မှိုင်းသီမှုန်ဝေသော အတွေးစများ

         ချွေးစေးများပြန်ပြီး အိပ်ယာမှ လန့်နိုးလာချိန်တွင် နံနက်၎နာရီခန့်သာရှိသေးသည်။ပူအိုက်သော

ဥတုကို အံတုနိုင်ဖို့ ရေခဲရေတစ်ဘူးနှင့်အတူ ခြံထဲသို့ဆင်းလာခဲ့မိသည်…။လတ်ဆတ်သောလေပြေသည် ကျွန်တော့်ကို ခရီးဦးကြိုပြုရှာသည်။ခြံရှေ့ ခုံတန်းလျားလေးတွင်ထိုင်ရင်း ပါလာသည့် စီးကရက်တစ်လိပ်ကို

မီးညှိရှိုက်ဖွာလိုက်သည်…။ပတ်ဝန်းကျင်သည်မဲမှောင်တိတ်ဆိတ်လျက်……။ဘဝအဓိပ္ပာယ်ဟူသည်ဘာပါလဲ….။

ယခုလို အိပ်မပျော်သည့်အခါမျိုးတွင် ထိုအတွေးသည် ကျွန်တော့်အမြဲလို အလုပ်ပေးလေ့ရှိသည်…။တမင်

ဦးဏှောက်အခြောက်ခံပြီးတွေးခြင်းမျိုးမဟုတ်ပဲ သူ့အလိုလိုအတွေးဝင်လာမိခြင်းသာ…..။

လွန်ခဲ့ပြီးသောကာလများတွင် နေ့စဉ်နှင့်အမျှ နေထွက်မှ နေဝင်အလုပ်ကိုလက်ကြောတင်းတင်းလုပ်ခဲ့ရစဉ်

အချိန်များတွင်လည်း ငါဘာအတွက်ဒါတွေလုပ်နေရပါသလဲ…၊ဘာများအဓိပ္ပာယ်ရှိသလဲ ဟူသောအတွေးမျိုး

တွေးမိသကဲ့သို့ပင် ယခုလို နေ့ရက်တိုင်းတွင် အိပ်လိုက်၊စားလိုက်၊လက်ဘက်ရည်ဆိုင်တစ်လှည့်၊ဗျစ်ရည်

ဆိုင်တစ်လှည့်ထိုင်လိုက်၊ဘောလုံးပွဲတစ်လှည့်၊တရာပွဲတစ်လှည့်ကြည့်လိုက်နာလိုက် လုပ်နေသော ကာလ

များတွင်လည်း ဘဝသည်အဓိပ္ပာယ်မဲ့လှသည်ဟူသောအတွေးများက လူကိုနှိပ်ဆက်မြဲပင်……။

ဘဝသည်တိုတောင်းလွန်းလှသည်…။ကျွန်တော်ဤကဲ့သို့ပင်ထင်မှတ်ထားခဲ့သည်။လက်ရှိကျွန်တော့်အသက်

သည် ယေဘုယျအားဖြင့်လူ့သက်တမ်းတစ်ဝက်သို့ရောက်နေလေပြီ…။လွန်ခဲ့ပြီးသောဘဝထက်ဝက်ကို ပြန်

လှည့်ကြည့်မိတော့ အချိန်ကာလတို့ကုန်ဆုံးခြင်းသည်လျှင်မြန်လွန်းလှသည်ဟုထင်မှတ်မိသည်ချည်းပင်…။

သို့သော်လာလတ္တံသောအနာဂတ်ကို တွေးမိလျှင်တော့ကျွန်တော့်တွင် ယေဘုယျအားဖြင့်အချိန်၃၅နှစ်ခန့်

ကျန်ရှိနေသေးသည်ပဲ…။လပေါင်း ၄၀၀ကျော် သို့မဟုတ် ရက်ပေါင်း တစ်သောင်းနှစ်ထောင်ကျော်ဟူသော

အရေအတွက်သည် လူတစ်ယောက်ကို ဘာသာစကားသုံးလေးမျိုးခန့်၊ဒါမှမဟုတ် ပညာရပ်တစ်ခုခုအား

ကျွမ်းကျင်လိမ္မာစွာတတ်မြောက်နိုင်ရန်လည်းကောင်း၊ဥစ္စာစီးပွားကိုဖြစ်စေ၊တရားဓမ္မကိုဖြစ်စေ ပြည့်စုံကုံလုံ

ရန်လည်းကောင်းလုံလောက်သည်မဟုတ်ပါလား….။သို့ဆိုရသော်ဘဝသည်အဘယ်မှာတိုတောင်းပါသနည်း။

အနာဂတ်ကို မျှော်တွေးကြည့်လျှင် ဘဝသည် ရှည်လျားလွန်းစွ……။

သို့သော်…၊အတိတ်ဟူသည်ပြီးဆုံးခဲ့ပြီ….။ပြန်လိုချင်၍မရနိုင်တော့၊ပြန်လည်ပြောင်းလဲလို၍မဖြစ်နိုင်တော့….။

အနာဂတ်ကရော….အဘယ်မျှသေချာပါသနည်း…၊မနက်ဖြန်မနက် မိမိဘာဟင်းနှင့် ထမင်းစားရမည် ဆိုသည်ကိုပင် ကျွန်တော်တို့ မသေချာလှပါ…။

သေချာသည်ကတော့လက်ရှိခဏတာလေးပင်ဖြစ်သည်…..။ပစ္စုပ္ပန်ဟုသုံးနှုန်းရမည်ဖြစ်သောခဏတာအချိန်

လေးပင်ဖြစ်သည်။ထိုခဏတာလေးသည်အဘယ်မျှသောကာလအတိုင်းအတာရှိပါသနည်း…။ကျွန်တော်မသိ

နိုင်ပါ…။တွေးဆဲ၊ပြောဆဲ၊လုပ်ကိုင်နေဆဲမှာပင် ပစ္စုပ္ပန်သည် အတိတ်ဖြစ်သွားလေပြီ….၊အနာဂတ်သည် ပစ္စုပ္ပန်အဖြစ်ရောက်ရှိလာပေပြီ…။ပစ္စုပ္ပန် သည် အတိတ်တွင်ဖြစ်ဖျားခံ၍ အနာဂတ်သို့ စီးဆင်းသွားသည့်

မြစ်တစ်စင်းနှယ်ပင်…..။

အတိတ်ကာလက ထိုမြစ်ထဲသို့ ကျွန်တော် အမှိုက်စများချခဲ့မိသည်၊ရွှေမှုန်ငွေစအချို့ကိုလည်းချမိကောင်း

ချခဲ့လေသည်…၊မြစ်သည် အမှိုက်ကိုလည်းကောင်း၊ရွှေမှုန်တို့ကိုလည်းကောင်း သယ်ဆောင်လာခဲ့ပြီ…။

နောက်ထပ်လည်း ထိုအရာတို့ကို အနာဂတ်သည်သို့ သယ်ဆောင်သွားပေလိမ့်မည်…၊လက်ရှိခဏတာ

လေးကိုအသုံးချ၍ အမှိုက်စအချို့ကို ကျွန်တော်ဆယ်ယူဖို့ကြိုးစားမိသည်၊ရွှေမှုန်စတို့ကို ပိုမိုတိုးပွား

အောင်ဆောင်ရွက်မိသည်၊သို့မဟုတ်အမှိုက်စတို့ကိုပိုလို့တိုးစေခဲ့သည်လည်းရှိသလို၊ရွှေမှုန်များကိုဖြင့်

လျော့ပါးစေသည်လည်းရှိလေပြီ…။အမှိုက်စလော ရွှေစလောမသိပဲ မြစ်ရေအလျင်ထဲသို့ စီးဆင်းစေ

ခဲ့သည်လည်းရှိသည်။အမှိုက်စကို ရွေစဟု ထင်ကောင်းထင်ခဲ့သည်လည်းရှိမည်…။

မည်သို့ပင်ဖြစ်သေကာမူ ဘဝဟူသောရေအလျှင်သည် အဆုံးသတ်တစ်နေရာသို့ တစ်ရွေ့ရွေ့ စီးဆင်း

နေလေပြီ။ဟုတ်သည်…..၊အမှိုက်များဖြင့်ပြည့်နေသည်ဖြစ်စေ၊ရွှေမှုန်တို့တမ်းကြမ်းပြည့်နေသည်ဖြစ်စေ

သေခြင်းတရားသည် ရေအလျှင်ကိုဖြတ်တောက်ပေလိမ့်မည်။ဘာသာရေးဆရာတို့ကတော့ ရေအလျှင်သည် မပြတ်မတောက်နိုင်သေး၊သေသည်၏အခြားမဲ့၌တစ်ခုသောဘဝသည်ရှိသေး၏။ဘဝရေအလျှင်သည်မပြတ်

မတောက်ပဲ အနှီးဘဝသစ်သို့ ကုသိုလ်၊အကုသိုလ်တို့အစွမ်းဖြင့် ဆက်လက်စီးဆင်းနေဦးမည်။ရေအလျှင်

ထဲရှိ အမှိုက်စ၊ရွှေစတို့ကိုလည်းဆက်လက်သယ်ဆောင်သွားလိမ့်ဦးမည်ဟုဆိုကြလေသည်။

မမြင်မသိနိုင်သော၊သက်သေတစ်စုံတစ်ရာခိုင်မာစွာမရနိုင်သောအရာတို့ကို ယုံကြည်စိတ်ကင်းမဲ့နေပြီဖြစ်

သောကျွန်တော့်အတွက်တော့ ထိုနောင်ဘဝဆိုသည်ကို မှားသည်မှန်သည် မပြောနိုင်ပါ၊မပြောချင်ပါ၊

ကိုယ့်စိတ်ထဲမှဖြစ်ပေါ်နေသော သံသယကို ဇွတ်အတင်းခံမငြင်းချင်ပါ။အခြားလူများနှင့်သာပဋိပက္ခ

အဖြစ်ခံပါမည်၊မိမိစိတ်တွင်းတွင်တော့ စိတ်စိတ်ချင်းပဋိပက္ခ အဖြစ်မခံချင်ပါ။သံသရာသည်လည်းကောင်း၊

၃၁ဘုံသည်လည်းကောင်း ရှိကောင်းရှိပါလိမ့်မည်။ကျွန်တော့်အတွက်တော့ သေခြင်းသည်သာ

အဆုံးဖြစ်လေသည်။

သေခြင်းတရားသည်ကြောက်ဖွယ်ကောင်းလှသည်။ကျွန်တော်ကြောက်ပါသည်။ရှင်သေမင်းက ကျွန်တော့်

ကိုနိုင့်ထက်စီးနင်းမလုပ်ခင် ဒီဘဝဒီခန္ဓာကိုဘယ်လိုနေရမည်ကို ခုထိကျွန်တော်မသိနိုင်သေးပါ…။

မိမိလုပ်သမျှကောင်းမှုသည်လည်းကောင်း၊မကောင်းမှုသည်လည်းကောင်း သေခြင်း၌အဆုံးရှိသည်

ဟူသောအတွေးဝင်လာသည့်အခါတိုင်း ကျွန်တော်လုပ်နေသမျှကို ဘာအဓိပ္ပယ်မှမရှ်ိဟုထင်

လာတတ်လေသည်။

အချိန်သည်တစ်ဖြည်းဖြည်းရင့်ရော်လာလေပြီ….။ကျွန်တော့်ရှေ့တွင် ကျနေသောအမှိုက်တစ်စကို

 ကောက်ယူ၍ဖယ်ရှားလိုက်မိသည်။ထိုအရာသည် ကျွန်တော့်အတွက်အမှိုက်ဖြစ်သည်၊သေချာပါသည်။

သို့သော် ကျွန်တော်မသေချာပါ။ကျွန်တော့်ရှေ့မြေပြင်ပေါ်တွင် မူလီလေးတစ်ခုတွေ့ရသည်။

ကျွန်တော့်ဆိုင်ကယ်မှပြုတ်ကျနေခြင်းဖြစ်သည်။အသုံးဝင်သည့်အရာလေးဖြစ်၍ ကျွန်တော်ကောက်ယူသိမ်း

ထားလိုက်သည်။ထိုမူလီလေး အသုံးဝင်သည်ဆိုသည်မှာသေချာပါသည်။သို့သော် ကျွန်တော်မသေချာပါ။

ရောင်နီသည်ပျို့လာချေပြီ။ပတ်ဝန်းကျင်ကို သဲသဲကွဲကွဲမြင်တွေ့လာရပြီဖြစ်သည်။ကျွန်တော့်ရင်ထဲမှာတော့ အရာရာသည် ကဝေဆန်စွာ မြူတို့ဖြင့် ဝေမှိုင်းရီလျက်……….။

အကွေ့......

" မြန်မာပြည်ကိုပြန်တော့မည်...."

သည်အတွေး၊သည်အိမ်မက်မှာ ပြည်ပရောက် မြန်မာနိုင်ငံသားတိုင်းလိုလို၏အတွေးအိပ်မက်တစ်ခု ဖြစ်နေ
ပါလိမ့်မည်။အားလုံးအတွက်မဟုတ်တောင် အများစုကြီးအတွက်ပေါ့လေ...။ကျွန်တော့်အတွက်တော့ မြန်မာ
ပြည်မှမထွက်ခွာခင်ကတည်းက ကြိုတင်မက်ထားနှင့်သည့်အိပ်မက်တစ်ခုရယ်သာ.....။ဟုတ်သည်....၊
ကျွန်တော့်အတွက်တော့ မြန်မာပြည်သည် ကျွန်တော့်ပြည်၊မြန်မာစကားသည် ကျွန်တော့်စကား၊မြန်မာ့ရေ
မြေသည် ကျွန်တော့်ရေမြေ.....၊သည်လိုဆိုတော့ သည်ကောင် တိုင်းပြည်ချစ်စိတ်ကြီးမားလှပါတကားလို့
တော့ တွေးမထင်လို....၊ကျွန်တော့်မျိုးချစ်စိတ်ဆိုတာ အများသူငါ လို သာမာန်မျှသာ..။သို့သော် ကျွန်တော့်
ရဲ့ နေမြဲနေလိုသော အင်နားရှားက အားကြီးလှသည်ဟုဆိုရမည်...၊နှစ်ပေါင်းများစွာ ကျင်လည်ရာ နေရာ
ဒေသလေးကိုပင် စိတ်အာရုံတို့က တစွဲလန်းလန်းရှိလှ၏။


ခေတ်မှီဖွံဖြိုးတိုးတတ်သောတိုင်းကြီးပြည်ရွှာတစ်ခုတွင်ရောက်နေသည့်တိုင်အောင် ကျွန်တော့်စိတ်တွေက
နုံချာလှသည့် ဇာတိမြို့ငယ်လေးဆီမှာ တရစ်ဝဲ၀ဲရှိနေတတ်သည်။ဘိလပ်စကား ဒွတ်ဒက်ရွှတ်ရှက်များကို
မလွှဲသာလို့ မတတ်တတတ်နှင့်ပြောနေရသည့်တိုင် မွေးရာပါမြန်မာစကားကိုသာ အာပေါင်အာရင်းသန်
သန်နှင့် ပြောချင်သည့်စိတ်က ကဲနေတတ်စမြဲ၊အံမခန်းကြီးကျယ်ခမ်းနားသည့် အဆောက်အဦးများကြား
သွားလာလှုပ်ရှားနေရသည့်တိုင် ရိုးစင်းလှသည့်ရေမြေတောတောင်များကိုသာ လွမ်းဆွတ်တမ်းတနေတတ်
စမြဲပင်....။


ဆိုတော့ မရည်ရွယ်ပါပဲနှင့် တိုင်းခြားပြည်ရွှာသို့ ရောက်လာရသည့် ပီဘိတောသား ကျွန်တော့်အတွက်
တော့ မြန်မာပြည်အိပ်မက်ဟူသည် ညစဉ်မက်ခဲ့ရသည့် အခန်းဆက်အိပ်မက်တစ်ခုသာ....။တိုင်းတပါးတွင်
လေးနှစ်ကျော် ငါးနှစ်နီးပါး ကျင်လည်ခဲ့ရပြီးနောက်ယခုနှစ်တွင်မတော့ပြည်တော်ဝင်အိပ်မက်ကိုအတည်
တကျအကောင်အထည်ဖော်ဖို့ ခိုင်ခိုင်မာမာဆုံးဖြတ်ခဲ့သည်။ပထမတော့ တရုတ်နှစ်ကူးအပြီး ဖေဖော်ဝါရီ
လဆန်းပိုင်း၊အဲဒီနောက်ဧပြီလဆန်း၊သင်္ကြန်အမှီပေါ့....၊သို့သော်အကြောင်းကြောင်းကြောင့်ရွေ့ရပြန်သည်။
မေလကုန်.....။ဒီတစ်ခါတော့ ဘာအကြောင်းနဲ့မှ မပြောင်းတော့ဟု စိတ်ဆုံးဖြတ်လိုက်သည်။တလတိတိခွာ
ပြီး ထွက်စာတင်သည်။လေပျံလက်မှတ်ဝယ်သည်။ဝယ်တာတောင်မှ အပြန်တစ်ကြောင်းစာပဲဝယ်လိုက်
သည်။


အစစအရာရာစီစဉ်ပြီးကာမှ မိဘဆွေမျိုးတွေကို အသိပေးလိုက်တော့သည်။စောစောစီးစီးပြောလျှင် အား
လုံးက ၀ိုင်းဖျက်ကြလိမ့်မည်မှာ ကျိန်းသေ...။ဒါတောင်မှ မိဘဆွေမျိုးမိတ်ဆွေအားလုံးက အပြီးမပြန်ဖို့ ၀ိုင်း
တားကြသည်။ကိုယ့်အပေါ်ထားသော စေတနာကိုိုနားလည်ပါသည်။ဘာသာလည်း ကြုံတွေ့ရမည်များကို
တွေးမိပြီးသားပင်၊လက်ရှိပစ္စက္ခအခြေအနေကလည်း ငွေပင်ငွေရင်းခိုင်ခိုင်မာမာမရှိသေးသည့် ကျွန်တော့်
အတွက် ခက်ခဲနေမည်မှာ အသေအချာ....။


ငါးနှစ်တာကာလပတ်လုံး အကျွမ်းတ၀င်ရှိနေပြီဖြစ်သည့် သက်တောင့်သက်သာအခြေအနေတစ်ရပ်ကို
ကျောခိုင်းထွက်ခွာ၍ ခရောင်းလမ်းကို ပြန်လျှောက်ရမည်မှာ စင်စစ်မတော့ လွယ်ကူလှသည်မဟုတ်...။
သို့သော်.....အဲ့သည် ခရောင်းလမ်းသည် ယခုမှ လျှောက်လှမ်းရမည့်လမ်းမဟုတ်....၊နှစ်ပေါင်းများစွာ ကိုယ်နှင့်အသားကျပြီးသားလမ်းတစ်ခုသာ...။

ကျွန်တော်ချစ်မြတ်နိုးရာ ဇာတိရပ်ရွှာလေးသည် ငါးနှစ်တာမျှ ကျင်လည်ခဲ့ရာ တိုင်းကြီးပြည်ကြီးနှင့်နှိုင်းယှဉ်
ပါက ခက်ထရော်လှသည် ရွှာငယ်လေးသာသာ....၊သို့သော် ခက်ခဲကြမ်းတမ်းမှုများကို ကိုယ်တိုင် နှစ်လို
လိုလားစွာ ရင်ဆိုင်နိုင်အောင်ပေးခဲ့သည်ကတော့ ကျွန်တော်၏ ချစ်ခြင်းနှင့်ချဉ်ခြင်းများပင်.......။ဟုတ်
သည်.....၊နှစ်ပေါင်းများစွာကပင် သက်ရှိ၊သက်မဲ့၊ဒြပ်ရှိ၊ဒြပ်မဲ့များအပေါ်တွင် တည်ရှိအပ်သော ကျွန်တော်၏
သံယောဇဉ်ချစ်ခြင်းများ၊အလိုရှိအပ်၊တောင့်တအပ်သောချဉ်ခြင်းများက ဘ၀၏အကွေ့တစ်ခုကို သက်တောင့်သက်သာစွာ ချိုးကွေ့လိုက်နိုင်ဖို့ ကြီးမားသောတွန်းအားတစ်ရပ်ဖြစ်ခဲ့လေပြီ။


ကျွန်တော်ကွေ့ခဲ့ပါပြီ....၊နှစ်ပေါင်းများစွာလျှောက်ခဲ့ဖူးသောလမ်းကလေးကို ကျေနပ်စွာတစ်ဖန်လျှောက်
လှမ်းရန် ကျွန်တော်ပြန်ကွေ့ခဲ့ပြီ။အဘယ်မည်သော အချိန်ကာလတစ်ခုတွင် အဘယ်မည်သော အကြောင်း

များကြောင့် နောက်ထပ်အချိုးအကွေ့တစ်ခုကို ထပ်မံချိုးကွေ့ရမည်ဆိုသည်ကိုတော့ ကျွန်တော်မမှန်းစ
တတ်ပါ....။ဤလမ်းကို နောက်တစ်ခါပြန်မလျှောက်တော့ဟူ၍လည်း ဆုံးဖြတ်ချက်ပိုင်ပိုင်မချခဲ့ပါ....။
ငါးနှစ်တာကျင်လည်ခဲ့ရာ ကျေးဇူးတစ်စုံတစ်ရာ ရှိခဲ့ဖူးသည့် ကျွန်းမြေလေးကိုလည်း နောင်မလာတော့ဟု
ဖနောင့်သုံးချက်ပေါက်၍လည်း မကြွေးကြော်ခဲ့ပါ....။ကံဇာတ်ဆရာပစ်ချရာနေရာမှာ တတ်နိုင်သ၍ ရေလိုက်ငါးလိုက်၊စိတ်၏စေရာလည်းလိုက်ရင်း သွားလာလှုပ်ရှားနေရသူများမဟုတ်ပါလား....။


ယခုချိန်မှာတော့ စိတ်ပျော်ရာ နေရာဟောင်း၊လမ်းဟောင်း၊ဘ၀ဟောင်းလေးမှာ ပျော်ကာ.....မောကာနှင့်..........။

အိန်ဂျယ်အလင်း.......မြတ်နိုးခြင်းကောင်းကင်.....ယုံကြည်စွာတည်အပ်သောချစ်ခြင်းများ....

" အဝေးဆုံးကြယ်လေးက ကိုယ့်ရင်ထဲမှာတော့ အလင်းတွေ ပြိုးပြိုးပြက်ပြက်...... "

အဝါရောင်မီးမှိန်မှိန်လေး ထွန်းထားသော ကော်ဖီဆိုင်၏မှန်ပြူတင်းမှတစ်ဆင့် ကောင်းကင်ပြင်ဆီသို့ သူမ

ငေးကြည့်နေမိသည်....။ပဲရစ်၏ နွေဦးညကောင်းကင်ယံတွင် ကြယ်ပွင့်လေးများက ပြိုးပြက်တောက်ပနေ

သည်....။ကြယ်တွေကို ငေးကြည့်နေဆဲမှာပင် တောက်ပသောအလင်းတန်းနှင့်အတူ ကြယ်လေးတစ်ပွင့်
ကြွေလွင့်သွားသည်...၊ကြယ်လေးကြွေသွားပုံက အိန်ဂျယ်တစ်ပါး ကမ္ဘာမြေပေါ် သက်ဆင်းလာသည့်
အလား....။

အိန်ဂျယ်......၊ထိုအမည်နာမတစ်ခုကို သူမနှုတ်မှ မရွတ်ဆိုမိသည့်တိုင် ရင်ထဲမှာတော့ တိုးတိတ်ညင်သာစွာ

ရိုက်ခတ်နေတတ်မြဲပင်....။အိန်ဂျယ်သည် ကြယ်ပွင့်လေးတစ်ပွင့်အဖြစ် ဖန်ဆင်းတတ်လေသလား...။သို့
မဟုတ် ကောင်းကင်၌တည်သော ကြယ်လေးတစ်ခုတစ်လေသည်ပင် အိန်ဂျယ်လေလား....။သူမအတွေး
ထဲသို့ အိန်ဂျယ်ဆိုသော ကောင်လေးတစ်ယောက်ဝင်ရောက်လာသည်နှင့် နွေးထွေးမှုကိုခံစားရမြဲ....၊
အိန်ဂျယ်သည် အဝေးဆုံးမှာ ရှိနေလျက်ကပင် သူ၏တောင်ပံများနှင့် သူမနှလုံးအိမ်ကို အုပ်စိုးထားနိုင်ခဲ့
သည်ပဲလေ....။

အေးစက်စပြုနေပြီဖြစ်သော ကော်ဖီကို သူမတစ်ငုံ ငုံလိုက်သည်....။ကော်ဖီတွေသိပ်သောက်နေသလား....
ဆိုသော သူ၏ စိုးရိမ်စကားကို သတိရမိတော့ သူမနှုတ်ခမ်းတွင် အပြုံးတစ်စတွဲခိုသွားသည်။တားမြစ်မှုမ
ပါသော၊နားလည်မှုရှိသော၊ချစ်ခြင်းအားဖြင့်သာဂရုတစိုက်ရှိတတ်သော သူ၏စကားလုံးများသည် သူမရင်
ထဲတွင်စက္ကန့်မလပ် ပဲ့တင်ထပ်နေတတ်မြဲ....။အေးစက်နေသော ကော်ဖီသည် အိန်ဂျယ်၏ချစ်ခြင်းများနှင့်
အတူ နွေးထွေးချိုမြိန်စွာ သူမရင်ထဲသို စီးဆင်းသွားသည်။ခရီးမိုင်တို့၏ ဝေးကွာမှုသည် ချစ်ခြင်းဖြင့် ညွှတ်
ပျောင်းနေသော နှလုံးသားများ၌ ဆံချည်မျှင်သော အကြားအလပ်မျှ အရာမထင်စေနိုင်ခဲ့....။

ကော်ဖီဆိုင်တွင်းဖွင့်ထားသော ဓာတ်စက်မှ Don Williams ၏ I Believe in You သီချင်းသံ တိုးတိုးထွက်
ပေါ်နေသည်...။...I believe in love....... I believe in you...... နှုတ်ခမ်းလေးလှုပ်ရုံ အသံမထွက်ပဲ
 သူမ သီချင်းသံစဉ်ကို လိုက်လံညည်းဆိုနေမိသည်...။ပဲရစ်မြို့ကြီးတွင် တစ်ဦးတည်း ရပ်တည်နေရသည့်
သူမအတွက် အထီးကျန် မနေသည့်တစ်ခုတည်းသောအကြောင်းတစ်ရပ်မှာ သူ၏ချစ်ခြင်းတွင် တည်အပ်
သော ယုံကြည်မှုတစ်ခု သာလျှင်ဖြစ်သည်။ယုံကြည်စွာတည်တန့်နေသော ချစ်ခြင်းတစ်ရပ်၌အဘယ်မည်
သော မျှော်လင့်ချက်တစ်စုံတစ်ရာမှ မပါသည်ကိုတော့ သူမဘာသာ အသိ......။ချစ်ခြင်းတရားဆိုသည်မှာ
သူမအဖို့တော့ ကောင်းကင်ပြာဟိုးအဝေးထက်မှ ကြယ်ဖြူဖြူလေး တစ်ပွင့်ကို ကျေနပ်စွာ ငေးမောကြည့်
နေရုံမျှသာ......။

~~~~~~~~~~~~~~~~~~~~~

" ကြည်စင်ကောင်းကင်က ကိုယ့်နှလုံးသားထဲမှာ နွေးနွေးထွေးထွေး..... "

နွေဦး၏ကမ်းခြေညသည် သူထင်မှတ်ထားသည်ထက် တိတ်ဆိတ်နေသယောင်....၊သူ့နှလုံးအိမ်အတွင်း
မှ ညွှတ်နူးသောချစ်ခြင်းတရားအပေါ်၌ အာရုံတို့ ညွတ်စင်းကျနေ၍လည်းဖြစ်နိုင်ပေသည်သာ။ ကမ်းခြေ
ညကောင်းကင်ယံသည် သူချစ်သော ကောင်းကင် ဟု ခေါ်သည့်ကောင်မလေးတစ်ယောက်ကို သူ့ရင်
တွင်းသို့ ညင်သာစွာ ကိန်းဝပ်တည်ရှိစေတတ်လေ၏။နက်မှောင်နေသော ကောင်းကင်ယံသို့ သူ မော့
ကြည့်နေမိသည်။ကမ်းခြေညကောင်းကင်သည် နက်မှောင်ခိုင်ခန့်စွာ သူ့ကိုအုပ်မိုးထားသည့်တိုင် သူ့
ရင်တွင်းတွင်မတော့ ပကတိပြာလွင်ကြည်စင်နေသည့် ကောင်းကင် တစ်ခုက ရှင်းလင်းလှပစွာ တည်ရှိ
နေလေသည်....။

ကောင်းကင်.......၊ရှင်းရှင်းသန့်သန့်၊ဝင်းဝင်းဖန့်ဖန့်၊မောင့်ရင်ကပ်ပန်းလေး ရယ်........ဟု သူမကြာခဏ
တင်စားခေါ်ဆိုတတ်သည့် ကောင်မလေးတစ်ယောက် သူနှင့်လှမ်းရာ မိုင်အဝေး၌ရောက်နေသည့်တိုင်
အောင် သူ့စိတ်အစဉ်ကတော့ အနီးဆုံးမှာရောက်ရှိနေသည့်နှယ် ခံစားတတ်မြဲ.....။ချစ်သောစိတ်တစ်ခု
သည် မိုင်ကုဋေများစွာကိုပင် ပိုင်းခြားဖြတ်တောက်နိုင်စွမ်းရှိနေခဲ့ပေပြီ....။ချစ်ခြင်းဖြင့်ဖွဲ့တည်သော ဘဝင်
စိတ်ထဲ၌ သူမဘာတွေလုပ်နေမလဲ.....ဘာတွေဖြစ်နေမလဲ....ဆိုသော မေခွန်းများကို မြူမှုန်မျှပင် မရစ်
ထင်စေနိုင်ခဲ့....။ယုံကြည်မှုသည် ချစ်ခြင်း၏အခြားအဓိပ္ပာယ်အဖြစ် ဖွင့်ဆိုသတ်မှတ်ခြင်းခံခဲ့ရပြီးသည့်
နောက် စိတ်အတွေးတို့သည် စမ်းရေပမာကြည်လင်ခဲ့ရလေပြီ....။

" ဘယ်ဆီကိုရောက်လို့နေ......ဘယ်လောက်ပဲဝေးရလည်း.....ဘယ်တော့မှအထီးကျန်မဆန်ခဲ့......၊
ရင်ထဲက တမ်းတလိုက်ရုံလေးနဲ့....ကိုယ့်ဘဝရဲ့နေရာတိုင်းမှာ မင်းရှိတယ်....... "

မလှမ်းမကမ်း ကမ်းခြေမီးပုံပွဲမှ သီချင်းသံသဲ့သဲ့ကို ကြားမိတော့ ကြည်နူးကျေနပ်စွာ သူပြုံးလိုက်မိသည်။
သူ့အတွက်တော့ အဘယ်မည်သော တမ်းတမှုမျှရှိမနေသည့်တိုင် လက်လေးတစ်လှုပ်၊ခြေတစ်ဖြုတ်မှာပင်
စုံမက်စွာမြတ်နိုးရသော ကောင်းကင်တစ်ခု၏ နူးညံ့စွာထွေးပိုက်အုပ်မိုးမှုကို ရရှိမြဲပင်.....။လှုပ်ယိမ်းသွား
သောပန်းလေးတစ်ပွင့်၊နွေးထွေးစွာဖြာစင်းကျတတ်သည့်နေခြည်တန်း၊အေးမြစိုစွတ်သည့်မြက်ဖျားနှင်းစက်
တို့သည် ချစ်သောကောင်းကင်၏အငွေ့အသက်အား သူ၏အနီးဆုံး၌ တည်ရှိစေတတ်ခဲ့ပြီ....။ကောင်းကင်
တစ်မိုးအောက်မှာ ချစ်သောသူနှင့်အတူ  ရှင်သန်နေထုိင်နေရသည်ဟူသော အသိတစ်ခုတည်းသည်ပင်
သူ့ဘဝအတွက် အထီးကျန်စိတ်တို့မှ လွန်မြောက်ရာ သောင်ကျွန်းပင်တည်း....။

စိုစွတ်အေးစက်နေသော သဲသောင်ပြင်ထက်သို့ သူ ပက်လက်လှဲချလိုက်မိသည်....။သူ့မြင်ကွင်းထဲသို့
ဆုံးစမထင်သောကောင်းကင်ယံက ဝင်ရောက်လာသည်။မှိုင်းပြာရီသောကောင်းကင်ပြင်တွင် ကြယ်ပွင့်
လေးများက ဟိုတစ်စ....၊ဒီတစ်စ.....။ချစ်သောကောင်းကင်ကို သူကြည့်နေဆဲမှာပင် ဟိုးအနောက်ဘက်
ယွန်းယွန်းဆီသို့ ကြယ်ပွင့်တစ်စ ကြွေကျသွားသည်....။သူ ဘာဆုမှမတောင်းဖြစ်ပါ...။ယုံကြည်မြတ်နိုး
သောအချစ်တစ်ခုကို ပိုင်ဆိုင်ခဲ့ရပြီးသည့်နောက် ထပ်မံတောင်းအပ်သောဆုမည်သည် မရှိနိုင်တော့....။

 ယုံကြည်စွာတည်အပ်သောချစ်ခြင်းတရားများ၌ ကာလ၊ဒေသအပိုင်းအခြားများသည်လည်းကောင်း၊
လွမ်းမောတမ်းတရသည့်အထီးကျန်ညများသည်လည်းကောင်း၊ရယူပိုင်ဆိုင်လိုသည့် ဆန္ဒရမ္မက်များ
သည်လည်းကောင်း၊အခြားတစ်စုံတစ်ရာသောဖြစ်တည်မှုများသည်လည်းကောင်း အဏုမြူမှုန်မျှပင်
ထင်ရှားခြင်းမရှိနိုင်....၊မြတ်နိုး၊ယုံကြည်ချစ်ခင်ကြသူနှစ်ဦးအတွက်တော့ အချစ်ဆိုသည်မှာဆေးမှင်ဖြူ
တစ်စက်ပင်ထင်ကျန်ခြင်းမရှိသော ပကတိကြည်ကြည်စင်စင်.........။

ဓားများ.......

 ဓာတ်ပုံ- ဂူးဂဲ

" ခင်ဗျားတို့ဆီမှာ တန်ဖိုးအနဲဆုံးအကြွေစေ့လေးတွေရှိသလားဗျ...၊ရှိရင် ကျွန်တော့်ကို တစ်ယောက်တစ်
စေ့ဆီ ပေးလို့ရမလား...... "

ကိုလင်းသစ်၏စကားအဆုံးမှာတော့ ကျွန်တော်နှင့် ကိုထွန်းတို့နှစ်ဦး ပိုက်ဆံအိတ်ကိုယ်ဆီဖွင့်လို့အလုပ်
ရှုပ်သွားရသည်။ဟိုးအဝေးဥရောပတိုင်းပြည်တစ်ခုမှအလည်လာသောသူမို့ ဒီနိုင်ငံ၏ငွေအကြွေလေးများကို
အမှတ်တရ သိမ်းစည်းလိုသည်ဟုပဲထင်လိုက်မိကြသည်။

" တန်ဖိုးအနဲဆုံးကတော့ဆယ်ပြားစေ့ပဲရှိတယ်ဗျ...၊ငါးပြားစေ့ကတော့ အိမ်မှာရှိလိမ့်မယ်၊အမှတ်တရသိမ်း
ထားဖို့လား....၊ရှာထားပေးမယ်လေ... "

" ဒီလိုဗျ....၊ကျွန်တော် စောစောတုန်းက ခင်ဗျားတို့နှစ်ယောက်ကို ဆွိစ်မောင်းချဓားလေးတွေလက်ဆောင်
ပေးပါရောလား....၊ကျွန်တော်နေတဲ့နိုင်ငံမှာ အယူ၊ဓလေ့ လေးတစ်ခုရှိတယ်..၊ခုလိုမျိုး တစ်ယောက်ယောက်
ကိုဓားပေးတယ်ဆိုတာ အဲဒီနှစ်ယောက်အကြားက သံယောဇဉ်၊ခင်မင်မှုကြိုးလေးတွေကို ဖြတ်တောက်
လိုက်တယ်ဆိုတဲ့ သဘောသက်ရောက်တယ်တဲ့ဗျ...၊ဒီတော့ ခင်မင်မှုနဲ့ ဓားပေးတယ်ဆိုရင်တောင် အဲဒီ
အဓိပ္ပာယ်မသက်ရောက်သွားစေရအောင် ကိုယ်လက်ဆောင်ပေးတဲ့သူဆီက စတိသဘောငွေနဲနဲပြန်ယူ
တတ်တယ်၊ဆိုလိုတာကတော့ဗျာ.... ဓားကိုလက်ဆောင်ပေးတာမဟုတ်ဘူး...ရောင်းလိုက်တယ်ပေါ့.....။
ဒါကြောင့် ခင်ဗျားတို့ဆီက စတိငွေပြန်တောင်းတာပါ...၊ဘာရယ်တော့လည်း မဟုတ်ဘူးပေါ့ဗျာ..... "

ကိုလင်းသစ်စကားအဆုံးမှာတော့ ကျွန်တော့်အတွေးများက စကားဝိုင်းဆီမှ တစ်ခဏတာမျှပြေးထွက်သွား
ခဲ့သည်....။ဟုတ်သည်ပေါ့....၊ဓားဆိုသည်က တစ်စုံတစ်ရာကို ဖြတ်တောက်၊ပိုင်းခြားတတ်သည့် သတ္တိ၊
သဘာဝရှိသည်ပဲ.....။ပြီး ဓားဟူသည် လက်ဆောင်ပေးလေ့ပေးထ ရှိလှသည်မဟုတ်...။သို့သော် ကျွန်
တော့်ဘဝတစ်လျှောက်တွင်မတော့ ဓားလက်ဆောင်များသည် စိတ်ရင်ပြင်၌ ထင်ထင်ရှားရှားရှိနေတတ်
လေသည်....။

ကျွန်တော့်အတွက်ပထမဆုံး ဓားလက်ဆောင်ကို ပေးလာသူကတော့ ကျွန်တော့်မေမေကိုယ်တိုင်ပင်....။
ကျွန်တော်ရှစ်တန်းကျောင်းသားဘဝ၊တစ်ခုသော ဆောင်းတစ်လတွင် မေမေ သူ့ဇာတိရပ်ရွာသို့ ခေတ္တ
ပြန်သွားခဲ့သည်။မွေးဇာတိသို့ တစ်နှစ်တစ်ခေါက်ပြန်နေကျဖြစ်သောမေမေသည် ပုံမှန်အားဖြင့်တော့ သူ၏
အိမ်ပြန်ခရီးတွင် မြေလတ်ဒေသထွက်စားသောက်ဖွယ်ရာများကိုသာ သယ်ဆောင်လာတတ်စမြဲပင်...။
ကျွန်တော်တို့အတွက် မုန့်ပဲသရေစာလေးများမှလွဲ၍ အခြားမျှော်လင့်စရာမရှိလှပါ...။သို့သော် ထိုနှစ်မှာ
တော့ မေမေက ကျွန်တော့်ကို .... ရော့..သားအတွက်.... ဟုဆိုကာ နှစ်တောင်သာသာမျှရှည်၍ ကျပ်လုံး
ခန့်လုံးပတ်ရှိသော သစ်သားတုတ်လေးတစ်ချောင်းလက်ဆောင်ပေးခဲ့သည်....။

သာမန်ကြည့်လိုက်လျှင်တော့ ထိုသစ်သားချောင်းလေးသည် ရိုးရိုးတုတ်ချောင်းလေးတစ်ခုဟုထင်စရာရှိ
ပေ၏။သို့သော် ထိုသစ်သားချောင်းလေး၏ လေးပုံတစ်ပုံခန့်တွင် အဆက်ရာလေးတစ်ခုကိုသေချာကြည့်မှ
တွေ့နိုင်ပေလိမ့်မည်..၊ထိုအဆက်ရာလေးမှ လှည့်ဖြုတ်လိုက်ပါက တစ်ပေခန့်ရှည်မည့် ဓားလေးတစ်ချောင်း
ထွက်လာမည်ဖြစ်သည်..။သိုင်းစာအုပ်များနှင့်ပျော်မွေ့နေတတ်သော ရှစ်တန်းကျောင်းသားလေးကျွန်တော့်
အတွက်တော့ ထို တုတ်ဓား လေးသည် နှစ်သက်မြတ်နိုးဖွယ်ရာ အဆောင်အယောင်လေးတစ်ခု၊ကစားစ
ရာလေးတစ်ခုဖြစ်လာခဲ့သည်...။ညရေးညတာများတွင် အရေးအကြောင်းဆို အသုံးပြုနိုင်စေဖို့ ကျွန်တော့်
ကုတင်ခေါင်းရင်းတွင် အမြဲတစေထား ထားခဲ့သည်မှာ ယခုကျွန်တော်ပြည်ပသို့ရောက်နေသည့်တိုင်ပင်....။
အေးချမ်းလှသော ကျွန်တော်တို့မြို့လေးတွင် အမှုအခင်းကြီးကြီးမားမားမကြုံတွေ့ရသည့်အတွက် ထိုဓား
လေးအား ကျွန်တော်အသုံးချခွင့်မရှိခဲ့ပါချေ...။သို့တိုင်အောင် ဓားလေးအား သတိရတိုင်း သံချေးမတက်
စေဖို့ အုန်းဆီလေးများသုတ်လိမ်းပေးတတ်လေ့ရှိသည်။တစ်ခါတစ်ရံ ဓားသွေးကျောက်ဖြင့်သွေးပေးလေ့
ရှိသည်။ထိုဓားလေးကို ကျွန်တော်ချစ်သည်။၊ဓားလေးနှင့်မေမေသည် ကျွန်တော့်အတွက် ခွန်အားနှင့်ယုံ
ကြည်စိတ်ချရမှုကိုပေးသော အားကိုးရာများပင်......။

~~~~~~~~~~~~~~~~~~~~~~~~~

ကျွန်တော့်အသက် ၁၈နှစ်ပြည့်သော မွေးနေ့တွင်ဖြစ်သည်...။ရှေးရိုးမြန်မာဆန်သော ကျွန်တော်တို့မိသား
စုတွင် မွေးနေ့ပွဲဟူ၍ထွေထွေထူးထူးလုပ်လေ့မရှိကြပါ။မွေးနေ့လက်ဆောင်ဟူ၍လည်း မိသားစုထဲတွင်
မည်သူကမျှ မည်သူ့ကိုမျှ ပေးရိုးထုံးစံမရှိပါပေ။ပုံမှန်အားဖြင့်ဆိုလျှင်တော့ မိသားစုဝင်တစ်ဦးဦး၏မွေးနေ့
ရောက်ပါက ဘုန်းကြီးကျောင်းသို့ ဆွမ်းချိုင့်ပို့ခြင်းလောက်၊အိမ်တွင် မုန့်ဟင်းခါး သို့မဟုတ် အုန်းထမင်း
ချက်စားခြင်းလောက်သာရှိသည်။ကျွန်တော့် ၁၈နှစ်ပြည့်မွေးနေ့သည်လည်း ထိုကဲ့သို့ပင် ရိုးရှင်းစွာကျော်
ဖြတ်ခဲ့ပါသည်။ထိုနေ့နေ့လည်ခင်းတွင် အိမ်ရှေ့ခန်း၌ ဖျာလေးခင်းပြီး စာအုပ်တစ်အုပ်နှင့် ကျွန်တော် ဇိမ်
ကျနေချိန်တွင် ဈေးမှပြန်လာသော ကျွန်တော့်အစ်မ မှ.... ရော့....မောင်လေး...နင့်အတွက်မွေးနေ့လက်
ဆောင်..... ဟု့ဆိုကာ လက်လေးလုံးခန့်သာသာ ကော်ဘူးလေးတစ်ဘူး ပေးလာခဲ့သည်...။

မွေးနေ့ပေါင်းဆယ့်ရှစ်ခုတိတိကိုဖြတ်သန်းခဲ့ပြီးသည့်တိုင်အောင် မည်သည့်မွေးနေ့လက်ဆောင်မှ မည်သူ့
ဆီကမှ မရဖူးသောကျွန်တော့်အတွက် အံသြဝမ်းသာဖြစ်ခဲ့ရသည်...။ဘူးလေးထဲတွင်မတော့ တရုတ်နိုင်ငံ
ထုတ် သော့ချိတ်လေးတစ်ခု....၊သော့ချိတ်လေး၏တစ်ဘက်မှာ ရွေရောင်ကြိုးလေးနှင့်တွဲထားသည့် မောင်း
ချဓား ပါးပါးသေးသေးလေးတစ်ခု.....။ခလုပ်လေးနှိပ်လိုက်လျှင် ဖြတ်ကနဲပွင့်သွားသော ထိုမောင်းချဓား
လေးသည် ခဲတံချွန်နိုင်လောက်သည်ကလွဲလို့ အခြားဘာမှ အသုံးမဝင်ပါ....။သော့ချိတ်တွင်လည်း ချိတ်
ထားစရာသော့မယ်မယ်ရရမရှိသော ကျွန်တော့်အတွက် အဆိုပါ မွေးနေ့လက်ဆောင်လေးကို စာကြည့်
စားပွဲ အံဆွဲထဲတွင် တရိုတသေ သိမ်းထားခဲ့သည်။နှစ်ပေါင်းများစွာကြာလာပြီးသည့်နောက် သော့ချိတ်
လေးလည်း ရွေရောင်များလွင့်ပြယ်သွားခဲ့ပြီ....။ဓားကလေးလည်း ခလုပ်ဖွင့်မရတော့ပဲ သံချေးကိုက်သွား
ခဲ့ပြီ...။သို့တိုင်အောင် ထိုဓားသော့ချိတ်လေးသည် ကျွန်တော့်မွေးနေ့ပေါင်း ၃၀ကျော်လာသည့်တိုင်
စာကြည့်စာပွဲအံဆွဲထဲတွင် သူ့ဘူးလေးနှင့်အတူ ငြိမ်သက်စွာလဲလျောင်းနေမြဲပင်...။ဟုတ်ပါသည်.....။ ကျွန်တော့်အတွက်တော့ အဆိုပါ သာမန် အလှမောင်းချဓားလေးတစ်လက်ထဲတွင် ညီအကိုမောင်နှမ
အကြား စီးဆင်းနေသော သံယောဇဉ်၊ရိုင်းပင်းဖေးမမှု၊မွေးဖွားကြီးပြင်းလာခြင်းအတွက်အသိအမှတ်ပြုမှု
အမှတ်တရများစွာ ပေါင်းစပ်ပါဝင်နေခဲ့ပါသည်....။

 ~~~~~~~~~~~~~~~~~~~~~~~~~

 ကျွန်တော့်မေမေတွင် စုစုပေါင်းမောင်နှမရှစ်ယောက်ရှိရာ မေမေက တတိယမြောက်သမီးကြီးဖြစ်သည်။

သူ့အထက်တွင်မတော့ အကိုနှစ်ယောက်။ထိုအကိုနှစ်ယောက်နှင့် မေမေက တစ်နှစ်ကြီးတစ်နှစ်ငယ်တွေ

ဖြစ်ကြသည်။မေမေ့အောက်ကျန်ငါးယောက်နှင့်တော့ အသက်ကွာသွားကြသည်။ဆိုတော့ မေမေနှင့် ထို

အကိုနှစ်ယောက်သည် ဆော့ဖော်ဆော့ဖက်လည်းဖြစ်သည်။အခြားမောင်နှမတွေထက်လည်း ပိုခင်မင်

တတ်ကြသည်။အကိုအကြီးဆုံးက ငယ်ငယ်ရွယ်ရွယ်နှင့်အိမ်ထောင်ကျသွားလေသည်။သူအိမ်ထောင်ကျ

တော့ ၁၈နှစ်ပင်မပြည့်တတ်သေးတဲ့....။သူ့သားဦးက ယောင်္ကျားလေး...။မြေးဦးလေးဆိုတော့ မေမေ့

အမေ၊ကျွန်တော့်အဖွားက အချစ်ပိုသည်။ပိုဆိုးသည်က အကိုအကြီးဆုံးသည် ငယ်ငယ်ရွယ်ရွယ်မှာပင်

အရက်ကြောင့် လူ့လောကကြီးကို ကျောခိုင်းသွားလေတော့သည်...။ဖတဆိုးလေးဖြစ်သော သူ့သားလေး

ကို အားလုံးကပိုလို့တိုးပြီးအချစ်ပိုရသည်ပေါ့....။အဖွားကလည်း ဖူးဖူးမှုတ်ထားသလို၊အဒေါ်အကြီးဆုံး

ဖြစ်သော ကျွန်တော့်အမေ၏အသဲကျော်လေးလည်းဖြစ်သည်။

ထို ကျွန်တော့်ဝမ်းကွဲအကိုသည် သူ၁၈နှစ်ပြည့်သည်နှင့် တပ်မတော်ထဲဝင်သွားလေသည်။အဖွားဖြစ်သူက

လုံးဝသဘောမတူ၊စစ်သားစုဆောင်းရေးတပ်ရှေ့တွင် သူ့မြေးကိုပြန်မပေးမချင်းမထဟုဆိုကာ ငုတ်တုတ်

ထိုင်နေသည်ဆို၏။နောက်ဆုံး တပ်မှအရာရှိတွေက စစ်သားလောင်းလေးကျွန်တော့်အကိုဝမ်းကွဲကို ချော့

မော့ပြီး အဖွားနှင့်ပြန့်ထည့်ပေးလိုက်သည်။အင်မတန်မှစစ်သားဖြစ်ချင်သောကျွန်တော့်အကိုကလည်း

ရက်အတန်ကြာတော့ အဖွားအိမ်မှ ထွက်ပြေးကာ စစ်ထဲဝင်ပြန်သည်။အဖွားကတစ်ခါလိုက်ခေါ်ပြန်၏။

အရာရှိတွေကလည်း (ဟိုတုန်းကတော့ ) အုပ်ထိန်းသူကသဘောမတူသဖြင့် ပြန်ထည့်ပေးလိုက်ပြန်သည်။

ထိုသို့ သုံးလေးခါ ဝိုင်းကြီးပတ်လည် လည်နေပြီး နောက်ဆုံးမှာတော့အဖွားလည်း လက်လျော့လိုက်ရ

လေတော့သည်...။

ကျွန်တော့်အကိုဝမ်းကွဲစစ်သားလေးသည် နိုင်ငံအနှံတိုင်းပြည်တာဝန်များထမ်းဆောင်နေရင်းမှ အချိန်

ရလျှင်ရသလို၊လမ်းကြုံလျှင်ကြုံသလို သူ့ဂျီးဒေါ်၊ကျွန်တော့်အမေထံသို့ မကြာခဏဆိုသလို အလည်

လာလေ့ရှိသည်။အလည်လာသည့်အခါတိုင်းလည်း သူရောက်ရာဒေသမှ ဒေသထွက်လက်ဆောင်လေး

များ မေမေ့အတွက်ဝယ်လာလေ့ရှိသည်။မေမေကလည်း သူပြန်သည့်အခါတိုင်း သူ့အတွက် ငပိကြော်၊
ငါးခြောက်ကြော်များ၊ပုဆိုး၊အကျီ င်္လေးများ ပြန်ထည့်ပေးလိုက်စမြဲ....။

နှစ်ကာလကြာမြင့်လာသည့်နောက် သူလည်း သာမန်စစ်သားလေးဘဝမှ  တပ်ကြပ်၊ဒုတပ်ကြပ်၊ထိုမှ

တစ်ဆင့် တပ်ကြပ်ကြီးတစ်ဦးဖြစ်လာခဲ့ပြီ...။ကံကြမ္မာအလှည့်တစ်ကွေ့တွင် သူသည် တပ်မတော်ထောက်

လှမ်းတပ်ထဲသို့ရောက်သွားတော့သည်။အရှင်မွေးတော့နေချင်းကြီးသည်ပေါ့....၊အသောက်အစားလည်း

ကင်း၊မိန်းမလည်းမရသေးသော၊အထက်လူကြီးချစ်ခင်သည့် ကျွန်တော့်အကိုဝမ်းကွဲသည် ယခင်ကလို

နွမ်းနွမ်းပါးပါးမဟုတ်တော့...၊သို့တိုင်အောင် သူ၏ကျွန်တော်တို့မိသားစုအပေါ်ထားရှိသော သံယောဇဉ်၊

ချစ်ခြင်းတရားတို့သည် ပြောင်းလဲမသွား..၊အရင်အတိုင်းပင် ကြုံလျှင်ကြုံသလို အလည်အပတ်လာရောက်

မြဲ၊အရင်ကလိုပင် သူ့ဂျီးဒေါ်ကြီးအပေါ်ရိုကျိုးမြဲ...၊

တစ်ရက်တွင်မတော့ သူကျွန်တော်တို့အိမ်သ်ို့အလည်အပတ်ရောက်လာသည်။နိုင်ငံခြားခရီးစဉ်တစ်ခုမှ

ပြန်ရောက်လာကာစဖြစ်သည်။ထုံးစံအတိုင်း မေ့မေ့အတွက် နိုင်ငံရပ်ခြားမှ ကောင်းနိုးရာရာလက်ဆောင်

ပစ္စည်းလေးများပါလာသည်။မေမေ့အတွက်သာမဟုတ်...၊ကျွန်တော့်အတွက်လည်း လက်ဆောင်ပစ္စည်း

လေးတစ်ခုပါလာခဲ့သည်...။ထိုလက်ဆောင်ပစ္စည်လေးကတော့ သားရေဓားအိမ်လေးထဲထည့်ထားသော

သံမဏိရောင်ပြောင်လက်နေသည့် ဓားမြှောင်လေးတစ်ချောင်းပင်....။စစ်သားစစ်စစ်ဖြစ်သောကျွန်တော့်

အကိုမှာ စစ်သားသုံးပစ္စည်းလေးများကိုမက်မက်မောမောရှိလှသူဖြစ်သည်။သူမက်မောသောပစ္စည်းတစ်ခု

ကို ကျွန်တော့်အတွက်လက်ဆောင်ပေးလာသောအခါ ကျွန်တော်လည်း ကျေနပ်မဆုံးဖြစ်ခဲ့ရသည်။

ထိုဓားမြှောင်ကလေးကို အိမ်ရှေ့မှန်ဗီဒိုထဲတွင် အလှဆင်ပစ္စည်းလေးတစ်ခုသဖွယ် တယုတယသိမ်းစည်း

ထားခဲ့သည်မှာ ယနေ့ထက်တိုင်.....။ယခုတော့ ကျွန်တော့်အကိုလည်း နိမ့်မြင့်၊တက်ကျ၊လောကဓံတရား

၏ကျီစားမှုအောက်မှာ အလူးအလဲ....။ပြိုလဲသွားသောအဖွဲ့အစည်းတစ်ခုနှင့်အတူ သူလည်း သာမန်အရပ်

သားတစ်ဦးဖြစ်သွားလေပြီ...၊မိန်းမလည်းရသွားပြီ...။အောက်ပြည်အောက်ရွာတစ်နေရာတွင် သာမန်ဈေး

သည်လေးဘဝဖြင့်သူ့ဘဝ၊သူ့မိသားစုကို ကောင်းမွန်အေးချမ်းစွာလုပ်ကိုင်ကျွေးမွေးနေလေပြီ။ဝေးကွာ

လှသောအရပ်ဒေသတွင် မိသားစုအခြေကျ၊ရုန်းကန်နေရပြီမို့ ယခင်ကလိုဖြင့် ကျွန်တော်တို့ထံအလည်

အပတ်မလာနိုင်ရှာတော့...၊သို့တိုင်အောင် လူကြုံရှိလျှင်ရှိသလို သူတို့မိသားစုသတင်းစကားနှင့်အတူ

လက်ဆောင်ပစ္စည်းလေးတွေ ပို့တတ်လေ့ရှိသည်။ကျွန်တော့်မေမေသည်လည်း သူ့တူကြီးအား သတိ

တရနှင့် တစ်ဖွဖွပြောတတ်စမြဲ...၊ကျွန်တော်သည်လည်း မှန်ဗီဒိုအတွင်းငြိမ်သက်စွာလဲလျောင်းနေသော

သံမဏိဓားမြှောင်လေးကိုမြင်သည့်အခါတိုင်း ဆွေမျိုးသံယောဇဉ်ကြီးလှသည့် အကိုဝမ်းကွဲတစ်ဦးကို

သတိတရရှိစမြဲသာ.....။

~~~~~~~~~~~~~~

ယခုလည်း ကျွန်တော့်လက်ထဲတွင် လှပသေသပ်သော နှစ်သက်စရာ လက်ဆောင်ပစ္စည်းလေးတစ်ခု

ရောက်ရှိနေပြီဖြစ်သည်။အနီရင့်ရောင် နာမည်ကျော်ဆွိစ်မောင်းချဓားလေးတစ်လက်ဖြစ်သည်။စကားလုံး
များမှတစ်ဆင့်၊မမြင်ရသောလှိုင်းများထက်မှတစ်ဆင့်  လူချင်းမမြင်ရသည့်တိုင် ခင်မင်ရင်းစွဲရှိနေသော
မိတ်ဆွေတစ်ဦးထံမှ ပေးလာသောလက်ဆောင်ဓားလေးတစ်လက်....။


ဟုတ်ပါသည်....။ဓားဟူသည် တစ်စုံတစ်ရာကို ဖြတ်တောက်၊ပိုင်းခြားတတ်သည့် သတ္တိ၊သဘာဝရှိပါသည်။
တစ်ချို့သော နိုင်ငံများတွင် ဓားတစ်လက်၏သဘောသဘာဝကို အတိတ်နိမိတ်ယူ၍ ဓားလက်ဆောင်ပေး
ခြင်းသည် ထားရှိအပ်သော သံယောဇဉ်ကို ပိုင်းခြားဖြတ်တောက်ခြင်း ဟု ယူဆကောင်းယူဆကြပါလိမ့်
မည်....။သို့သော် ဓားတစ်လက်သည် ပိုင်းခြားဖြတ်တောက်ခြင်းကိုသာမက ထိုးစိုက်နစ်ဝင်ခြင်းကိုလည်း
ပြုလုပ်တတ်ပေသည်။

ဓားများသည် ကျွန်တော့်အတွက်မတော့ ကျွန်တော့်နှလုံးသားအတွင်း ချစ်ခြင်းမေတ္တာ၊အမှတ်တရ၊အသိ
အမှတ်ပြုမှုများ နှင့်အတူ မိဘ၊မောင်နှမ၊ဆွေမျိုး၊မိတ်ဆွေများ၏သံယောဇဉ်များကို နစ်နစ်နဲနဲထိုးစိုက်တတ်
ကြလေသည်...။စူးနစ်ဝင်ရောက်သွားသော ဓားလက်ဆောင်များကြောင့် ကျွန်တော့်နှလုံးအိမ်အတွင်းမှ
ညွတ်နူး၊ကျေနပ်မှုဟူသော သွေးစိမ်းရှင်ရှင်တို့ စိမ့်ထွက်လာတတ်စမြဲပင်တည်း...........။

ဘန်ကောက်သို့ (သိမ်း)

နောက်တစ်နေ့မနက်မှာတော့ ကိုယ်တို့ ဟွာဟင်း(Hau Hin )ပင်လယ်ကမ်းခြေဘက် ထွက်ခဲ့ကြတယ်။
ဟွာဟင်း ကို လူတွေသိပ်မသိကြဘူး၊လူသိများတာက ပတ္တရားနဲ့ဖူးခက်ပဲ...။ဟွာဟင်းနဲ့ ပတ္တရားက ထိုင်း
ပင်လယ်ကွေ့ရဲ့ ဟိုမှာဘက်ကမ်းနဲ့ ဒီဘက်ကမ်း...။မျက်နှာချင်းဆိုင်ဆိုပါတော့....။ဟွာဟင်းဟာတကယ်
လှတဲ့ ကမ်းခြေပါပဲ။ဒါပေမယ့် သူက အရှေ့ဘက်ကိုမျက်နှာမူထားတော့ နေဝင်ဆည်းဆာအလှကိုမခံစားရ
ဘူး....၊အဲ့ဒါတစ်ခုက ပတ္တရားတို့၊ဖူးခက်တို့နဲ့ ကွာသွားတဲ့အချက်ပါပဲ...။

ဘန်ကောက်နဲ့ ဟွာဟင်း ကို ၃နာရီကျော်ကျော်ကြာအောင် ကားစီးရပါတယ်....၊၁၂ယောက်စီးမီနီဘတ်စ်
အသေးလေးနဲ့ပါ၊အဲ့ကားလေးတွေက  နဲနဲတော့ကျဉ်းကျဉ်းကျုတ်ကျုတ်နိုင်တယ်...၊ကလတ်လို ဒူးရှည်တဲ့
သူဆို ပိုဒုက္ခရောက်သပေါ့...။ကိုယ်တွေကတော့ အေးဆေးပါပဲ...၊လမ်းမှာ ကား ဆီဖြည့်ဖို့တစ်ခါပဲရပ်ပါ
တယ်...။ဆီဆိုင်မှာလည်း ဈေးသည်လေးတွေရှိတယ်...၊ဆိုင်လေးတွေက သပ်သပ်ရပ်ရပ်လေးတွေနဲ့ ဝယ်
စားချင်စရာကောင်းလှတယ်..၊မှိုကြော်တွေ့တယ်...၊မှိုကို ဆန်နှစ်နဲ့ဘူးသီးကြော်များကြော်သလိုကြော်ထား
တာရယ်...၊သိပ်စားလို့ကောင်းတယ်...၊တစ်ရက်တော့ ကွကိုကြော်စားကြည့်ဦးမယ်...။နောက် နှင်းသီးတွေ
သင်္ဘောသီးတွေလည်း ဝယ်စားခဲ့ရဲ့....။

 ဆီဆိုင်ဝန်းထဲက ဈေးဆိုင်လေး...၊ထန်းသီးဆံလေးများမစားချင်ဘူးလား ရဲဘော်....

ခရီးသွားရင် လမ်းမှာတွေ့လေရာ၊ကြုံလေရာ ဝယ်စားတတ်တာ ငယ်ကတည်းကအကျင့်ပဲ...၊အမေတို့က
တော့ ဆူသပေါ့၊ဝယ်စားခွင့်လည်းမပေးဘူးရယ်...၊မှတ်မိသေးတယ်...၊၈တန်းလောက်က နွေရာသီကျောင်း
ပိတ်တော့ အမေရယ်၊အစ်မရယ်၊ကိုယ်ရယ် တောင်ငူက အမျိုးတွေဆီသွားလည်ပါရော...။ဘီအမ်ကားကြီး
နဲ့ပေါ့...၊ဟိုတုန်းကတော့ ရန်ကုန်-တောင်ငူကို နေကုန်အောင်မောင်းရတာ....။ကားပေါ်မှာ အမေနဲ့အစ်မ
နဲ့က နှစ်ခုံတွဲခုံမှာအတူထိုင်ကြတယ်၊ကိုယ်က အခြားခရီးသည်အဒေါ်ကြီးနဲ့ တစ်ဘက်ခြမ်းမှာထိုင်ရတယ်။
အလယ်မှာလည်း မတ်တပ်ခရီးသည်တွေရော၊ကုန်စည်စလှယ်တွေနဲ့ရောဆိုတော့ အမေတို့က ကိုယ့်ကို
လှမ်းမမြင်ရတော့ဘူး...၊ဒီတော့ဘာပြောကောင်းမလဲ...၊လမ်းမှာတွေ့သမျှ မုန့်သည်ဆီက ကြုံသမျှ မုန့်
ဝယ်စားတာပဲ...၊ကြံရည်လည်းပါ၊အကြော်လည်းပါ၊ငုံးဥလည်းပါ...၊ဘာမှကိုမလွတ်တာ...။

ပြောရရင် ဟိုတုန်းကခရီးသွားရတာပျော်စရာကောင်းတယ်...၊ရောက်လေရာမြိုမှာ ကားရပ်ပြီးခရီးသည်
အတင်၊အချ လုပ်ကြတာကိုး...၊ခေါင်းရွက်ဗျက်ထိုးဈေးသည်တွေဆိုတာကလည်း တစ်ယောက်တစ်မျိုး
မရိုးစေရဘူး...၊သူ့မြို့နဲ့သူ ဖေးဘရိတ်အစားအစာတွေကလည်းရှိသေး၊ဥပမာ ပဲခူးပုစွန်ချဉ်ဆို နာမည်ကြီး၊
ခုခေတ်လိုနာမည်ကြီးတာတော့မဟုတ်...၊အိမ်ရောက်လို့ဖြည်လိုက်ရင် ဖက်ချည်းတွေ့ရပြီး အထဲမှာ ပုစွန်
က နဲနဲလေးရယ်...၊အဲ့ဒါမျိုးတွေ...၊နောက် ငါးပိ ငါးခြောက်နာမည်ကြီးတဲ့မြို့ရှိသေးတယ်...၊ဝယ်လာခဲ့ဖူး
တယ်...၊ငါးရံ့ငပိဘူးကြီး...၊အပေါ်ရံလေးတင် ငါးရံရှိတယ်...အထဲမှာက ငါးခေါင်းချည်းရယ်...၊အဲ့သလို...၊
ခုတော့ အမြန်လမ်းမကြီးကနေ တစ်ညလုံးမောင်း...၊လမ်းမှာ ၂ခါလားပဲရပ်၊ရပ်တဲ့အချိန်ကလည်း အချိ်န်
မတော် ညသန်းခေါင်တို့၊မနက် ၂နာရီတို့ဆိုတော့ တစ်လမ်းလုံး ဘာရှုခင်းမှလည်းမကြည့်ရ၊ဘာမှလည်း
ဝယ်မစားရဘူး..၊ကားပေါ်မှာ မုန့်စားရတဲ့အရသာကို စားဖူးမှသိတာကလား...။

ကဲ....ထားတော့....ဟွာဟင်းမရောက်ပဲ တောင်ငူရောက်သွားဦးမယ်...၊အဲ့လိုပဲ...လိုရင်းမရောက်ပဲ ဘေး
ချော်တာကတော့ ထုံးစံ..၊ပြောရရင် စာရေးကောင်းတဲ့သဘောတွေပေါ့လေ.... :)))။အဲ့လိုနဲ့ နေ့လည်
၃နာရီလောက် ကမ်းခြေရောက်သွားတယ်။တည်းခိုခန်းတစ်ခုဝင်ပြီး အခန်းငှားတယ်...၊ပိတ်ရက်ဆိုတော့ တစ်ခန်းပဲကျန်တော့တယ်...၊အခြားဟိုတယ်တွေလည်း လိုက်မကြည့်နိုင်တော့ဘူး...၊ဈေးနဲနဲများတယ်
ထင်တာပဲ..၊နှစ်ယောက်အိပ်ခုတင်မှာ သုံးယောက်အိပ်လို့ရပေမယ့် စဘိုင်...စဘိုင် မဖြစ်ဘူးဆိုပြီး အိပ်
ယာအပိုတစ်ခု ထပ်ထည့်ခိုင်းရတယ်..၊အလကားတော့မရဘူးပေါ့...၊အင်း....ခုလိုဆိုတော့လည်း စဘိုင်
စဘိုင်ဖြစ်သွားတယ်ဆိုပါတော့...... :))))။

အဲ့တည်းခိုခန်းကမဆိုးဘူး...၊အပေါ်ထပ်မှာ ဝရန်တာအကျယ်ကြီးတစ်ခုပါတယ်...၊စားပွဲ၊ကုလားထိုင်တွေ
ချပေးထားတယ်...၊ကိုယ့်ဘာသာအပြင်ကဝယ်လာပြီး သောက်စားလို့ရတော့ ဟန်ကျသပေါ့...။အထုတ်
အပိုးတွေချပြီး ဟွာဟင်းမြို့လေးထဲ လျှောက်ကြည့်ကြတယ်...၊မြို့လေးက ခပ်သေးသေးပါပဲ...၊ခရီးသွား
လုပ်ငန်းနဲ့အသက်မွေးတဲ့မြို့ဆိုတော့ တစ်မြို့လုံး ဈေးဆိုင်တွေချည်းရယ်...၊မြို့လေးက သပ်သပ်ခပ်ခပ်
နဲ့ ချစ်စရာလေးပါ...၊မြို့လေးက ကလေးလေးတစ်ယောက်ကို ရေမိုးချိုး၊သနပ်ခါးလူးပေးထားတဲ့ပုံစံမျိုး
သန့်သန့်ရှင်းရှင်းလေး....။

ကမ်းခြေကိုမေးတင်ထားတဲ့ဆိုင်တွေဘက် လျှောက်ကြည့်ကြတယ်...၊ဗိုက်ဆာလာတော့ တွေ့ရာဆိုင်
ဝင်ထိုင်ပြီး စားလိုက်တာပေါ့လေ...၊ကိုယ်တွေဝင်ထိုင်တဲ့ဆိုင်က နဲနဲ ခန်းခန်းနားနားရှိတယ်။စားပွဲထိုးတွေ
ဘာတွေကလည်း ဝတ်စုံနဲ့ဘာနဲ့...၊ကိုယ်တွေက အဲ့လိုဆိုင်မျိုးထိုင်ချင်တာမဟုတ်...၊ကမ်းခြေမှာ ခုံပုလေး
တွေ၊ထီးလေးတွေ နဲ့ဆိုင်မှာထိုင်ချင်တာ...၊ဒါနဲ့ပဲ အဲ့ဆိုင်မှာ နဲနဲပဲ စားသောက်ပြီး ထွက်လာခဲ့ကြတယ်...။

အခြားတစ်ဘက်ခြမ်းကို လျှောက်လာတော့မှ ကိုယ်တွေထိုင်ချင်တဲ့ ဆိုင်မျိုးလေးတွေ တန်းစီဖွင့်ထားတဲ့
ဘက်ကိုရောက်သွားတယ်...၊လွတ်လပ်တဲ့၊အေးချမ်းတဲ့ ပင်လယ်ပြင်ကြီးနဲ့အတူပေါ့....။ပင်လယ်ရဲ့ဆွဲ
ဆောင်မှုကို ကိုယ် ကြာကြာအံမတုနိုင်ပါဘူး...၊အဝတ်အစားတွေချွတ်ပြီး ပင်လယ်ထဲပြေးဆင်းမိတယ်..။
မှောင်စပျိုးပြီဖြစ်ပေမယ့် ပင်လယ်ရေဟာနွေးထွေးနေဆဲပါ...။ကိုယ်သိပ်သဘောကျတဲ့ လှိုင်းခေါင်းဖြူဖြူ
တွေကလည်း ပင်လယ်စည်းချက်နဲ့အတူ ကမ်းခြေကို တစ်ဝုန်းဝုန်းနဲ့ ရိုက်ခတ်နေလေရဲ့....။

အတော်မှောင်လာတော့မှ ပြန်လာခဲ့ကြတယ်..၊လမ်းမှာ လမ်းဘေးအကင်ဆိုင်လေးကနေ အကင်တွေ
ဝယ်တယ်...၊သစ်သီးဆိုင်လေးကနေ သစ်သီးတွေဝယ်တယ်...၊ပြီး ဂဏန်းစားချင်တာနဲ့ မြို့အတွင်းဘက်
က စားသောက်ဆိုင်တစ်ဆိုင်မှာ ဂဏန်းနှစ်ကောင်ဝယ်တယ်...။ပြီး သောက်စရာလေးဘာလေး ဝယ်ပြီး
တည်းခိုခန်းပြန်ခဲ့ကြရော...။အဲ့ညက သုံးယောက်သား စားစားသောက်သောက်နဲ့ စကားတွေလည်းဖောင်
ဖွဲ့လို့ပေါ့...၊ကိုယ်တို့စကားဖောင်လေးက ဘလော့ပင်လယ်ပြင်ရဲ့ အပေါင်းအသင်းတွေကြားထဲ လူးလား
ခေါက်တုံ့ ၊ကူးကူးသန်းသန်းနဲ့ပါပဲ.......။

နောက်တစ်နေ့မနက်မှာ အေးအေးဆေးဆေးနေ့မြင့်မှထဖြစ်ကြတယ်....၊ကိုယ်တွေမှာအရေးတကြီးကိစ္စမှ
မရှိတာပဲလေ....၊စဘိုင်...စဘိုင်ပဲပေါ့...နော့...။မနက်စာ ထွက်စားကြတယ်...။ကိုယ်စားတာက နန်းပြား
ဖတ်ကြော်နဲ့ ဝက်သားကြော်....။သိပ်စားလို့ကောင်းတယ်၊အဲ့ဆိုင်လေးလည်းမဆိုးဘူး...၊သန့်သန့်ရှင်းရှင်း၊
သပ်သပ်ရပ်ရပ်လေး....၊ကိုယ်တို့ မနက်စာစားနေတုန်း ဆိုင်ရှေ့မှာရပ်ထားတဲ့ ဆိုင်ကယ်နဲ့မောင်းလာတဲ့
ကားတစ်စီး နဲနဲချိတ်မိတယ်၊လမ်းကလည်းကျဉ်းတာကိုး....၊လူတွေကတော့ ထုံးစံအတိုင်း ထွက်ကြည့်ကြ
သပေါ့....၊ဒါပေမယ့် ဘာမှမဝေဖန်ဘူးရယ်...၊ကားပေါ်ကမိန်းမလှလေးတစ်ယောက်ဆင်းလာတယ်၊ဆိုင်
ကယ်ကို ဘာဖြစ်သွားလဲတစ်ချက်ကြည့်တယ်၊ဘာမှမဖြစ်ဘူး၊အိုကေ...သူ့ကားက ပွန်းပဲ့သွားတာလေး
တစ်ချက်စစ်တယ်...၊ပြီး ကားပေါ်ပြန်တက်ပြီး မောင်းထွက်သွားရော..၊ဆိုင်ကယ်သမားလည်းဘာမှမပြော၊
ကားသမားလည်းဘာမှမပြော၊ဘေးကပွဲကြည့်ပိတ်သတ်လည်းဘာမှမပြော....၊အေးရာအေးကြောင်းပဲ...၊
ပြောပါတယ်.....ဒါကြောင့်.....ထိုင်းတွေက ဘာဖြစ်ဖြစ်စဘိုင်စဘိုင်ပါ.....လို့...၊စလုံးမှာသာဆို ယဉ်တိုက်
မှုဖြစ်တာနဲ့ ဖုံးတဂွမ်ဂွမ်ဆက်ကြမယ်...၊မြန်မာပြည်မှာဆိုရင် စကားတွေအများကြီးပြောကြရမယ်...၊သူမှား
တယ် ငါမှန်တယ်လုပ်ကြမယ်...၊ထိုင်းမှာကတော့ စဘိုင်စဘိုင်ပဲရယ်....။

ကိုယ်စားခဲ့တဲ့ နန်းပြားခေါက်ဆွဲကြော်......ထိုင်းလိုတော့ pat thai လို့ခေါ်တယ်တဲ့.....

နေ့လည်မှာ ပင်လယ်ကမ်းခြေဘက်ထွက်လာခဲ့တယ်....၊ကိုယ်တို့ထိုင်ချင်တဲ့ပုံစံဖြစ်တဲ့ ကမ်းခြေမှာထီး
လေတွေဖွင့်၊ပက်လက်ကုလားထိုင်လေးတွေခင်းထားတဲ့ဆိုင်လေးတစ်ဆိုင်မှာ အေးအေးဆေးဆေးထိုင်ပြီး
ကမ်းခြေကိုငေးမောကြည့်နေမိတယ်....၊ဘီယာလေးလည်း စုပ်ရင်းပေါ့...... :))))။ကမ်းခြေမှာ တိမ်တွေ
ကင်းရှင်းနေတယ်...၊အဲ့ဒါတစ်ခုတော့ ဆိုးတယ်ပြောရမယ်....၊ဘာလို့ဆို ပင်လယ်ပြာပြာပေါ်မှာ တိမ်ဖြူဖြူ
တွေပြေးလွားနေတဲ့ ရှုခင်းမျိုးကို ကိုယ်မျှော်လင့်ထားတာကိုး၊အကောင်းဘက်ကတွေးရင်တော့ ရာသီဥတု
သာယာတဲ့အတွက် ဘင်တန်မှာတုန်းကလို မိုးဖျက်တာမျိုးမရှိတဲ့အတွက် ကမ်းခြေမှာအေးအေးဆေးဆေး
နေခွင့်ရတယ်လို့ တွေးရမှာပဲ....။

ဟွာဟင်းမှာ အနားလာယူကြတဲ့ လူများစုက အနောက်နိုင်ငံတွေက သက်ကြီးပိုင်းတွေဖြစ်တယ်ဆိုတာကို
သတိပြုမိတယ်....၊အလုပ်ကအငြိမ်းစားယူထားကြတဲ့ အဖိုးအဖွားအိုအများစုပဲ...၊ပင်စင်ယူထားပြီးနောက်
ပိုင်း ခုလိုခရီးတွေထွက်နိုင်တာ လူကြီးတွေအတွက်သိပ်ကောင်းတယ်လို့ကိုယ်ထင်တယ်...၊ကိုယ့်အဖေ၊
အမေတွေလည်း ပင်စင်စားတွေပဲ...၊ဒါပေမယ့် သူတို့ ခရီးသိပ်မထွက်ဖြစ်ကြဘူး...၊လူကြီးတွေအပျော်ခရီး
ထွက်တာ မြန်မာတွေရဲ့အလေ့အထမဟုတ်တာလည်းပါမယ်...၊ဘုရားဖူးတောင် သိပ်မထွက်ဖြစ်တာက
တော့ဆိုးတယ်...။ပြီး ငွေရေးကြေးရေးကလည်း စကားပြောသေးသကိုး....။

အဲ့ကလေးက ပင်လယ်ထဲပြေးဆင်းလိုက်....၊လှိုင်းလုံးတွေတက်လာရင် ကမ်းခြေပေါ်ပြေးတက်လိုက်နဲ့၊

ပျော်ရွင်မြူးထူးစွာ ကစားနေလေရဲ့....။ကလေးတွေနဲ့ လူကြီးတွေပျော်နေတာမြင်ရင် ကိုယ်သိပ်သဘော
ကျတယ်...၊သူတို့မှာ အချိန်၊ငွေကြေး၊ရုပ်ခန္ဓာ အစစအရာရာ ကန့်သတ်မှုတွေရှိတယ်....၊ကိုယ်တို့လူလတ်
ပိုင်းတွေကတော့ ကိုယ်လာလျှင်ကိုယ့်ဘဝရဲ့အရှင်သခင်ပဲလေ....၊ဒီတော့ပျော်စရာကို ပုံစံအမျိုးမျိုးနဲ့ရှာ
နိုင်တယ်...၊သူတို့လေးတွေကတော့ ပျော်စရာဆိုတာ ကန့်သတ်မှုတွေကြားက ရှာဖွေရတဲ့အရာတစ်ခုပဲ။

ဒီကလေးလေး လည်း သိပ်ချစ်ဖို့ကောင်းတယ်...၊ကိုယ်ကသူ့ကိုချစ်လို့ ဓာတ်ပုံလှမ်းရိုက်တော့ သူ့မေမေ
က သူ့ကို သားလေး.....ဟိုမှာသားကိုဓာတ်ပုံရိုက်နေတယ်လို့ (အဓိပ္ပာယ်ရလောက်မယ့် ထိုင်းစကားနဲ့)
လှမ်းပြောတော့ ကိုယ့်ဘက်ကိုလှည့်ပြီး ပြုံးပြုံးလေးဓာတ်ပုံအရိုက်ခံပေးတယ်...၊သိပ်ရဲပြီး၊သိပ်ချစ်ဖို့ကောင်း
တဲ့သားသားလေး....၊သူ့ကိုမြင်တော့ ကိုယ်လည်း အဲ့လို သားလေးတစ်ယောက်လောက်လိုချင်စိတ်အရူး
အမူးကိုဖြစ်လာတယ်....(ဟမ်....ဒါဖြင့် မိန်းမကဘယ်မလဲ လို့တော့မမေးနဲ့......စင်ဂဲဖားသားလုပ်မှာ... :))

တွေ့လား...၊သူ့ခွေးလေးကိုဆွဲပြီး ပြုံးပြုံးလေးဓာတ်ပုံအရိုက်ခံနေတာ က ရှက်ကြောက်စိတ်တစ်စက်

လေးမှ မရှိတဲ့ပုံလေး...၊တစ်ချို့ကလေးတွေဆို ဓာတ်ပုံရိုက်ရင် ရှက်ကောင်းရှက်သွားမယ်..၊ရှိုးတိုးရှန်း

တန့်ဖြစ်ကောင်းဖြစ်မယ်...၊သူကလေးကတော့ အေးဆေးပဲ....၊ကိုယ် သူ့ကိုချစ်လွန်းလို့ ဒီပုံလေးကိုခဏ

ခဏဖွင့်ကြည့်မိတယ်....။

ကြက်ဥဒုတ်ထိုးသည်မြင်တော့ ကိုယ်တို့ဝယ်စားကြသေးတယ်...၊ကြက်ဥကို အလုံးလိုက်ကင်ထားတာရယ်၊

အထဲမှာ အကာနဲ့အနှစ်က တစ်သားတည်းဖြစ်သွားတယ်...၊ဘယ်လိုကင်သလဲတော့မသိ....။

 ကိုယ်တို့ကမ်းခြေမှာ နာရီပေါင်းများစွာကြာအောင်ထိုင်နေကြတယ်...၊ပျင်းသလိုလိုရှိလာရင်၊နောက် ရှုး

ပေါက်ချင်ရင် ပင်လယ်ထဲပြေးဆင်းလိုက်ကြတယ်.... :)))၊အိမ်သာက သွားရမှာအဝေးကြီးရယ်... :D။

ဗိုက်ဆာရင် စားစရာတစ်ခုခုဝယ်စားကြတယ်....၊ရေဆာရင် ဘီယာမှာသောက်တယ်....။မိုးချုပ်လို့ ပိုက်ဆံ

ရှင်းတော့ ပါလာတဲ့ငွေနဲ့မလောက်ဘူး...၊အိပ်ချင်လို့ဆိုပြီး နေ့လည်ကတည်းကပြန်သွားတဲ့ မောင်မျိုးကို

လှမ်းခေါ်ရတယ်...၊အဲ့သလို....။မောင်မျိုးအလာကိုစောင့်ရင်း ဆိုင်ရှင်အဒေါ်ကြီးကို အင်တာဗျူးတယ်....။

ကမ်းခြေမှာဆိုင်ဖွင့်ဖို့ တစ်နှစ်ကိုဘတ်၂၀၀၀ကျော်ကျော်ပဲပေးရသတဲ့...၊ဘယ်ကိုပေးရသလဲတော့မသိဘူး၊

တန်ထှာလို့ဆိုတော့ ရာသီချိန်လေးပဲ အလုပ်ဖြစ်တာလို့ဆိုတယ်...၊သူ့ရာသီချိန်မဟုတ်ရင် ဧည့်သည်မရှိ

ဘူးတဲ့....၊အင်း...ဒါလည်းဟုတ်တာပဲလေ...၊

 

အေးချမ်းတိတ်ဆိတ်တဲ့ ဟွာဟင်းရဲ့ နောက်ဆုံးညစာစားပွဲ လို့ပြောရမယ်...၊အဲ့ဆိုင်လေးလည်း

သိပ်ကောင်းတယ်...၊ဈေးထင်သလောက်မကြီးဘူး၊ဆိုင်အခင်းအကျင်းကောင်းတယ်...၊ဆက်ဆံရေး

အင်မတန်ပြေပြစ်တယ်...၊အရေးအကြီးဆုံးဖြစ်တဲ့ အစားအသောက်တွေရဲ့အရသာသိပ်ကောင်းတယ်။

ဆိုင်နာမည်က ဆာဝါဒီ(Sawasdee)တဲ့....။

နောက်တစ်နေ့မနက်မှာ ကိုယ်တို့ ကမ်းခြေကို နှုတ်ဆက်လို့ပြန်ခဲ့ကြတယ်...၊ဘန်ကောက်ကိုပြန်ရောက်

တော့ တက်ဆီနဲ့ ဒွန်မောင်းလေဆိပ်ကို တန်းဆင်းရတယ်...၊လေဆိပ်ကဆိုင်မှာနေ့လည်စာဝင်စားကြ

တယ်...၊စားခဲ့သမျှထဲမှာ အညံ့ဆုံးနဲ့ဈေးအကြီးဆုံးပဲ...၊tax လည်းပေးလိုက်ရသေး....။

ထိုင်းနိုင်ငံကိုဘယ်လိုမြင်သလဲလို့ သူငယ်ချင်းကမေးတော့ ကိုယ်မဖြေနိုင်ခဲ့ဘူး....။ကိုယ်မြင်တဲ့၊တွေ့တဲ့

အမြင်က၊ကိုယ်နဲ့ ထိုင်း ထိတွေ့ခဲ့တဲ့အတွေ့အကြုံက နည်းပါးလှပါတယ်...။ကိုယ်တို့အများစုကြီးဟာ

ထိုင်းဆိုရင် ဟိုနိုင်ငံ လို့ သိထားကြတယ်...၊ထိုင်းမှာ အဲ့ဒါတွေ ပေါတာအမှန်ပဲ...၊ဒါပေမယ့် သမ္ဗန်ပေါ်မှာ

စပယ်ရာလုပ်နေတဲ့မိန်းမပျိုလေးတွေ၊လမ်းဘေးမှာဈေးရောင်းနေတဲ့ကလေးမလေးတွေ၊ကမ်းခြေမှာ မိဘ

တွေရဲ့ဆိုင်လေးမှာကူရောင်းပေးနေတဲ့ အပျိုမလေးတွေကိုလည်း ကိုယ်တို့မြင်တွေ့ရနိုင်တယ်...။

မြန်မာဆိုရင် ရာဇဝင်ကြွေးတင်ထားတဲ့ မဟာရန်သူကြီးရယ်လို့ မြင်တဲ့ထိုင်းတွေရှိနိုင်သလို၊မြန်မာတွေကို

တရင်းတနှီးပေါင်းသင်းဆက်ဆံတဲ့ ထိုင်းတွေရှိတာ ကိုယ်တို့ကြုံရမယ်...။မဲဆောက်လို မြန်မာဆိုရင် မတူ

မတန်သလိုဆက်ဆံတတ်တဲ့နေရာတွေရှိသလို၊ဟွာဟင်းလိုမျိုး မြန်မာပဲဖြစ်ဖြစ်၊ဘယ်သူပဲဖြစ်ဖြစ် အားလုံး

ကို ဖော်ဖော်ရွေရွေဆက်ဆံလေ့ရှိတဲ့ ဒေသတွေရှိတယ်...၊ခေတ်မှီဖွံဖြိုးတဲ့ အခြေခံအဆောက်အဦးတွေ

ရှိပြီး၊အနောက်ဘက်ယိမ်းတဲ့စိတ်ဓာတ်တွေရှိသလို၊လူမြင်ရင် လက်အုပ်လေးချီ၊ဆဝါဒီခပ်လုပ်တဲ့၊ဘာသာ

တရားအပေါ်ရိုသေကိုင်းရှိုင်းတဲ့ အရှေ့တိုင်းစိတ်ဓာတ်လေးတွေအမူအရာလေးတွေ ကျန်ရှိနေသေးတာ

တွေ့ရမယ်...။နိုင်ငံပဲဖြစ်ဖြစ်၊လူမျိုးပဲဖြစ်ဖြစ်၊လူတစ်ဦးချင်းစီမှာပဲဖြစ်ဖြစ် ကိုယ်တို့ ကောင်းကွက်လေးတွေ

ရှာဖွေတွေ့ရှိနိုင်သလို၊အဆိုးတွေကိုလည်း မရှာဖွေရပါပဲနှင့် ကြုံတွေ့နိုင်တယ်မဟုတ်ပါလား.....။

ဤတွင် ဘန်ကောက်ခရီးစဉ်ပြီး၏။

ဤပို့စ်လေးမှတစ်ဆင့် သယ်ရင်းများဖြစ်သော ကလတ်နှင့်မယ်မျိုးအား ကျေးဇူးတင်ရပါကြောင်း.......