောင်း

လိုက်ရတယ်၊စင်္ကာပူကနံပတ်မတောင်းလိုက်ရဘူး...၊နို့မို့ နက်ဖြန်ဖုံးဆက်ပြီး နှုတ်ဆက်ရမှာ....."

ကျွန်တော် ဘေးဘီဝန်းကျင်ကိုကြည့်ရင်း တံမြက်စည်းဖြစ်ဖြစ်၊ကြိမ်လုံးတစ်လုံးလုံးဖြစ်ဖြစ် ရှိမလားရှာကြည့်

မိသေးသည်..၊တွေ့လို့ကတော့ ပျော်ရွင်ကျေနပ်နေသည့် ထိုအပေအတူးလေး၏တင်ပါးဖောင်းဖောင်းလေး

ကို ခပ်စပ်စပ်လေးရိုက်လိုက်ချင်ပါသေးသည်....။

" ကို......ဒီညအတွက် ကို့ကို ကျေးဇူးအရမ်းတင်တယ်သိလား...... "

ကျွန်တော့်အရှေ့မှ သွားနေရင်းဖြင့် ရုတ်တရက်လှည့်ပြောလိုက်တော့ ကျွန်တော့်စကားလုံးတွေပျောက်ဆုံး

သွားရသည်။

" ရပါတယ်ကွာ....မင်းပျော်ရင် ပြီးတာပါပဲ....၊ကိုယ့်အတွက်က အေးဆေးပါ....."

"အဲ့ဒါတွေကြောင့် ကို့ကို--------"

သူနှင့် ကျွန်တော် နီးနီးကပ်ကပ်ရှိမနေသည့်အတွက်ကြောင့်ရော၊သူ့စကားသံများက တိုးလျသွားသည့်

အတွက်ကြောင့်ပါ သူဘာပြောလိုက်သည်ကို ကျွန်တော်သေချာမကြားလိုက်ရပါ။ဘာပြောတာလဲ ဟု

ကျွန်တော်ထပ်မမေးမိပါ။မေးစရာမလိုသောကြောင့်ဖြစ်ပါသည်။သူ ကျွန်တော့်ကို ဘယ်လိုသဘောထား

သလဲ ကျွန်တော်မသိပါ။မသိချင်ပါ ဆိုလျှင်ပိုမှန်ပါမည်။သိရန်မလိုအပ်ပါ ဆိုပါက အမှန်ဆုံးဖြစ်ပါလိမ့်မည်။

ကျွန်တော်ကိုယ်တိုင်လည်း သူ့ကို ဘယ်လိုသဘောထားသလဲဆိုတာ ဘာသာ နားမလည်ပါ။

နေ့ရက်တိုင်းတွင် သူနဲ့ကျွန်တော် ဖုံးမပြောဖြစ်ပါ၊ဂျီတော့တွင်မီးလင်းနေသော်လည်း စကားမပြောဖြစ်သည်

ကများပါသည်။သူရော၊ကျွန်တော်ပါ ဖေ့ဘွတ်သုံးသူများဖြစ်သော်လည်း၊ တစ်ဦးအကောင့်ကို တစ်ဦးသိနေ

သော်လည်း ကျွန်တော်တို့ဘယ်သူမှ မအက်ကြပါ....။သူ့သူငယ်ချင်းတွေအကြောင်း ကျွန်တော်မသိသလို

သူ့သူငယ်ချင်းတွေကို ကျွန်တော့်အကြောင်းပြေမပြဟုဆိုသည်။ကျွန်တော်လည်း ထိုအတိုင်းသာဖြစ်ပါ

သည်။ကျွန်တော်တို့သည် မလိုအပ်ချိန်တွင် သူစိမ်းပြင်ပြင်များဖြစ်ကြပြီး၊လိုအပ်နေချိန်တွင် တစ်စုံတစ်ရာ

ဖြစ်သွားတတ်ပါသည်။ထိုတစ်စုံတစ်ရာသည် မည်သည့်အရာဆိုသည်ကိုတော့ ကျွန်တော်ကိုယ်တိုင်လည်း

မသိပါ။

~~~~~~~~~~~~~~~~~~~~~~~~~~~~~~~~~~

" ကောင်းကင်......."

" ဟင်....ပြောလေ...."

"ကောင်းကင်ဖြစ်ချင်တာတွေဖြစ်ပြီးသွားရင် ကိုယ်ဖြစ်ချင်တာတစ်ခုကို လိုက်လျောပေးနိုင်မလား...."

"ဟင်.....ဘာလဲ...ပြောကြည့်လေ...."

"ကိုယ်တို့ တစ်နေရာရာကို သွားချင်တယ်...."

"ဘယ်......ဘယ်....နေရာလဲဟင်....."

ရုတ်တရက်ခြောက်ခြားသွားသော၊စကားသံတွေတုန်ရီသွားသောသူ့ကို ကျွန်တော်ကြည့်ပြီး ရီချင်စိတ်ကို

မနဲအောင့်အီးထားရသည်....။

" ဒီမှာ...ကိုယ်အခု မောလည်းမောနေပြီ၊ရေလည်းဆာလှပြီ....၊ဒီတော့ အအေးဆိုင်တစ်ဆိုင်ဆိုင်မှာ အအေး

တစ်လုံးလောက်သောက်ချင်တယ်.....ပြီး ကိုယ်တို့ပြန်ကြတာပေါ့ကွာ...နော့....မင်းအရမ်းနောက်ကျနေရင်

မင်းအခန်းဖော်တွေက အိမ်ကို လှမ်းတိုင်တတ်တယ်ဆို....."

လွတ်လပ်ပေါ့ပါးစိတ်သက်သာရာရသွားသော သူ့ပုံကိုကြည့်ရင်း ကျွန်တော်မထိန်းနိုင်တော့ပဲ ရီမောလိုက်မိ

သည်။သူ ကျွန်တော့်ကို မျက်စောင်းတစ်ချက်ထိုးလိုက်ပြီး  " တစ်ကျပ်တန် အအေးတစ်လုံးတော့ ကိုယ်

ဝယ်တိုက်မှာပါ....." ဟု ပြန်ပြောလေသည်။

ကောင်းကင် နှင့် ပင်လယ်အကြားတွင် အဆက်အစပ်တစ်ခုခုရှိမနေတတ်ပါ။ထိုအရာနှစ်ခုသည် ထိတွေ့

ပေါင်းစပ်ဖို့ဆိုသည်မှာ မဖြစ်နိုင်သောအရာသာဖြစ်ပါသည်။

ကောင်းကင် နဲ့ ပင်လယ် ကြားမှာ တစ်စုံတစ်ရာဆက်နွယ်မှုရှိခဲ့မယ်ဆိုရင် ဒါဟာ တိမ်တွေပဲ ဖြစ်ပါလိမ့်မည်။

မိုးတိမ်တို့မည်သည် အတည်တကျမရှိပါ။အရောင်အမျိုးမျိုးပြောင်းလဲတတ်သည့်သဘောလည်းရှိပါသည်။

တစ်ခါတစ်ရံ တိမ်မျှင်တစ်စကို ပါးလျစွာတွေ့မြင်နိုင်မည်ဖြစ်သလို၊တစ်ခါတစ်ခါမှာတော့ ထူထပ်ညို့မှိုင်း

နေတတ်ပါသည်။တိမ်ဟူသည် ပင်လယ်မှ ဆင်ယင်ပေးလိုက်သော ကောင်းကင်၏အဆင်တန်ဆာတစ်ခု

သာဖြစ်ပါသည်။

သာသောလ တစ်စင်း ထွန်းလင်းတောက်ပနေသည့် ညတစ်ည၏ကောင်းကင်တွင် တိမ်ထူထူတစ်အုပ်ကို

ဖြေးညှင်းစွာ အသာအယာမျောလွင့်နေသည်ကို တွေ့နိုင်ပါလိမ့်မည်........။

( ခံစားမှု ဝတ္ထုတို သာဖြစ်ပါသည်။)

C for..............

စင်္ကာပူမှာ ကျွန်တော်သဘောအကျဆုံးအရာတစ်ခုရှိတယ်ဗျ.....။အဲ့ဒါကဘာလို့များထင်သလဲရဲဘော်တို့....။
လမ်းပန်းဆက်သွယ်ရေးကောင်းတာလား.......ဟင့်အင်း.....။အင်တာနက်၊အွန်လိုင်းလား......မဟုတ်......။
အရာအားလုံးက စည်းကမ်းတကျရှိကြတာကိုလား.......ဟုတ်ဝူးရယ်.....၊ဒါဖြင့်စန်တိုဆာကိုလား......နိုးပါ.....။
လူနေမှုစနစ်ကိုလား.....လုံးဝမှားပါတယ်....။

ကျွန်တော်သဘောကျတာက တိမ်တွေကိုပါ.....။ဟုတ်ပါတယ်....စင်္ကာပူက တိမ်တွေကို ကျွန်တော်သဘော
ကျတယ်ဗျ......။ပြောရရင် ဒီစကားကနဲနဲအန္တရာယ်ကြီးတာတော့အမှန်ပဲ....၊အခန့်မသင့်ရင်မျိုးချစ်ပုဂ္ဂိုလ်တွေ
ရဲ့ပါးစပ်ဖျားမှာကားကနဲဖြစ်သွားနိုင်တာမျိုးလား.....။ဟုတ်တယ်လေ....မင်းကစင်္ကာပူကတိမ်မှလှတယ်ထင်
ရသလား.....ရွေကွပ်ထားလို့လား....၊မြန်မာပြည်က တိမ်ကဘာဖြစ်နေလို့လဲ...ဘာညာ...သာရကာဆိုကိုယ်
လည်း ဘာမှပြန်ပြောတတ်မယ်မဟုတ်ပေဘူး......:)))။ဆိုတော့ မြန်မာပြည်ကတိမ်တွေကိုလည်းသဘောကျ
ပါတယ်....၊လောလောဆယ် စင်္ကာပူကတိမ်တွေကိုပဲ မြင်နေရတာမို့ ဒီကတိမ်တွေကိုပဲ သဘောကျနေရပါ
တယ်............လို့.......:)))))

အဲဒီနေ့က တရုတ်နှစ်ကူးနေ့ပဲ....၊အဖော်တွေဘာတွေမပါ ပါဘူး....၊တစ်ယောက်တည်း လျှောက်သွားတယ်၊
ဘယ်သွားရမှန်းမသိတဲ့အဆုံး ကိုယ်သိပ်ပျော်မွေ့တဲ့ ပန်နစူလာနဲ့ မရီနာဘေးပဲရောက်သွားတာပါပဲ....။
ဘယ်ဘက်က ပန်နစူလာပေါ့၊အလည်ကဘုရာကျောင်းက ပန်နစူလာနဲ့မျက်နှာချင်းဆိုင်က ဘုရားကျောင်း၊
အဲ့ဘုရားကျောင်းကိုမြင်တိုင်း ဆူးလေက ဧမာနွေလဘုရားကျောင်းကိုသတိရတယ်....။

 တိမ်တွေမှာ အရောင်ရှိတယ်...၊ဒါပေမယ့် သူ့နဂိုအရောင်က အဖြူပဲ(ထင်တယ်)၊အခြေအနေ၊အချိန်အခါ
ကိုလိုက်ပြီး တစ်ခါတစ်လေအနက်ရောင်၊အနီရောင်၊အညိုနုနု၊မှိုင်းမှိုင်းမှုံရောင်တွေပြောင်းနေတတ်လေရဲ့...။

အဲဒီနေ့က ဘွန်လေးကို ဖိုးကြယ်နဲ့တွေ့ဖို့သွားတာ...၊ဘာလုပ်ဖို့လဲ....ဘီဘီချဖို့....။သူပျောက်နေတာကြာ
ပြီ...၊သူ့ဆီက ကဗျာလေးတွေထွက်ထွက်ကျလာတတ်တယ်...၊ဒါပေမယ့်သူမရေးတော့ဘူး...။ကောင်မလေး
တစ်ဘက်၊အလုပ်တစ်ဘက်....၊ဘက်၂ဘက်ကြားဗျာများနေတယ်ထင်တာပဲ....၊ဖုံးဆက်ဦးမှ.....။

ဆည်းဆာဆိုတာ ညနေမှမဟုတ်ပါဘူး၊နံနက်ခင်းကိုလည်းဆည်းဆာလို့ခေါ်သတဲ့....၊ဆည်းဆာတစ်ခု
ဝင်သွားပြီးရင် ဆည်းဆာတစ်ခုထွက်လာမှာပါ...၊အမှောင်ဖုံးတဲ့ ညတွေကိုကျော်ဖြတ်ပြီးရင်ပေါ့လေ....။
တစ်ခုပဲရှိတယ်....၊ညတွေကြားမှာ ပျောက်ဆုံးမသွားဖို့တော့လိုသပေါ့.....။

အဲဒီနေ့က မနက်စောစော ဂျူရောင်းIMM မှာရောက်နေတယ်...၊မလေးကိုသွားမလို့ ကျောပိုးအိတ်လေးကို
လွယ်လို့ပေါ့....၊ခင်မာလည်းမဝယ်ရသေးဘူး...၊ဖုံးလေးနဲ့ပဲ ဆည်းဆာတိမ်တွေကို ရိုက်လိုက်တယ်.....။

လူတစ်ယောက်ကို ဘောင်တစ်ခုခုကနေကြည့်တာ မကောင်းဘူးလို့ဆိုကြတယ်...၊အမြင်ကျဉ်းတယ်ပေါ့....။
ကိုယ်ကတော့ ဘောင်ခတ်ကြည့်တာများတယ်....၊သူ့ရဲ့အတိတ်နဲ့ အနာဂတ်တွေမပါတဲ့ ပစ္စုပ္ပန်သက်သက်
ဘောင်နဲ့ပေါ့....၊သူဘယ်ကလာသလဲ.....၊ဘယ်ကိုသွားမှာလဲ....၊သိပ်စိတ်မဝင်စားပါဘူး...၊လောလောဆယ်
ကိုယ့်နားရှိနေတယ်.....တော်ပြီပေါ့လေ.....။

ဒီပုံက အန်တီတင့်နဲ့ စလုံးမှာပထမဆုံးတွေ့တဲ့အကြိမ်မှာပါ။တီတင့်တို့နဲ့ စကားပြောနေတုန်း ဖုံးတစ်ကော
ဝင်လာတယ်....၊သူနဲ့ပြောမယ့်စကားတွေက ဘာမှအရေးမကြီးတဲ့ စကားတွေပါ၊ဒါပေမယ့် ကျန်တဲ့သူတွေ
ကြားလို့မဖြစ်ဘူး၊ဘာလိ်ုလဲဆိုတော့လည်း ဘာမှမဟုတ်ဘူး...ဒီလိုပဲ...၊ဒါနဲ့ အပြင်ထွက်စကားပြောတယ်။
ပြောရင်းနဲ့ အပြင်ကိုငေးကြည့်တော့ လှသောတိမ်တွေကို ဘောင်တစ်ခုအတွင်းကနေမြင်လိုက်ရတယ်...။

 မျောလွင့်ခြင်းအတူတူ ဘယ်သူမြတ်သည်လဲ လို့မေးရမယ်ထင်တယ်....၊မျောလွင့်တိမ်မှာ နှောင်ကြိုးမပါ
ဘူး....(အင်း...မပါဘူးလို့တော့ ယုံကြည်ထားတာပဲ...)၊လူလွှတ်တဲ့စွန်လေးတွေမှာတော့ ကြိုးတန်းလန်းနဲ့၊


အဲဒီနေ့က ကြားရက်တစ်ရက်ရက်ပဲ.....၊အလုပ်စောစောပြီးတော့ ပျင်းပျင်းရှိတာနဲ့ ခင်မာလေးကိုင်လို့
ထွက်လာခဲ့တယ်...၊ခြေဦးတည့်ရာပါ။Chinese Garden ကိုရောက်သွားတယ်..။ဒီလိုပဲ....ကောင်းကင်ကို
မော့ကြည့်တော့ တိမ်တွေကိုတွေ့တာနဲ့ ရိုက်လိုက်တယ်....၊

လူ့ဘဝဆိုတာ မွေးဖွားခြင်းနဲ့ သေဆုံးခြင်းအကြားမှာ လျှောက်လှမ်းရတဲ့ တံတားတစ်စင်းဆိုပါတော့.....။
ဒီလိုတံတားလိုတော့ အမြဲတမ်းဖြောင့်ဖြူးချောမွေ့နေမယ်လို့မျှော်လင့်လို့မရပါဘူး...။ဘဝအမောတွေကြား
မှာ လျှောက်နေတဲ့ခြေလှမ်းကို ခဏလေးရပ်လို့ စိတ်ထဲမှာ လှတယ်၊သာယာတယ်လို့ထင်တဲ့ တိမ်မျှင်စ
လေးတွေကိုမော့ကြည့်မိတယ်....၊စိတ်တွေကို ကာလသုံးပါးနဲ့လွတ်ကင်းတဲ့နေရာလေးမှာ မျောလွင့်ထား
လိုက်တယ်..။စိတ်ကူးဆိုတာ ယဉ်တိုင်းလှနေတာပဲမဟုတ်လား......။

Chinese Garden ထဲက တံတားခုံးလေးပါ...။လူရှင်းအောင်မနဲစောင့်ရတယ်...၊ကိုယ်ကလူရှင်းအောင်
စောင့်တယ်...၊အစောင့်တွေက တံခါးပိတ်ဖို့ ကိုယ့်ကိုစောင့်နေတယ်....၊မတတ်နိုင်ဘူး...၊လူရှင်းမယ့်အချိန်
က ပန်းခြံပိတ်လုခမန်းအချိန်လေးပဲ...။

ငယ်ငယ်ကနေခဲ့တဲ့ ခြံဝင်းလေးရဲ့ထောင့်မှာ "သင်းသတ် " ထားတဲ့ ကုက္ကိုပင်ကြီးတစ်ပင်ရှိတယ်၊ကိုင်းဖျား၊
ကိုင်းနားတွေကိုလည်းချိုင်ထားပြီးပြီ၊အပင်ကြီးကိုတော့ အိမ်နဲ့မလွတ်လို့မလှဲနိုင်သေးဘူး...၊ပင်ခြောက်ကြီး
ထီးထီးပေါ့လေ....။၁၀ပေအမြင့်လောက်မှာ ခွဆုံတစ်ခုရှိတယ်....၊ငယ်စဉ်ကလေးဘဝက သူငယ်ချင်းရယ်
လို့ ကစားဖော်မရှိတဲ့ ကိုယ့်မှာ နွေရာသီကျောင်းပိတ်ရက်ကာလတွေမှာ ကိုယ့်ရဲ့အဖော်က စာအုပ်တွေပဲ၊
သိုင်းစာအုပ်တစ်အုပ်ဖြစ်ချင်ဖြစ်မယ်၊အဖေ့အသဲစွဲ မောင်သာရစာအုပ်တစ်အုပ်အုပ်ဖြစ်ချင်လည်းဖြစ်နိုင်တယ်၊
ဒါမှမဟုတ်အဖွားအိမ်က မ လာတဲ့ ဦးလေးရဲ့ ပန်းသာမစာအုဖြစ်နေကောင်းဖြစ်နေနိုင်တယ်၊တစ်ခါတစ်လေ
တော့ အမေ့ရဲ့ ဝင်းဦးစာအုပ်တစ်အုပ်အုပ်လည်း ပါလာတတ်တယ်၊ဒီလိုမှမဟုတ်ရင်တော့ သုံးလမှတစ်ကြိမ်
ထုတ်တဲ့ သုတပဒေသာစာအုပ်ဖြစ်မယ်....။

စာအုပ်တစ်အုပ်အုပ်ကိုကိုင်ပြီး အဲဒီသစ်ပင်ခွဆုံမှာ သွားထိုင်နေတတ်တယ်။စာအုပ်ဖတ်လိုက်၊ကောင်းကင်
ကိုမော့ပြီး တိမ်တွေကိုကြည့်ပြီး စိတ်ကူးယဉ်လိုက်နဲ့ နွေရာသီကိုကုန်ဆုံးစေခဲ့တယ်...။တိမ်တွေကိုချစ်တဲ့
စိတ်ဟာ ငယ်စဉ်ကတည်းကအထီးကျန်တတ်သူရဲ့ရင်ထဲကို တိတ်တိတ်လေးဝင်လာတယ်ထင်ရဲ့....။
စကားမစပ် ဆေးလိပ်ကို ခုနှစ်တန်းနှစ်ကတည်းက အဲဒီသစ်ပင်ကြီးပေါ်တတ်ပြီး ခိုးသောက်တတ်ပြီ....။

ဒီတိမ်တွေကလည်း Chinese Garden ထဲက တိမ်တွေပါပဲ......။

" ကောင်းကင် " နဲ့ ပင်လယ် ကြားမှာ တစ်စုံတစ်ရာဆက်နွယ်မှုရှိခဲ့မယ်ဆိုရင် ဒါဟာ တိမ်တွေပဲ....။

ကိုယ့်နှလုံးသားပင်လယ်ပြင်မှ သံယောဇဉ်တွေကို ရေငွေ့ပျံလို့.....ဟိုးကောင်းကင်ယံမှာ ချစ်ခြင်းတိမ်တိုက်
တွေအဖြစ် ငွေ့ရည်ဖွဲ့စေခဲ့လေရဲ့.....၊ဒါပေမယ့်ကွယ်....၊လောကဓံမုန်တိုင်းတွေလာရင် ခြားနားခြင်းတောင်
တန်းတွေနဲ့ ထိခိုက်လို့ ကိုယ့်ချစ်ခြင်းတိမ်တိုက်တွေက မျက်ရည်မိုးအဖြစ် ပြန်လည်ကျဆုံးရမှာပါပဲလေ....။

အပေါ်ကပုံကတော့ ပြီးခဲ့တဲ့တရုတ်နှစ်ကူးကာလမှာ ညီရဲရယ်၊တူမလေးချိုချဉ်ရယ်နဲ့ စန်တိုစာသွားတုန်းက
ကမ်းခြေမှာရိုက်ခဲ့တဲ့ပုံလေး.....။ အောက်က ပုံသေးက လွန်ခဲ့တဲ့ ၂နှစ်လောက်က စန်တိုစာကမ်းခြေမှာပဲ
တစ်ယောက်တည်း ဘီဘီတစ်ဘူးနဲ့သွားထိုင်ပြီးတွေးချင်ရာတွေး၊ငေးချင်ရာငေးခဲ့တုန်းက ဖုံးအစုတ်လေး
နဲ့ရိုက်ထားခဲ့တဲ့ပုံ.....၊

တိမ်ဆိုတာ မတည်မြဲတတ်တဲ့သဘော၊တည်နေစဉ်ခဏလေးအတွင်းမှာလည်း ပုံသဏ္ဍာန်အမျိုးမျိုးပြောင်း
လဲနေတတ်တဲ့သဘော၊ဒြပ်ထည်မယ်မယ်ရရမရှိတဲ့သဘောကိုဆောင်ရဲ့....၊ဒါပေမယ့် မရှိကိုပဲ အရှိတရား
လုပ်ပြီး ချစ်ခြင်း၊မုန်းခြင်းများ ဖွဲ့တည်နေမိလေတယ်.......။မျောလွင့်တိမ်တစ်စရဲ့ ခဏတာနားခိုမှုကိုပေးခဲ့
တဲ့အတွက် ကျေးဇူးတင်ပါတယ် " ကောင်းကင် "

စပ်မိသမျှ ရောက်တတ်ရာရာ

တလောမှာ အလုပ်တွေအရမ်းရှုပ်နေတယ် မနှင်းဆီရယ်......၊ပြီးခဲ့တဲ့ ၂ပတ်လုံးလုံး နေ့ရောညပါအလုပ်ပြီး
အလုပ် လုပ်နေရလေရဲ့.....။ကိုယ်တို့ကုမ္ပဏီမှာကလူကလက်တစ်ဆုပ်စာလောက်နဲ့အလုပ်တွေက မြင့်မိုရ်
တောင်လောက်ဖြစ်နေလေတော့ အရင် လူငါးယောက်လောက်လုပ်ရတဲ့အလုပ်ကို၂ယောက်လောက်နဲ့လုပ်
နေရလေရဲ့ မနှင်းဆီရဲ့....။အလုပ်ကဖိစီး၊အိပ်ရေးကပျက်နဲ့ဆိုတော့ မနက်နွားနို့၊နေ့လည် ကိုလာ၊ညနေ

ဘီဘီတွေနဲ့ ကျားကန်ထားတဲ့ကြားကနေ ပြီးခဲ့တဲ့ တနင်္လာနေ့ညနေမှာတော့ဖျားပါလေရောမနှင်းဆီရေ....။
အမှန်က မနက်ထဲက ဖျားချင်ချင်ဖြစ်နေတာကိုမဖြစ်လောက်ပါဘူးလေဆိုပြီး ပေတေနေလေတော့ညနေကျ
တကယ်ကြီးကိုဖျားပါရောလား မနှင်းဆီရဲ့....။

အဲဒီလို နေထိုင်မကောင်းဖြစ်လောက်အောင် အလုပ်တွေရှုပ်နေတဲ့ကြားက ကိုယ့်နှလုံးသားပင်လယ်ပြင်ရဲ့
" ကောင်းကင် " မှာ လေဖိအားနည်းရပ်ဝန်းတစ်ခုဖြစ်ပွားသွားသေးလေရဲ့....။တစ်ခုကံကောင်းသွားတာက
အဲဒီလေဖိအားနည်းရပ်ဝန်းလေးက မုန်တိုင်းငယ်အဆင့်မှာတင် အားပျော့ပျက်ပြယ်သွားလေရဲ့ကွယ်....။
ဆိုတော့ အသဲတွေဘာတွေကွဲဟယ်ပြုဟယ် မဖြစ်တော့ဘူးပေါ့လေ....။အင်း....အသဲကွဲတယ်ဆိုလို့ ကိုယ့်
မိတ်ဆွေလေးတစ်ယောက်လည်း ၁ရက်ထဲနဲ့အလှည့်စားခံလိုက်ရတယ်ဆိုလားဘာဆိုလားပဲ....၊သူရေးထား
တဲ့ နောက်ဆုံးစာကြောင်းလေးက "အသဲမကွဲခဲ့သေးလို့တော်သေးတာပေါ့"တဲ့....။သူရေးထားတာလေးဖတ်
ပြီး သဘောကျလို့ ပြုံးမိပါရဲ့ မနှင်းဆီရယ်....။

ပြောမယ့်သာပြောရတာပါ....၊ကိုယ်တို့အသက်အရွယ်၊အတွေ့အကြုံနဲ့က တော်ရုံနဲ့အသဲမကွဲနိုင်တော့ပါဘူး
လေ....။အသဲမကွဲပေမယ့် ဖေ့ဘွတ်စာမျက်နှာထက်မှာတော့မျက်ရည်ပဲထွက်သလိုလို၊နှပ်တွေပဲထွက်သလိုလို
တွေ လျှောက်ရေးနေမိသေးတယ်...။အမှန်ကမနှင်းဆီရေ.....၊ကိုယ့်ရဲ့ဘာမှမဟုတ်တဲ့ခံစားချက်ပေါက်စလေး
ကို  ဓာတ်ပုံဆရာလုပ်(ပုံကြီးချဲ့တာကိုပြောတာမနှင်းဆီ)ပြီး ဟို....ကိုယ်တို့အစ်မတစ်ယောက်လို ကုန်ကြမ်း
ရှာ၊ကဗျာစပ်ဖို့ကြိုးစားကြည့်တာပါ...။ခံစားချက်အစစ်မဟုတ်လို့ထင်ရဲ့....ဘာကဗျာမှ ထွက်ကျမလာပါဘူး
မနှင်းဆီရာ....။ကိုယ့်ရဲ့ ဖဘက ရဲဘော်တွေကလည်း ကိုယ့်အကြောင်းကိုကောင်းကောင်းသိကြလေရဲ့......၊
ကိုယ့်မျက်ရည်ဘူးသီးလုံးလောက်ကျပါတယ်ဆိုတာတောင် တစ်ယောက်မှ ယုံကြည်ပုံမရကြလေဘူး.....၊
အဲလို......အောင်မြင်ချက်ကတော့......:)))))

ဒါပေမယ့် ကဗျာတွေထွက်ကျမလာပေမယ့် ဘာမှမဖြစ်တဲ့ခံစားချက်လေးကို တပင်တပန်းမွေးမြူထားလိုက်
တော့ အဆွေးသီချင်းလေးတွေကိုတော့ နားထောင်ခံစားလို့ အရသာတော့ရှိသားမနှင်းဆီရဲ့....။ခုတလော
ကိုယ်ဓာတ်ကျနေတဲ့သီချင်းက မဒီရဲ့ ဝမ်းနည်းမိုးတိမ်သီချင်းပဲ မနှင်းဆီ...။လွန်ခဲ့ခြောက်လလောက်က
တစ်နေ့ခြောက်ခေါက်လောက် နားထောင်ဖြစ်တဲ့ နီနီခင်ဇော်တို့သီချင်း မိုးတိမ်ကဗျာ ကိုတော့ ခုချိန်မှာ
ယောင်လို့တောင်နားမထောင်ဖြစ်တော့ပြန်ဘူး...၊မိုးတိမ်တွေလို ကတိမ်းကပါးနိုင်လှတဲ့၊အပြောင်းအလဲ
မြန်လှတဲ့ ကိုယ့်ရဲ့ စိတ်ခံစားချက်တွေပေါ့ မနှင်းဆီ....။ဘာပဲဖြစ်ဖြစ် မနှင်းဆီလည်း ဒီသီချင်းလေးကိုနား
ထောင်ကြည့်နော်......။

ဖေ့ဘွတ်ဆိုလို့ပြောရဦးမယ် မနှင်းဆီ....။ကိုယ် ဒီနေ့ကစလို့ ဖဘကိုမသုံးတော့ဘူးလို့ဆုံးဖြတ်လိုက်ပြီ
ကွယ်....။လုံးလုံးမသုံးတော့ဘူးတော့မဟုတ်ဘူးပေါ့လေ...၊ကိုယ့်ရဲဘော်တွေကို အရမ်းလွမ်းတဲ့အခါမျိုးတွေ
မှာ  စကားလုံးကွန်ယက်တွေထက် ခဏတဖြုတ်တော့ တက်လာဦးမှာပါ..။မသုံးရတဲ့အကြောင်းရင်းရယ်လို့
ထွေထွေထူးထူးမရှိပါဘူးမနှင်းဆီ။ဖဘဟာ အချိန်ကုန်လွန်းလှတာရယ်....၊တစ်ခါတစ်ရံမှာ အကောင်းထက်
အဆိုးကိုပဲ ရတယ်လို့ခံစားရတာရယ်ကြောင့်ပဲမနှင်းဆီရေ....။


ဖေ့ဘွတ်မသုံးဖြစ်တော့ အချိန်တွေအတော်ပိုထွက်လာလေရဲ့....။အဲဒီတော့မှ ဒေါင်းပြီးမကြည့်ရသေးတဲ့
ရုပ်ရှင်တွေပဲကြည့်ရမလိုလို....၊သီချင်းတွေပဲ သင့်ပြွန်ကနေ ရှာနားထောင်ရတော့မလိုလို၊ဂိမ်းတွေပဲဆော့
ရမလိုလိုနဲ့ ယောင်ချာချာဖြစ်နေသေးတယ်...။နောက်ဆုံးတော့လည်း ဘလော့ဘက်လှည့်ပြီး စာတွေပဲ
လိုက်ဖတ်နေမိပါတော့တယ်....။


ဘလော့ဆိုလို့ ကိုယ်တို့ရဲ့ချစ်လှစွာသော ခဥမ(ကန်တော့အစ်မရေ၊အစ်မရေးသလိုလိုက်ရေးလိုက်တာ :))
တစ်ယောက် ပီနန်ဘက်လည်လည်ထွက်တဲ့အကြောင်းရေးထားတာဖတ်လိုက်ရတော့ ကိုယ်လည်း ပီနန်
သွားချင်စိတ်ချက်ချင်းပေါက်သွားတယ်....၊အမှန်ကခုလာမယ့် စနေမှာ မလေးဘက်သွားမလို့စီစဉ်ထားတာ
ပါပဲ...၊နို့ပေတဲ့ အကြောင်းကြောင်းကြောင့် နောက်တစ်ပတ်ကိုရက်ရွေ့လိုက်ရတယ်...၊ဒါပေမယ့် ဒါလည်း
သိပ်မသေချာသေးပါဘူး....၊ခွင့်မတင်ရသေးဘူးလေ...၊အလုပ်တွေရှုပ်နေတော့ ခွင့်ကရပါ့မလားမသိ.....:(။


မသွားဖြစ်ကာမှ မသွားရော၊စိတ်ကူးတော့ယဉ်လိုက်တာပါပဲမနှင်းဆီရေ့.....။ကိုယ့်စိတ်ကူးက ဒီလိုမနှင်းဆီ
ရေ....၊ခုသောကြာညနေမှာ အလုပ်ပြီးတာနဲ့ အိတ်ကလေးဆွဲပြီး ကိုယ်နေတဲ့ ကရန်ဂျီကနေ မလေးဘက်ကို
ကူး၊မလေး လကင်းကားဂိတ်ကနေ ပီနန်းသွားတဲ့ကားကိုတတ်စီး၊ရဲထွန်းဇော်ဆီဖုံးဆက်...၊သူအားရင် ပီနန်
မှာဆုံဖို့ အဖော်ညှိ၊နောက်နေ့ မနက် ပီနန်ရောက်၊ပီနန်မှာ လျှောက်သွား၊တစ်ညအိပ်၊မနက် ကေအယ်သွား၊
ကေအယ်ကသယ်ရင်းတွေနဲ့ ခဏဆုံ၊ညနေလောက် စလုံး ဘက်ကားပြန်စီးလာ...၊ည၁၀နာရီလောက် စလုံး
ပြန်ရောက်....၊ကဲ.....စိတ်ကူးနဲ့သွားလိုက်တာ ဘယ်လောက်များအဆင်ပြေချောမွေ့လိုက်သလဲကွယ့်နော့။
သို့ပေမယ့် စိတ်ကူးကစိတ်ကူးပါပဲ မနှင်းဆီရယ်....၊လက်တွေ့ဖြစ်လာဖို့ဆိုတာကတော့ ဆယ်ရေးတစ်ရေး၊
ကိုးရေး၊တစ်ရာ ဆိုသလိုပါပဲမနှင်းဆီရေ....။


ကဲ...မနှင်းဆီရေ.....၊အချိန်ကလေးတွေ ပိုပိုလျှံလျှံရှိနေတုန်း ဘလော့လည်လည်ထွက်လိုက်ဦးမယ်ကွယ်...။
ရုပ်ရှင်လေးဘာလေးကြည့်၊သတင်းပလင်းလေးနားထောင်၊သင့်ပြွန်မှာ သီချင်းဟောင်းလေးတွေလည်း
မွှေနှောက်ရှာဖွေရင်းနဲ့ပေါ့လေ........။